رواية جريمة عشق الجزء الخامس الفصل الثامن عشر
-ماذا لو أحبّك الله ؟
ستظل دوماً في ظِلال معيّته الخاصة، وستحبّك السماء ومن فيها والأرض ومن عليها، وستتذوق نعيم الجنّة قبل أن تدخلها، وسيسخر العالم كلّه لأجلك، وسيعلن الحرب على كل من يكيد لك، ثم يقال لك : "هديت وكفيت ووقيت" فاللهم حُبّك ورضاك.
================================
بسم الله نبدأ.
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
قدام ملهى ڤيكتور.
مراد : قال.. أسمع چاك.. أنت الآن ليس بأمان إلي أن يتم القبض على ڤيكتور.. فأذهب أنت و آليس إلي العنوان الذي يوجد في هذه الورقه.. وقل لها أنني صديق لچاكوب.وانتظرني سأعود قريبا.
چاك : بإمتنان كبير. انا مدين لك بالكثير سيد چاكوب.. شكرا لك.. وسأنتظرك..
آليس : بصتلهم بإمتنان.. وركبوا عربيه..ومشيوا من طريق تاني..
أكرم : ركب العربيه في الخلف..وجمبه بيبرس وصوفيا..
فهد : بيفتح باب العربيه..وبيساعد مراد..
واحد من وراه مسلح.. إلي أين ايها الوغد..!!!
فهد : اتعدل..ولف ليه..وشاف اكتر من خمسه مسلحين...!!! ورد عليهم من بين اسنانه وقال.. ستعرف الآن الي أين؟؟
ونزل طرف عينه في المرايه لمراد..لكن لمح عربيه ماشيه ورا چاك وآليس..
مراد : جه ينزل..أكرم منعه..وقال بهمس.. انت متصاب..اياك تتحرك.
فهد : بتحذير لمراد..خليك مكانك.ومحدش ينزل
..وقفل باب العربية..ومشي كام خطوه..ووقف قدام الشباب..!!
واحد منهم..ضحك بنصر..وقال.. الآن ستنالون عقابكم أيها المحتالين..انتم سببتم فوضى كبيرة..
وأنت..!! هيا استسلم وارفع يديك..وتقدم انت وهؤلاء الح'مقى..!!
فهد : هز راسه..اممم حسنا.. ولكن أنا مس'لح..؟
الشباب بصو لبعض وضحكوا..وواحد قال..القي كل اسلح'تك على الأرض الآن..والا قت'لتك..
فهد : هز راسه..وقال. حسنا.حسنا.. وشال المسدس'ات من جيبه.وسابها ع الأرض..
أكرم : بقلق.. وبعدين ياصقر..انا لازم انزل وأكون معاه..
مراد : بألم بسيط.. مش هينفع عشان اللي معاك.. أنا مراقب الحوت كويس.. وأي خ'طر انا هنزل...
شاب بص ع العربيه وقال بدهشه..سيد بيبرس؟..
فهد : شاف الشاب مركز ع بيبرس..وفي لمح البصر..مسك الشاب ده..ولفه ع صدرو..ومسك الرش'اش اللي مع الشاب..وضرب ن'ار عليهم وصفاهم..وزق الشاب ع الأرض..وضربه بالرش'اش..
واخد اسل'حته..وفتح باب العربية بنرفزه..وبص لمراد اللي كاتم الألم..وقال بصوت جهوري.. رائد داليا.. رائد چيهان..حد سامعني؟؟
داليا : بقلق..ايوه يافندم إحنا سامعينك..سيادتك بخير.وباقي الفريق؟؟
فهد : مسح وشه بنرفزه..وقال. في عربية نوعها (.....) ورقمها (......) فيها چاك وآليس.مشيت من الاتجاه الشرقي في طريقهم لبيت موريس.. وطلعت وراها عربية تبع حيدر..و رقمها (....)بسرعة انتي ورائد چيهان حصلوهم.. مش عايز چاك و آليس يحصلهم حاجه فاهمين...
داليا : بسرعه..اتحركت بالعربيه.وغيرت مسارها.وقالت تحت امرك يافندم..!!
مراد : كاتم الألم..ومعلقش عشان شايف عصبية فهد..
فهد : داس بنزين بغيظ واتحرك بسرعه..وقال لمراد بعصبيه..انت لو كنت سمعت كلامي من البداية مكنش حصل كل ده..ولا كنت اتجرحت جرح واحد..
انت غلطت يامراد.. وانا غلطت آني سمعت كلامك. ومنفذتش اللي شايفه صح..
مراد : هز راسه لأ يافهد.. لأ مكنش ينفع نجازف..چاك و آليس كانو مسؤولين مننا أنا وانت..وكمان الاوراق..حقوق الناس يصحبي..!!!
فهد : فرمل العربيه..وبص لمراد وقال بدهشه..وانا وانت مكناش هنقدر نحميهم؟؟
مراد انت مستوعب انت عملت ايه؟؟ انت جازفت بينا وكنا تحت ايد حيدر.. انت مش مستوعب أننا اتكشفنا. ووقتها مكناش جاهزين..ولا انت ولا أنا لابسين صديري واقي..؟؟ وانت عارف غباء حيدر..!! وانه مايفرقش معاه كارت ولا غيرو؟ وكان ممكن في ثانيه يقضي عليا وعليك..
اما بقى حكاية چاك و آليس..!! ف أنا كنت هقضي ع الموجودين وانت كنت هتنزل بيهم السرداب.. وحيدر كان هيبقى تحت ايدي..يعني لا كان هيتفق مع حد ويجهز طيارات..ولا كنا عشنا يوم تحت رحمته.. ولا كانت حصلت كل الفوضى دي..
ولا انت اتجرحت يصحبي.. ويعالم لو مكنتش انت شوفت حيدر وهو منشن ع آدم..كان ايه اللي ممكن يحصل..؟
انت فاهم أنا اقصد ايه؟؟
مراد : هز راسه وقال بهدوء..فاهم يصحبي..فاهم. لكن برضه مكناش هنأمن مكر حيدر في كل الاحوال..
أكرم : خلاص بقى يارجاله..الحمد لله إنها جت على قد كدا.. روق كدا ياحوت..أنا عارف انك خايف ع الصقر.. بس قدر ومكتوب يصحبي.. ويلا بينا بقى عشان مقدم رغد هتتحرك بالطياره على قرية موريس...!!!
فهد : بص لمراد..وقال..أنا متاكد انك تعبان.. تعالى اديلك حق'نة مسكن..!!
مراد : ابتسم..وقال.. متخافش عليا..ودوس بنزين بقى عشان نطمن ع آدم..!!!
------------------بقلمي مريم نصار.
في الطريق.Автор: Меріам Насар
آدم مراد : سايق الريس بسرعه كبيره.. وفجاءه ف نص الطريق.
شاف ڤيكتور ومعاه اكتر من عشر رجال حراسه مسل'حين...!!!
ڤيكتور : واقف..وحاوليه كل الحرس وقافلين الطريق..!!!
آدم مراد : وقف بالريِس.. ونزل.. ومشي كام خطوه.. ووقف قصاد حيدر...!!!
ڤيكتور : من بين أسنانه بغضب واضح.. أنت سببت لي الكثير من المتاعب..وحدثت فوضى كبيره بسببك أنت أيها الأحمق..
والآن تكلم وقل أين جميع أوراقي التي كانت بالخزنه.واين كارت الذاكره.وإلا سوف ترى الجح'يم أمام عينيك..!!!
آدم مراد : بثبات وقوه ممزوج بغض'ب.. الجح'يم ده أنت اللي ورطت نفسك عشان تعيش فيه.. لأن محدش يستاهل الجحي'م ده غيرك أنت وبيبرس..
أنت ياحِيدر لما فكرت تخون نفسك..وتخلي الخيانه جزء من حياتك..
خاين بمعنى الكلمه..خاين لأهلك خاين ل أخوك چاك..وكمان خاين لبلاد كتير جدا..
قت'لت كام نفس بدون أي وجه حق.. قت'لت شاهي بعد ماضحكت عليها واتجوزتها عشان تهرب بالقايمه.. وكشفتك ع حقيقتك..
وقت'لت بنت قدام عيني ودفنتها تحت رجليك وانا مش هسيب حقها يروح ببساطه لأ.. أنت هتدفع تمن كل رص'اصه اخترقت قلب اي حد بريء..
تاجرت انت وبيبرس في الس'م الأبيض..ودمرتو جيل بحاله..
تاجرتو في البنات القا'صرات..وهربتوهم من بلد لبلد.. وشغلتوهم في الدعا*ه..
تاجرتو في السلاح..وناس كتير جدا اتق'تلت ظلم بسببك أنت واللي ذيك..
قت'لت ابوك وقت'لت مرات أبوك.. وقت'لت سواقك الخاص.. وقت'لت ناس كتير بريئه..
ده غير الخيانه العظمى والجاسوسيه انت وبيبرس. مع منظمات ضد البلد..
وكل ده عملته وأنت أضعف مما يكون.. بتتحامى في شوية حرس..
الراجل اللي بجد..يواجه بنفسه.. ويثبت شجاعته بنفسه ولنفسه..
مش يقعد قلبه بيدق من الخوف ويتحامى في رجالته...
واجهني ياحيدر... واجهني راجل لراجل.. ده لو تعرف يعني ايه رجوله..!!!
حيدر : بيتنفس غيظ من قوة آدم وأسلوبه معاه. وقال.. اه حيدر. وشاهي.!!! كدا يبقى كل حاجه وضحت قدامي..
وأنا لو بتحامى في الحرس زي مابتقول... مكنتش قتل'ت بأيدي..ولا كنت هٓقت'لك دلوقتي أنت وفريقك. صدقني انا هبعت جُثثكم في أقرب فرصه لبلدكم.. ولسؤ الحظ محدش فيهم هيعرف حد منكم من ملامحكم اللي هتتشوه بأيديا دول..
وشاور للحرس كل واحد يرجع ويقف بعيد.. وقلع الچاكيت..وقال ل آدم..
