 |
رواية غسان الصعيدي الفصل الثاني والعشرون 22 والفصل الثالث والعشرون 23 بقلم سهيله عاشوررواية غسان الصعيدي الفصل الثاني والعشرون 22 بقلم سهيلة عاشورفي المنزل الجديد كانت نجاة تضع الطعام على سفره صغيره وبسيطه للغايه وكان الجميع يجلس ويتحدث وتملئ البسمه وجههم مع عدا بالطبع المدعوه ولا داعي لذكر اسمها… وبعد قليل خرج غسان من المرحاض يرتدي جلباب صعيدي وشعره مبلل ومتناثر فكان شكله جذاب للغايه…. ثم اقترب منها وبدأ في حمل الاطباق نجاة بإبتسامه: اي اللي انت بتعمله دا…. روح ارتاح يلا غسان: انا مرتاح…. انا بجد اسف اني تعبتك كده وخصوصًا انك حامل بدل ما اجبلك اللي يخدمك لا انت اللي بتخدمي الكل1 نجاة بتذمر: وبعدين معاك بقا…. قلتلك انا مش زعلانه بالعكس البيت دا انا مرتاحه فيه اوي بسيط وبعيد عن المشاكل فيه روح حلوه اوي يا غسان…. ثم اكملت بتنهيد: يا غسان افهم انا بحبك عارف يعني اي… يعني ارميني في النار وانت معايا مش هحس بيها… اعمل فيا اي حاجه اهم حاجه انك معايا مش عاوزه غير كده…. ربنا يخليك ليا حبيبي ونفرح بأبننا اللي جاي….. ثم همست في اذنه: بحبك يا بن اسماعيل1 ابستم بعشق ظاهر وكأنه ملك الدنيا بأكملها لمجرد استماعه لهذه الكلمات….. غسان بحب: طب اعمل فيكي اي دلوقتي… بقلك اي هو ضروري ناكل يعني نجاة بضحك وخجل: اوعا كده خليني اكمل كاد ان يقترب منها ولكن قاطعهم صوت ابوه اسماعيل بغضب مصطنع: ابااااه عليك…. اي اللي موقفك يا واد انت تعالى اهنيه غسان بأقضاب: جاي يا حج…. ثم همس في اذنها: كده كده هتجيلي يا بنت صبحي صبرك عليا تركها وذهب لمكان والده وكاد ان يجلس ولكن قاطعه دق الباب…. فذهب وفتح الباب ولكنه صدم عندما رأي رشا ومعها بلال ومن خلفهم صالح ونعمه غسان بقلق: في اي….. اقصد اتفضلوا…ثم وجه نظره لرشا بغضب: انت اي اللي جابك اهنيه رشا بخوف: اللي فات مات يا ولد عمي انا اتغيرت وكل البلد شاهده على اكده انا بس جايه اشوفكم…. ربنا بيسامح يا ولد عمي انت مش هتسامح؟…. والله عاوزه اطمن عليكم وعلى نجاة التمس الصدق في حديثها فقام بإفساح الطريق فدلف الجميع ورحب بهم اسماعيل وسميه ونجاة بحب شديد…. اما عن تغريد فذهبت لغرفتها التي تخصصت لها في المنزل لأنها بالطبع لا تود ان تشارك هذا الحديث الحميم….. فا بالفعل… من كان يحمل ذره واحده من الحقد او الكره لدمر نفسه قبل ان يدمر من حوله……… صالح: قلقتني عليك يا بيه….. ثم اكمل بحزن: كيف حصل دا؟ غسان بإبتسامه؛ دا امر الله يا صالح وصدقني انا مبسوط ومرتاح وربنا يقدرني واريح اهلي معايا ومحدش فيهم يكون مدايق سميه براحه: والله يا صالح يا ولدي البيت دا فيه حاجه غريبه من اول ما دخلته وانا قلبي مطمن اسماعيل بتأكيد: معاكي حق والله…. رشا بصدق: يا ولد عمي انت ليك في ورث ابوي وزمان اتنازلت ليا عنه ودلوقتي انت محتاجه خدو ودا حقك انا متنازله عنه غسان بهدوء: مش عاوز يا رشا…. انا مبسوط ومبسوط اكتر يتغييرك دا… ان شاء الله. ربنا هيعوضك عن كل حاجه نجاة بتلقائيه: ويهدي امك العقربه دي1 صدم الجميع من جملة هذه