رواية الامان المخيف الفصل الثالث 3 بقلم رحاب القاضي

ــــــــــــــــــــــــــــــــــــــــــــــ

ـ نزلت سما من اوضتها ولقيت عزيز بيفطر، قعدت جنبيه وقالت بحزن

سما

فين طنط ام ابراهيم يا عمو؟. 

عزيز

اتخنقنا امبارح ومشيت بس هبقي ارجعها ما تشغليش بالك

سما

انا ممكن اروح اتكلم معاها و.. 

عزيز

سما لو سمحتي سيبي الموضوع ده خالص، وقوليلي انتي نازله رايحه فين؟.. 

سما

نديم بعتلي اسم سينتر هيساعد الناس اللي كانت مش بتشوف من طفولتها واتعالجت لما كبرت انه يأهلهم عملياً وعلمياً، فهروح اشوف نصيبي.. 

ابتسم ليها عزيز وقال

السواق معاكي بره ومعاكي الفون انا علمتك هليه لو احتاجتي حاجه كلميني، وبلاش تتعاملي مع حد ما تعرفيهوش.. 

سما

حاضر يا زيزو يلا ما اعطلكش.. 

_طلعت سما من القصر وركبت العربيه مع السواق اللي وقف بيها قدام قصر كبير وشكله حلو اووي.. 

سما 

هو السنتر هنا يا عمو رجب 

_ما ردش عليها رجب وقرب واكد من الحراس بتوع القصر من العربيه وفتح ليها الباب وقال بكل احترام

الحارس

اتفضلي يا هانم الباشا في انتظارك... 

سما بقلق

باشا مين، انت جيبتني فين يا عمو رجب.. 

رجب بضيق

ما كنتش اقدر اقول لا يا هانم.. 

سما للحارس بخوف

هو مين الباشا ده يا عم انت كمان؟.. 

رجب

لو سمحتي انزلي حضرتك وبلاش تسببيلنا مشاكل

سما بخوف

حاضر.. 

_نزلت سما من العربيه ودخلت معاه جوه القصر فتح ليها الحارس باب اوضة مكتب وقال.. 

الحارس

اتفضلي يا هانم.. 

سما بضيق

اسمي سما مش هانم.. 

_دخلت سما جوه المكتب واول ما لقيته قاعد قدامها وبيبصلها وهو مبتسم، اتنفضت وقالت.. 

سما 

انت؟!.. 

ــــــــــــــــــــــــــــــــــــــــــــــ 

_في لندن كانت الساعه ٢ بعد نص الليل، وكانت زينه ماشيه في شارع ضلمه وشكلها مختلف شعرها الناعم كان بروكه ده شعر قصير وكيرلي، ولبسها اللي كان فستان رقيق بقي بنطلون جينز تيشرت اسود بنص اكمام، وعيونها اللي كانت مخبياهم ورا نضاره ما بقاش عليهم نضاره وبقي لونهم احمر من كتر العياط.. 

خبطت علي باب بيت وفتح ليها عادل اللي قال

كل ده تأخير يا زوزو ادخلي.. 

زينه بحزن

مش عايزه ادخل يا عادل هات اللي طلبته منك في الفون

عادل

وانا مش هدخلك غير لما تدخلي وتعملي اللي عايزه منك.. 

نزلت دموعها وردت عليه وقالت

والله مش قادره اقف، هات بس اي حاجه وهعملك كل اللي عايزه.. 

شدها من ايدها جامد ودخلها البيت وقال

انتي هتعملي فيها مكسوفه هي اول مره، ادخلي.. 

_دخلت زينه معاه وطلع هو ورقه صغيره وحطها علي الترابيزه وقال المزاج بتاعك اهو خلي وتعالي شوفي مزاجي جوه، متتاخريش.. 

_خلص كلامه ودخل اوضته، وهي قعدت علي الارض ومسكت الورقه فتحتها وشمت كل اللي جواها.. وبعدين قامت وجات تطلع من الشقه، لقيت عادل مسكها من شعرها وقال.. 

عادل

انتي هتغفليني يا بت انتي؟.. 

