رواية جريمة عشق الجزء الخامس الفصل الرابع
تَنام ع كسرـــوتُصبح ع جبر
وبين حالٍ وحال؛ ﴿يُدَبِّرُ الْأَمْرَ﴾
================================
بسم الله نبدأ.
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
ف الجامعه..
هبه : خارجه من مكتب الوكيل..وطلعت فونها من الشنطه..وقالت بدهشه.. يانهار أبيض..شاهين اتصل عليا اربع مرات.؟ مش هخلص دلوقتي..واكيد هيزعقلي..واتصلت عليه..ورد عليها.
شاهين : بخنقه الو ياهبه..!!
هبه : الو..ايوه يا شاهين..!!
شاهين : ايه ياهبه انتي فين وبتصل عليكي من ساعه مبترديش ليه؟
هبه : بحرج سوري بقى ياشاهين معلش. أنا ف الجامعه من الصبح لمناقشة الرساله بس لسه مخلصه حالا والله..
شاهين : مسح وشه بإيدو..ااه الجامعه..!! ومقولتيش ليه عشان اوصلك؟
هبه : بحرج.احم..اصل احمد اخويا وصلني..وا...!!
شاهين : بتفهم هز راسه..اه وا..ايه بقى؟ هتقولي انت خطيبي ومينفعش توصلني مش كدا؟
هبه : احم.بصراحه..هوا...اصل....!!!
شاهين : بتنهيده..خلاص..انا عارف ياهبه..اكيد عاشور وأحمد معترضين..وبصراحه ده الصح.. ماينفعش اوصلك كل يوم اجي اخدك من تحت البيت واوصلك لحد البيت..انا عارف إن ده مش صح..
هبه : خافت إن شاهين يزعل..وقالت بمرح..
والله طول عمرك رجوله ياشاهين باشا.. انا برضو قولت شاهين ده ملك الجدعنه وعمرو مايزعل من الأصول ابدا..ابدا..صح ياشاهين؟
شاهين : ابتسم صح يادكتوره..انا بس خايف عليكي مش اكتر..
هبه : بدقة قلب ربنا يخليك لينا..وتعيش وتخاف عليا..!!
شاهين : كشر عينيه.. وقال . لينا وعليا..!!!
هبه ؛ بتوتر.. احم قصدي ربنا يكرمك يعنى..المهم انت فين دلوقتي؟
شاهين : انا قدام المستشفى. كنت بوصل الدكتوره نور..
هبه : بزعل حقيقي اه ياحبيبتى..ربنا يفك كربهم يارب..انا كلمت مريم امبارح..وكانت نفسيتها مدمره بجد..
شاهين : بحزن..كلنا والله ياهبه.. آدم باشا حاجه اساسيه وغالي ع الكل...
.واكتشفنا إن البيت والشركه والشغل مالوش اي قيمه من غيرو..
ليه كاريزما وعامل روح حلوه لاي مكان..بجد ربنا يشفيه ويرجع لينا بالسلامه..
هبه : إن شاء الله..وربنا هيفرح قلوبنا بشفاه..
شاهين : معلش يا هبه المفروض كنا هنكتب الكتاب قبل الدراسه..بس ماينفعش عشا....!!!
هبه : قاطعته..كلام ايه ال بتقوله ده ياشاهين.؟
انا عارفه ومقدره..وبعدين ياسيدي وقت ما عمو آدم يرجعلو وعيه ويبقى بخير. نبقى نكتب الكتاب..كل تأخيره وفيها الخير إن شاء الله..
شاهين : هز راسه إن شاء الله.. قوليلى مين هيوصلك؟عاشور؟
هبه : احم.. لأ احمد هيجيلي كمان شويه.انا هستناه ف الكافتيريا..
شاهين : تمام.. وياريت تخلي بالك من نفسك.. ولو حصل معاكي اي حاجه اتصلى عليا فورا..
هبه : بفرحه كبيره..حاضر..واول ما اوصل البيت إن شاء الله.هتصل عليك اطمنك..