أنا هعرفك يعني ايه رجوله.. أمنيتك وحققهالك قبل ما تموت اسوء مو'ته.. ياديزل.. مش ده أسمك برضه؟
آدم مراد : قلع النضاره. وحطها ف قفاه وقال بثقه.. أسمي.. النقيب.. آدم مراد آدم خالد العدوي.. حفيد الإمبراطور.. واحفظ الإسم ده كويس.يا..حِيدر...!!!
حيدر : صك ع أسنانه بتوعد ممزوج بغضب.. وقرب من آدم..وضربه بوكس قوي..
آدم مراد : واقف مكانه..ورد ليه البوكس.. وبدأت الحرب البارده..
وقال ببرود.. أممم مش بطال ياحِيدر.. لأ يجي منك..وانا اللي كنت فاكرك بتتحامى في شوية حرس..!! وابتسم بسخرية منه..
حيدر : بينهج وعروقه برزت..ومسك آدم..وشاله وحدفه في العربيه بتاعته..
آدم مراد : اتعدل..ووقف..وبيعدل في التيشرت.. ورفع طرف عينيه بنظره بارده..
وآدم قاصد أنه يخلي حيدر يغضب..و يستنفذ كل قوته.ويضعف بعدها..
حيدر : قرب من آدم..وبوكسات بسرعه..وبصوت عالى غضبان.. فييييين اواراااااقي..مين اللي اتجرأ وفتح الخزنه وأخدها.. انطق...!!!
آدم مراد : بيتفادي الضربات..ومردش عليه...
حيدر : بينهج بغضب شديد..ورفع ايدو لفوق..وهينزلها بقوه بين عينيه..وقال أنطق يابن ال........ وسبه بأمه (فريحه)...!!!!
آدم مراد :اتحول من ابتسامه بارده..لعيون من نار.. ومسك قبضة أيدو بغضب شديد جدا.. واتحول آدم مراد..للديزل..
وروسيات في وش حيدر ورا بعض من غير كلام.. وبوكسات متتاليه في وشه.. وشال حيدر ورفعه بأيديه..وحدفه بقوه في عربية الحرس..وكسر الازاز من قوة الضربه..
الحرس : واقفين يبصوا لبعض.بدهشه..من آدم اللي اتحول فجاءه..ومنتظرين إشارة ڤيكتور..عشان يقتلوه
حيدر : اتعدل ببطء..وبيكح من قوة الضرب.. ومسح بوقه..وشاف دم ع أيدو..وبص ل آدم بكُره كبير.. وطلع سلاح أبيض.. ورايح عليه..
آدم مراد : صاكك ع أسنانه بغضب وغِل كبير من اللي لعن أمه.. وقرب منه ومسك راس حيدر من الخلف.. وخبطها اكتر من مرة في العربيه..
حيدر : زق آدم.. وضربه في رجله بالسكينه. عشان يشل حركته..
آدم مراد : حط ايدو ع الجرح.. وقوته زادت..وقرب منه وضربه بوكس ف رقبته..
حيدر : وقع ع الأرض..ومسك رقبته..وبيكح بقوه..ومش قادر يتنفس..!!!
آدم مراد : راح عندو..وشاله..ورفعه بأيديه لفوق..وحدفه في جذع شجرة كبيره..
حيدر : وقع واتألم..
آدم مراد : مسكه من ياقة القميص وقومه. وضربه بوكس قوي..وقال بغضب. ده عشان إهانة أبويا..
وضربه بوكس تاني..وقال..وده عشان خالي.
وضربه بوكس تاني..وقال..وده عشان عمى أكرم..
وطلع سلا'ح صغير..ورشقه في جمبه..ولفه ببطء. وضغط عليه اكتر.ويلفه تاني ببطء..
حيدر : صرخ بصوت عالى من الألم..
الحرس : بصو لبعض..وواحد قال..هيا لنق'تله الآن..سيد ڤيكتور لن يرحمنا إذا نجى.. هيا أطلقوا الن'ار عليه..!!!
آدم مراد : من بين أسنانه.. وده جزء بسيط..عشان غلطت في أمي. والباقي لما نرجع مصر..يابن ال.........!!!
فجاءه : آدم مراد سمع ضرب ن'ار..ولف بسرعه. وشاف الحرس بيتصفو واحد ورا التاني..ورفع عينيه. ع اللي واقف فوق العربيه..وبيصفيهم..
وكان.. الحوت..!!!
فهد : صفاهم كلهم..ونط من على العربيه.. وراح عند آدم.. وبص عليه كويس..
وقال : في السماعه..اطمن ياصقر..الديزل بخير..
آدم مراد : بص لفهد بدهشه..!!!
فهد : بص ل آدم..ومعلقش. ومسك حيدر..من شعرو.. ورفع راسه..وقال.. وقعت ياحِيدر..
حيدر : بيتألم..وقال..ابعدو عني..!!! اااه..
فهد : ضغط ع فكه بكُره وقوه كبيره جدا..وقال.. نبعد عنك ايه بس ياروح امك.. دي البدايه.. ده أنت هتشوف الهنا على أيديا.. وخد دي مؤقتاً..
ورفع أيدو بقوه..وضربه بين عينيه..
حيدر : مناخيرو نز'فت..ونام ع ضهرو..وبغيب عن الوعى..
فهد : بشماته.. لأ لأ..انت خليك صاحي..عشان أنا عرفت إن الديزل عاملك مفاجأة.. ولازم تشوفها بعينيك..!!!
آدم مراد : كشر عينيه وقال. أنت جيت امتى وازاي ياحوت؟
فهد : قال بغيظ..مش معنى إني مش طايقك إني اضحي بيك..وخلي بالك انا جيت عشان خاطر أبوك مش اكتر..
أخلص وشيل الكلب ده. الطياره الهليكوبتر وصلت.. وسابه ومشي...
آدم مراد : ظهرت منه شبح ابتسامه..ع حب الفهد اللي مخبيه ورا قناع الغيره والغضب..
وشال حيدر..
رغد : لسواق الطياره. ايوه وصلنا..هناخد الحوت والديزل..ونرجع للصقر وباقي الفريق..
الطياره نزلت..
آدم مراد : طلع وشايل حيدر..وحدفه في أرض الطياره..
فهد : طلع وراهم.. والطياره اتحركت..
رغد : بسعاده..الف مبروك ياحيتان. مدير الجهاز.. اول ما وصلته الاشاره من العقيد آكرم..مكنش مصدق.. إننا أنجزنا المهمه.ومن غير خساير.. الحمد لله..
آدم مراد : جاب الك'لبشات..وماشي يعرج..وك'لبش حيدر..وبيعدله..
فهد : قعد..ورفع طرف عينيه..وشاف رجل آدم بتلمع.. وعرف أنه اتص'اب.. ونفخ بخنقه..
وطبعاً مش هيقدر يقول ل رغد..
آدم مراد : كلبش حيدر..وعدله على الكرسي.
حيدر : قاعد ع الكرسي بيتألم.من جمبه ووشه وجسمه كله كدمات وألم.. (ولسه) ده دي البدايه بس..!!
آدم مراد : قعد قصاد فهد..وفرد رجله..وساكت..
فهد : من غير ما يبصله.. أربط رجلك لحد ما نوصل.. الدكتور علي مع أبوك..ويبقى يشوف جرحك..!!
آدم مراد : هز راسه..وربط رجله..
رغد : جت..وقعدت جمب آدم مع حفظ المسافه.. وفتحت اللاب توب. وقالت..اتفضل يا آدم.. العقيد آكرم قال.. إن چاك وافق ومعندوش اي اعتراض.. وده الريموت.اتفضل..
آدم مراد : هز راسه ليها..واخد اللاب توب.. وقام.. وراح قعد جمب حيدر.. وحط اللاب توب ع رجليه..وقال.. اتفرج ياحيدر.. مشهد حصري مش هتقدر تنساه..
حيدر : بتعب بص لشاشة اللاب..
آدم مراد : قال..بص ده باب الملهى اللي انت سر'قته من أخوك..
وبص هنا كمان..دي الغرفه اللي جمب مكتبك.. الغرفه السريه.. اللي كلها متف'جرات وأس'لحة وذخي'رة وس'م أبيض..
حيدر : بص ل آدم بزهول..!!!
آدم مراد : من غير ما يبصله.. إحنا كنا سايبينك بمزاجنا ياحِيدر.. الظابط المصري بعون الله يقدر ياخدها من بوق الأسد من غير ما يتخدش ولا يخاف..
المهم ركز معايا.. بص في الغرفه كدا..!!!
حيدر : بص ع الشاشه. وكشر عينيه بعدم فهم.. وشاف عربيه لعبه.. ومتركب فيها..........!!!! وتنح بصدمه..وقال بهمس..ق'نبله..!!!
آدم مراد : هز راسه ايوووه.. قن'بله ياحِيدر. وايه مش اي كلام. بس خلينا نتفرج..
أنت بغبائك ساعدتنا أنك فتحت الجدار في الغرفه.. ولما جبت منه صندوق المتف'جرات. سبت الجدار مفتوح..وده ساعدنا.. إن العربيه تدخل غرفة المتفج'رات.. وطبعاً. محبناش نحضر الإحتفال بعيد ميلاك الجديد..غير بوجودك.. أنت وبيبرس.. ايوه ما هو بيبرس هناك بيتفرج زيك بالظبط كده هو وصوفيا.. لازم نشاركم الفرحه..ونعوض المجهود الكبير اللي أنت وبيبرس وصوفيا عملتوه..
حيدر : هز راسه بصدمه.. لأ لأ.. أنت مستحيل تعملها.. أنت عارف المكان ده بالحجات اللي فيه.. تساوي كام مليون..!!! لأ متعملهاش..
آدم مراد : شغال على اللاب ومردش عليه..
حيدر : قلبه بيدق بسرعه كبيره من الخوف.. وقال. طيب .طيب اسمعوني..انا مستعد أننا التلاته نبقى شركاه..وهنقسم كل حاجه بالتساوي..بس...!!!
فهد : ضربه بوكس..وقال.بغضب. اتفرج وأنت ساكت.. الرشوه دي تساوم بيها اللي شبهك..وهتدفع تمن كل كلمه قولتها.
حيدر : صك ع أسنانه بغضب شديد من فهد اللي بيفوقه في كل حاجه..قوه وغضب ومبيخافش ولا بيهاب عدوه..!!!
