رواية لم أخطئ فقط احببت الفصل الثاني 2 بقلم مريم أحمد

رواية لم أخطئ فقط احببت الفصل الثاني 2 بقلم مريم أحمد 

جرى عليها و شالها و حطها على السرير..

نسمة بخضة:

يلاهوي وشها مخطوف كدا ليه، يا رب جيب العواقب سليمة..

همس بقلق هي كمان بس حاولت تتماسك:

يا ترى اي جرالك يا مريم دا انتِ الضحكة كانت هتبقى ملموحة زيادة فوشك!

   " بعد ربع ساعة "

بص مروان للدكتورة بقلق و قالها: 

مالها يا دكتور؟

_ هبوط حاد فالدورة الدموية، أنا علقتلها محلول و يا ريت ماتتعرضش لأي حاجة تجهدها لأن حالتها النفسية صعبة حاولوا تكونوا جنبها حتى و لو هي رفضت دا؛ لأن هي محتجالكم..

و ربنا يتم شفائها سريعًا، أستأذن أنا.

نسمة و هي بتوصل الدكتورة برة:

مع السلامة يا دكتور.

فضل مروان واقف بيراقب ملامحها الدبلانة، هل هي متأثرة هي كمان؟

طب ليه طلبت الطلاق، وقف تفكير و مكانش مقرر هيعمل اي..

جه فباله إنه مش جوزها فا مينفعش يفضل معاها بس قرر إنه هيقعد لحد ما حالتها تستقر و يمشي تاني..

    " بعد ساعتين "

لاحظت همس ان مريم بتفتح عينيها، فقالت بسعادة: 

يا الله مريم بتفوق!

نسمة كانت برة هي و مروان فسألته بإستغراب:

صحيح يا مروان انت اي اللي حصل بينكم عشان تيجي بهدومها، و كمان تقفل على نفسها يومين و حالتها النفسية تبقى بالشكل دا..

و لولا اني واثقة فيك كإبن خالتي قبل ماتكون جوز اختي كنت قولت عملتلها حاجة!

مسح وشه بإرهاق و حزن و همس لنفسه بقلة حيلة:

يا ريت كنت اعرف كنت قولتلك..

نسمة تاني:

يا مروان جاوبني..

قاطع اللحظة دي صوت همس و هي بتقول ان مريم فاقت، سمع مروان كدا فقرر يمشي و قال لنسمة و هو خارج..

_ الجواب لسؤالك مش عندي، إسألي صاحبة المشكلة..

و فتح الباب و نزل جرت وراه نسمة بعدم استيعاب:

يا مروااااان، يا ربي هيجننوني دا انتو كوبل عسل..

دخلت على مريم بسرعة و فرحة كبيرة بإنها فاقت:

كدا يا زفتة تقلقينا عليكِ؟

مريم و هي لسه بتفتح عينيها و ماسكة دماغها:

آه، دماغي هتتفرتك.. اي كل الصداع دا!

همس بتريقة:

دا عشان مهملة فصحتك يا ناصحة!

مريم بتساؤل:

الا مين اللي كسر الباب، ام فاروق؟

ضحكت نسمة بخفة وقالت: 

انتِ هبلة يبت و ام فاروق هتقدر على باب زي دا.

_ اومال طيب!

همس و هي بتغمزلها:

دا حبيب القلب.

إفتكرت مروان بس قالت اي اللي هيجيبه، مقدرتش تتكلم من تعبها فقالت بصوت مُرهق:

أنا جعانة!

همس و هي بتملس على شعرها بحب:

هتعملك نسمة الاكل اللي بتحبيه..

يلا يا نسمة هش عالمطبخ.

نسمة و هي رافعة حاجبها:

بقت كدا يا ست همس!

همس بضحك:

و ابو كدا يلا انتِ بس نردهالك فالافراح..

خرجت نسمة و قررت همس متجبش سيرة ليها عن أى أحداث لحد ما تروق..

جابتلها الأكل و كلوا سوا و قعدوا يهزروا معاها عشان يحسسوها براحة على حسب تعليمات الدكتورة، و ناموا كلهُم..

    " عدا يومين تانيين "

و همس و نسمة مكانوش بيفارقوا مريم.. لحد حالتها اتحسنت حاجة بسيطة..

قررت همس تواجهها و تسألها اي اللي حصل فشاورت لنسمة بعينيها تخرج..

فقالت نسمة:

هروح أعمل الشاي و جاية.

خرجت نسمة، فإتكلمت همس بهدوء:

تقدري تقوليلي بقا سبب وجودك هنا، لا و كمان البيه مسألش!