المعتوه فهي لا تعقل الكلام بالمره رشا بضحك مفرط: الله يحظك يا نجاة…. والله معاكي حق دي لسه مدياني طريحه من شويه الله يهديها زي ما هداني اسماعيل بتساؤل: ويبعتلك راجل يعوضك عن اللي فات…. قلبي حاسس انه هيكون قريب يا بنت اخوي دق قلب كليهما بشده وتلاقت انظراهم لوقت قصير ولكن نفر كلاهم هذا الشعور وانشغلوا في الحديث مجددًا وتعالت ضحكاتهم وقد اقتربت رشا ونعمه ونجاة من بعضهم كثيرًا حتى انهم تبادلوا ارقام الهواتف…… وبعد قليل سمعوا صوت صراخ بالخارج وكأنه صوت سلمان فركض الجميع لرؤية ما يحدث…… غسان بضحك: بقا دا ولدي الحيله…… انفجر الجميع بالضحك حيث كان سلمان يحمل القط مشمش ويركض بسرعه كبيره ويصرخ وكانت زهره تركض خلفه بغضب كبير وتتهمه بالسرقه… وكانوا يدورون حول المنازل….1 زهره بغضب طفولي: هتصل بالحكومه تيجي تاخدك……..1 غسان بصراخ: والله يا سرقت دا انت مخبوله زهره بغضب: هقطع ايدك يا حرامي بلال بسرعه: بس يا زهره خلاص…. في اي اهدوا توقفت زهره ونظرت لأخيها وكانت ستبكي من كثرة الغضب: الحرامي دا…. سرق مشمش غسان بخوف وهو ينظر لغسان: والله يا ابوي ما خدت المشمش ولا شفت مشمش…. انا لقتها بتعيط رحت احايلها لقتها بتجري ورايا كيف المخابيل زهره بغضب: انا مخبوله…. مش هسيبك حملها بلال بسرعه وحاول تهدأتها غسان بهدوء وضحك: ممكن تهدوا…. قولي يا بنتي في اي زهره بطريقه طفوليه ظريفه للغايه: دلوقتي يا عمو… انا كنت بجيب لبن (حليب) لمشمش القط بتاعي وجيت ملقتش مشمش دورت عليه وكمان زهره عيطت كتير لقت الحرامي دا سارق مشمش غسان بإبتسامه: زهره مين؟ زهره بطفوله؛ انا زهره بلال بغضب؛ اكيد ميقدش انه يعمل اكده…. تقومي تجري وراه كيف المخابيل وتفرجي علينا الناس دااه ينفع زهره ببكاء: مشمش بس اللي صاحبي وانت دايما في الشغل…. زعلت فكرته راح عند ربنا زي ماما وبابا1 شغر الجميع بغصه في قلبه لحزن هذه الصغيره بشده فأنزلها بلال لتقف على الارض واقترب منها سلمان واعطاها القط ومد يده ليعطيها شوكولاتة صغيره زهره بفرحه: دي ليا سلمان بحزن: انا اسف… مكنتش اعرف انه بتاعك هو اللي جه عندي نجاة بمرح: خلاص كده اتصالحنا يلا ندخل ناكل بقا…. وانت يا قمر يا صغننه تعالي معايا زهره وهي تنظر لبلال:…. بلال: روحي اخرة صبري صالح بإبتسامه: زي القمر اختك يا بلال ربنا يخليهالك بلال: يارب يا صالح انت مش عارف دي عندي اي؟ غسان: طب ما تتجوز …. هاتلها واحده تخلي بالها منها بلال بحزن: كنت ما اتقدم لواحده وتوافق في الاول… لكن لما تعرف اني عندي مسؤولية عيله صغيره زي زهره تقول لا…. محدش بيحب يشيل هم غيره يا غسان بيه غسان بإبتسامه: اولا بلاش بيه دي محدش فيكم يقلي بيه…. وبعدين يا عم ما تبص حواليك وتدور كويس يمكن تلاقي اللي تتمنى رضاك قاطعهم اسماعيل بصياح:يلا يا ولاد علشان الاكل دلف الجميع للداخل وشرعوا في تناول الطعام بسعاده كبيره…. حتى انقضى اليوم وذهب كل منهم لبيته… وايضا من في المنزل ذهب كل منهم لغرفته فكانوا سعداء للغايه…. من لايراهم لا يظن مطلقًا ان هؤلاء خسروا لتوهم كل