آدم مراد : مسك شعر حيدر بغضب..وقال بص ومتع عينيك بآخر مشهد هتشوفه وأنت في النور..
وبدأ يعد ورفع الريموت قصاد عين حيدر..وقال.. واحد.. اتنين..!!!
حيدر : هز راسه بعدم تصديق وصدمه..وقال لأ لأ.. بلااااش لااااااااء متعملهاااااااااش...
آدم مراد : تلاته.. وضغط ع زرار الريموت.. وحصل إنفجار مهول في ملهى ڤيكتور.. وكان إنف'جار لا ينسى..مدوي بمعنى الكلمه..لأن المكان موجود فيه.. قنا'بل ومتف'جرات.. وده ساعد في إن: فجار الملهى بقوه مضاعفه..
حيدر : عينيه مفتوحه بصدمه..والنار واضحه وعكست وظهرت..في بؤبؤ عينيه..
آدم مراد : أبتسم بسخريه..Автор: Меріам Насар
فهد : أبتسم بشماته..وقال.. استعد ياحِيدر..!!!
------------------بقلمي مريم نصار.
عند موريس..
موجود مراد وأكرم وداليا وچيهان وبيبرس وصوفيا.. وچاك وآليس.. والدكتور علي..
آليس الرائد داليا..جابت ليها لبس جديد عشان تلبسه قبل ما تسافر..!!
مراد : في اوضه. ومعاه الدكتور علي..بيشيل الرصاصه من كتفه..
د/علي : بيعقم الجرح..وقال..يعني أنت متأكد إن المكان هنا أمان ياسيادة العقيد؟
مراد : هز راسه ايوه يا علي..متقلقش.. المكان ده. محدش يعرفه.. ونقلت فيه موريس و أورورا من أسبوع..وكويس إني عملت كدا..
علي : طيب تمام.. المهم الحمدلله الجرح سطحى.. ومفيش أي قلق.. ألف حمدالله على السلامه يا بطل.. بجد الله يكون في عونكم..
مراد : الله يسلمك.. ورفع راسه لفوق..وقال..ده صوت الطياره.. أكيد الحوت..يلا بينا..واتعدل وخرج مع الدكتور..
موريس : بسعاده.. چاكوب..انا سعيد للغايه.. أنت صدقت في وعدك لنا..وليس نحن فقط.. بل كل المزارعين حصلوا على حقوقهم بفضلك انت چاكوب.. انا مدين لك بالكثير..
مراد : أبتسم..وقال..لم أكن أوصل لڤيكتور دون مساعدتكم وتقديم الدعم لي.. ولا تشكرني. انا لم أفعل شيئاً.. ولكن أين السيده أورورا..!!!
أورورا : خارجه من المطبخ..ومعاها علب طعام.. وقالت بدموع الفرح. انا هنا يابُني.
وحطت الأكل على التربيزه.. ووقفت قدام مراد.. وبصتله وقالت بأمنتان. أنت الإبن الذي لطالما حلمت به كثيراً..ولكن لم يشأ القدر بأن أكون أم..
ولكني سعيده جدا.. لأني أحسست بهذا الشعور.. لقد كنت قلقه عليك للغايه من شر هذا الطاغي ڤيكتور..
أنت أنقذت ارضي وأرض كل هؤلاء المزارعين.. لقد عمت علينا الفرحه من جديد.. بفضلك انت چاكوب..
مراد : أبتسم..وقال بحرج.. انا اعتذر منك..لاني كذبت عليكي بشأن عملي..ولكن هذا سري للغايه..
أروروا : ابتسمت بدموع. ومسكت وشه بايديها..وباست جبينه..وقالت.. انا لم أعرف غير أنك چاكوب. ولا أريد أن أعرف أي شيء آخر.. أنت بُني.. أنت ملاك سأتذكرك دائماً..
مراد : هز راسه ليها بابتسامه صادقه..وقال. حسنا.. الي اللقاء سيده أورورا..
أورورا : برجفه..شالت علب الاكل..وقدمتها لمراد وقالت بحب....انه طعام خالي من اللحم تماماً..اعلم أنك نباتي..!! تفضل أنت وأصدقائك..!!!
مراد : أبتسم..واخد منها الأكل..وقال.. شكراً لك.. وداعاً..
قدام البيت..
بيبرس : متكلبش ايديه ورجليه..واكرم واقف بالسلاح..
وبيبرس شاف الفيديو وانفجار الملهى هو. وصوفيا..واتصدموا صدمة كبيرة جدا..
و بدأ يعرق..ويحس بضربات قلب سريعه. ودوخه.. ومرعوب من فكرة أنه خلاص هيموت..
لكن سمع صوت الطياره..ورفع عينيه..وشافها.. وقلبه دق بأمل..لكن خايف إن آدم مايدلوش المصل المضاد للفيروس..!!
صوفيا : متكلبشه و بتعيط..وعامله دوشه عشان يسيبوها..
آليس : مش طايقه صوت صوفيا..وقربت منها..وجمعت قوتها..وضربتها بالقلم..وقالت.. اخرسي أيتها الحمقاء.. دائماً كنتي تتسببي في إزعاجي. والي الآن انتي مزعجه..ولكن كفى أنتي الآن في عداد الموتى..
صوفيا : اتغاظت من آليس..ولسه هتشتمها.. لكن القلم التاني نزل ع وشها من چاك..
وقال.. لا تتعبي نفسك آليس..فهذا هو عملها.. إزعاج الناس. والتمثيل واللعب عليهم..
أنها بارعه في أداء هذه الأدوار.. وحان الآن نهايتها هي وهؤلاء الذين كانوا يتلذذون بعذابنا.. انا مشفق عليهم من الذي سيحدث معهم.. ف چاكوب وچاسبر وكيران.. لن أرى في قوتهم.وشجعاتهم.. ووعدوني بأنهم سينالون من العذاب مالا يخطر على عقولهم.. هنيئا لكم..الدمار على أيدي هؤلاء الحيتان حقا..
هيا بنا آليس نودع چاكوب وچاسبر وكيران.. حان وقت العوده..!!!
الطياره وصلت..
آدم مراد : نزل يشوف أبوه..ويساعدو..
بيبرس : أول ما شافه..نده عليه ونفسه ياخد المصل.. وقال.. آدم..قصدي النقيب آدم..انا عملت كل حاجه..ممكن المصل.. أنت قولت بعد تلات ساعات.. ارجوك حاسس اني مش قادر أتنفس..
آدم مراد : عدا من جمبه..وطلع ازازة المصل. ورفعها قدام عيون بيبرس..
بيبرس : شافها والأمل اتجدد جواه..وضحك..
آدم مراد : فتح أيدو..والازازه وقعت على الأرض اتكسرت..
بيبرس : فتح عينيه بصدمه.. وبدأ ينهج..وهز راسه بعدم تصديق..
آدم مراد : سابه واتحرك واخد أبوه..
بيبرس : بيصرخ..بصوته كله..
أكرم : ضربه بوكس..وقال.. أنت بقالك اربع ساعات ونص واخد الحقنه..ولسه عايش..انت مابتفهمش..!!
بيبرس : بينهج بغضب....
أكرم : خساره فيك حقنة الفيتامين..بس احنا هنطلعها على جتتك أنت وحيدر.. والكلبه دي.. يلا قدامي.
بيبرس : ماشي متنح..ڤيتامين..!!!؟ يعني مختش ڤيروس.. وضحك انه سليم ومش هيحصله حاجه.. وبص ل آليس.. ولسه هيتكلم..
آليس : بصتله بكُره واضح ولفت وشها بعيد..
چيهان : مسكت صوفيا واخدتها ع الطياره..
چاك سلم ع مراد وفهد وآدم..
مراد : هيا چاك سنوصلك للمطار..
چاك : ابتسم..لا يصديقي.. انا سأذهب غدا.. اليوم انا منهك للغايه..سأدبر أمري..وسأتواصل معك..
مراد : هز راسه كما تحب.. هيا آليس..
آليس : بعدم فهم..الي أين؟
فهد : من وراها.. على الرغم أنه بسببك تم إكتشاف أمرنا..ولكن من الصعب أن ننسى أنك ساعدتينا في الوصول للتوقيع بين فيكتور وبيبرس.. وأيضاً انا وعدتك بالعودة الي الديار..
آليس : فتحت عينيها بصدمه.. وقالت.. ماذا...!!! اتقصد....!!!
فهد : أبتسم..وقال..نعم أنتي ستسافرين الي كاليفورنيا.. مع العلم أن والدك ووالدتك سينتظرانك في المطار.. لتعيشي وسط عائلتك من جديد..
آليس : حطت ايديها ع بوقها..واتنطتت من الفرحه.. ومن غير وعي منها..جريت واتشعلقت في رقبة فهد..!! كنوع من الشكر...!!
مراد وآدم بصو لبعض..بدهشه..
فهد : فتح عينيه بصدمه..وبسرعه. فك أيديها و بعد عنها..
آليس : مش مركزه من فرحتها..وقالت..انا لم افرح كهذا من قبل. شكراً جزيلاً لك چاسبر.. أنت رائع.. أنت جميل جدا.. انا احبك كثيرا..
مراد رفع حاجبه بمكر.. وآدم بص لفهد بتوعد..
فهد : تنح..
آليس : بسعاده.. وأيضاً احب چاكوب وكيران.. احببتكم كثيراً..
مراد : هز راسه بخيبة أمل..وقال مش هعرف امسك عليه ذله..
آدم مراد : بخبث..طيب وبالنسبه للحضن ده عادي؟
مراد : ضحك بخبث..وقال..كدا نضمن موافقته عليك إبن كوم الشكاير ده..!!!
فهد : فهمهم من نظره. وصك على أسنانه بغضب.. وسابهم ورايح ع الطياره..وزعق..كله يطلع مفيش وقت انت وهو..!!!
آليس : جريت وطلعت وفرحانه أنها هترجع لعيلتها أخيراً..
مراد طلع وبيضحك ع فهد.. وآدم طلع.. والطياره اشتغلت..
موريس و أورورا..وچاك.. واقفين بيشاورو ليهم.. وبيقولوا. إلي اللقاء..!!!