مريم كانت باصة للسقف و بتسمع سؤالها و عيونها لمعت بالدموع..

_ خلاص يا همس مبقاش فيه بيه..

بصتلها بإستغراب:

يعني اي دا!

مريم بحزن:

أنا و مروان اتطلقنا..

و بعدت عيونها اللي دمعت بالفعل.

بصتلها همس بصدمة:

اييي!

طيب ليه يعني دا اللي يشوف حب مروان ليكِ مايتخيلش انه يوافق على حاجة زي كدا، حتى لو اي حصل..

تماسكت مريم و قالتلها:

مهو أنا اللي طلبت الطلاق يا همس!

_ انتِ عبيطة يا مريم طب ليه يعني، زعلك فحاجة هو؟

= لا.

#للصغيرة_مَرْيَم_أحمَد♥️.

بصتلها بتمعن و جابت وشها لوشها بس لحد هنا و انفجرت مريم فالعياط، قعدت همس تطبطب عليها و هي مش مستوعبة حالتها.

قالتها بنبرة حنينة:

اهدي و قوليلي براحة.. اي اللي خلاكِ تطلبي الطلاق!

بعدت مريم عنها بحُزن و هي بتسمح دموعها عشان تتكلم:

عايزة تعرفي اي.. عايزة تعرفي اني لما كشفت عند الدكتور مع إن مروان كان بيمنعني بس أنا قولت لا، لازم أشوف التأخير منين؟

روحت و كشفت لقتني عندي مشكلة و مش هحمل و لا هعرف أفرحه بطفل، و أنا مش هيهون عليا أشوفه من غير طفل و إستحاله أقوله اتجوز عليا عشان طفل..

مهو أنا مش أنانية بس مش حابة أشاركه مع واحدة غيري،..

تابعت بإنيهار و بكاء:

نفسه فطفل يا همس.. بيبص للأطفال بطفولة زيهم هيكون أب جميل أوي، بس أنا...

أقف فطريقه ليه، محرمنيش من حاجة، حب و عطاني و من صغري و هو بيهتم بيا حتى فسفر بابا كان و نعم الأب فغيابه، بس اي انا!

اييييي؟

مسحت دموعها و هي بتحاول تهدي نفسها:

أنا مش معترضة على قضاء ربنا بدليل إني اطلقت منه، راضية باللي ربنا قسمهولي و مش عايزاه يضحي بعشمه لطفل!

مسكت وشها و هي بتمسح دموعها بتأثُر و هي بتقولها:

مش دا التصرف الصح..

من حقه يعرف، كنتِ واجهتيه ليه تهربي بالحل اللي وجعكم انتوا الاتنين، لا هو يقدر يعيش من غيرك و لا انتِ حتى كدا!

ربنا يهدي سركم يا رب..

عيطت مريم تاني فحضنتها همس و قرأتلها قرآن و نامت..

      " تاني يوم "

كان قاعد على كرسيه اللي قدام الشباك سرحان فذكرياتهُم سوا، ازاي و اي السبب فالبعد دا فمش قادر يستوعب.. 

قرر كذا مرة يروحلها و يتكلم بس كرامته كراجل بتنقح عليه..

فجأة قاطع تفكيره خبط عالباب فقال:

ادخل

دخلت عليه بنت أول ما شافته: 

مروووووااان إزيك.

بصلها بإستغراب و مفاجأة:

مي؟

اي اللي جابك، قصدي اي مناسبة مجيئك..

بصتله بحزن:

كدا مفيش عاملة اي و لا كنتِ فين؟

_ معلش بقالي فترة مشغول.

بصتله بإعجاب:

بس انت ما شاء الله، احلويت اكتر ما كنت.

إبتسم بجاذبية و قال:

تسلمي، مجاوبتنيش بردو!

_ ظروف خلتني أعزل فبتالي حاجتي كلها اتنقلت معايا، الا انت اتجوزتها و لا لسه؟

بصلها بخيبة و قال:

أيوة و اتطلقنا.

اتصدمت بس فرحت من جواها و قالت:

معقولة!!

دا انت كنت بتحبها حب لا وكمان...

_ قفلي على السيرة يأما تشوفي انتِ راحة فين.

قالت و هي بتحاول تهديه:

خلاص آسفة.

سكت دقيقتين و فجأة بصلها، فإستغربت من هدوءه و نظرته دي..

_ مالك يا مروان؟

بصلها و عزم على أمره و قال:

تتجوزيني يا مي؟

فتحت بوقها بصدمة: انت بتقول اي..

             الفصل الثاني من هنا