رواية رحمه ورحيم الفصل الثامن عشر بقلم الغازى
ال 18
عيسى: طاب حضرتك عايزه تمشي ليه
كوثر: انت عارف كويس عملت اي
عيسى بص لسما الى منزله وشه في لارض
عيسى اتنهد: ممكن اتكلم معاكى لوحدينا
كوثر: مفيش حاجه بينا نتكلم فيها وفلوسك الى دفعته هرجعهملك
عيسى: بلاش عند هتكلم معاكى خمس دقايق وبعدها لو عايزه تمشي مش همنعك
كوثر: ماشي
في لاوضه
كوثر: سمعاك
عيسى اتنهد: انا معجب بنتك وطالب القرب منك... عارف انك هتقولى بسرعه دى وكدا انا كنت معجب بأخت قمر الصراحه وطلبتها كذا مره بس امها رفض انا معجب بإخلاق بنتك وشيفها مناسبه ودا كفيل انى اطلبها منك عارف الى حصل امبارح غلط بس والله لحظت ضعف ومعرفش قربت منها ازي والا ازي هى استسلمت ليا كدا
كوثر بهدوء: علشان كدا ربنا حرم وجود اتنين محللين لبعض في مكان مقفول بس الناس بقيت بتطلع مبرر لاي حاجه اصل دا شغل اصلا دا ابن عمى عادي اصل دا اصغر منى واكيد مش هيفكر في كدا ودا كدا ابوى بس الشطان شاطر وبنتى قلتلى انها للحظه استجابت معاك بس اتخيل لو هي مفقتش لنفسها بسرعه... من ساعة الى حصل وهي مبطلتش عياط وشايفه نفسها اقذر انسان على الدنيا
عيسى: الموضوع بسبط مش مستاهل انا غلطت ومش
كوثر: لا يستاهل يا عيسى
عيسى سكت شويه
: طاب قلتى اي
كوثر: بتصلي يا عيسى
عيسى سكت
كوثر: عارف بنتى سما لما اقلها اتجوزي بتقلي انا نفسي اتجوز واحد يصحيني اصلى الفجر علشان زهقت من المنبه... سما بنتى حافظه 15 جزء من القرآن والباقي هتحفظه مع جوزها يا عيسى
عيسى سكت شويه وبعدين رفع وشه
: هتمشي برضو لو مشيتي حسن هيهزقني
كوثر: لا يا عيسى مش همشي دا انا الى مربياك بادي امك دي كانت اختى
عيسى اتجه لبرا بس قبل ما يطلع بصلها
: أن شاءلله هتحفظ النص التانى معاي
كوثر ابتسمت وطلعت
قبلت حسن على السلم
حسن: شكرا
كوثر: متقلش كدا انتوا زي ولادى بس لو قرارها تانى سعتها مش هفضل بجد
حسن: سعتها انا الى هتصرف
في بيت رحيم
رحيم دخل لاوضه بلهفه وقعد جنب رحمه على السرير
: مالك ابوى قلى انك تعبانه
رحمه بتعب: كنت فين صحيت ملقتقش
رحيم: كنت في شغل فين الى تعابك
رحمه: حاسه ان نفسي غامه عليا وبطنى وجعانى قوى غير الدوخه
رحيم: قومى البسي هنروح عند الدكتوره
رحمه بتعب حاولت تقوم
رحيم: على مهلك يا حبيبتي خليكى هنده أم محمد تيجي تسعدك
رحمه مسكت ايده: لا سعدنى انت
رحيم اتنهد: حاضر
تحت
حنان بصوت عالى
: بقولكم افتحولى عمى منصور مش هيسكت واالله لحرقكم كلكم
ام محمد بصت لسيد
سيد بهدوء: سبيها تتربا شويه علشان تعرف ان العب مع رحيم مش صح
برا
شخص: بقولك اي اخلص قرب ينزل
شخص تانى: ما انا مش عارف هيركب اي وحده
الشخص: قطع فرامل العربيات كلها لو معملانش المهمه دى منصور هيخلص علينا
: طيب طيب هقطعهم كلهم يمكن نخلص منه ومن ابوه
في بيت حسن
قمر دخلت البيت بغضب
وقفت تفق حجابه قدام المراية
حسن طلع من الحمام ابتسم لما شافها وقرب حضنها من ضهره
حسن بهمس: انا قلت تجى بعد العصر والمغرب على إذان
قمر لفت بغضب وزقته
: متلمسنيش كدا تانى ولا انت مش راجل ومش قد كلمتك لما قلتلى مش هلمسك
حسن رفع ايده بغضب
: قمر
قمر: هتمد ايدك عليا مد يا حسن من اول يوم وانا ساكته انا مرات نادر وهفضل مراته
حسن بصلها بغل وساب الشقة وطلع
قمر قعدت على لارض بنهيار
: انا مرات نادر انا مرات نادر بس ومستحيل احب حد بعده انا مش بحب حسن مش بحبه
تحت
حسن نازل بغضب قابله عيسى
عيسى: حسن ا
حسن: غور من وشى دلوقتي
عيسى بستغراب: هو في اي
عند رحيم
رحيم: هى مش راضيه تقف ليه
رحمه بخوف: في اي
رحيم: اهدى و متخفيش
رحمه بخوف: العربيه مش راضيه تقف
رحمه غمضت عنيها وصرخت بقوه لما العربيه خبطت في السجره
رحيم فتح عنيه ومسك وش رحمه بين اديه
: انت كويسه حصلك حاجه
رحمه: لا بس خوفت.