------------------بقلمي مريم نصار..
مساءاً في إيطاليا..
تيم في المكتب.. بيذاكر.وبيراجع. بحماس.. لانه مبسوط جدا.. بوصول محمد العدوي الصغير..
ميرو : في اوضتها.. بتذاكر.. ومفيش تركيز خالص.. وقفلت الكتاب..
وفتحت الدرج.وطلعت منه مدونة (ميراث العشق)
وفتحتها.. وكتبت اليوم والتاريخ..
وبدأت تكتب المشاهد المؤثرة لقلبها..وقالت..
انهردا يوم جميل جدا.. نور عيلة العدوي أول حفيد لأولاد الامبراطور..
عمو زين بقى جد.. ههههه. انا مبسوطه اوى. عمو زين أصلا لسه صغير. بس شكلنا كدا هنكبرهم بسرعه..
انهردا كنت أنا وتيم راجعين من الجامعه.. و آرين اتصلت على تيم فيديو..
احنا استغربنا.. لأن معاد مكالمتنا مع العيله بعد العشاء..
تيم : فتح بسرعه..لكن كانت المفاجأه. تيما شايله البيبي.. وضحكتها منوره وشها..
حبيبتي ياتمارا ألف مبروك ياروحي..بجد فرحت جدا.. لما شوفت آريان وكأنه مش مصدق أنه بقى أب..
وشوفت بابا آدم..بعدها لما شال محمد.. وبص ليا وابتسملي..كأنه بيقولي هتفرحي صدقيني.. حسيت من نظرته ليا أنه حاسس إني من جوايا مشتاقه للخلفه.
وكمان ماما مريم..دعتلي كتير اوى.. بجد استريحت بعد دعائها ليا.. كأن بلسم احتل قلبي بكلامها الجميل اللي طالع بعفوية بيدخل صميم القلب..
عمتو نور..عيطت كتير. كانت بتتمنى إن تيم يبقى موجود معاهم ف اللحظات دي..
أو ممكن الله أعلم كانت بتتمنى إن تيم يبقى اب.. لكن هي قالت إنها نفسها نتجمع وبابي مراد يرجع.
انا بدعي ليل ونهار أنهم يرجعوا.. لأن مامي شارده ديما..
رغم إن العيله كلها حواليها.. إلا إن وجود مرادها. بيرد فيها الروح..
عمتو ريتال كانت مبسوطه جدا..ودعتلي كتير.. وماما رنا..كل اللي الموجودين دعو ليا.
إلا بابا آدم. كان باصص عليا وساكت.. وانا واثقه انه كان اكتر واحد بيدعيلي..
بابا محمد..كان قاعد جمب تمارا..وكل شويه يطمن عليها.. وكانت الفرحه الكبيره بسلامة بنته أهم حاجة.. لأن بابا محمد اكتر حاجه تهمه هي عيلته تكون بخير.. خصوصاً تيما أم أبيها.. علاقتهم قويه جدا تشبه الأم وابنها.. ربنا يبارك فيهم..
(تيم)..تيم كان مبسوط اوى..لدرجة إن عيونه لمعت بدموع من الفرحه..وكان بيقول انا بقيت خال.
وقتها حسيت إن قلبي اتقسم نصين..كان نفسي أسمع منه أنه بقى أب..
انا عارفه إن الوقت لسه بدري جدآ..لكن هي غريزه في قلب كل ست.. وانا عندي ثقه في رب العالمين.. انه هيرزقني.
لأني كل ما افتكر حكاية ماما رنا وبابا طارق. أحس بالأمل والتفاؤل من جديد..
المهم دلوقتي.. نسيت اقولكم إنهم قالوا إن محمد الصغير فيه شبه كبير من بابا محمد و آريان. واو هيبقى قمر انا متاكده.. وأخيراً هقول لمملكة العدوي.. مبارك عليكم الحفيد الجديد..!!!
M/T
وقفلت المدونه..وقالت بتنهيده.. "اللهم وإن إستحالَت.. بأمرك تكون."..!!!
------------------بقلمي مريم نصار.
في الجهاز..
في مكتب المدير..
العقيد حسن خبط ودخل بسرعه.. وادا التحيه..وقال بحماس..تمام يافندم.. أبطالنا وصلوا بالسلامه..!!!
المدير : قام وقف..وقال بسعاده..هما فين ياحسن؟
حسن : العربيه لسه واصله الجهاز حالا يافندم. وأكيد في طريقهم لسيادتك..
المدير : قال بفخر..انا لازم استقبلهم بنفسي..و أتحرك بسرعه..وخرج من المكتب..يستقبلهم..!!!
الفريق داخل الجهاز.
وسلموا حيدر وبيبرس وصوفيا..
آدم مراد ساند أبوه.. وفهد جمب مراد وأكرم جمبهم.. ورغد وچيهان واليا. وراهم.. والكل بيقابلهم وبيباركو ليهم..
المدير : شافهم..وضحك بسعاده..وفتح أيديه. ل أكرم..وقال.. العقيد المغوار أكرم.. وسلم عليه..
أكرم : بسعاده كبيره..وجواه لهفه كبيره لعيلته.. لكن قال لنفسه.هانت.. وابتسم للمدير..وقال.. الله يسلمك يافندم..
المدير : فتح أيديه لمراد..وقال بفخر.. الصقر. العقل المدبر.. حمدالله ع سلامتك يا بطل..وحضنه..
مراد : أبتسم..الله يسلمك يافندم.. وكل اللي إحنا فيه بفضل توجيهات سعادتك..
المدير : بضحكه..توجيهات ايه ياصقر.. كل ده بفضل ذكائك..وقوة الحوت.. ولا ايه يافهد باشا..وحضن فهد..
فهد : أبتسم..وقال.. والله معاليك إحنا اكتسبنا كل ده بفضل الله ثم أنتم.. والحمدلله كل حاجه تمت بتدبير من ربنا..
المدير : بص ل آدم بفخر.. وقال..الديزل..!!! إسم لا يليق إلا بالنقيب آدم العدوي.. المقدم رغد. بعتتلي تقرير بتصرفك وازاي أنقذت باقي الفريق. وإنقذت العمليه كلها..وانت اللي وصلت للعقيد أكرم.. انا بجد فخور جدا بيك يا آدم يابني..!!! وحضنه وربت ع ضهرو..
آدم مراد : أبتسم..وقال.. متشكر جدا يافندم.. وسواء انا أو الصقر والحوت.معملناش غير واجبنا.. وزي ما وعدناك يافندم.. رجعنا بالعقيد أكرم. وقايمة الإغتيالات.. وكمان حيدر وأعوانه..
المدير : ربت ع كتفه وقال.. انا فعلا فخور جدا بيكم ياحيتان مصر..!!! انا نظرتي واختياري ليكم كان في محله..
العقيد حسن جه..وسلم عليهم..وع أكرم.. وراحوا على المكتب مع المدير.. يسلموا الادله..
المدير : تمام يا أبطال.. اتفضل أنت يا أكرم من غير مطرود على بيتك.. وأجازه سعيده يابطل.. لكن أسبوع وعايز منك تقرير بكل اللي حصل..مفهوم..
أكرم : قام وقف بلهفه..وقال تحت امرك يافندم.. وودعهم..وخرج بسرعة البرق..قلبه ملهوف ع عيلته اللي ماشفهومش من سنتين..!!!
المدير : أما أنت يا مراد و آدم هتطلعوا ع المستشفى.. ومش عايز أي مناقشه.. هيجرى عليكم فحوصات طبية شامله.. وكمان الحوت.. لازم نطمن عليكم يا أبطال..!!!
فهد : بلهفه.. لأ..احم..قصدي اعفينا يافندم..احنا بخير الحمدلله.. لكن زي ما سيادتك عارف.. أننا بقالنا ٦ شهور ونص بعيد عن العيله.. ممكن نروح.. ونرجع للفحص الطبي زي ما سيادتك تحب..
المدير : ضحك..وقال.. لأ كدا أحسن..عشان كل واحد يروح وانا مطمن. انا طبعاً سبت أكرم يروح عشان بقاله مده كبيره جدا ماشافش عيلته.. لكن انا حابب اطمن عليكم..
آدم مراد : قلبه بيدق لضيه..وقال..اعفيني يافندم.. بكره هنفذ كل اللي حضرتك تقول عليه..
المدير : برفض.. آسف ياشباب.. لازم اطمن عليكم.. أنتم اهم ضباط عندي..ولا يمكن الاستهانه بيكم أبدا.. وأسبوع وعايز منكم تقارير عن المهمه.. مفهوم..؟
كلهم بإستسلام.. مفهوم يافندم..!!!
آدم مراد : قام وقال.. طيب بعد إذنك يافندم.. كنت عايز اشوف حيدر قبل ما امشي..!!!
المدير : كشر عينيه. لكن قال ماشي ياديزل.. أنت تستاهل اي موافقه..
آدم مراد : ساعد أبوه.. وسلموا على المدير.. وخرجوا.
مراد : أنت عايز تروح لحيدر ليه يا آدم...!!!
آدم مراد : بتوعد..لازم يبوس جزمتك أنت والحوت.. على كل اهانه..وكل كلمه قالها..
مراد : خلاص يا آدم..كفايه أصلا اللي هيحصلهم. هنا..
فهد : فعلاً.. وكفايه إني وصيت عليهم العقرب.. يعني ياويلهم حقيقي..
آدم مراد : بتصميم..انا أقسمت انه يبوس على جزمة كل واحد فيكم..وهيحصل..!!!
بعد فتره..Автор: Меріам Насар
في المستشفى العسكري..
اهتموا بإبطالنا..
وكان فهد في جسمه كدمات بسيطه..واهتموا بيه..
وآدم مراد : عقمو ليه جرح رجله.. وعندو كدمات واهتموا بيه..
ومراد : عقمو ليه جرح كتفه..
وقضوا الليله في المستشفى..ومن التعب البدني والذهني..كل واحد نام بعد تفكير عميق في حبيبته..!!
------------------بقلمي مريم نصار..
تاني يوم الصبح..
