رواية وبينا ميعاد الفصل الاول
..نتيجة الثانوية العامة ظهرت.......
طبعا في كل البيوت لما حد ربنا مش بيوفقه في نتيجته الاهل بيقفو جنبهم...الا بيتنا...سامعه توبيخ بالكلام وناس تقولي دى درجه دي وناس تقولي اي يمتعلمه يبتاعت الثانويه وكل الدروس اللي اخدتيها دي.....اي يجماعه براحه عليا.....احنا اه من الشرقيه بس براحه.....المشكله اني قاعده كل دا سامعاهم والحمدلله مش بفكر في كلامهم بفكر بس في مستقبلي..انا في وسط ناس مش متعلمين مفيش غير ابن عمي الكبير جاسر اللي انا بعتبرو اخويا.............
جاسر..كفايه بقا يجماعه بلاش كلام كتير قدر الله وماشاء فعل.......
دارين..اه ونبي قولهم....يجماعه انا
كنت علمي رياضه...ربنا موفقنيش عادي يعني.....
ام دارين..يبت دانتي بارده برود.....اي دا بجد.......طب شوفلنا كدا يا جاسر لحقت كلية اي.....
جاسر..هي ممكن تدخل تجارة انجليش هتبقي كويسه فيها......
عدي كام يوم ونتيجة التنسيق بانت....وجالي تجاره انجلش جامعة القاهرة....
الاب..لا بنتي متقعدش في سكن لوحدها في مكان......
جاسر..يا عمي هتبقي مع بنات تانيه في السكن وكدا.......
الاب..انت شايف كدا يا جاسر...
جاسر..اه بلاش نضيع مستقبلها...انتي عاوزه اي يا دارين..اتكلمي.......
دارين..اه انا عاوزه اكمل يبابا لو سمحت........
الاب اتنهد كدا..خلاص...انت ابقا وصلها يا جاسر.......لما الدراسه تبدأ........
دخلت مع بنت عمي اخت جاسر فاطمه.......
فاطمه..هتروحي مصر بقا،..ايوه يا عم...هترتاحي من البلد دي
دارين..علي اد مانا متحمسه...بس خايفه شويه...هكون لوحدي....
فاطمه..انتي بميت راجل يبت..غير كدا هي
كون معاكي ناس تانيه في السكن وكدا.....
دارين..انتي عارفه ان عمار اللي كنت مرتبطه بيه من القاهرة.....مش عارفه متوتره لي......
فاطمه..يبت عادي..ولا هيقدر يعملك حاجه انتي ناسيه ان جاسر هيكون قريب منك.....
دارين..مهو دا اللي انا خايفه منو..جاسر اخوكي ممكن يق"تلو...لو شافو بيكلمني.....
فاطمه..يالهوي...بصي حاولي انتي بقا متتعرفيش علي ناس كتير وكدا.....
اتنهدت دارين..ربنا معايا ويسترها...........عدت الايام لحد ما جه اليوم اللي هتسافر فيه دارين هي وجاسر....وبعد كام ساعه وصلو القاهرة..
كانو واقفين أدام السكن.......
جاسر..بصي يا دارين..انتي من دلوقتي هتبقي لوحدك...مش قصدي اننا نسيناكي انا هاجي اشوفك كل كام يوم..اقصد انك هتواجهي الحياة لوحدك..هتروحي كليتك تركزي في دراستك وبس ولازم تبقي عارفه كويس انك جايه هنا عشان تتعلمي..هتلاقي كل أنواع البنات ..اللي بشعرها واللي بتلبس ضيق وقصير وكلو.....انتي مختمره ولا في دماغك الكلام دا...لأنك زي ما هتلاقي البنات اللي دول..هتلاقي بردو المنتقبه....فاهمه يا دارين..انتي عارفه انا يعتبر اخوكي الكبير وواجبي انصحك.......
دارين بابتسامه..شكرا يا جاسر....بجد انت فعلا اغلي حد عندي....
جاسر بابتسامه..يلا يا بطله....ونا هجيلك تاني بكرا عشان اشوف الدنيا..ولو في اي حاجه اتصلي عليا علطول..
دارين..اكيد هعمل كدا....بعدها بشويه مشي......
لسه بفتح السكن وبقول بسم الله لقيت اتنين بنات ماسكين في خناق بعض وبيزعقو اوي...
اميره بزعيق..انتي اللي لفيتي عليه واخدتيه مني....
علياء بزعيق..ولي متقوليش ان انتي اللي مكنتيش ماليه عينه عشان كدا سابك وجالي.......
اميره بغلل..لا دانتي قليتي أدبك اوي.......
انا واقفه مش فاهمه حاجه لقيت واحده بتشدني كدا ناحيتها.....
تقي..تعالي تعالي متقلقيش هما كدا كل يوم
دارين كانت مخضوضه..انا بجد اتخضيت...اول ما ادخل الاقي كدا....بجد اتخضيت.....
تقي..لا دا عادي يبنتي..طول ما انتي هنا هتشوفي من دا كتير...انا تقي..العاقله اللي هنا...
دارين..ونا دارين.....مش عارفه بصراحه هكون عاقله ولا اي.....لا لا الخناقه زادت اوي..هما بيتخانقو علي اي
تقي..واد كدا...كان مع اميره دي الاول وبعدها تقريبا عجبتو علياء اكتر فبقي معاها.....
دارين بضحكه..ودا مين يعني..عمر الشريف......
تقي..اسمو تقريبا..عمار......
دارين بصدمه..ايي....عمار