ما يملكون…… *********************** في غرفة غسان ونجاة كانت قد ابدلت ملابسها لمنامه قصيره وارخت جسدها على السرير ثم وجدت على المكتب المجاور للسرير الااب توب الخاص بها فتعجبت كثيرًا نجاة: غسان….. يا غسان وجه نظره الليها بعدما كان ينظر من النافذه يتأمل الحقول غسان بإبتسامه: نعم يا روح غسان نجاة بخجل: هو مش المفروض تكون بعت الااب توب هو بيعمل اي هنا اقترب منها وجلس بجاورها واحتضنها بحنان وظل يمسد على شعرها بعشق وحنان بالغ غسان: لقيته مش هيجيب ثمن لأن محدش بيشتغل في النوع دا في مصر كتير… فقلت نخليه يمكن نستفاد بيه احسن نجاة بتفهم: تصدق صح….. امك دعياله سونه غسان بصدمه: امي وسونه…. ثم اكمل في نفسه: دا انا بقيت هفأ والله نجاة: هااااي… انت معايا غسان بإبتسام:معاكي يا اختي…. خير نظرت له وضحكت بشده ثم جلبت الااب توب وظلت تعبث به قليلًا حتى وجدت الكثير من الافلام التي قد قامت بتحميلها مسبقًا…. نجاة بنصر: الحمد لله…. لقيت حبة افلام وكرتون وحاجات اي زي المسك نتفرج عليها يا سنسن يا جامد انت غسان بذعر: بطلي دلعك الماسخ دا كل دعلك ماسخ اكده مفيش حاجه عدله1 نجاة بغضب: مش عاجبك ولا اي؟ غسان بضحك؛ عاجبني والله….. قليلي حبيب بابا عامل اي نجاة: سلمان نام…. تعب من كتر الجري واللعب غسان وهو يقترب منها: لا مش دا…. ثم اشار نحو معدتها: اقصد دا نجاة بإبتسامه: كويس اوي….. ثم اكملت بتوتر بسبب قربه منها: مش هنسمه الفيلم ولا تنام علسان تعبت النهارده اقترب منها واحتضنها بذراعيه وقبل يدها بحنان ثم اختار احد افلام الخيال العلمي غسان بحب؛ نتفرج وبعدين ننام يا عمر غسان انت ظلوا يتابعون الفيلم حتي عفت هذه الجميله على صدره… ابتسم بشده ثم اغلق الجهاز واخذها بين احضانه وغرق في نوم عميق للغايه…. فمن الأن قد اعلت عشقهم الابدي… فحياتنا الروتينيه لا تكشف لما من يحبنا بصدق فقط الشدائد هي ما تجلنا نتأكد ونثق فلا تهجروا شخصًا كان لكم امان (هذه الدنيا ليست غادره ولكن عليك الحذر منها ويكون لك شخصًا يشاركك ايامك…. فتحلوا في عينيك بقلم: سهيله عاشور) *********************************** امام منزل نعمه كان قد وصلوا امام الباب بعدما قضوا يومًا مميزًا سويا فكل يوم يزيد عشقهم اكثر مه الايام… صالح بحب: كان لازم اليوم يخلص يعني نعمه بضحك: معلش ان شاء الله. تتكرر تاني صالح بضحك: لا من الناحيه دي اطمني هتكرر كتير اوي ودعها بحراره ودخلت منزلها بسعاده كبيره استقبلتها والدتها وبدأت نعمه تقص عليها اليوم… وكانت الام سعيده بشده لسعادة ابنتها…… *********************************** أمام منزل رشا كانوا قد وصلوا بالسياره وغقت الصغير على قدم رشا…. ظل بلال شارد بملامح رشا كثيرًا فلا ينكر انه يحمل الكثير من الاعجاب لهذه المرأه ولكن يجي عليه خفيه….. فمن هو ليعشق سيدته ومديرة عمله …. رشا بمقاطعخ لأفكاره؛ اي هنفضل كده كتير اقفل العربيه الماتور هيتحرق… بلال بإنتباه؛ اه حاضر….. ثم حمل منها الصغير وخرج من السياره: اتفضلي يا هانم تؤمري بحاجه تانيه رشا بحزن: مش