فيلا العدوي....!!! -
فصل 18 ج 2
#رواية_جريمة_عشق5
(مملكة ميراث العشق)
-ماذا لو أحبّك الله ؟
ستظل دوماً في ظِلال معيّته الخاصة، وستحبّك السماء ومن فيها والأرض ومن عليها، وستتذوق نعيم الجنّة قبل أن تدخلها، وسيسخر العالم كلّه لأجلك، وسيعلن الحرب على كل من يكيد لك، ثم يقال لك : "هديت وكفيت ووقيت" فاللهم حُبّك ورضاك.
================================
بسم الله نبدأ.
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
تاني يوم الصبح..
فيلا العدوي..
آدم : في الموبيل.. قال بدقة قلب.. انت بتتكلم بجد ياطارق..!!!
طارق : بسعاده..ايوه يبني. بتكلم جد جدآ.. وزي ما قولتلك.. اللواء محمود أول ما شاف فهد في المستشفى العسكري.وشبه على إسم السيوفي.اتصل عليا فوراً وبلغني.. وعرف من إدارة المستشفى أنهم رجعوا امبارح بليل. لكن بيعملوا كنسولتو.. ومفيش اي حد مصاب الحمدلله.. وهيخرجوا من المستشفى كمان ساعتين..
آدم : قام وقف.. وقال بتنهيدة راحه.. الحمدلله..
طارق : بهزار يلا اديني طمنتك أهو.. اومال يعني أنا اشتغلت في الشرطه ليه؟ مش عشان اطمنك على ولادنا في المستقبل..!!! ههههه.
آدم : بضحكه.. تصدق يا أسد.. إنك اول مره تعمل حاجه صح.. ههههه
طارق : بغيظ..ياخي منك لله..هو انا عمري ما عرف اضايقك..؟
آدم : بثقه..استحاله طبعا..
طارق : بنرفزه..عشان أنت معندكش دم عشان تضايق أصلا.. عيل اتم وفصيل..
آدم : ههههه ماشي عشان أنا مبسوط..مش عايز احط عليك انهردا..
طارق : بتريقه.. لأ اصيل ياض..طمر فيك.. المهم ياخويا..هتقول ل فريحه ولا اتصل عليها أنا..!!!
آدم : بتفكير.. سبني كدا امخمخ وأشوف هنعمل ايه..!!
طارق : طيب اشطا..اروح أنا أقول لام فهد.. يمكن تبطل نكد..جاتهم الهم..يموتوا في النكد..
آدم : بمكر..والله أم فهد اتظلمت يوم موافقت عليك. الله يكون في عونها..
طارق : صك ع أسنانه بغيظ..تصدق بالله يابن العدوي.. هتصدق إن شاء الله.. أنا استاهل ضرب الجزم إني اتصلت عليك.. غور ياض..
آدم : ههههه.. ماشي يا أسد..هغور..بس خليك فاكر..
طارق : استنى ياض قبل ما تقفل..احنا هنعمل عقيقة آيان امتى؟ وكمان محمد وعُمر..احنا كلنا أجلنا العقيقه لما يرجعوا بالسلامه..
آدم : مط شفايفه اممم.. لأ دي بقى ترجع للشباب.. لما يقعدوا مع بعض ويتفقوا.. أنت بس جمع عيلتك.. وتعالى ع هنا انهردا..هنقضي اليوم مع بعض من اوله..
طارق : بهزار..اشطا يبقى فيها غدا وعشا..ولا ايه؟
آدم : ابتسم..وقال بمكر. وماله اهو نكسب ثواب..واتصدق بنية رجوع ولادي بخير..
طارق : وصل لقمة غيظه..وقال..تكسب فياااا انا ثوااااااب.. منك لله يابن العدددووووي...
آدم : ببرود..ومنك يابن السيوفي..!!!
بعد لحظات..
مريم : عرفت.. ونازله ع السلم بسرعه ورجفه.. وندهت..زينب.. يازينب..
زينب : جت بسرعه..نعم يا ست الكل..ع مهلك ياست مريم..
مريم : نزلت..وقالت..بسعاده.. اسمعي يا زينب.. انا عايزاكي..تعملي كل انواع الاكل اللي مراد بيحبه.. وكمان فهد. وآدم حفيدي..
بصي مراد بيحب الرومي هو وفريحه اعملي رومي يازينب.. وفهد بيحب الفراخ المشويه.. وآدم حفيدي. بيحب المكرونه بالبشاميل. وكمان بيحب الشيش طاووق.. اعمليه بسرعه.
واسمعي اعملي شوربة الشوفان لفهد.بيحبها أوي.. واعملي كيكة الفراوله لمراد..
بصي اعملي كل حاجه عشانهم..كل حاجه يازينب..
زينب : بفرحه..قالت..قولي والله يا ست الكل..البهوات رجعوا بالسلامه؟ اه تلاقيهم جم بليل ونايمين فوق صح؟
مريم : بفرحه.. لأ لأ..هما على وصول.. قلبي فرحان أوي أوي يازينب.. الف حمد وشكر ليك يارب..
اسمعي يا زينب.. أنتي بنفسك تعملي أكل مراد وفهد وآدم.. مراد بيحب اكلك.. والبنات تكمل أكل العيله..
آه نسيت اقولك.. أبو فهد وعيلته..هيقضوا معانا اليوم من اوله.. مش عايزه غلطه يازينب..
زينب : بفرحه..يادي الأخبار اللي زي الفل والياسمين ع الصبح..الف حمدالله على سلامتهم ياست الناس.. والله قلبي بيرقص.. شوفتي ياست مريم..صدقتيني لما قولتلك امبارح إن سي محمد الصغير جه وهيجيب معاه الخير كله..اهو العيله كلها هترجع تنور من تاني..
مريم : بتنهيدة راحه.. ألف حمد وشكر ليك يا رب. الحمد لله..حمدا طيبا مباركا فيه..!!! قوليلي هي آرين راحت الجامعه؟
زينب : ايوه ياست الكل..يجي من ساعه واكتر كدا السواق وصلها.. وست تالين في مدرستها.. انا هروح ابلغ ست رينو. دي هتفرح أوي..
مريم : لأ لأ يازينب.. روحي انتى عشان عندك شغل كتير. وانا هبلغ فريحه ورينو..
زينب : حاضر يا ست الكل..بس ماتنسيش حلاوتي بقى. للاخبار اللي زي الفل دي..
مريم : ابتسمت بحب..وقالت.. أشوف مراد واملي قلبي وعيني منه.. وساعتها.. الدنيا كلها بين ايديكي يا زينب..
------------------بقلمي مريم نصار.
بعد لحظات كمان..
فريحه : جريت على مريم بصدمه وزهول وفرحه ومشاعر كتير جدا متلخبطه.. وقالت..ما...ماما أنتي قولتي ايه؟ مراد.. وآدم وفهد؟ جوزي و ابني واخويا رجعوا.. ماما بالله بتتكلمي بجد..
مريم : ابتسمت لفرحتها..وقالت.. أيوه يانور عيني.. جوزك وابنك واخوكي..رجعوا بخير وسلامه. جهزي نفسك عشان ساعه بالكتير هيكونوا وصلوا بالسلامه..
فريحه : من فرحتها حضنت مريم بسعاده كبيره..وضحكت بدموع الفرح..ومتلخبطه. وقلبها بيدق بقوه كبيره..
مريم : مسدت على خدها..وقالت انا مبسوطه لضحكتك يافريحه.. يلا ياحبيبتي هسيبك انا تكوني جهزتي نفسك.. وسابتها وخرجت...
فريحه : بتنهج بسعاده..وجريت ع الدولاب..وطلعت أجمل فستان عندها مراد بيحبه عليها.. وجريت ع الحمام..تاخد شاور..وتلبس.. وأخيراً هتشوف مرادها.
آدم : في الجنينه.. أسمع ياعوض..الغدا هيكون في الجنينه.. وعايز كل حاجه زى متعودنا..فاهم ياعوض..
عوض : بفرحه تحت امرك ياكبيرنا..وحمدلله على سلامة البهوات..
آدم : بتنهيدة راحه الله يسلمك يعوض..يلا روح جهز اللي قولتلك عليه..
عوض : تحت امرك ياباشا.. واتحرك بسرعه..
آدم : بيلف..شاف اميرته..خارجه من باب الفيلا.. وراح قابلها..
مريم : شافته..وابتسمت بحب..
آدم : بابتسامه.. أميرتي الجميلة.. رايحه فين ياروحي؟
مريم : بفرحه..رايحه ل رينو..افرحها بنفسي.. دي مستنيه الخبر ده من شهور..
آدم : هز راسه تمام..تحبي اوصلك..!!
مريم : منحرمش منك ابدا..بس أرتاح أنت..انا هطلع أشوفها.. ومش هتأخر عليك..
آدم : ماشي ياروحي..بس خدي بنت من البنات معاكي..متروحيش لوحدك..
مريم : ابتسمت..حاضر يا حبيبي..
في شقة رينو..
رينو : أكلت آيان وغيرت ليه هدومه..وبتضحك معاه.. وبتحكيله عن فهد.. وقالت.. ويوم التخرج بقى يا آيان..كان خالك مراد عازم كل العيله على الغدا. ههههه ومدفعش جنيه واحد.. كان مقلب جميل جدا. و بابي فهد قال. مش قولتلك إن مراد سخن.. لأنه مصدقش موقف خالك مراد.. المهم بقى بعد كده سافرنا اسكندريه أسبوع بحاله..كل العيله زي ما اتعودنا. بس بابي فهد بقى. نفذلي وعدو ليا..واخدني المالديف انا وأخواتك.. وتيم بقى زعل جدآ وكان هيخاصمني..بس انا صالحته..
شوفت الخاتم ده يا آيو..بابي فهد جابه ليا في عيد ميلادي..
ايه ده الباب بيخبط.. أكيد زينب. أو حد من البنات.. ثواني يا آيو اشوف مين ورجعالك..
رينو : فتحت الباب..وقلقت مامي؟ حضرتك طالعه بنفسك..!!!خير في إيه؟ حصل حاجه بابي كويس؟
مريم : بابتسامه..صباح الخير الأول..واطمني يانور عيني كلنا بخير..
رينو : حطت ايدها ع قلبها.. الحمدلله يارب.. صباح الخير ياحبيبتى..اتفضلي حضرتك.. انا بس استغربت لأني المفروض إني بنزل أقعد معاكم..اتفضلي ياحبيبتى..
