رواية شقه للايجار الفصل الثاني بقلم اسماعيل موسى
شقه للايجار
2
والاخيره
سمعت صوت حركه فى الصاله، أقدام كانت ماشيه بره باب غرفتى، اترعبت، معقول يكون فيه حرامى اقتحم الشقه؟
قمت وانا برتعش فتحت اباب، شغلت نور الصاله، مفيش حاجه
لكن المره دى كنت متأكد لانى شفت طيف ورا باب غرفتى
قعدت فى الصاله لحد الصبح ما طلع، الشمس نورت الأرض وخرجت اشرب فنجان قهوه
قعدت فى القهوه الوقت كان بدرى، النادل بيسألنى انت ساكن هنا يا استاذ؟
قلتله ايوه!
ساكن فين سألنى؟
شاورت على العماره بتاعتى
النادل يصلى باستغراب وقال انت شارب ولا حاجه؟
ليه سألته؟
قال يا استاذ العماره دى مهجوره ومحدش ساكن فيها من يوم الحريقه
حريقت ايه سألته؟
حريقه كبيره قامت جوه العماره والغريب مفيش حاجه اتحرقت بيقولو سلاما من قول رب رحيم الاشباح ولعت فيها وطردت السكان
قلتله حريق ايه يا عم انا لسه متأجر شقه فيها من الحارس والشقه كلها جديده بتبرق
حارس؟ همس النادل حارس مين؟
قلتله حارس العماره إلى ساكن فى الغرفه إلى هناك
حسيت ان جسم النادل ارتعش ووقع القهوه على الأرض
الحارس مات يا استاذ، عم على الغفير الوحيد إلى اتحرق فى العماره
سبته ومشيت، فكرت فى نفسى الراجل ده بيهلوث او متغاظ لانى تأجرت الشقه، شكله كان
اخدت معايا فطار وطلعت الشقه وانا طالع قلت هخبط على الغفير
لكن باب الاوضه كان مقفول بالقفل
هو راح فين ده بقا على الصبح؟
وانا طالع اقعدت اتصنت على اى صوت طالع من الشقق
حد يكون عايش فى العماره لكن مسمعتش حاجه
اول ما طلعت الشقه اتخضيت، لقيت الاثاث كله متغير
حجات مكنتش موجود
كان اثاث قديم لكن فاخر، تحس انه من عصر تانى
ازاى دا حصل فى نص ساعه؟
مين بيعمل معايا كده؟
انا مشفتش اى شخص دخل العماره او خرج منها؟
طيب والاثاث التانى راح فين؟
حتى ملايات سريرى اتغيرت
التحف والنجف وحنفيات المايه ولمبات الاضأه كأن الشقه اثريه
كان فيه اوضه مقفوله مكتوب عليها ممنوع الفتح
بس انا متذكر الحارس محذرنيش من حاجه
كسرت القفل، لقيت الاثاث الغايب كله متكوم جواها
قلت لحد كده وكفايه، مش هسكن هنا تانى حتى لو نمت فى الشارع
لميت هدومى وقلت اول ما الحارس يظهر هسلمه المفاتيح
وامشى
وقررت اول ما ارجع من الجامعه هدور على سكن تانى
روحت الجامعه وهناك قابلت صاحبي، قلتله انى لقيت سكن لكن مش مرتاح فيه
سألنى فين؟
قلتله على عنوان العماره
صاحبي اتخض، قالى العماره دى مسكونه، المنطقه كلها عارفه حكايتها محدش بيرضى يسكن فيها
كل شويه بيختفى فيها شخص غريب
انت لازم تسيب العماره دى واحمد ربنا لحد كده
قلتله الحمد لله، هجيب هدومى وامشى
صاحبى قال مستحيل اسيبك تروح لوحدك
الليله هتنام عندنا وبكره هروح معاك نجيب شنطتك
قلتله ماشى، خلصنا محاضرات وروحنا على بيت صاحبى
الساعه كانت 6 المغرب، عرفنى على عيلته
وعلى الساعه 9 باليل قال انه هينزل يشترى شوية حاجات ويرجع
لكن صاحبى اتأخر بره لحد نص الليل
كان عندهم تليفون ارضى نص الليل تقريبا لقيت والده بيقولى يوسف عايز يكلمك
كلمت يوسف وهنا صدمنى، قالى انه مستنينى فى الشقه ولازم اروحله بسرعه عشان نجيب الشنطه
وقبل ما اقله اننا كنا متفقين نجيب الشنطه بكره قفل الخط
خدت بعضى ونزلت ركبت تاكسي على العماره ولاحظت ان حجرة الحارس مفتوحه لكن مفيهاش حد
طلعت السلم جرى واول ما وصلت الشقه النور قطع
الشقه كانت مفتوحه دخلت جواها وانا ينادى على يوسف
اول ما دخلت الشقه الباب اتقفل بقوه
وسمعت صوت مرعب، ليه فتحت الغرفه؟
قلتله يوسف بلاش هزار انا مرعوب اصلا
الصوت بقى أقرب واقوى، ليه فتحت الغرفه؟
كان فيه تحذير لامثالك من البشر ازاى تجرأت وفتحت الباب وكشفت عورة مراتى؟
لسانى مقدرش يرد جريت على الباب لقيته مقفول
قعدت اصرخ جامد بكل صوتى، اصرخ واصرخ
القصه بقلم اسماعيل موسى
الصوت قال مفيش فايده محدش هيسمعك، انت لازم تتعاقب زى حارس العماره
وظهر قدامى كيان بشع وشه مرعب وغاضب وشنيع فضل باصص عليه وانا حاسس ان حركتى بتتشل وقوتى بتضعف
شفت نار مولعه فى الشقه كلها وفى اخر صرخه اترميت على الأرض وانا حاسس روحى بتطلع
فجأه باب الشقه انكسر وشوفت خيال يوسف صاحبى ووالده وناس كتير داخلين الشقه
خدونى من الشقه وهما شايلنى وسمعت كلام كتير عن جان ملعون بيلعب بالناس ويدخلهم الشقه دى بالذات وبعد كده يختفو
جابولى مشايخ قرأت عليه القرأن، من حسن حظى ان يوسف وصل البيت وعرف من والده إلى حصل وقدر يلحقني
الغريب ان يوسف نفسه كان مفروض يوصل البيت بدرى
لكن كانت بتحصل معاه حاجات غريبه اجبرته يتأخر بره البيت الوقت دا كله
تمت
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
