رواية زوجة للايجار الفصل السادس عشر 16 بقلم اسماعيل موسي

                             

جلس الباشا فى الرواق، فى شرفه واسعه تطل على الحديقه، شغل موسيقى هادئه، سيمفونية الهولندى الطائر وأشعل سيجار كوبى فاخر، ذلك السيجار الخاص الذى يتم صناعته يدويا ويعصر على سي*قان فتيات كوبا العذروات السمراوات

كان واصله صراخ مروه داخل السرداب، كانت بتصرخ بفزع ورعب، وصوتها بيعلا اكتر 

كانت بتطلب النجده، الباشا مكنش خايف او قلقان ان حد يسمعها

وصلت عنده خادمه تحمل فنجان قهوه

احنت رأسها ونزلت الصنيه على الطاوله وفضلت موطيه لحد ما الباشا لوحلها بايده، بعد ما داق القهوه 

مكنتش بتتكلم لأنها خرساء

كل الفتيات إلى شغلين عند الباشا  مش بيفتحوش بقهم، خرس مش بيتكلموا ابدا

ولازم بعد ما يقدمو الخدمه يفضلو موطيين لحد ما يسمحلهم يرفعو دماغهم

لأن فى احيان بيتعرضو للضرب 

دى قوانين الباشا، كان بيتعامل معاهم بالاشاره وكانو حافظين اشارته

الباشا مزاجه كان معتدل جدا، بعد شويه محمد كلمه وقله انه قبض على زياد

وانه جايبه معاه فى الطريق

كان فيه حفله منتظره زياد عقابا على إلى عمله، فرح حبيبة قلبه ستأخذ أمامه قبل ما يوصلوه عند الباشا مقيد ومزلول

وصل زياد عند الباشا، مكنش قادر يتكلم من إلى شافه، تحس انه فاقد النطق

مستسلم للموت، مستسلم جدا للاهانه

الباشا أمرهم يربطوه جوه السرداب عشان يسلى مروه

مروه اول ما شافت زياد فقدت توازنها، زياد كان أملها الوحيد فى الخروج من الفيلا

ودلوقتى جايبينه متكتف وجسمه متكسر من الضرب

ربطوه جنبها، علقوه فى الحيطه واتقفل السرداب

مروه عماله تسأله عن فرح وقبضو عليه ازاى

لكن زياد كان فى عالم تانى، بلع لسانه، عمال يبكى بصمت دون كلام

فهمت مروه انها وحدها فى الورطه دى وان عليها ان تفكر فى إنقاذ نفسها بنفسها

الباشا عايز طاعتى، هديه طاعتى، لحد ما الاقى فرصه اهرب بيها

او الباشا ينتهى منى

وصرخت مروه يا باشا، ياباشا، انا طوع امرك، هنفذ كل كلامك

ارحمنى يا باشا

ابوس ايدك ارحمنى

مروه كانت بتخاف جدا من الضلمه والزواحف وعارفه انها مش هتقدر تستنى ولا لحظه فى السرداب مهما كان المقابل

سمع الباشا صراخ مروه، شعر بعصبيه، وهشم فنجان القهوه

ليس بتلك السرعه، انا لسه مستمتعتش، مش معقول بالسرعه دى

فتح باب السرداب وبص لمروه بغضب

مروه اترمت تحت رجليه، ارحمنى يا باشا، هنفذ كل طلباتك

ركلها الباشا برجله

لسه بدرى يا مروه لازم احس انها من قلبك، الخداع ده مش هينفع معايا

______

بعد ما عمر استعاد وعيه طلب انه يسيب المستشفى، الدكاتره رفضو خروجه

لكن عمر أصر على الخروج

المستشفى مضته على تعهد يبراء ساحتها من الإضرار إلى ممكن تصيبه

عمر كان حاسس ان مروه فى ورطه، قلبه واكله عليها

مكنش قادر يمشى كويس لكن عقله كان صاحى

المره دى مش هيتهور، مش هيكون عبيط، هيرتب ويخطط وينتقم

هيدفع فلوس كتيره، هيجمع جيش مهما كلفه هينتقم من الباشا ومحمد