مريم : دخلت..وقالت بابتسامه. انا طلعت بنفسي عشان افرحك وابشرك بالخير..
بصي بقى .عشان أريح قلبك.. الحمدلله فهد ومراد وآدم.. رجعوا مصر بخير..وا.....
رينو : قاطعتها..وقالت بلهفه..ودقات قلب مختلفه..مامي.. أنتي تقصدي إن فهد رجع.. فهد رجعلي..؟
مريم : عيونها لمعت..وقالت ايوه يا نور عيني. جوزك رجعلك بخير وسلامه..!!!
رينو : جت تجري ع باب الشقه..تنزل تقابل الفهد..
مريم : استني يارينو.. هما ع وصول ياحبيبتى.. حماكي اتصل وبلغنا الخبر اللي رد فينا كلنا الروح.
رينو : حطت ايدها ع بوقها بفرحه..وعينيها بتروح يمين وشمال بسعاده..وضحكت بدموع.وقالت فهد رجع.. فهد رجعلي من تاني.. وحضنت أمها بفرحه كبيره.. وقالت..فهد واخويا وابني رجعوا بخير يامامي. انا مبسوطه اوى.
مريم : بضحكه صافيه..ربتت ع ضهرها بحنان وقالت. ربنا يسعد أوقاتكم ياولادي يارب.. يلا بقى جهزي نفسك كدا.. وظبطي آيان.. ومسدت على خدها. وخرجت..
رينو : رجعت فراشه من تاني.. وجريت ع اوضة آيان.. وشالته.بين أيديها..والضحكه ع وشها.. وقالت بفرحة العمر..
بابي فهد رجع يا آيو.. بابي هيشوفك لاول مرة..انا فرحانه اوي اوي ياحبيبى.. أنت فرحان مش كدا.. ههههه.. فهد رجعلي..
وحطت آيان ف سريره..وجريت ع الدولاب وطلعت لبس جديد لايان..
وجريت ع اوضتها. وطلعت فستان رقيق..مع حجاب ونقاب..
وبصت ع صورة فهد ع الكمود..وشالتها..وصورتها انعكست جمب فهد.. وقالت بدموع الفرح.. وحشتني اوي يافهد..
------------------بقلمي مريم نصار.
في المستشفى العسكري..
الممرضه.. شالت جهاز الضغط من أيد مراد..وقالت.. ضغط حضرتك مظبوط.. وربع ساعه وهتخرجوا من المستشفى.. حمدلله على السلامه..
مراد : الله يسلمك..
الممرضه : خرجت..
مراد : معلق دراعه على رافعه...و اتعدل وقام..
فهد : دخل عليه من غير ما يخبط.. وقال بغيره واضحه.. آدم ابنك فين يا مراد..!!؟
مراد : لف ليه.. وقال.. يابني خبط قبل ما تدخل.. هو عشان أنت طول بعرض هتخوفنا يعني.؟
وبعدين. آدم في اوضته.. هيكون فين يعني؟
فهد : دخل ووقف قدامه بغيظ..وقال.. آدم إبنك مش موجود في اوضته..ولا في المستشفى كلها. وسألت عليه قالوا خرج من ساعه.. إبنك راح فييين؟
مراد : بمكر.. أكيد راح يأدي واجبه.اصله بيحب شغله اوي اوي.. ههههه..
اهدا كدا يمكن راح لحيدر يربيه..مانت شوفته بعينك امبارح..كان هيقتله لولا انا وأنت لحقناه في آخر لحظه..
فهد : قبض ع ايديه بغضب..وقال.. أنت بتنجم من دماغك يامراد..ايه اللي هيخلي ابنك يروح الجهاز تاني يوم من وصولنا. المفروض دلوقتي أننا هنطلع على البيت..!!
مراد : كاتم الضحكه..وقال بخبث. ايوه صح. تصدق ممكن مقدرش يستنى اكتر من كده..وراح يشوف...اء..احم أمه وعمته لارين..!!!
فهد : بغضب.. أسمع يالا..انا لا بقيت طايقك لا انت ولا إبنك.. وأيامكوا اللي جايه معايه هتكون سود.... ولو عرفت إن إبنك خرج من هنا وراح لبنتي. أقسم بالله. ماهعديها. أنت فاهم..
مراد : ببرود.. التار ولا العار ياهريدي.. لو اللي بتجوله ديه صوح..يبجى لازمن نكتب الكتاب..عشان الفخايده متكولش وشنا.
فهد : بنرفزه.. أنت بتهزر يامراااد..
مراد : مثل أنه كتفه بيوجعه..وقال..اااه..صوتك دخل في كتفي..يبني أنت عايز مني ايه؟ انا واحد.واخد طلقه وتعبان..
وبعدين منا معاك أهو.. يمكن راح يجيب فطار..او رجع البيت.. ياخبر دلوقتي بموني. كمان ساعه يبقى فري.. ههههه.. ااااه ياكتفك يامراد..!!!
فهد : بيتنفس غيظ..وقال..ماشي يابن العدوي.. انا هعرف راح فين..!!!
الممرضه : خبطت.. وقالت معاد الخروج..اتفضلوا.
فهد : خارج بغيره كبيره..
مراد : بهمس..الله يخربيت جنانك يا آدم.. طيب طارق غير فهد. تؤ وبعدين بقى انا لازم أتصرف..!!! ونده ع فهد..وقال أنت يابني ادم..انا تعبان مش قادر امشي..
فهد : وقف غصب عنه.. ورجع سند مراد في صمت وخرجوا..
قدام المستشفى..
زين نزل من العربيه بسرعه..وضحك بسعاده..وقال حمدالله ع السلامه يا أبطال..
مراد وفهد كشرو عينيهم..
مراد : بهمس لفهد..شوفت بقى انت ظلمت الديزل إزاي؟ اهو رجع البيت وكل العيله عرفت..
فهد : بدأ يهدا..
زين : قرب من مراد..وقال بقلق بالغ..مال دراعك يامراد..؟
مراد : بضحكه.. لأ دي حادثه صغيره متشغلش بالك.. تعالى بقى في حضن أخوك عشان أنت وحشني اوي يازينو. وضحك..
زين : ضمه لقلبه. بلهفه واضحه..وربت ع ضهرو.. ألف حمدالله على سلامتك ياحبيب أخوك..
مراد : بهمس ف ودنه.. هو آدم أبني في البيت؟
زين : هز راسه.. مش عارف.. أنا كنت ف الشركه. والحج اتصل عليا. وقالي..وانا مستنتش وجيت اوصلكم.. ليه هو ف حاجه؟
مراد : أبتسم بتمثيل..لا ياحبيبى مفيش..
زين : بص ل فهد..حبيب قلبي اللي وحشني. أبو آيان الغالي.. وحضنه بعض .
فهد : أبتسم وقلبه دق بأمل..وربت ع ضهرو..وقال. اخبارك ايه يازين..
زين : بسعاده..انا زي الفل..وبقيت جد امبارح.. حفيدي محمد باشا العدوي..شرف ونور المملكه.
مراد وفهد ضحكوا بفرحه..
فهد : الف مبروك يازين.. الف مليون مبروك ياحبيب أخوك..
مراد : بفرحه.. ألف مبروك يازينو..يعني أنا بقيت جد في السن ده.. أقسم بالله انتوا عايزين تكبروني.. بس بعينيكم..
زين : ضحك.. الله يبارك فيكم.. يلا بينا بقى..اصل الامبراطور واميرته مستنينكم ع نار..
وركبوا العربيه وانطلقوا على مملكة العدوي..
Автор: Меріам Насар
ف نفس الوقت..
في الجامعه..
آسر : خارج من مكتب الشؤون..وبص ع حراسة آرين.. وشافهم واقفين..
وراح عندهم.. صباح الخير ياشباب..
الحرس : صباح الخير يا آسر باشا..
آسر : طلع من جيب الجاكيت..آظرف فيها فلوس.. وقال. اتفضلوا.. ده راتب الشهر..
الحرس : اخدوا المرتب.. وشكروا آسر..
آسر : العفو يارجاله.. وفتحوا عينيكوا كويس على آرين هانم. مش عايزها تغيب لحظه عن عينيكم..
الحارس : تحت امرك ياباشا..لكن اللي إسمها لمار دي كل يوم بتحاول تتكلم مع آرين هانم..
آسر : بما أنها بتكلمها في حرم الجامعة قدام الكل مفيش مشكله.. لكن بره الجامعه. امنعوها واتصرفوا.
الحرس : تحت امرك ياباشا..
آسر : فونه رن.. وكانت ساره.. وبعد عن الحرس..ورد عليها وقال..ست الكل أخبارك..!؟
ساره : بابتسامه. حبيب قلبي. عامل ايه ياروحي..
آسر : الحمدلله بخير..انتي ف جديد معاكي؟
ساره : ايوه ياحبيبى أنت ناسي أننا عندنا إجتماع مهم جدا. مع عمك زياد وفريق العمل؟
آسر : لأ طبعاً مش ناسي.. انا خلصت أول محاضره.. وهستأذن من المحاضره التانيه.. وجايلك حالا
ساره : ربنا معاك يا حبيبي. وتوصل بالسلامه..
------------------بقلمي مريم نصار.
عند علوم..
آرين : خارجه من المحاضره..
لمار : وراها. وقالت. آرين. استني بس اسمعيني..
آرين : نفخت بخنقه..وقالت..لو سمحتي بقى يالمار.. سبيني.في حالي..
لمار : بزعل..انتي قلبك اسود اوي يا آرين..
آرين : مش سواد قلب يا لمار..اللي انا بعمله ده هو الصح.. لأننا بالطريقه دي مش صحاب من البدايه. اللي تتكلم عن صحبتها. وتلمح تلميحات سخيفه.. يبقى من جواها مابتحبهاش.. لأن اللي بيحب حد. مابيشوفش عيوبه.. تخيلي بقى أنتي طلعتي فيا عيوب مش موجوده من الأساس.. يبقى أنتي منتظره مني أقولك اوكي موافقه جدآ اننا نكون صحاب؟ أسفه مش هيحصل..