شاهين : تمام..ربنا معاكي..مع السلامه..
هبه : بتنهيده مع السلامه..وقفلت..وابتسمت بحب كبير..وقالت..
ربنا يباركلي فيك ياشاهين..
واتحركت وخرجت من المبنى..وماشيه ف الجامعه..وحد خبط فيها..!!
هبه : فونها وقع.ووطت جابته..واتعدلت.. وقالت بخنقه..مش تخلي بالك كويس يا آنسه.!!؟
# : سوري مقصدش..احم هو حضرتك الانسه هبه..!!ف طب عيون مش كدا؟
هبه : بتحط الفون ف الشنطه..واستغربت من إن البنت تعرفها..ورفعت راسها بسرعه تشوف مين..
وكشرت عينيها بدهشه وتعجب..وقالت حضرتك تعرفيني؟
وكمان انتي فيكي شبه من واحده صحبتي.
كامليا : ابتسمت بخبث..اها..تقصدي مريم مراد؟
هبه : رفعت حاجبها..اه بالظبط هي..حضرتك تقربي ليها؟بحكم الشبه وكدا؟
كامليا : بكُره دفين.. لأ ابدا احنا أصدقاء وبس..
هبه : بتعجب..سبحان الله..فعلا يخلق من الشبه اربعين..وابتسمت.اهلا بحضرتك..!!
كامليا : بضحكه خب'يثه.اهلا بيكي ياروحي.بس انا ف الحقيقه كنت جايه اسأل ع مريم..هي المفروض تناقش الرساله السنادي.هي ليه مش موجوده معاكي؟
هبه : بعدم فهم..وكانت هتقولها انها هتناقش الدكتوراه ف بريطانيا..لكن قالت بإستغراب..هو حضرتك مش قولتي انكم أصدقاء؟ ازاي بقى انتي متعرفيش مريم مش موجوده هنا ازاي؟
كامليا : بتوتر وخنقه..اء..احم ابدا عادي يعنى..انا بس كنت مسافره ولسه راجعه من يومين..!! ممكن بقى تقوليلي مريم مابتجيش ليه من اول الترم؟
هبه : بلمحة ذكاء..وقالت جواها إزاي صحاب ومتعرفش بال حصل مع جد ميرو؟وكمان انا ومريم صحاب من اولى طب.وعمري ما شوفت البنت دي مع مريم قبل كده..
ومريم عمرها ما قالت ليا انها عندها صاحبه فيها شبه منها..تؤ البيت دي كدا شكلها مش طبيعي..وانتبهت..وقالت...
طيب ع كلامك انتى لسه راجعه من يومين ايه ال عرفك أنها مجتش من اول الترم..!!!؟
كامليا : بلعت ريقها بتوتر..وبصت حواليها.تداري موقفها...وبتفكر ف رد..!!
هبه :بشك.قالت انتى تعرفي اسمي..بس انا متعرفتش ع حضرتك..ممكن اعرف اسمك ايه؟
كامليا : بغيظ مكبت.وقالت بنبرة شر..اسمي روح..
هبه : قلبها اتقبض من الاسم وطريقة نطقه من كامليا..وقالت بخوف..اء اهلا بحضرتك..
فرصه سعيده جدا.
كامليا : بخنقه..هو سؤالي غريب انتي قاعده تحققي وتحللي ف كلامي..ولا هو سر إن مريم مابتجيش..!! وبصت ف عيون هبه بكُره واضح..وقالت..
انا عايزه اعرف مريم مابتجيش ليه..ف امانه معايه وعايزه أوصلها ليها..او ممكن تجيبي عنوانها الجديد هي وتيم..!!! ولا ده كمان سر..!!!
هبه : بلعت ريقها بخوف.وهمست بتعجب تيم..!!.
وشكت إن روح دي اكيد وراها لغز.وابتسمت بتوتر.وقالت بتفكير..
اهدى يا آنسه روح..مالك اضايقتي كدا ليه؟انا مش قصدي حاجه صدقيني..انا بهزر معاكي.يمكن عشان الشبه ال بينك وبينها..انا هقولك ياحبيبتى..اصل مريم وجوزها تيم سافرو يحضرو الدكتوراه بره مصر..