قلقتك بلاش هانم دي انا مش بحب هانم دي اسمي رشا بس ممكن بلال بحسره: العين متعلاش عن الحاجب يا ست هانم…. انا لازم اللتزم حدودي… انا… رشا بمقاطعه: انا عارفه اللي انت فيه وحاسه بيك…. مش محتاج تتكلم بلال بسرعه: انا مفيش فيا حاجه…. انا بس رشا بحزن؛ دا مش زمبك خالص…. انت مش المفروض عليك انك تتحمل مسؤولية واحده عاق ومش بتخلف او الكل كرهها زيي1 تركته وذهبت من امامه…. اما هو فكأن دلو ماء بارد قد انسكب عليه فلا يري اي شيء امامه الا انها تشعر به حقًا فهمته دون ان يتحدث ولكن قد سار الحظ معه بالشكل الخاطئ فكيف تظن انه يراها عاق……..حمل اخته الصغيره ورحل الى بيته يفكر بها والحزن يملئ قلبه…….. ************************ داخل منرل رشا قد دلفت للمنزل وهي حزينه للغايه تشعر ان الجميع يركهونها ولا يريدوها في هذه الدنيا…. ولكن ما زاد الطينه بلاه ان امها كانت تتابعهم من الشرفه والغل يملئها….. ام رشا بغضب؛ كنتي فين يا بت انت عماله تتسرمحي مع الفلاحيين اختشي على دمك مش كفايا سيرتك اللي على كل لسان….1 لم ترد عليها بل ذهبت لغرفتها وظلت تبكي بحرقه كبيره حتي غفت ولم تشعر بحالها….. *********************************** في غرفة تغريد كانت تفكر في كيفية الخلاص من هذا المنزل وهؤلاء الناس…. فبعدما اتضح لها الامر وانهم بالفعل لم يعد لديهم اي مال… فعليها الخلاص ولكن هذا الرجل لا يكف عن التهديد ولا يكف عن اثارتها الخوف بداخلها…. فهو الأن يريد كشف ماضي قد دُفن منذ سنين… تغريد في نفسها: انا لازم اهرب من هنا….. بس ازاي دا غسان عامل زي ما بكون غفير عليا… اوووف وكمان اللي عاوز يفتح غليا ابواب جهنم دا…. انا لازم اتصرف…..1 يتبع….. رواية غسان الصعيدي الفصل الثالث والعشرون 23 بقلم سهيلة عاشوربعد مرور اسبوع قد تغير الكثير على ابطالنا…. فقد زال عمل غسان تألقًا وايضا نجح كثيرًا المشروع المنزلي للمربات وغيرها من المنتجات المنزليه وقد تم زرع بذور الطماطم وبعض الخضروات في الارض والى حد ما اصبحت حياتهم مستقره للغايه فقد زاد تقرب غسان لنجاة كثيرًا وظل يدللها طوال الوقت اما تغريد فكانت تحاول الهرب بكل الطرق ولا تنفع معها اي طريقه…. فهمي الأن تريد الخلاص من فتح بؤره من بؤر الماضي عليها…. فإن فُتح سيكون بمثابة نار جهنم عليها اما عن رشا وبلال… فقد تغريت حياتهم كثيرًا فالأول مره لكل منهم قلوبهم تدق بهذه الطريقه ولكن كل منهم لا يريد الاذى للأخر… ولكن لا احد يعلم ما يخبئه القدر….. اما نعمه وصالح فقد بدأ صالح مشروع له بالفعل وفتح ورشه لتصليح السيارات وبدأ رزقه ان يزيد فكان صالح طيب القلب ويحبه الناس بشده….. وايضا تزيد علاقتهم ود وحب سوياً ****************. ***************** في منزل غسان كان يجلس اسماعيل في امام المنزل يشاهد الحقول وهو يحتسي كوبًا من الشاي…. وكانت سميه ونجاة يعدون بعض الطلبيات من المُربى وغيرها… وكان سلمان يحفط بعض ايات القرأن الكريم…. وغسان نائم قليلًا فقد تعب كثيرًا في عمل الأرض اليوم وتغريد في غرفتها كالعاده سميه: روحي يا بتي غيري وارتاحي كفايا عليكي اكده نجاة بإنسامه: متخافيش عليا يا سوسو يا قمر انت سميه بضحك: روحي يا بكاشه ارتاحي جمب جوزك شويه نجاة بمرح؛ انت متفقه مع ابنك عليا ولا اي؟ سميه بمكر: خلاص خليكي وانا ابعت تغريد ترتاح جمبه هي نجاة بغضب: على الله المح طيفها بس… وانا كنت كلتها بأسناني سميه بإبتسامه؛ مع ان غسان ساكت ومش عارفه اخد منه كلمه واحده في موضوع ظهورها المفاجأ بعد السنين دي بس برضه انا مبسوطه بيكوا عقبال لما الحلو يشرف…. الا انت في الشهر الكام؟ نجاة بتنهيد: يعني في نص التالت كده لسه بدري سميه بإيماء: لسه شهرين ونص بس مش مشكله بكره يشرف ويبقى ويملى علينا البيت نجاة بحب؛ سلمان مليه وزياده…. اما اروح اشوف ابنك شكله اتجوز عليا انا عارفاه سميه بضحك: طب اكتمي لأحسن يسمعمك نجاة بمرح؛ هو انا قلت حاجه ولا اي ذهبت بالفعل لغرفتة غسان…. كان نائم عاري الصدر بسبب ألم جسده لا يشعر بشيء تقريبا… فهمت وابدلت ملابسها ومشطت شعرها وتمددت بجواره… ظلت تنظر له بأعين لامعه بعشق شديد… وظلت تعبث في شعره بحنان بالغ وتقبله على وجهه تاره وعلى شعره تاره اخرى….حتي انها ظلت تنحدث الليه نجاة بحب: عارف يا غسان انا بحبك اوي…. بجد عمري ما تخيلت اني احبك بالشكل دا اول لما بابا قلي على موضوع الجواز منك دا انا كنت رافضه جدا وخفت من موضوع التار دا فاضطريت اوافق وكده….. ولما حصلت المشاكل بتاعت رشا دي انا كنت حاسه اني عاوزه اطلب الطلاق بجد… بس كل مره كنت اتخيل فيها انك مش معايا… مش هلاقي حد ارخم عليه ولا حد يكون حنون عليا زيك او اني مش هقدر اشوفك تاني… كنت برجع افكر في الموضوع الف مره تاني واقول اني اشوفك بس دا عندي بالدنيا يا غسان…. عارف انا كمان بحب افضل ابص عليك وانت نايم كده بتبقى زي الملايكه قمر وانت نايم ووانت صاحي…. ساعات بحسد نفسي عليك… بدايق اوي لما الحربايه تغريد دي تفضل تتدلع عليك كده ببقى عاوزه اقوم اخنق فيها لحد ما روحها تطلع في ايدي واخلص منها…. ثم اكملت بضحك: عارف كمان مع اننا متجوزين وانا حامل بس بجد بحس اني بتكسف منك اوي مش بعرف اقلك كلام حلو وانا مش مكسوفه وكمان بتوتر منك…….. قاطع كلامها عندما فتح عينيه الرماديه بسرعه رادفًا بعشق واضح: بحبك….. نجاة بشهقه: انا…… انا….. هروح اشوف ماما اه ماما في المطبخ لوحدها شهقت بشده عندما سحبها بسرعه نحو احضانه… ظل ينظر بها بتمعن وعيناه تتحرك على جسدها بجرأه وتملك مما اثار خجلها بشده حتى ان وجهها اصبح بلون الطماطم… نجاة بخجل: لو سمحت…. عاوزه اروح لماما غسان بهيام؛ تؤ تؤ مفيش ماما دلوقتي…. في انا… انت سيباني بقالك فتره ووحشتيني اوي. نجاة بخجل اكبر: غسان… غسان بضحك: يا بت بالله انت مرتي…… الزهايمر بيجي عندك بدري نجاة بدموع من كثرة الخجل: اصل انا…… انا غسان بتفهم: طب خلاص اهدي يا حبيبتي…. مسح دموعها برقه بالغه وقبل وجنتيه بحنان… وامسك يدها وكأنه يطمئنها… فلم يقابل مثلها في زوجاته السابقات فلم تكن تغريد تخجل تماما… ورشا تخجل ايضًا ولكن ليس بالكثير فكانت دائمًا تُطبق تعليمات امها بدقه……. غسان بهدوء: ممكن تهدي… انت خايفه مني يا نجاة؟ نجاة بسرعه؛ لا والله…. انت اكتر حد برتاح واطمن معاه اوي غسان بإبتسامه: طيب امال لي الكسوف الزايد دا…. يا بت دا كلها شهرين وبطنك هتكبر وهيبقى كرشك كبير نجاة بغيظ: والله هيبقي كرشي كبير……. ثم اكملت بحزن: وانت معدتش هتحبني خلاص غسان بحب: حتى لو …. انت اجمل حاجه في حياتي كلها… يا احلا نجاة في الدنيا انا نفسي اللي في بطنك دا يجي بسرعه هموت واشوفه نجاة بسرعه: بعد الشر عليك…. انت عاوزه ولد ولا بنت غسان: كل اللي يجيبه ربنا كويس…. اهم حاجه يبقى شبهك علشان ابقى شايف حاجه صغيرك وحلوه اكده منك نجاة بمرح: لاااا انا عوزاه ياخد شكلك…. يعني عيون ملونه عوزاه اجنبي زي ابوه غسان بضحك: ااااه يا مخبوله انت….. بقلك اي انا جعان عاملين اكل ولا صيام الليله نجاة: لا في اكل بس لسه في الفرن…. اجبلك شوية مربى؟ غسان بإبتسامه: وماله…. مربة مشمش هاااا نجاة بضحك: عنيا ليك….. ارتدت عبائتها وحجابها وذهبت للمطبخ وحضرت بعض السندوتشات من مربى المشمش وصنعت لسلمان ايضًا…. حيث ان الطفل ووالده يعشقون هذا النوع من المربى بشده….. جلبت السندوتشات وذهبت للغرفه… نجاة بصوت عالي: سلمان… يا سلماااااان سلمان بركض: نعم يما. نجاة بحب: يلا يا حبيبي علشان تاكل مع بابا حاجه خفيفه كده قبل ما تروح الكُتاب بتاعك سلمان: لا يما مش جعان غسان بمكر: طب كويس يا نجاة….اصل مربة المشمش دي حلوه اوي اوي سلمان بسرعه: لا انا جعت هات ضحك الجميع بشده وانضم لهم جميع من في المنزل بسبب صوتهم العالي وهو يقسمون اخر سنويتش عليهم غسان بغضب:انت نصاب والله…. الحته بتاعتك اكبر سلمان بصراخ: انت الكبير تتحمل الجوع…. وبعدين انا رايح الكُتاب وهتأخر هناك اما انت هتاكل معاهم دلوقتي غسان بغضب: مليش فيه نقسم بالتساوي بلاش طمع سلمان: بلاش انانيه اسماعيل بضحك: خبر اي…. هتفضحونا علشان سندويتش اتهدوا امال….وانت يا سلمان روح خد زهره ويلا روحوا الكُتاب سلمان بغيظ: طلعتلي منين زهره دي كمان….. دي عيله رخمه اوي نجاة بضحك: بتقول حاجه يا حبيب ماما سلمان وقد اخذ السندوتش كامل واخرج لسانه لإبيه ضحك الجميع عليهم بشده ولكن قد لاحظ غسان صمت تغريد ويبدو عليها التوتر غسان بغموض: مالك يا مرتي تغريد بخضه: لا لا….. انا بس عاوزه انام هروح انام…. او اقلك انا عاوزه اروح لرشا ممكن؟ غسان بتعجب: ومالو…. بس اي السبب يعني؟ تغريد: ولا حاجه زهقت من القعده بس…. تركتهم وذهبت لبيت لرشا…. اما هم فقد اعدوا الطعام للغداء وشروعوا في تناوله بسعاده كبيره…. ولكن هل تدوم السعاده….. !! ************************************ في منزل رشا كانت في غرفتها تشعر بالحزن بشده فالأول مره قلبها يدق بهذه الطريقه لشخص ما…. ودت لو تذهب الليه وتبوح بكل شيء ولكن ما الجدوى فهل سيحب امرأه مثلها انها عاق لا تنجب وايضًا قد تزوجت من قبل وكان لديها سمعه مثل التكبر والغرور وحبها للمال…. ((حتي لو تغريت للأفضل… فألسنت الناس مثل السيوف الحاده تذبح دون رحمه)) قاطعها صوت الجرس فذهبت امها لتفتح