رحيم: الحمدلله انتى كويسه يا حبيبتي.... تعالى دلوقتي ننزل نشوف الدكتوره
في للعياده
الدكتوره ابتسمت: الف مبروك المدام حامل
رحمه بلهفه: بجد يا دكتوره
الدكتوره: اه والله
رحيم مسك ليدها وباسها
: مبروك يا أم نور
الدكتور: دا نور ولاد ولا بنت
رحمه بحب: لا نور ولا نور الدين رحيم
الدكتوره: ربنا يتمملكم علي خير يارب
رحيم تلفونه رن
رحيم: الو
شخص: الحق يا رحيم بيه والدك عمل حدثه وهو في المستشفى دلوقتي
رحيم بصدمه: والدى
فى المستشفى
رحيم دخل بلهفه وخوف على سيد الى نايم على السرير ورجله متجبسه
رحيم: والدى انت كويس حصلك حاجه
سيد ابتسم: انا الحمدلله زي الفل يا ابنى
رحيم: ازي يعنى عملت حدثه
سيد: معرفش يا ابنى انا كنت راكب مع حمدى علشان نروح لارض والعربيه طلع مفهاش فرامل
رحيم بغل: اااه يا ابن الكلب والله موتك على ايدى
رحمه خليكى مع والدى انتى
وطلع على برا
سيد: رحيم... رحيم
رحمه ابتسمت وقربت منه
: الف سلامه يا عمى
سيد: الله يسلمك يا بنتى الدكتوره قلتلك اي
رحمه: اممم قلتلى انك هتبقا جد
سيد: بجد... بجد يا رحمه انتى حامل... الحمد لله الحمد وشكر ليك يارب
رحمه: ربنا يخليك لينا يا عمى
......
رحيم اتجه لبيت منصور بغصب بس قبل ما يدخل شافه عيسى وجرى وراه
في البيت رحيم رفع المسدس على منصور بغل
: انا خلاص جبت اخرى منك
عيسى: اهدا يا عيسى مش كدا
رحيم: ابعد عنى يا عيسى دلوقتي
عيسى: رحيم اهدى انت كدا بتودى نفسك في دهيه
منصور: خليه يقتلني... خليه يعملها
رحيم نزل السلاح و قرب من منصور بهدوء
: لا ما انا مش هقتلك انا هعمل فيك الى اسوى من كدا
منصور بصله بستغراب
دخل واحد من الى شغلين عند منصور وهو بينهج
: الحق يا بيه لارض كلها ولعت والناس ال كنت مداين منهم وراهن البيت ليهم جاين
منصور حط ايده على قلبه
: اي
عيسى: لا ولسه... طلع التلفون وشغله فديو.. فديو ليك وانت بتسلم المخدرات الى كنت زرعه اقل حاجه 25 سنه
منصور وقع مره وحده
طلعت فوزيه وهى بتصرخ
: يلهوى خربتوا بيتنا منكم الله منكم لله
عيسى و رحيم لفوا ضهرهم وكانوا ماشين
فوزيه بصتلهم بغل وطلعت السكينه وقربت منهم ولسه هتنزل بيها
رحيم: عيسى
عيسى وهو بيلف السكينه جات في صدره اتعور
رحيم مسك فوزيه وخد منها السكينه رماها
بعد
فوزيه بنفاعل : والله ما هرحمكم خربتوا بيتى مفكرين بموت جوزي هسكت محدش هيجيب حقه غير انا
رحيم زقه بعيد وقرب من عيسى
: انت لازم تشوف دكتور بسرعه يخيطلك
عيسى: لا عادي جرح بسيط
رحيم: بسيط اي تعاله نروح لدكتور يلا
عيسى: روح انت شوف ابوك وانا هروح