كامليا : بصت ل هبه..بزهول..وصكت ع أسنانها بغيظ كبير..وقالت بصوت جهوري..انتي بتقولي ايه؟ مستحيل..!!
هبه : شكها اتحول ليقين.وخافت من هجوم كامليا عليها..وبصت ولمحت احمد أخوها..ونفخت براحه كبيره..وقالت..اء..احم..ايوه سافرو من اول الترم..وا...!!!
كامليا : اتنفست غيظ..وسابت هبه ومشيت بسرعه..ونارها بتزيد..وقالت بتوعد ممزوج بغ'ضب..
هستناكي يامريم... هستناكي لو هربتي ١٠٠ سنه مسيرك ترجعي وهنت'قم منك انتي وتيم..
انا خلاص اتعرضت للاغت'صاب..وكل حاجه راحت وانتهت..
.يعني معنديش حاجة اند'م عليها..يا اقتل'ك يا ادفن'ك حيه..
اما تيم..!!! لازم اروضه بطريقتي..ويكون ليا انا وبس..لازم يمشي ع اوتار كامليا عبد الباري..!!!
------------------بقلمي مريم نصار.
ف شقة كريم..
ليليان ف الحمام وقاعده ع طرف البانيو..وماسكه اختبار الحمل.. ودموعها نازله.. وعيطت بوجع كبير.. لأنها كانت بتتمنى إن جدها اول واحد يعرف ويفرح بخبر حملها..
كريم : خبط ع الباب..وقال لي لي حبيبتي..انا لبست وجهزت..يلا عشان منتأخرش ع العيله.. آريان وصل هناك من بدري..!!
ليليان : حطت ايدها ع بطنها..وعيطت بصوت موجوع..
كريم : بقلق.. ليليان..!! انتي سمعاني ياحبيبتى؟
ليليان : مسحت دموعها..واخدت نفس عميق.. وقالت بصوت مهزوز..ايوه ياكريم..هتوضى وخارجه..
كريم : حس بنبرة صوتها..وقال بزعل..طيب ياحبيبتي..
ومشي خطوه ورجع تاني..وقال بعتاب.. ع فكره ياليليان..غلط تعيطي وانتي ف الحمام..!!
وبعدين حضن جوزك اولى بوجعك وخنقتك..انا لسه موجود ولا إيه؟
ليليان : فتحت الباب وخرجت بسرعه..واترمت ف حضنه..وعيطت بصوت عالى..
كريم : زعل علشانها..وضمها لقلبه بحنان كبير. وربت ع ضهرها..وقال...
المفروض إني طول ما انا موجود ماشوفش دموعك ولا تبكي.. لكن ال حصل مزعلنا كلنا..ومقدرش اقولك متعيطيش..لكن ال اقدر اقوله خلي عندك أمل ف الله.. إن جدو آدم هيرجع لينا بخير..
ليليان : رفعت عينيها ليه وقالت بحنين..بابا آدم وحشني صوته اوي ياكريم..انا هتجنن نفسي يرجع ف وسطينا من تاني..!!
كريم : مسح دموعها..وابتسم وقال. إن شاء الله خير..مش انتي كل يوم تتكلمي معاه.. خلاص قوليله انهردا كمان أنه واحشك قد ايه.. والعيله سقفها هيقع من غيرو..قوليله انه وجوده اهم من اي مهم..
ليليان : غمضت عينيها..وقالت جواها بوجع..هاقوله بنت قلبك حامل يابابا..اكيد هيسمعني ويفرح عشاني وهيفوق.. أكيد..!!!
------------------بقلمي مريم نصار.
ف القسم..
ياسين : ف المكتب..
العسكري خبط ودخل..وادى التحيه..تمام يافندم.ف واحده عايزه تقابل سيادتك..وعايزه تبلغ عن جري'مة ق'تل..!!