لمار : صدقيني يا آرين كان غباء مني.. لكن انا مقصدش كل اللي حصل ده بالعكس أنا بتمنالك كل خير..ونفسي نرجع صحاب زي الاول ارجوكي..
آرين : بخنقه..ماشي يا لمار..هنرجع صحاب. لكن مش زي الأول.. ودلوقتي بقى لازم اروح المعمل. بعد إذنك.. وسابتها ومشيت..
قدام الجامعه..
آدم مراد : نزل من التاكسي.. ودخل الجامعه.. وعيونه بتدور على الضي في كل مكان..!!
بعد فتره..
آدم مراد : شافها بدقة قلب.. ووقف مكانه..وقلع النضاره.. وشاف ضيه لابسه البالطو اللي جابو ليها قبل السفر بيوم..
شاف ضيه ماشيه سرحانه..لكن جميله..جميله حتى ف شرودها وهدوئها.. جميله في كل حالاتها..
وحس بضحكته اللي اترسمت على ملامحه بدون وعي..
قلبه بيدق وعقله بيغذي كل نبضة في قلبه.. جوارحه كلها في سكون رهيب.. بيحاول يغذي روحه منها..ويقنع نفسه أنه أخيراً بعد غياب. شاف ضيه.. شاف المسكن لروحه. شاف المهدىء لغضبه.. شاف البراءه والطفوله والعشق..
واتحرك بدقة قلب واشتياق.. نده على ضيه.. وقال.. آرين..!!؟
آرين : سمعت صوته.وقلبها دق..ولفت بسرعه..وتنحت. وقلبها دق بقوه أكبر.وهيطلع من مكانه.. وقالت آدم...!!!
آدم مراد : أبتسم بدقة قلب..وقال ايوه آدم..ياضي آدم...!!!!
آرين : عينيها مفتوحه ع الآخر..ومتنحه..ومش مصدقه.. وقلبها بيدق بقوه..
آدم مراد : بص ل عينيها اللي محروم منها..و أبتسم بحب كبير..وقال.. اذيك يا آري..!!
آرين : عيونها مفتوحه..ونفس الزهول..وهزت راسها بدون وعي..ومردتش...
آدم مراد : بضحكه.. آرين..انتي يابنتي..!!!
آرين : انتبهت..وقفلت عينيها وفتحتها..وقالت بهمس.. أيوه. ده صوت آدم. ايوه هو والله.. اء.. آدم اء.ا.انت هنا. أنت بجد هنا يا آدم..!!
آدم مراد : بتنهيده.. ايوه يا ضي آدم..!!! انا رجعتلك..
آرين : بتنهج بسيط من ضربات قلبها..وحطت أيدها ع قلبها..واتوترت جدآ..من الفرحه..وبتضحك..وبتسكت..ومشاعر كتير متلخبطه.. وهمست. آدم رجع يا آرين..
وبعدها ضحكتها اختفت..وقالت بدهشه.. آدم رجع؟ يعني بابي كمان....
وصرخت بصوت مسموع. وااااو يعني باااابي رجع.. بااابي فييين يا آداااام..!!!
آدم مراد : بص حواليه..وصك على أسنانه..وبيمتص غيرته..
آرين : استوعبت..وقالت بتذمر. أيوه بقى رجعنا للقرف. وهيرعبنا أستاذ مرعب ده..!!!
آدم مراد : هههههههه..
آرين : بسعاده ودقة قلب..ضمت الكتب لقلبها..وقالت بحنين..حمدالله ع سلامتك يا آدم..!!!
آدم مراد : هز راسه بضحكه.. ماشي يا آرين..هعديهالك المرادي.. تعالي نشرب حاجه في الكافتيريا..
آرين : مشيت من سُكات وقلبها بيرقص.. وبتقول المرعب رررجع أخيرا..انا مبسوووطه أوي.. آدم قمر قمر يخرابي أنا..
آدم مراد : ماشي جمبها..وقال.. لسه بتكلمي نفسك يا آري..!!!
آرين : هزت راسها نو نو نو..انا فين ده؟ خالص فيش الكلام ده..
آدم مراد : سحب الكرسي ليها. وقعدت..وقالت.. ميرسي.
آدم مراد : قعد قصادها..وطلب قهوه ليه..وطلب ليها كابتشينو.. وقال بسعاده داخليه.. قوليلي بقى. انتي عامله ايه؟
آرين : ماسكه القلم ومتوتره..ووشها احمر مع دقات قلبها..ومش عارفه تتكلم من التوتر..
آدم مراد : اترسمت ابتسامه جميله على ملامحه.. ونفسه يقولها وحشتيني.. ونفسه فهد يوافق.. ووقتها هتكون حلاله..
آرين : بلعت ريقها بتوتر..وقالت.. أنا كويسه..بس...بس.. احم..
آدم مراد : أخد منها القلم..وسابه ع التربيزه..وقال..بس ايه يا آري؟ وليه شايف ف عينيكي حزن وعتاب..!!! انتي زعلانه؟
آرين : بزعل طفولي.. اه أسكت يا آدم اصل انا زعلانه خالص أه والله..!!!
آدم مراد : بابتسامه عريضه..زعلانه ليه ياضي قلب آدم..!!!
آرين : ضغطت ع شفايفها بحرج واضح..لكن حاولت تتكلم..وقالت..
زعلانه منك أوي..وزعلانه من بابي. وخالو مراد. بجد انا قولت إني مش هتكلم معاك تاني وهخاصمك.. ازاي نهون عليكم كل المده دي يا آدم..
وعيونها لمعت بدموع.. بجد قلبي كان زعلان اوي منك..
آدم مراد : بتنهيده..كملي يا آرين..عايز اسمعك..
آرين : دمعه نزلت على خدها..وقالت.. ست شهور ونص يا آدم.. حصل فيهم حجات كتير جدا.. وأنت وبابي مش موجودين معانا.
أنا كل يوم اتكلم معاك لكن أنت مش سامعني. كنت ديما بغمض عيني واقول انا هفتح عيني والاقيك قدامي.. لكن محصلش.. وقتها بس عرفت إنك بعيد عني..احم..قصدي بعيد عننا..
مامي كانت محتاجه لبابي جداً..لكن مفيش جديد.. تعرف إن مامي جابت آيان. عندو شهرين وشويه دلوقتي.. انا حبيته أوي.. بقى مسؤوليتي.. وممنوع حد يشيله أو ياخدو مني.. تعرف يا آدم..آيان كان مهون عليا كتير..كتير جدا..
لكن برضه انا قولت مش هتكلم معاك تاني.
ليليان جابت عُمر. وتمارا جابت محمد امبارح.. العيله كلها فرحتها مش كامله غير بوجودكم..
تعرف يا آدم..انا اول مره محبش الحربيه كدا.. لأنها....!!!
آدم مراد : بدقة قلب لأنها ايه يا آرين؟
آرين : بصت ف الأرض وسكتت..!!!
آدم مراد : بيشرب القهوه.. وابتسم. على جمال الضي.. وحب يضيع خجلها.. وقال. تعرفي إنك السبب في نجاح المأموريه..!!!
آرين : فتحت عينيها بزهول.. أنا..!!! إزاي؟
آدم مراد : ههههه..افتكرت اسئلتك... ومشيت على النمط ده..
آرين : بفضول.. إزاي. بليز بليز احكيلي عملت ايه؟
آدم مراد : بص ف الساعه..وقال..ماينفعش يا آري.. لأن دي اسرار شغل.. المهم بقى. انا لازم امشي دلوقتي..
آرين : قامت بسرعه وقالت.. اوكي يلا بينا..هموت وأشوف بابي..
آدم مراد : بمكر..وابوكي هيموت ويشوفني..!!!
آرين : كشرت عينيها.. بتقول ايه يا آدم؟
آدم مراد : بهدوء..ولا حاجه.. كملي انتي محاضراتك.
آرين : بزعل..ليه بس..بليز أروح معاك..عايزه اشوف بابي..!!!
آدم مراد : انا جيت لأني كان لازم اجي أشوفك..ومش هينفع ترجعي معايا دلوقتي بالذات.. فهمتي يا آري...
آرين : بحرج..احم.. أممم. فهمت..طيب انا هستأذن وارجع أنا. اوكي..!؟
آدم مراد : بابتسامه..كملي محاضراتك. بابا وخالي لسه بيخلصوا شوية إجراءات..وهيرجعو ع البيت.. اوكي..
آرين : هزت راسها بفرحه. اوكي يا آدم..
آدم مراد : بص ف عينيها..وقال. خلي بالك من نفسك يا آري..
آرين : بدقة قلب.. وأنت كمان يا آدم..
------------------بقلمي مريم نصار.
بعد فتره..فيلا العدوي..
رنا بتوتر.. ايه كل ده..اتأخرو قوي..
مريم : بصت ف الساعه..وقالت زين قال إنه ربع ساعة ويكونوا هنا..
فريحه : نازله..وكانت زي العروسه..وحاطه ميكب خفيف جدا.. وحاسه أنها طايره من الفرحه..وقلبها ملهوف ع احبابها..
رينو : لابسه فستان أزرق.. وحطت لمسات خفيفه.. وشايله ايان.. وعينيها ع الباب..وقلبها مش قادر يصبر اكتر من كده..
مريم : شافت رينو..وقالت..هاتي يارينو يابنتي آيان اشيله عنك شويه..
رينو : قامت بسرعه..وقالت اتفضلي يا يامامي.. بس ارجوكي بلاش ينام..انا عايزه فهد يشوفه وهو صاحي..
مريم : بابتسامه..حاضر ياحبيبتى..اطمني..آيان حبيب ناناه..مش هينام..صح يا آيو.. بدلعك اهو زي آرين..
طارق : نفخ بنفاذ صبر..هو زين ماشي على خمسين ولا ايه؟
آدم : أبتسم..وقال في التأني السلامه يصحبي..
طارق : بص ل آدم بغيظ..ياض انا عارف إنك اكتر واحد عايز تشوفهم..بس مش عارف إيه التلج اللي أنت فيه ده..
آدم : ببرود مش أحسن من النار اللي بتطلع من ودانك يا أسد..!! هههههههه..