رحيم: طاب تعاله اوصلك لحد البيت وحسن يروح معاك
في مكان تانى وسط الزرع كوخ صغير
خاص بحسن بيقعد في لما يبقا مضايق
حسن نايم جواه صحى على حركه فوق وشه
حسن بعد بخضه
: حبيبه
حبيبه بلهفه: ايوه انا يا حسن... انا سمعت خناقتك انت وقمر ودى بنن عبيطه علشان تضيع واحد زيك من ايدها... بص انا والله هعملك الى انت عايزه هعيش خدامه تحت رجيلك
حسن: اي الى بتقوليه دا يا حبيبه
حبيبه: انا بحبك يا حسن بحبك
حسن سمع دوشه برا قام وهو بيلبس جلبيته
: حبيبه اخفي من وشي دلوقتي
حبيبه بدموع: ليه ياود خالى بقولك بحبك اشمعنا هى
حسن كان قفل الباب وطلع
.....
سما ومها كانوا قاعدين قدام التلفزيون
كوثر: قمر منزلتش برضو
سما: مرضيتش بتقول تعبانه وهتنام
كوثر اتنهدت: طيب
سما شهقت وهى شايفه عيسى داخل عليهم وغرقان دم
: يلهوى عيسى
كوثر قامت بلهفه: ولادى اي الى عمل فيك كدا
عيسى: متخفيش جرح بسيط
كوثر: يا مرى يا مرة انت مش شايف الدم... بصت لسما... وانتى هتفضلى متنحه كدا شفيله جرحه وانا هروح اجبلك القطن والحاجه
سما فاقت وقربت من عيسى تساعده يقعد على الكرسي وبدات تفكله القميص وفضل بصدره
سما: الحرح عميق و محتاج يتخيط مش هينفع ليه تنضيف بس
عيسى وهو بيبصلها
: نضفيه دلوقتي وبعدين انا هروح لدكتور يخطه
سما بدات تنضيف
عيسى: وانتى على كدا بقا متعوده تنضفي لرجاله جروحهم و تشفيهم كدا
سما: دا شغلى
عسيى: لا شغلك دا مينفعش معاي اتنقلي من الطوارئ لتوليد
سما رفعت حجبها
: محدش قلى ان لازم شغلى يعجبك قبل مشتغل فيه
كوثر طلعت بالحاجه
خدتها منها
كوثر: اسم الله عليك يا حبيبى اي الى عمل فيك كدا أن كان كل دا من ورا شغلك سيبه عمرك اهم منه
عيسى: صحبي بس كان عنده مشكله مع عمه ومنها الله مرات عمه بجتنى بالسكين
سما همست: تستاهل عيسى بصلها
: بس انا مرضتش امد ايدى عليها علشان وحده ست
حسن دخل بلهفه
: انت ازي مش واخد بالك من نفسك هتفصل مستهتر لحد امتى كدا ياخى لو مش علشان نفسك علشانى انا مليش حد من بعدك يا عيسى
عيسى: يعم انا والله كويس هي بس خدتنى على خوانه
حسن اتنهد: علشان خاطرى يا عيسى خد بالك من نفسك
عيسى: حاضر... رحيم و مراته وابوه عمله حدثه
حسن: عارف وعارف ان منصور دلوقتي فى المستشفى بسكته قلبيه وتحجز على بيته وارض وابنه اتحكم ليه 25سنه النهارده
كوثر: هو الراجل دا لسه قاعد دا طلع عين سيد ومراته الله يرحمها
حسن: منه لله بقا
عيسى: انا هروح اغير علشان نروح لاعمى سيد وبالمره نعدى على مستشفى نخيط الجرح
عيسى طلع كوثر قربت من حسن
: ماله قمر يا حسن