ياسين : هز راسه تمام.خليها تدخل..وبص ل آمين الشرطه ال جمبه.وقال...افتح المحضر يبني..!!
همس دخلت بسرعه..وقالت بمرح تا تا تا.. ههههه هاي كابتن ياسو..!!!
وضغطت ع شفايفها بحرج.من ال قاعد مع ياسين..!!
ياسين : اتكسف جدآ مع دهشه وغيره..وبص ل آمين الشرطه..وقاله بغيظ..سيبنا لوحدنا..
آمين الشرطه : والمح'ضر ياسيادة الملازم..!؟
ياسين : صك ع أسنانه بغيظ..محضر ايه يابني قولتلك سيبنا لوحدنا..!!وبص ل همس بتوعد.!!
آمين الشرطه : قام بحيره..وخرج..
همس : واقفه قدام المكتب. وباصه بعيد بتهرب من نظرات ياسين..!!
ياسين : خبط ع المكتب بغيظ..وقام وقف..
همس : اتخضت. وبلعت ريقها بتوتر. وقالت بلخبطه.اء.ا.انا...
ياسين : بيقرب منها..وقال بغيظ مكبت..انتي اييه.؟
همس : بترجع بضهرها..وقالت..و..وحد الله يا..ياسين مش كدا..
ياسين : بغيظ..ممكن اعرف ايه ال انتى بتهببيه ده..!؟
همس : بترجع وخبطت ف الكرسي وقعدت عليه واتخضت.وقالت..هببت ايه؟ والله انا بريئه..!؟
ياسين : مسك الكرسي وقرب منها..وقال بغيظ..بريئه..جايه تبلغي عن جري'مة قت'ل..!! دا انا هابيتك هنا ف التخشيبه يا همس..
همس : بلعت ريقها..وقالت..ببرود انا اكاد اوجزم اني مش اهون عليك ابتا ابتا يا ياسو..
ياسين : غصب عنه ابتسم..واتعدل ومسح وشه بايديه.وقال..
لا طبعا مش هاتهوني عليا..بس اعملى حسابك ولو اتكررت كتير هعملها معاكي.كدا بل'اغ كاذب وازعاج سلطات.
همس : بكبرياء.نو لأ لأ لأ حاسب عندك..انا مش ضعيفه حضرتك... انا مواطنه مصريه وليا حقوقي الكامله..
وبعدين انا جايه ابلغ عن جري'مه..ليه بقى معاملة البوابين دي اللاه..!!
ياسين : فتح عينيه بدهشه..وقال يخربيتك ياهمس..!! لا بجد انا احترت فيكي.. ومسكها من حجابها من قفاها وقومها..
همس : قامت معاه..وباصه لفوق.
ياسين :بغيظ.. معاملة بوابين؟ يابنتي انتى لو خدتي قلم مني اخاف ع عمرك. اعقلي واهمدي..
همس : بمرح.. اله اله اله.. لأ لأ لأ. ايه ياحظابط ياسو. لااا قلم مين ياباشا..احنا بالصلاة على النبي كدا مابنخافش من حد.. وبعدين انت قد المسكه دي ها؟
ياسين : رفع حاجبه بمكر..وقرب وهمس ف ودنها..وقال بمكر وحشتيني..!!
همس : غمضت عينيها.واتكسفت..وقالت بتلعثم..ع..ع فكره حلوه معاملة البوابين.مالها يعني؟ احم استمر عليها..
ياسين : بضحكه..قال القمر بتاعي بيتكسف.؟ وساب ايدو ورتب ليها الحجاب..وقال..تعالى اقعدي يامجنونه..!!
همس : وشها بقى احمر جدا..وقعدت بحرج..
ياسين : قعد قصادها..وبص لملامحها..وقال بتعجب..بحاول افهم الانفصام ال عندك بس مش جاي معايه سكه خاااالص..
همس : كشرت عينيها بغيظ..انا عندي انفصام؟ عموما الله يسامحك..
.انا اصلا قولت اجي اعمل فيك معروف واقعد معاك اونسك شويه..بس يلا خير تعمل..تريقه تلقى..!!