زينه

كفايه اللي عملته فيا انت خلتني مدمنه وضيعت شرفي عايز مني ايه تاني.. 

_قبل ما يرد عليها الباب خبط جامد، خاف عادل وفتحه بشويش ولقي كمال قدامه.. 

عادل

خير مين حضرتك.. 

لكمه كماة في وشه وقال

وحياة امك هتعمل نفسك مش عارف انا ابقي مين.. 

عادل بالم 

دي بنت عبيطه يا باشا انت فهمتها غلط.. 

شد كمال زينه من شعرها وقال

اكتم يااه وبلغ ماجد بيه بتاعك ان بنت خالته عند كمال الشناوي ولو راجل يجي ياخدها.. 

_خلص كلامه واخد زينه ومشي، وعادل كلم ماجد اللي كان في مصر وقاعد بيفطر وقال ليه

عادل

الحق يا باشا، كمال الشناوي اخد زينه وقال مستنيك.. 

ماجد ببرود

سيبك من زينه دلوقتي لما افضي ابقي شوف الموضوع ده، المهم كمال الشناوي هيبعت مثلحه هنا لمصر كميه كبيره عايز كل التفاصيل عنها، وبدل ما يستلم عزيز الشناوي نستلم احنا.. 

عادل 

بس ده موضوع كبير انت مش هتقدر عليه.. 

ماجد 

نفذ بس انت اللي بقولك عليه وانا هتصرف.. 

_قفل ماجد مع هادل وقعد يكمل فطاره، ودخلت جهاد في الوقت ده ووقفت قدامه وقالت

جهاد 

ابني فين؟.. 

رد عليها ببرود وقال

فوق عمال يبكي من. لما جه طالع نكدي لامه.. 

جهاد 

انت ما عندكش دم، ابنك بيبكي وخايف فوق وانت قاعد هنا ولا علي بالك. 

وقف ماجد وقرب منها وقال

برغم لسانك الطويل ده الا اني مش هقدر اخليكي تبعدي عني، انتي من لما اتولدتي وبتاعت ملجد وبس

جهاد بضيق. 

انت مريض ومش طبيعي.. 

_خلصت كلامها ونزل بايده علي وشخا وزعق فيها وقال بعصبيه

ماجد 

بعد كده يا روح امك ما فيش دلوع وحينيه عشان خلتك تشوفي نفسك، وطلوع من البيت ده ممنوع، وتقعدي هنا تحت رجلي تقولي حاضر ونعم وبس.. 

_خلص كلامه ومشي وهي حطت ايدها علي وشها وفضلت تبكي، وطلعت فوق قعدت مع ابنها اللي رجعت عشانه... 

ــــــــــــــــــــــــــــــــــــــــــــــ 

سما 

انت؟.. 

وقف فتحي قدامها وقال

ايوه اومال مين يعني هيجيبك ليه كده؟.. 

خافت سما منه وقالت

وحضرتك عايز مني ايه؟. 

ابتسم فتحي وقال

حضرتي انتي ليه بتعامليني علي اني غريب، انا فتحي يا سما اللي بيحبك وبيعشقك

اتملت عيونها دموع وقالت

اللي انت بتتكلم عنه مات بالنسبالي، كنت حد رسماه قي خيالي بصوره عكس اللي قدامي، انت بالنسباله شيطان.. 

وقف فتحي قدامها وقال

الشيطان اللي بجد عمك هو اللي قالي ابع.. 

زعقت فيه سما وقالت

بطل كدب عمي اشرف واحد في الدنيا، انت عايز تكرهني فيه عشان ارجعلك، انت اتخليت عني في وقت كنت محتجالك فيه اووي ودلوقتي عايز ترجعلي، انا مش لاقيه قلبي في الشارع عشان اسلمه ليك تاني وتلعب بيه.. 

فتحي بحزن 

انا ما اختارتش اي حاجه في حياتي غيرك، كلية الشرطه زمان دخلتها بحلم ابويا وبقيت ظابط عشان هو كان ظابط قبلي، وسيبت الشرطه لما اتفرض عليا اني لازم اجيب حق اهلي، ومشيت في الطريق ده وبقيت مجرم عشان اقدر اعيش وسط الوحوش اللي بتعامل معاها واولهم عمك وكمال اخوكي.. 