حسن: انا هستنا عيسى برا
في بيت رحيم
ام يحيى: الف سلامه يا عمى سيد
يحيي: الف سلام يا ابو رحيم
سيد: الله يسلمكم تعبين نفسك وجاين ليه
يحيى: برضو كدا احنا اول ما درينا جينا علطول
تحت
نواره: ماله ابو جوزك يا رحمه وانت يا حبيبتي كويسه
رحمه: عملنا حدثه تقريباً الى اسمه منصور هو الى قطع فرامل العرابيه
نواره: الحمدلله يا بنتى انك بخير
رحمه: تعالى بس اطلعك تطمنى على عمي علشان في خبر حلو عايزه اقولك عليه... كملت لشمس: معلش يا شمس كملى انتى مكان العصير
شمس بدات تعمل عصير لناس الى فوق
: اساعدك
شمس بصت لقيت يحيى
: دا انت بتطلعلى في البخت بقا
يحيي دخل: قدرك بقا... انا كنت نازل اجيب ميه لقيت وبعدين عصير اي الى هتعمليه جوز خالتى عامل حدثه محتاج حاجه تغذيه احنا نعمله كوكتيل
شمس: لو بتعرف اعمله
يحيى بدا يعمل
: على فكره انا الى بعمل لاكل في بيتنا
شمس: امم ست بيت شاطره
يحيى: لا واحد مبيحبش يخلى امه التعباته تعمل حاجه قبل ما انزل بعمل الغداء وبرجع اعمل العشاء
شمس: على فكره انا كنت بهزر
يحيى: لا فكك انا اصلا مبهامش بكلام الناس بتاع العيب واصلا الناس الحاجه الى مش حرام مش عيب
شمس: على فكره انت كبرت في نظرى اوي... هو انتوا سكنين فين
يحيي: شقه في وسط البلد.... يحيى مدلها المعلقه..... خلصت دوقي كدا
شمس قربت بخجل وكلت
: لا برافوا بجد انا مستعده اجى عند رحمه اختى علشان اكل منه
يحيى: وانا مستعد انط لرحيم في بيته كل شويه علشان اشووفك
حسن: الف سلام يا عمى سيد
سيد: الله يسلمك يا ابنى
حسن: شفت اهو حقك جالك من غير ما تعمل حاجه.
سيد: البركه في عيسى ربنا يخليه... كل شويه يلبسه قضيه... محصلش حاجه جديده
حسن: حسب ما وصلنى جاله شلل من الصدمه
سيد بص لرحيم: عملت اي في حنان
رحيم: سبتها... بس هى ملهش مكان تروحه دلوقتي
دخل عليهم يحيى شايل صنيه عليها عصير
و معاه شمس شايله صنيه عليها اكل
يحيي: مالكم كدا كاتمين على الراجل ما تسبوه يتنفس
عيسى بص على شمس الى داخله تضحك مع يحيي
شمس بصت بعيد
سيد خد كوبايه
: تسلم ايدك يا شمس يا بنتى
يحيي: كدا برضو يا جوز خالتى
شمس: لا الكوكتيل دا عامله يحيي مش انا
سيد: يااااها دا انت ست بيت شاطره بقا
يحيى بفخر: امال
شمس: طاب بعد إذنكم انا يا جماعه بقا
في اوضت رحمه
رحمه بخجل: احم انا حامل
نواره من الفرحه زغرطت
ام يحيى بفرحه : مبروك يا حبيبتي مبروك وخير هبقا ست
شمس بفرحه: وانا هبقا خاله
نواره: تاخدى بالك من نفسك و متتحركيش كتير فاهمه وكلى كويس لو مش هتقدرى على البيت ابعتيلى علطول