ياسين : ضحك بصمت..وقال يقلبي انتي تنوري القسم كله..
وصك ع اسنانه بغيظ.وقال..وبعدين انتى ليه مقولتيش انك جايه ها؟
همس : بتوتر..احم.بص بقى انا كنت ف الشركه وخلصت شغلي بسرعه.. كنت راجعه ع البيت. قولت بدال ماتصل عليك.. اجيلك واعملهالك مفاجأه..
وعوجت بوقها وقالت..بس اظاهر المفاجاه مش عجبتك..
ياسين : بتنهيده..عمر وجودك مايضايقنى ابدا ياحبيبتى..وانتي عارفه كدا كويس..بس من الأفضل بعد كده تعرفيني حتى لو جايه ع هنا.. اتفقنا..
همس : بتذمر..اوكي اوكي.. وبصت ليه وقالت..مفيش اخبار عن عمو آدم؟
ياسين : بحزن..هز راسه للأسف الحاله زي ما هي..وبجد انا مخنوق من كل حاجه..
همس : بزعل..ليه بس ياحبيبى.
ياسين : عايزه الحقيقه..وجود عمي آدم. أساسي جدا ف العيله..بجد العيله مهما تتجمع و مافيهاش لا عمي ولا مراته بجد بيبقى ناقص طرف مهم جداً..لو بصيتي ع كل وش واحد ف العيله هتلاقي حزن كبير جدا..ناقص ف ملامحهم الروح ال ترد فيهم الروح..
همس : ربتت ع أيدو. وقالت بحزن..فعلا انا كمان مفتقده وجوده رغم اني متعرفه عليكم من فتره صغيره..لكن وجود الامبراطور. شيء مهم جدا.. وإن شاء الله ربنا هيشفيه ويعافيه.. اطمن..
ياسين : حط ايدو ع أيدها وبص ف عينيها وقال..انا مش عايزك تكوني زعلانه اني آجلت الفرح..والله غصب عني. ماينفعش افرح والعيله كلها زعلانه وبتمر بالظروف دي..
همس : بهزار..ياعم دي احسن حاجه حصلت..
ياسين : كشر عينيه بدهشه..نعم..!!!؟
همس : ههههه ايوه طبعا..بص انا هقولك..اصل احسن فتره ف حياة البنت هي فترة الخطوبة..العريس بيكون كيوت كدا وبينفذ لخطيبته كل حاجه هي عايزاها..بس اول ما يتجوزو يظهر دراكولا ع حقيقته..بس هيروح مننا فين..احنا دلوقتي بقينا بنقتل وبنشفى كمان يعني مش هتفلتو من تحت أيدينا ياحظابط..!!
ياسين : غمض عينيه وهز راسه بيأس.. وبعدين ضحك..وقال اقسم بالله انفصام انفصام يعني مفيش كلام..
همس : كشرت عينيها بغيظ مكبت..وقالت اتفضل افتح محضر..انا عايزه اعمل فيك محضر عدم التعرض منك ليا بخدش واحد بس..
ياسين : ضحك..وقام وقف.وقال عدم التعرض؟ ده المفروض احنا الرجاله ال نعمل كدا..ونأمن ع نفسنا معاكو..
.. يلا يامجنونه.يلا اوصلك ع البيت عشان اروح المستشفى..
همس : قامت بمرح..اعزمني ع عصير قصب طاه..
ياسين : حط ايدها ف دراعه.وضحك وقال احلا كوباية عصير ل حرمي المصون..واخدها وخرجو من القسم بيضحكو..
آمين الشرطه. بص للعسكري وقال بإستغراب.. اله..؟ هي فين جري'مة الق'تل ال جايه تبلغ عليها.؟
العسكري : بغباء..ماهي تلاقيها واخده سيادة الملازم ورايحه توريله الواقعه..!!!
------------------بقلمي مريم نصار.
ف المستشفى..
تيم واقف ومعاه آريان وجزء من شباب العيله..
كريم : وليليان جاين عليهم.. السلام عليكم.