مسك ايدها وقال بدموع 

انتي الحاجه الوحيده الصح في حياة فتحي، الحاجه الوحيده اللي بقيت عايش عشانها اصلا.. 

سما بعدت عنه وقالت 

انت جيبت كل ده منين الفلوس والمطعم وكل ده جه منين، ورثت مثلا... 

فتحي

لا بقيت بشتغل في البيزنس وكبرت مصنع ابويا و.. 

سما 

بطل كدب انت رجعت لشغلك القديم، انت عمرك ما هتتغير وهتفصل بلطجي ومجرم ولو انت اخر راجل في الدنيا مش هكون معاك يا فتحي.. 

فتحي بهدوء

خلصتي كلامك.  كده؟. 

سما 

ايوه وعايزه. امشي.. 

فتحي

هسيبك تمشي بس هترجعيلي يا سما بمزاجك بقي غصب تنك هترجعيلي، ما هو مش بعد. ما اجمل عيون في الدنيا بقيت تبصلي اسيبها تبعد عني تاني.. 

اتوترت سما وقالت 

انا عايزه امشي وما تجبنيش تاني.. 

فتحي 

بطلي توحشيني ومش هجيبك.. 

سما 

جاتك وحش اما يلهفك، وعلي فكره هقول لعمو عزيز انك جيبتني غصب عني هنا.. 

فتحي

ياريت انا عايزه يعرف عشان يتعصب ودمه يتحرق ويمكن يتشل فيها ونرتاح منه.. 

سما 

اهو انت ما تقولش علي عمو كده.. 

ضحك فتحي وقال

وحشتيني يا سما ووخشني كلامك اوووي.. 

سما 

انا عايزه امشي لو سمحت.. 

قرب منها وقال

يا شيحه انتي ايه مش بتحسي بقالك سنه غايبه عني وجايه تقوليلي عايزه امشي.. 

خاات سما منه ورجعت لورا وقالت

ما هو انت مش فتحي اصلا اللي منت رسماه في خيالي، وبعدين شكلك جديد عليا وبيوترني.. 

ضحك فتحي بصوت عالي وقال

هههههههه طيب سؤال بس وتردي عليا بجد وهسيبك تمشي.. 

سما 

ايه السؤال خلصني.. 

فتحي 

هو اللي كان في خيالك احلي ولا فتحي اللي قدامك ده احلي.. 

اتوترت ووشها بقي احمر وقالت

احمم الاتنين زفت ممكن امشي بقي

فتحي

ردي بجد الاول

سما 

يعني انا كنت فاكراك عادي يعني طلعت طول بعرض وعضلات ووو وما تبصليش كده لو سمحت اا انا همشي بقي كفايه.. 

ضحك فتحي وقرب منها وحضنها جامد وقال

بحبك يا اجمل حاجه حصلت لفتحي، اوعي تبعدي عني تاني.. 

بعدت عنه سما وقالت بدموع

انت اللي بعدت عني.. 

فتحي 

كان غصب عني 

سما 

بس بعدت برضو واتخليت عني.. 

كان لسه عيتكلم بس زعقت فيه وقالت

انا عايزه امشي ممكن.. 

فتحي

اللي تشوفيه يا سما.، بس لما هتوحشيني انا هعرفك اجيبك لحد عندي.. 

_مشيت سما وهي مدايقه جدا واول نا ركبت العربيه ورجب اتحرك بيها قالت لنفسها ببكاء

سما

اوعي تضعفي ولا تسامحيه افتكري كلامه ليكي زمان هو سابني وكان بيتثلي.. 

_فلاش بااك..

_نزلت سما السلم وكانت الخدامه ماسكه ايدها .. 

سما 

ازايك ي فتحي.. 

فتحي بص بالم لعزيز اللي واقف بعيد وبيبصله بحده ورد علي سما وقال

فتحي

 كويس.. 

سما بقلق

في اي بجد قلقتني.. 