رحمه: لا ما انا معاي أم محمد
نواره: طيب يا حبيبتي ربنا يتمملك على خير
في بيت حسن
ام حبيبه: هااا قلك اي
حبيبه: زعق فيا وقلى اي الى بتقوليه دا
ام حبيبه: ما انتى الى خايبه معرفاش تزغللى عينه اسمعى يا بت حسن دا لازم يتجوزك بإي طريقه مش هنسيب كل الفلوس ولارض دي للمفعوصه وبنتتها تاخد كل حاجه ولازم تستغلى الى سمعتيه امبارح
حبيبه: طيب اعمل اي
ام حبيبه: هقولك تعملى اي
في بيت رحيم
حسن و عيسى كانوا مروحين وقفتهم نواره
نواره: ازيك يا حسن يا ابنى
حسن: كويس الحمدلله يا حماتى
نواره: يحيى النهارده اتكلم معاى تانى وعايز يتقدم لشمس وكنت عايزاك تيجي تقعد معاه انت ورحيم
حسن: طبعا يا حماتى انتى قلتيله الساعه كام
نواره: انا مقلتلوش على المعاد ابقا رد عليه انت بالمعاد الى يناسبك
حسن: حاضر يا حماتى... مروحه
نواره: ايوه مستنيا شمس بس هتجيب حاجه من عند رحمه
حسن: هنخدكم في طريقي
نواره: ماشي يا ابنى كتر خيرك... بص لعيسى
: ماله ايدك يا عيسى
عيسى: جرح بيسط كنت بنضف السلاح وتعورت
نواره: الحمدلله يا ابنى انها جات بسيطه... اخبار شغلك اي
عيسى: اهو الحمدلله ماشي
فى المستشفى
حنان بلهفه
: حماتى حماتى
فوزيه بنهيار: كل حاجه راحت كل حاجه ابنى وجوزي وبيتى ولارض وكل حاجه
حنان: لا لسه في الورق ال. خدانه منهم
فوزيه: ورق اي ما عرف ونقلهم بإسم رحيم وكل الى عملانها ضاع
حنان: يعنى اي...
فوزيه: معرفش معرفش...
قدام بيت حسن
حسن: روح انت وانا هروح الخلوه
عيسى: حسن هو حصل اي بينك وبين مراتك
حسن: مفيش ابقا خد بالك منها ولو احتاجت حاجه جبهالها
عيسى: بس انا مش هقعد في البيت وعندى شغل دلوقتي وحتمال اطبق يومين ومش هينفع نسيب البيت
حسن اتنهد: خلاص روح انت وانا هقعد... اتعشيت لاول
عيسى: هاكل في الشغل
حسن: خد بالك من نفسك ومتعملش جهد علشان الجرح الى في ايدك وصدرك دا
عيسى: حاضر
حسن دخل وقعد في الحوش وهو بيحرك ايده على راسه بتعب
قمر: اعملك تتعشا
حسن فتح عنيه لقيها قدامه اتجهالها ونده على حبيبه
حسن: حبيبه... حبيبه
حبيبه طلعت بلهفه: ايوه يا حسن
حسن: اعمليلى اتعشا معلش
حبيبه بفرحه: حاضر
قمر بصت لحسن ودموع في عنيها
حبببه طلعت بلاكل وحطته قدام حسن
حسن: تسلم ايدك يا حبيبه اتعشيتى
حبيبه: لا لسه
حسن: طاب واقفه ليه اقعد كلى
قمر طلعت تجرى على فوق وهي بتعيط
حسن اتنهد: حبيبه انا هعتبر الى قلتيه في الخلوه مسمعتوش والى حصل بس في مشكله بينى وبين قمر وعارف انك سمعتيها وانا الصراحه مبحبش ادخل المطبخ فا علشان كدا قلتلك اتجبيلى لاكل...