كل الموجودين وعليك السلام..
آريان : شاف عيون ليليان وارمه وحمرا..وقرب منها. ورفع وشها.وقال بقلق مالك يا ليليان؟
ليليان :هزت راسها بانكسار.وقالت مفيش حاجه يا آريان..وبصت ف عينيه بدموع.وسألته.مفيش جديد..؟
آريان : فهم سبب دموعها..وحاوطها من كتفها..وباس ع راسها..وقال إن شاء الله خير ياحبيبتى..
كريم : سلم ع تيم..وقال اومال عمي مراد وفهد فين و آدم؟
تيم : مسح وشه بايديه ونفخ بخنقه كبيره..وقال. خالو مراد ف الطريق وفهد جايب رينو وجاي..و آدم سافر امبارح بليل مأمو'رية.
كريم : رفع ايدو ع كتف تيم..وقاله انت كويس ياتيم..؟
تيم : هز راسه..وابتسم بتمثيل.انا كويس جدا..
كريم : بص حواليه..وقال اومال مراتك فين؟ خلي ليليان تقعد معاها..انت شايف حالتها..
تيم : بحزن..هي عند بابا آدم..
زين : جه وسلم ع الكل..وقعد واخد ليليان جمبه..وبيتكلم معاها..
سليم وفتون وصلو السلام عليكم..
كلهم وعليكم السلام..
فتون : ازيك ياطنط رنا عامله ايه دلوقتى؟
رنا : بوهن انا بخير تسلمي يافتون يابنتي..
فتون : قعدت جمب ملك..ازيك ياطنط ملك.. الضغط عامل ايه دلوقتي؟
ملك : بدموع وتعب.. نحمد الله يافتون ياحبيبتى..كله خير إن شاء الله.
فتون : ربتت ع أيدها..وقالت بإذن الله تعالى.. وسلمت ع باقي البنات..
سليم : ازيك يا زين عامل ايه دلوقتي..؟
زين : ابتسم بحب الله يسلمك يا سليم..بجد الواحد مش عارف يقولك ايه..تسلم لوقفتك معانا ومسبتناش يوم واحد انت وخالد..
سليم : ابتسم..ياااه أخيراً ضحكت يازين؟ وبعدين هتقول ايه؟ عمي آدم مقامه ف قلبى كبير جدا..وعمره ماقصر معايا ف اى حاجه لا أنا ولا خالد..وده واجب عليا لاني ف مقام إبنه..
زين : ربت ع كتفه..وبابا بيعتبرك زي ابنه بالظبط....اتفضل اقعد مراد وفهد كلها دقايق ويوصلو..
سليم : قعد وزياد جه وسلم ع الكل وقعد مع سليم وزين.. وبعدها خالد..
------------------بقلمي مريم نصار.
ف الجامعه..
آرين : ماشيه ف الجامعه سرحانه.وحاضنه الكتب..
شاب واقف مع مجموعة شباب واسمه وحيد وف اولى علوم ..ولمح آرين ماشيه..وقال ثواني ياشباب..واتحرك بسرعه..
آرين : وصلت عند استراحه.. وقعدت لوحدها. وواضح عليها الحزن..
وحيد : قرب منها وقال..مساء الخير يا آنسه آرين..!!
آرين : انتبهت ورفعت عينيها بدهشه..وقامت وقفت بخنقه..وشالت الكتب وماشيه..!!
وحيد : لحقها ومشي وراها..وقال آنسه آرين.. ممكن تردي عليا..والله انا مش بعاكس.. انا قصدي خير.. وبعدين انتي من اول يوم دخلتي فيه الجامعه مكشره ليه كدا؟ ممكن افهم؟
آرين : وقفت ولفت ليه..وقالت بدموع وخنقه.. أنت لو مابطلتش اسلوبك ده انا هبلغ مدير الجامعه وأمن الجامعه كمان..ياريت تحترم نفسك وتبعد عن طريقي..!!