فتحي بتنهيده 

الموضوع ي سما هانم ااا...

سما 

هانم!!! في اي فتحي.. 

فتحي بحده 

 ايوه هانم، انا كنت جاي ابلغ حضرتك اني من النهارده مش الحارس بتاعك وهبلغ عزيز بيه بكده وهو هيلاقيلك حد كويس يحميكي.. 

سما بدموع

انت لي بتقول كده انا دايقتك فحاجه.. 

فتحي بص للناحيه التانيه ونزلت دموعه وقال

 لا ي هانم العفو.. 

سما  بغضب

 بطل تتكلم كده، فتحي قولي في اي.. 

فتحي بدموع 

 في ان اللي حصل من كام يوم انا بعتزر عنه لما فكرت كويس لقيت اني مش هينفع اا.. 

اغمض عيناه بألم.... 

سما بخوف ودموع

 مش هينفع اي؟ 

فتحي بألم وهو مش قادر يبصلها

 مش هينفع اتجوز وحده زيك بظروفك دي.. 

سما ببكاء

 زيي، انت مش قولت انك بتحبني وانا كده، طيب انا ممكن اعمل العمليه وهفتح و... 

فتحي بحده

ارجوكي بقي كفايه انا مش عايزك ولا عايز اكمل معاكي.. 

_قال كلامه وجه يمشي، بس وقف لما قالت هي ببكاء... 

سما

انت اوحش انسان شوفته، ومش مسمحاك ع وجعي ده ي فتحي مش هسامحك..  

قرب فتحي من عزيز وقال ليه بحزن

دي نتيحة افكارك ي باشا، ياريت تكون مرتاح، بس من النهارده تنسو كلكم فتحي ولو جالي شغل ضدكم انا هرضي بيه وبالدم ي بيه.. 

_ مشي فتحي وقرب عزيز من سما سما،وقال ليها بهدوء..

عزيز

 اهدي ي سما ميستهلكش ي حبيبتي ده واحد بلطجي وصايع.. 

سما ببكاء شديد

هو قالي انه هيتغير لي يسيبني بعد محبيته ليييي.. 

عزيز 

وغلاوتك عندي لندمه ع وجعك ده وع كل دمعه نزلت من عنيكي ي حبيبتي.. 

_رجعت سما من ذكرياتها ومسحت دموعها وقالت لنفسها بخوف.. 

سما 

مش هسمحلك تأذيني تاني يا فتحي، قلبي مش لعبه فايدك تحركه علي حسب مزاجك.. 

ــــــــــــــــــــــــــــــــــــــــــــــ 

_في لندن الصبح جه، ودخل كمال الاوضه اللي فيها زينه، واستغرب انها من لما جات وهي نايمه.. 

قرب منها وقاال بحده

قومي با بت انتي قووومي.. 

زينه بنوم

عايزين ايه مني بقي سيبوني انام 

كمال

هو حد قالك اني جايبك اوتيل خمس نجوم، ما تقومي يا بت انتي.. 

قعدت زينه وقالت

قومت اهو ياكش تكون مرتاح دلوقتي. 

كمال

ماجد بعتك ليا ليه، وعايز مني ايه؟ 

زينه 

هو مش انت عرفت اني بنت خالته لوحدك، روح دور واعرف هو بعتني ليك ليه، وسيبني انام والنبي.. 

مسكها كمال من دراعها وزعق فيها وقال

انتي هتهزري يا بت انتي.. 

زينه بعدت عنه وقالت

بقولك ايه هو عايز ياخد شغل منك وبعتني اخد منك معلومات بس، وانت ما اعرفش عملت ليه ايه عشان يطلب مني كده ارتحت بقي سيبني انام منكم لله تعبتوني.. 

قرب منها كمال وقال

ليا عنده تار مراتي ماتت يوم فرحنا بسببه، تفتكري بقي ممكن اسيبك بسهوله وانتي اكتر حد هيساعدني اجيب حقي مراتي منه.. 

خافت زينه منه و... 

_هل زينه هتساعده ولا لا؟..  

          الفصل الرابع من هنا