الباب ووجدت امامها تغريد… فهي قد علمت انها حيه ولكن تعجبت كثيرًا ان تراها بعد كل هذه السنوات… ام رشا: خير يا مرت الغالي….. اي الزياره اللي مش محبوبه دي؟! تغريد بإستفزاز: اهلا يا ام رشا…. انا مش جيالك انت انا جايه لبنتك وحشتني قلت اجيلها ام رشا بسخريه: ومالو يا اختي…. منتو الاتنين فاضيين زي بعض …. انا ماشيه بلا هم في ذاك الوقت قد نزلت رشا السلم وتوجهت نحو تغريد فلابد انها قد جائت لهنا من اجل مصيبه كبيره فهذه الحيه اللعينه لا تخطوا خطوه واحده في مكان الا لو لها مصلحه به…. رشا بإبتسامه مصطنعه: اهلا يا تغريد…. اتفضلي تغريد بإبتسامه: مال وشك يا رشا…. اكيد امك زعلتك اصل غير كده انا لو منك ارقص وانا عايشه في القصر دا…. رشا بضيق: المظاهر مش كل حاجه….. والفلوس كمان مش كل حاجه تغريد بإقضاب: طبعًا منتي مش عايشه زيي… دا انا هو اسبوع واحد في البيت الجديد دا ومش قادره اتنفس طول النهار شغل شغل شغل… اييي هدوا حيلي رشا بإبتسامه صفراء: انا لو مكانك هكون سعيده جدا…… بس قليلي اي اللي فكرك بيا يعني غريبه؟ تغريد بمكر؛ هي فعلا غريبه….. بس انا عارفه انك من بعد غسان وانت متبدله بسبب كلام امك والشغل الكتير…. وبرضه انا وانت ستات زي بعض كل واحده فينا عاوزه ظل راجل تتحاما فيه….. فا انا بقا جيبالك عرض حلو اوي رشا بعدم فهم: وضحي يا تغريد مش فاهمه حاجه تغريد: انا اقلك….. انا اعرف راجل غني اوي اوي معاه فلوس تسد عين الشمس وهو عاوز واحده زيك كده تكون حلوه ومش بتخلف…. كل اللي عليكي تساعديني اخلص من نجاة وانا هاخدك ونهرب من هنا وهعيشك ملكه كانت تتحدث وكأنها تقول كلام طبيعي وعادي…. بينما كلمت رشا تعبث في هاتفها بغضب وهي تستمع لحديثها هذا….. ماذا تقصد بكلامها هذا؟!…. هل تقصد بأن تبيع رشا شرفها لهذا المدعو الغني….!!!! تغريد بتنهيد: هااا…. اكلم الراجل امتى رشا بإبتسامه: انت متأكده من اللي انت بتقوليه دا؟! تغريد: اه طبعًا امال…… قاطع كلامها دخول بلال ومعه اثنان من الرجال وقد كتفوا تغريد واحكنوا قبضتهم عليها بشده بلال: هنروح بيها فين رشا بهدوء: هنخبيها في المخزن لحد ما غسان يقلنا نعمل اي!! وبالفعل قد خدرها اخد الرجال واخذها للمخزن وقد ظلت سجينه هناك……. اما بلال ظل ينظر لرشا التي كانت تجلس بجواره في السياره فقد طلبت منه التوجه للمزرعه….. كانت تجلس صامته شارده للغايه الف سؤال وقصه يدورون في رأسها الأن….. رشا في نفسها وبدأت عينيها تلمع بالبكاء: هي معاها حق…. فعلا مفيش ست بتعيش من غير راجل او من غير حب ودلوقتي انا حبيت ومش عارفه اوصل انا…… انا مليش لازمه محدش عاوزني… حتى امي بدل ما تكون حنينه عليا لا دي بتتكلم عني وبتعايرني كمان….. اعمل اي بس ياربي…. بلال بقلق: رشا….. في اي بتبكي لي؟ رشا بصدمه وسعاده: انت قلت اي؟ بلال بحرج: بتبكي لي؟ رشا بصدمه وسعاده: انت قلت اي؟ بلال بحرج: بتبكي لي؟ رشا: لا انت نادتني بإسمي بلال بتنهيد: انا بحبك….. انا عارف اننا مش زي بعض في اي حاجه بس انا قلت الكلمه دي علشان اخلص ضميري واريح قلبي رشا بصدمه: بتحبني انا؟!!! بلال بحرج: انا اسف يا هانم بجد والله…. انا توقف عن الكلام عندما ارتمت رشا بين احضانه وظلت تبكي بشده مما جعله يوقف السياره… رشا ببكاء؛ انا كمان يا بلال…. انا عوزاك معايا انا مش عاوزه غيرك في الدنيا محدش بيحبني حتى امي…. انت الوحيد اللي بحسه حنون عليا حتي لو شفقه انا راضيه بيها والله بلال بحزن علي هذه المعتوهه: طب ابعدي اكده…. مش عاوز اغضب ربنا فيكي…. انا عمري ما كنت شفقان عليكي انا حبيت قلبك الطيب دا وحبيت كل شيء فيكي جايز في وقت قليل بس ربنا وحده يعلم……….ثم تنهد بقوه:تتجوزيني رشا بسعاده وهي تؤمي برأسها: اه اه…. بلال: يبقي هكلم عم اسماعيل وغسان الليله يا حبيبتي….. بس قليلي اي اللي خلاكي تبعتيلي رساله اني اجيب رجاله واجي بسرعه.؟!… ولي خدنا ست تغريد للمخزن؟ رشا بتنهيد: قالتلي كلام صعب يتحكي…. وكمان حاسه ان ليها علاقه بالماضي خوفها دا بيخوفني انا اكتر وبيخلي شكوكي حقيقي. بلال بعدم فهم: انا مش فاهم ولا كلمه رشا بإبتسامه؛ يلا على بيت غسان لخص…… بلال بضحك: تبقي مراتي بس وهنشوف طريقتك في الكلام دا ****************. *****************. في ورشة صالح كان يعمل بجد شديد فكان لديه الكثير من الطلبيات التي لابد ان ينجهزها….ولكن قد اتت الليه بوجهها الملائكي فالأن موعد الغداء وهي تحرص على صحة حبيبها بشده نعمه بخجل: السلام عليكم صالح بإبتسامه تعبر عن مدى سعادته: وعليكم السلام…. دا اي اليوم الحلو دا نعمه بخجل اكبر: الغداء…. لازم تاكل صالح وهو يلقي الاداوات ارضًا: معلش يا عم عدي عليا كمان ساعه استراحه غداء وكده ….. :على راسي يا ولدي صالح: يلا ناكل يا قمري نعمه بخجل؛ لا لا…. انا كنت جايه اجيبلك الاكل بس…. هروح انا. صالح بسرعه: لو روحتي خدي اكلك معاكي مش عاوز نعمه بحزن عليه فهي تعلم انه يمل وحده ولا يحب ان يأكل وحيداً: خلاص هاكل معاك يلا بدأوا في الطعام وتناولت عي بعض اللقمات الصغيره… وكانت تحرص على ان يأكل الكثير صالح: تسلم يدك….. حقيقي انا محظوظ نعمه بخجل: الله يعينك… انا هروح البيت علشان اتأخرت صالح بإبتسامه: طيب وانا جاي اخدك الليله معزومين على سهره اكده في بيت غسان بيه نعمه بفرح: بجذ ورشا جايه هي وزهره صالح بضحك: اكيد…. يلا روحي انت ************************************ في منزل غسان كان يجلس الجميع يتابع التلفاز….. اما سلمان كان يحاول ان يعلم زهره كيف تنطق الارقام في مادة الرياضيات وكانو يتشاجرون بشده سلمان بغضب: اباااااااه…. انت راسك يابس ولا اي… قلنا 1 بعدها 2 مش 3 جننتيني زهره بصراخ؛ انت غبي… مش عارف تفهم زهره حاجه اوووف سلمان بغضب: بقا كده يلا روحي افهمي لوحدك غسان بضحك: براحه عليها يا واد انت سلمان: مخها خربان دق الباب وظل الاطفال يتشاجرون بصوت عالي ولكن جلس معهم اسماعيل وبدأ يودهم ليهدؤا… في حين ذهب غسان لفتح الباب غسان: ايوه مين حضرتك؟ ….. : انا اللي هتسمع مني اللي يريح قلبك…… يتبع….. |
رواية غسان الصعيدي الفصل الثاني والعشرون 22 والفصل الثالث والعشرون 23 بقلم سهيله عاشور
تعليقات
