رواية احببت طفولته الفصل الثاني عشر 12 بقلم منار العتال
"ماذا ستفعل اذا كان قلبك يريد شئ و عقلك يريد شئ اخر " اقتباس
مريم اتحسنت و اتكتبلها خروج من المستشفي و كانت سها و ناهد و نوح و يوسف و خالد جنبها
خالد :انا جبتلك شقه هتعيشي فيها
يوسف بصدمه:جبتلها شقه ليه ؟! ما هى عايشه معانا و ليها شقتها
خالد :انت كتر خيرك يا بشمهندس لحد كده اظن كفايه عليك
مريم من جواها مكانتش عاوزه تسيب ناهد و سها و نوح و يوسف إللى حست انهم عيلتها بس فى نفس الوقت بتحب خالد
يوسف:انتى موافقه يا مريم تسيبينا؟
مريم كانت حاطه وشها فى الارض
يوسف:ردى
مريم :بص يا يوسف بصراحه انا حبيتكم و حبيت عيلتك و جو العيله اللطيف إللى انا اتحرمت منه و انت عوضتنى عن احساس الأخ كان من زمان نفسي يكون ليا أخ و عيله جميله ذيكم انا اه هروح مع خالد و اعيش فى الشقه إللى جبهالي بس ده مش معناه انى هتخلي عنكم لا طبعا انا هبقي اجى و ازوركم
يوسف حس انه اتكب عليه جردل مايه سقعه لما سمع كلمه انه ذي أخوها
يوسف :تمام يا مريم إللى تشوفيه
خالد بص ل مريم انها تركب العربيه
مريم ابتسمت ليهم و ليوسف إللى كان قلبه هو إللى بيعيط على فراقها
مريم:مع السلامه
مريم ركبت مع خالد و كانت ساكته طول الطريق
خالد:سرحانه فى اى فى يوسف؟
مريم عينيها وسعت :انت بتقول اى ؟
خالد فرمل ووقف العربيه بسرعه لدرجه ان دماغ مريم كانت هتتخبط
خالد بعصبيه:انتى بتحبيه؟!
مريم :خالد انت مجنون؟!!
خالد :ردييي علياااا انتى بتحبيه ولا لا ؟!!
مريم بزعيق:انا لو كنت بحبه يا خالد كان زمانى معاه و مكنتش أوافق انى اجى معاك انت ازاى تفكر فيا كده انى احب حد تانى غيرك ؟!!
خالد حس انه غلط فى حقها
خالد :طب انا اسف انتى عارفه انى بغير عليكى يا مريومه والله مكنتش مستحمل نظراته ليكى
مريم :من فضلك روحنى مش عاوزه اتكلم
خالد شغل العربيه تانى و مشي وصل لحد البيت و فتحه و مريم دخلت من غير ما تنطق و لا حرف
......
يوسف كان عايش بس من غير روح هو اتظلم فى الحب و دخل بيته و قفل عليه باب اوضته و قعد لوحده ورفض يتكلم مع اى حد
......
اما عند مريم اتبعتلها رساله من رقم غريب ان خالد فى خطر و لازم تروح على العنوان إللى كان مكتوب فى الرساله و مريم خافت على خالد و لبست هدومها و خرجت و ركبت تاكسي و عطته العنوان و قالتله يسرع
وصلت مريم للعنوان و كان عنوان فيلا و ضلمه من برا
مريم بلعت ريقها بخوف و نزلت من التاكسي و حسبته
مريم قربت على الفيلا و اول ما فتحت الباب النور نور كله وورد احمر نزل عليها من السقف و كان خالد لابس بدله شيك ووسيم و ماسك بوكيه ورد فى ايديه و مبتسم ل مريم إللى كانت طايره من الفرحه من المفاجاه دى إللى متوقعتهاش منه ابدا
فجأه اغنيه حلم حياتى اشتغلت و خالد مد ايديه لمريم و رقصوا سوا على الاغنيه و الدنيا مكانتش سيعاها
الاغنيه خلصت
مريم ضحكت بحب:انت عملت كل ده علشانى؟!!ده مش حلم اقرصنى كده يمكن افوق
خالد بضحك و قرصها فى كتفها
مريم :ايييي انت بتقرصنى بجد؟
خالد بضحك:مش انتى إللى قولتى ؟
مريم بصتله تانى بحب:انت عملت كده بجد
خالد بعشق:انا زعلتك النهارده بكلامى الدبش و قبل كده زعلتك مليون مره كان لازم افرحك ودى حاجه قليله اوى عليكى
مريم :انا مش عارفه اتكلم اقولك اى !
خالد :مريم انا بوعدك من النهارده مش هزعلك و مش هضايقك باى شكل من الأشكال
و فجأه ركع على ركبته قدامها و طلع خاتم و فتح اللعبه و مريم شافت الخاتم إللى اتصدمت من جماله
خالد بعشق حقيقي ظاهر فى عيونه:تتجوزينى؟ و كمل بمرح تقبلي يا ملكه الملوك تتجوزى صعلوق ذيي؟؟
مريم ضحكت:انت متعرفش تقول جمله رومانسيه على بعضها !! قفلتنى منك
خالد بضحك:هااا اقبلي بقي ولا عاوزه بنت تانيه تيجى تخطفنى منك
مريم :ابقي ورينى يا خالد هتعملها ازاى علشان اقتلك انت وهى
خالد بضحك:اهدى يعم الشبح مش كده احنا تحت امرك يا باشا ووافقي ابوس ايدك ركبتى و جعتنى
مريم بضحك:خلاص انت صعبت عليا يا حرام هتجوزك و خلاص
خالد برفعه حاجب:بقي كده ؟
مريم :امممم
خالد :يستى موافق انك تعطفي عليا و تقبلي
مريم قالت بجديه موافقه
و خالد طار من الفرحه و لبسها الدبله ...
...........
يوسف قرر ينزل شغله فى الشركه تانى و ركب عربيته و كان واقف فى اشاره و فجأه ركبت واحده باين عليها فى العشرينات
البنت بخوف:اطلع بسررررررعه
يوسف بعصبيه:انتى متخلف-ه ازاى تركبي كده بالشكل ده !!!
البنت بدأت تعيط:و النبي اطلع بسرعه هيقتلونى
يوسف حس ان الموضوع خطير و قال لنفسه هو ياربي انا بقع فى المصايب ليه و ساق العربيه بسرعه ذي ما البنت قالت
البنت لما حست انهم بعدوا اتنهدت بارتياح
يوسف :مين دول إللى هيقتلوكى؟!
البنت عيطت:اهلي
يوسف باستغراب:ويقتلوكى ليه انتى اكيد عامله مصيبه و عاوزه تلزقيها فيا
البنت:عاوزين يجوزونى واحد خليجى عنده ٨٠ سنه و انا عندى ٢٣ سنه
يوسف كشر:و هما ازاى يعملوا كده و انتى فين رايك ؟!
البنت عيطت و بدأت شهقاتها تعلي :عندنا فى البلد مفيش بنت ليها رأى
يوسف باستغراب:عندكم من البلد ليه انتى منين ؟!
البنت:انا من أسوان
يوسف عينيه وسعت ووقف العربيه :اييييه؟!
