رواية ملاحقة الماضي الفصل الثالث 3 بقلم لمياء نبيه
محمود :راحه فين مش هتفطري
نور :انت ازاي بعد اللي انت قولته واني عرفت انك متجوز عليا قاعد كدا لا بجد بتـ قاطعني
محمود :البنت واقعدي واه و أبتسم أنا هجيب ساره مراتي تعيش معانا هنا في البيت ومنها البت تعرف أخوها وأنتي تعرفي حبيبتي كلامه وقع عليا كالصاعقة مكنتش قادره ارد
حور :بابا أنا ليا أخ
محمود شالها علي رجله :اه يا حبيبتي ليكي اخ
حور :بس ماما مقالتليش
محمود :مهو مش ماما دي ماما ساره
مقدرتش اسكت
بدموع و زعقت فيه شديت بنتي:ماما اي حور بنتي أنا بس فاهم ملهاش غيري أنا و ساره دي مش هتدخل بيتي ولا هتبقي أم ل بنتي دي بنتي أنا فاهم
محمود قام بكل هدوء و قرب مني وهمس في أذني:عيب لما تعلي صوتك عليا هسامحك علشان دموعك الغاليه دي بس اللي قولته هيحصل و مشي من قدامي شديت كرسي وقعدت وانا حضنه بنتي طلعتها ومسكت وشها بحنيه :حور حبيبتي انا ماما أنا بس ماشي
حور مسحت دموعي :ماما حبيبتي مالك
شيلتها وقمت :مفيش ياحبيبتي أنا كويسه أبتسمت يلا اجهزي علشان تروحي المدرسه ماشي
حور بزعل مصطنع:بس انا يماما مش عاوزه اروح المدرسه
أبتسمت علي شكلها:الاه دنا كنت ناويه أخدك عند تيته وجدو النهارده
حور بفرحه :بجد
بصيت ليها:اه بس لو كنتي روحتي بس للأسف بقا أنتِ مش عاوزه تروحي المدرسه وتيته قالت تجيلي بعد المدرسه
حور :هي شنطه المدرسه فين
ضحكت :تعالي اوريكي مكانها بس الاول تلبسي لبس المدرسه خرجت من البلكونه تحت أنظاره طبعاً ودخلت حجرتها وبدأت ألبسها واخدت الشنطه والباص جه
لبستها الكوتش وبعدين بصيت ليها :فين بوسه ماما
طبعت بوسه خفيفه علي خدي
محمود :طب وبابا ملهوش
حور :تؤتؤ أنت مزعل ماما
لقيته قرب مني وحاوطني بأيده :وحد يقدر يزعل ماما
و بعدها سابني و باسها محمود : بابا خطف منك بوسه يلا الباص تحت باي حور شاورتلنا باي ونزلت
محمود :نور بنتي حور اي حاجه تحصل بينا ياريت متعرفهاش متكرهاش فيا يا نور
بصيت ليه :متخافش مشاعر بنتي عمري ما هخليها لعبه في أيدي وخصوصا انك والدها وهي بتحبك
محمود :شاطره يانور
بصيت ليه بأستهزاء :عمري ما هكون أشطر منك صحيح أنا راحه لأهلي النهارده
محمود:ماشي يانور بس ياريت محدش منهم يعرف اي حاجه
نور :لي ميعرفوش مش هما اللي جبروك تتجوزني وتسيب حب حياتك تسيبها اي بس اه صح انت لسه لحد دلوقتي مقولتليش جبروك ازاي
محمود : نور أنا قولت اللي عندي سلام لقيته و سابني وراح شغله
عدي الوقت وانا من بين تنظيف البيت وتحضير الغدي الساعه بقت 2 الظهر بدأت اجهز نفسي علشان اروح لماما وبابا لما حور تيجي زي ما وعدتها خلصت علي الساعه 3
وحور جت
حور :ماما اخدتها في حضني
نور ابتمست:ابقي فكريني انقلك من المدرسه دي علشان بتأخرني اشوفك كل خمس دقائق
حور :انتي لابسه هنروح لجدو ونناه دلوقتي
ابتسمت ابتسامه عريضه وهزيت راسي :ااااه بس الغدي بتاعك في المطبخ تقعد نأكل ونروح
حور :حاضر يلا
بدأت حور تأكل وخلصت وراحت غسلت وغيرتلها لبسها
حور :يلا
نور: مش نستني بابا الاول
حور :نكتبله ورقه لانه دائما بيجي يوم الحد متأخر
كتبتله ورقه واخدت حور ونزلنا اخدنا تاكس
عند ماما
حور :تيته جدو وجريت عليهم
بابا اسمه ابراهيم وماما اسمها سماح
ابراهيم :حبيبت جدها جت
سماح :مش حبيبتك لوحدك
كنت وراها ومبتسمه بابا جه وسلم عليا وحضني
ابراهيم :وحشاني يابت يعني هتفضلي لحد امتي تيجي كل فين وفين
بضحك :علشان اوحشكم وكدا
ابراهيم :ياستي اللي بيوحشنا ووطي نفس مستوي حور حبيبت جدها دي
بزعل مصطنع :لا بجد يابابا
بابا طبع بوسه علي خد حور :اه بجد ياحبيبتي ولا اي يا حبيبه جدها
حور :ايوا جدو يلا نقعد في البلكونه ونلعب
ابراهيم :يلا ياحبيبه جدها
راحوا البلكونه روحت قعدت بجوار ماما
سماح :مالك يا حبيبتي
ابتسمت :مالي ياماما
سماح:علي ماما دانتي لو خبيتي علي الدنيا كلها بس ماما لا
ابتسمت :يا ماما في اي
سماح :محمود مزعلك
نور :لا ياماما محمود هيزعلني لي
سماح :شكلك بيقول غير كدا احكيلي يا حبيبتي دنا ماما
نور :الماضي رجع تاني ياماما وبدأت احكي ليها ودموعي بتنزل لحد ما خلصت ماما اخدتني في حضنها وبطبطب عليا
سماح :كنت دائما اقولك ملكيش دعوه بحد ولا تكلمي في حاجه ملكيش دعوه بيها بس انا كنت فاكره أن خلاص كدا
نور :مكنش قصدي ياماما أنا كنت بدافع عن صحبتي علشان سمعتها ومحدش يدايقها
سماح :ونسيتي سمعتك انتي هيا دلوقتي زيك ولا قاعده مرتاحه في بيتها
نور :اعمل اي ياماما انتي كنتي قولتيلي أنه خلاص والموضوع دا أنتهي قبل ما أخش الجامعه
سماح :جوزك دا يبنتي مفيش غير حل معاه بعد ما عايرك بالماضي يانور مع أنه ميعرفش اي السبب وراه دا اتجوز عليكي
نور :اي الحل ياماما
سماح :تطلقي منه
لمتابعة باقي الرواية زوروا قناتنا على التليجرام من هنا