حبيبه: عارفه
حسن: معلش بس ممكن تجبيلى بطنيه علشان هانم هنا
حبيبه: حاضر
حبيبه دخلت جبتله بطنيه وشالت لاكل في المطبخ
حسن: اطفي النور
حبيبه طفت النور ودخلت اوضتها
في بيت رحيم
رحمه: اطمنت على عمى
رحيم: ايوه ودايته الدوا... رحيم قرب منها وباس راسها... مبروك يا حبيبتي ملحقتش ابارك ليكى من الخضه على الحج
رحمه ابتسمت: الله يبارك فيك
رحيم: شغل كتير مش عايز و متتعبيش نفسك ماشى
رحمه: حاضر... هى امى كانت عايزك في اي
رحيم: كانت بتقولى اروح اقعد مع يحيى علشان طالب ايد شمس
رحمه بفرحه: وشمس موافقه
رحيم: معرفش بس يحيي والله إنسان كويس
تانى يوم
قمر قاعده على السرير بتكلم امها والدموع في عنيها
قمر: امبارح بقوله اعملك تتعشا مردش عليا وخلا الى اسمها حبيبه تجبله لاكل ومن شويه اداها التلفون تكلم صحبتها منه
نواره: وزعلانه ليه مش انتى الى عايزه كدا
قمر بدموع: انا مش عايزه كد انا مش عايزه يلمسنى بس لكن تعملنا يفضل زي ما هو... مكنش بيعملنى كدا
نواره: قمر... حسن من يوم جوازك من نادر الله يرحمه مكنش بيكلمك... هو مبدأش يكلمك غير لما نادر مات وشال هو مسؤاليتك
قمر بتعيط بس
نواره اتنهد: بطلى عياط وقومى اغسلى وشك ولبسي وتعالى اقفى مع اختك يمكن احتمال رحمه متجيش علشان ابو جوزها تعبان
قمر: حاضر
قمر قفلت وقامت تدخل الحمام
الباب خبطت وهي فتحت وكانت حبيبه
حبيبه بشماته: حسن بيقولك البسى انتى و أمير علشان رحين عند اهلك وبيقولك هتيله هدوم هيلبس تحت
قمر دخلت جابت هدوم ورمتهم في وشها
في بيت رحيم
رحمه بتساعد رحيم يلبس هدومه.
رحيم: معلش مش هينفع اخدك معاي علشان منسبش الحج لوحده
رحمه ابتسمت: لا عادى ابقا اروح مره تانى
رحيم باس راسها
: خدى بالك من نفسك ولو والدى عاز حاجه خلى أم محمد تعملهاله
في الطريق
حسن شايل أمير و قمر ماشيه جنبه
قمر بدموع: طيب انت زعلان منى ليه دلوقتي
حسن: وهزعل ليه.
قمر مقدرش تسيطر عل. نفسها ودموعها زادت
: لا انت زعلان منى
حسن بحده: متعيطيش احنا مشين في الطريق
قمر اول ما وصلت بيت امها دخلت بندفاع وهى بتعيط
نواره بصت عليها ورجعت بصت لحسن
: اتفضل يا ابنى
حسن: رحيم لسه مجاش ولا اي
نواره: لا جوه ادخل
حسن دخل قعد جنبه أمير
نواره: هروح اجبلكم حاجه تشربوها
رحيم: لا يا حماتى تعالى عازين نتكلم معاكى
نواره قعدت: معاك يا ابنى
رحيم: اول حاجه قبل ما يحيى يكون ابن خالتى شمس اختى ومش هسلمها لاى حد وخلاص
نواره: ودا العشم يا رحيم
رحيم: وعلشان نبقا على نور... رحيم ابن خالتى عنده 28 سنه خريج هندسه فاتح ورشه وكمان داخل في مشروع كدا معاي عنده وليه أرض هنا بس مأجرها والحمد بيصلي وبيصوم
حسن: وحنا طلبين نعرف ردك.. لان احنا عرفين كل حاجه ومش هينفع نقله نفكر
نواره ابتسمت: وشمس موافقه هى صلت أستخاره و مرتاحه
حسن: معلش يا حماتى اتاكد بنفسي بس
نواره خلاص ماشي... شمس شمس
شمس طلعت: ايوه يا امى
حسن: تعالى يا شمس
شمس قعدت
حسن: اي رايك في يحيي
شمس: احم كويس
حسن: متاكد يا شمس القرار دا مينفعش ناخده علشان بنعاد في حد او عازين ننساه
شمس فهمت انه قصده على عيسى
: وانا مش عايزه انسا حد ومتاكده من قرار دا بعد قرارك انت طبعا
حسن: إن شاءلله... يلا ادخلى علشان يحيي شكله جه
شمس قامت ودخلت جوه
رحيم فتح الباب ورحب بخالته ويحيى
وقعدوا
ام يحيي بدأت كلام
: بصي يا ام قمر حنا جاين وطلبين ايد بنتك شمس لابنى يحيي وجهزين من جنيه لمليون
نواره: وحنا متلزمناش الفلوس احنا بنشترى راجل
يحيى: احم في حاجه بس حابب اقوله قبل منتفق على حاجه... حضرتك عارفه أن امى ملهاش غيري انا عندى شقه تانى بس هقعد مع امى في شقت والدى الله يرحمه مقدرش اسيبها لوحديه وخوصا يعنى انها رجليها وجعاها
نواره ابتسمت: ودى حاجه تكبرك في نظرى... انا هسيبك تتفق مع رحيم وحسن على باقي التفصيل
ام يحيى: معلش خدينى معاكى ادخل اتكلم مع العروسه شويه
نواره: تعالى يا أم يحيى
بعد شويه
شمس طلعت وهى شايله صنيه عليها عصير وقعدت بخجل
حسن: تعاله يا رحيم عايزك دقيقه.