دعاء دخلت تجري..وقالت بفرحه.. آدم بيه وصل يادكتوره فريحه..
فريحه : قامت بسرعه..وقلبها بيدق..وهمست.. آدم أبني..
كلهم قاموا وقفوا يستقبلوهم..
------------------بقلمي مريم نصار.
آدم مراد : دخل الفيلا على الميعاد المحدد قبل وصول الفهد. وسلم ع شاهين وهارون.. وداخل الفيلا.. بيتأمل ف كل حاجه موجوده..
ولمح فريحه وهي بتجري على باب الفيلا.. وابتسم.. واتحرك بسرعه..
فريحه : شافت أبنها..وعيطت من الفرحه. وفتحت أيديها..
آدم مراد : قرب منها واخدها في حضنه..وقال.. أمي. وحشتيني اوي ياست الكل..
فريحه : بعياط.. آدم أبني حبيبي رجعتلي بخير.. حمدلله على سلامتك ياقلب ماما..
آدم مراد : باس ع أيديها الأتنين..وجبينها..وقال بضحكه.. الله يسلمك ياحبيبتي..عامله ايه دلوقتي؟
فريحه : بسعاده..انا دلوقتي بعد ما شوفتك.. كأني متعبتش يوم..
آدم مراد : حاوطها من كتفها.. وقال..ربنا يديكي الصحه..تعالي نسلم على العيله..
فريحه : ماشيه جمبه..وبصت وراها..وقالت..أبوك فين يا آدم..
آدم مراد : خمس دقايق ويكون هنا..انا مقدرتش مشفوكوش اكتر من كده.. وبص للعيله كلها..وقال. السلام عليكم..
كلهم وعليك السلام..
مريم : برجفه.. امسكي يازينب. امسكي آيان..
آدم مراد : بابتسامه..قرب من رنا..وقال ماما حبيبتي. وحشتيني اوي..وضمها لقلبه..
رنا : بدموع الفرح..حبيب قلبي..حمدالله ع سلامتك يانور عيني..نورت الدنيا كلها ياحفيدي..
آدم مراد : باس ع أيديها وجبينها..الله يسلمك ياحبيبتي.. وقال بضحكه..بابا طارق..وسلم عليه.. وحضنه بعض..
طارق : بيكابر دموعه..وقال بهزار..اذيك ياض يا آدم.. ماشاء الله..راجع ولا كأنك كنت في شهر عسل. انت اتجوزت من ورانا ولا ايه ياض..!!
آدم مراد : بضحكه.. استحاله طبعا يابابا..لما اتجوز.اكيد.هتعرف..
وقرب من الإمبراطور..وبص ف عينيه..وابتسم بحب كبير..وقال..وحشتني يابابا..
آدم : فتح ايديه بصمت..مع ابتسامه وراها دموع مكبوته..
آدم مراد : اترمى في حضنه.. وساكت..
آدم : غمض عينيه.وربت ع ضهرو..واخد نفس عميق جدآ.. كأنه.. بيطمن نفسه.. أنه عيلته اكتملت..برجوع الحيتان. وقال بصوت هادي. حمدالله ع سلامتك يا حفيدي الغالي..
آدم مراد : طلع من حضنه.. وابتسم..وقال بحب..الله يسلمك يا بابا..
وقال..عمتو لارين.. حبيبتي.
رينو : حضنته..وقالت حبيب قلب عمتك.. نورت الدنيا ياروحي..حمدالله ع السلامه..
آدم مراد : الله يسلمك..الف مبروك لوصول آيان باشا..
رينو : ضحكت بسعاده. الله يبارك فيك ياحبيبى.. اومال فين فهد؟ ليه مجاش معاك..!!
آدم مراد : دقيقتين ويكون هنا.. وقرب من مريم..ووقف قدامها..ومسك ايديها وباس عليها..وقال. ماما مريم..وحشتيني جداً..
مريم : برجفه ضمته لقلبها..وقالت بدموع.ابن عمري وقلبي.. نورت قلبي وحياتنا برجوعك يانور عيني..
آدم مراد : طلعها من حضنه..ومسح دموعها.. وباس راسها..وقال..طيب بلاش دموع الله يكرمكم.. انا وبابا وخالي كويسين جدآ..
مريم : حطت ايديها على صدرو وكتفه ودرعاته..زي كل مره..وقالت..بلهفه..بالله عليك أنت كويس..يعني متجرحتش..محصلش اي حاجه..أبوك بخير..وفهد.. فهد بخير يانور عيني..طمن قلبي عليكم يابن قلبي..
آدم مراد : أبتسم لخوفها.. وقال..اطمني ولادك وحفيدك.. أسود.ومن الصعب يجرالهم حاجه. لأننا متحاوطين بدعواتكم.. وبص حواليه..فين تالين؟
فريحه : بسعاده..تالين في المدرسه ياحبيبى.. شويه وهتيجي. دي هتفرح أوي..
آدم مراد : أبتسم..انا هروح اجيبها.. وبص ل زينب. اذيك يا داده..
زينب : بسعاده..شاله تسلم من كل شر ياسي آدم بيه.. والله ليك وحشه..البيت من غيركو كان مضلم. وبصت على الامبراطور..احم مش مضلم أوي. بس انتوا نوارتنا..
آدم مراد : ضحك ع خوفها.. وشال آيان الصغير.. وباس جبينه..
------------------بقلمي مريم نصار.
مراد من ع الباب. سلاموووووو عليكوووووو يابشررر...!!!!
فريحه : شهقت بسعاده.. مراد..!!! وجريت عليه.. لكن وقفت بصدمه لما شافت دراعه..!!!
فهد : أول ما شاف آدم مراد..استريح شويه.. وعيونه راحت على. نجمته..ف نظره طويله كلها عشق وشوق ولهفه..
رينو : جريت عليه وقالت بدقات قلب مختلفه..فهد. ورفعت أيديها واتشعلقت في رقبته..!!
فهد : شالها من ع الأرض..ولف بيها كتير..وقال.. بعشق.. نجمتي وحشتيني..انا رجعتلك يانجمتي..
مراد : بضحكه ودقة قلب..ايه يافريحتي. مش عايزه تسلمي عليا..
فريحه : اتحركت بسرعه..واترمت في حضنه..وعيطت..وقالت..مراد.. ايه اللي حصل معاك معاك يامراد..
مريم : شافت دراع مراد..وفتحت عينيها بصدمه.. وأيديها رجفت..
آدم مراد : حاوطها من كتفها.. وقال..متقلقيش ياست الكل.. ده جرح صغير جدا.
مريم : بصت ل آدم مراد..بعدم تصديق..
آدم مراد : غمض عينيه ليها.ف اشاره..صدقيني.. وبعدين بابا قدامك زي الفل أهو..
مريم : غمضت عينيها وحمدت ربنا..انه رجع بالسلامه..
مراد : باس جبينها..وقال..انا كويس يابت.. بس حبيت اغير شويه.. مش معقول بقالي كام سنه اطلع مأموريات ومتعورش. قولت التغيير مطلوب برضه.. هههههههه.. وغمز..وهمس ف ودنها..حاطه روج يافريحتي..ده أنتي يومك أسوس انهردا..
فريحه : ضحكت بدموع الفرح.. وحشتني اوي يامرادي..
مراد : ايوه كدا اتعدلى.. بس برضوا يومك أسوس.. وسعي خليني اسلم عليهم.. وراجعلك اعسل..
وكشر عينيه وقالها..ايه اللي جاب ابوكي...!!!
فريحه : ضحكت بسعاده..وقلبها بيدق بفرحه.. لأن مراد بيعمل جو مختلف للبيت..
فهد : باس أيدها..وبص ف عينيها..وقال. وحشتيني يانجمتي..
رينو : ضحكت بدموع الفرح..واتكسفت ف نفس الوقت.. لأنها لما شافت فهد نسيت وجود العيله..
فهد : مسد ع حجابها بابتسامه..وغمز ليها.. تعالي نسلم عليهم..
مراد : سلم ع طارق ورنا ورينو..
فهد : باس ع ايد طارق..وقال وحشتني اوي ياحج طارق..
طارق : ربت ع كتفه وقال.. ماشاء الله.. ربنا يحفظك يبني.. حمدالله ع سلامتك يا حبيب أبوك..
رنا : وسع كدا ياطارق..فهد نور عيني وحشتني اوي ياروحي..
فهد : ضمها لقلبه بحنان..وانتي اكتر ياست الكل.. وسلم ع آدم ومريم وفريحه..
آدم : ضم مراد لقلبه..وغصب عنه عيونه لمعت.. وضحك بصمت يداري دموعه..وربت ع ضهرو بفرحه كبيره..وقال نورت المملكة ياحبيب أبوك.. انت كويس يامراد..!!
مراد : حس بنبرة صوت أبوه..وباس ع أيدو..وقال.. اطمن يا امبراطور.. إبنك قدها..وبعدين انا وقعت على كتفي..يعني مش حاجه كبيره.. ويومين واكون زي الفل..اطمن ياحج..
آدم : ربت ع كتفه وابتسم بصمت..
مريم : بهمس..مراد نور عيني وقلبي..
مراد : أتحرك عندها بسرعه.. وضمها بلهفه..وقال. أمي.. لو تعرفي أنتي وحشاني قد ايه..مش هتصدقي..
مريم : طلعت من حضنه.. وعيطت..وحطت أيدها ع الجرح..وقالت..حلفتك بالله.. أنت عامل ايه؟ حصلك ايه يابن بطني.. طمن روحي ياحبيبى..
مراد : باس ع أيديها وقال..والله انا كويس.. وعشان تطمني.. أهو..انا بحرك دراعي اهو..وكتم الألم..
مريم : مسدت على خدو..وقالت..نورت الدنيا كلها.. ونورت حياتي وقلبي يابن قلبي..
رينو : جت قدام فهد وشايله أبنها..وقالت بدقة قلب. إبنك آيان يافهد..!!!!
------------------بقلمي مريم نصار.
عند كامليا..
كامليا بتصرخ بأستغاثه.. لكن صرختها اختفت لما شافت قدام عينيها... د'م عذريتها..!!! ------------
------------
بدل ماتدور وتبحث علي الروايات خليها علي تليفونك وحمل تطبيقنا