رحيم وحسن مشيوا
ويحيى قام وقعد جنبها على مسافه معقوله
يحيى: عامله اي
شمس: الحمدلله
يحيى: عصير اي دا
شمس: برتقال
يحيى: مبحبوش كنتى عملتى منجا
شمس ابتسمت
يحيى: احم سمعتى الكلام الى قلته لامك بخصوص الشقه
شمس: ايوه
يحيى: واي رايك
شمس: دى زي امى وانا الى مكنتش هرضا تسيبها
يحيى ابتسمت
شمس: انا يعنى كمان مش هسيب كليتى
يحيى: اكيد طبعاً مش هتسبيها
شمس: انا في كلي
يحيى: كليه أداب قسم فرنساوى وعايزه تعملى مجستير بعدها
شمس: انت عرفت كل دا منين
يحيى: من لما كملتى 17 سنه وشفتك يوم فرح رحيم ورحمه ومن سعتها وانا بسال عليكى
شمس: بس على فكره انا مبعرفش اطبخ انت الى هتضبخ
يحيى: يلا يا بت امال مين ال. عمل لاكل لما كنا عند رحيم
شمس ضحكت: خالتى الى قلتلك صح
يحيي بصلها بحب: ايوه
حسن دخل
: اظن كفايه كدا يا يحيي
يحيي: لا والله مش كفايه بس يلا
رحيم: لما تتجوزه يا خوى براحتك
حسن: نقراء الفاتحه
نواره طلعت وهي بتزغرط
في بيت حسن
عيسى واقف على باب الشقه بتاعت سما ومها
سما فتحت: في حاجه
عيسى: امك جوه
سما: ايوه بتصلي
عيسى: تمام خدى دول ودخلى وهي لما تصلي تنده عليا عايزه في موضوع انا قاعد هنا
سما هزت راسه وخدت منه لاوكيس
بعد شويه طلعت كوثر
: تعاله يا ابنى في حاجه
عيسى دخل وقعد
: بصي يا خالتى انا جبت تصريح تفتيش لبيت عاطف دا وقلبه قلبته حته حته و ملقتش اي ورق وغير أن الورق الى متسجل عند الحكومه ان جوز حضرتك كتب كل حاجه بإسم اخوه فعلا وبكره موعد اول جلسه والمحامى بيقول ان موقفه ضعيف... في وسط كلامهم سما كنت دخلت و حطت الشاي
كوثر: طاب والعمل يا ابنى
عيسى: انتى متاكده انه كتب حاجه بإسمك انتى وسما
كوثر: ايوه والله يا ابنى
عيسى: ما يمكن غيرها بعدين
كوثر: الله اعلم يا ابنى
سما: ويمكن عمى مزور الورق
عيسى: او ممضي ابوكى على تنازل قبل ما يموت
كوثر: ممكن
عيسى: مش عارفه والله انا مطبق من امبارح على القضيه دى مع المحامى
كوثر: معلش يا ابنى تعبانك معانا
عيسى: متقليش كدا يا خالى
كوثر: هنعمل اي طيب
عيسى: مفيش حل غير اننا نوقعه في الكلام
كوثر: ازي
عيسى: هقولك ازى
في بيت نواره
حسن بهدوء
: هتروحى ولا قاعده
قمر: لا هقعد مع امى
حسن: انا ماشي
حسن مشي
نواره قربت من قمر
: في اي يا قمر
قمر بدموع وعند: مفيش
نواره شدتها لحضنها: بتحبيه يا قمر
قمر: شكلى كدا يما.
نواره: قومى يا بنتى قومى روحى ورا جوزك ومتسبهوش للحربايه الى في البيت
قمر: حاسه انى مخنوقه هقعد هنا النهارده... يتبع