وحيد : ابتسم..وقال ياااه أخيراً سمعت صوتك.؟ والله يابنت الحلال انتي فاهمه غلط خالص..انا بس عايز عنوانك مش اكتر..انا من الاخر كدا من يوم ما شوفتك وانا مش قادر مفكرش فيكي..
آرين : اتخنقت لأن الحزن ال جواها اكتر بكتير من اي حاجه..وسابته بعدم اهتمام ومشيت..
وحيد : يا آنسه.. يا آنسه..طيب عنوانك طيب؟ واتنهد بحيره..وقال هو لسه ف بنات بالاخلاق دي؟
آرين : ماشيه ومخنوقه..
مصطفى : ماشي معاه سعيد عند علوم..ولمح آرين ماشيه بسرعه..وقال..
ولا ياسعيد امسك الكتب دي واستناني هنا..وجري يلحق آرين.. ونده عليها.. بإسم ابوها فهد يافهد..!!
آرين : سمعت صوت مصطفى..ووقفت بخنقه..
مصطفى : جري عليها..ووقف قدامها..وقال ايه يا آرين ماشيه بسرعه البرق كدا ليه؟ ف حاجه حصلت؟
آرين : بتنهج.. ودموعها نازله وقالت بحزن ..مفيش حاجه يامصطفي..
مصطفى : بخنقه..انتى بتعيطي ليه؟ حد ف الجامعه ضايقك؟ قولي اقسم بالله افرمه..
آرين : مسحت دموعها..وهزت راسها لأ مفيش حاجه..هي چود فين يا مصطفى؟
مصطفى : چود ف المحاضره..
آرين : بتعجب..طيب وانت ليه مش ف المحاضره؟ وليه جاي عند علوم؟
مصطفى : بهزار لأ..مش غرور والله..بس انا بلا فخر اتطرد من المحاضره..!!
آرين : شهقت بدهشه..ليه كدا يامصطفي؟
مصطفى : بهزار..يستي هو ال دكتور معقد..ايه يعني لما اضرب ال قدامي ع قفاه..هو ال قفاه مغري وايدي مقدرتش تقاوم بصراحه..
آرين : غصب عنها ضحكت.
مصطفى: هرش ف قفاه.وقال طيب انا كدا عملت ال عليا وضحكتك..روقي كدا.. وإن شاء الله كل العيله هترجع زي الأول وأحسن..
آرين : هزت راسها بتنهيده..وقالت يارب.يارب يامصطفي..
مصطفى : اهي چود جايه هناك اهي..
آرين : لفت ليها..
چود : قربت منهم. ومتغاظه من مصطفى..وقالت بغيظ.. اذيك يا ارين؟
آرين : بهدوء الله يسلمك ياچود..
مصطفى :بتريقه..اذيك يا آرين...!! طيب وانا ايه هوا واقف.. ولا خيال؟
چود : بغيظ..معلش اصلك تافه.. وبعدين انت هتبطل تفاهه امتي وتبقي انسان هادف ها..؟
مصطفى : بتريقه.. الهادف الذي طلبته غير موجود بالخدمه..س س سلام وسابهم ومشي..
چود : بغيظ..عيل متخلف وفاشل..!
آرين : .........!!!
چود : بصت ل آرين..وقالت انتي لسه بتعيطي يا آرين؟ يابنتى إن شاء الله جدو آدم هيرجع زي الاول وأحسن كمان.روقي وفوقي كدا انتي خسيتي النص..
آرين : قعدت بوهن..وقالت بحزن مسيطر ع ملامحها..مش قادره يا چود..
من وقت ما بابا آدم دخل ف غيبوبه..وانا حاسه بإحساس غريب..حاسه اني وحيده
وتايهه.ف جزء كبير جداً جوايا مكسور وزعلان.
انا اكتشفت ف وجود بابا آدم انه كان مديلي الثقه ف نفسي..عايشه ف أمان..مش خايفه من حاجه.داعم كبير ليا..
كان بيسمعني حتى لو كلامي تافه وصغير كان بيفهمني.
كنت مهما اكبر اشوف نفسي طفله برحتي لأن بابا آدم مميزني بكدا..بيحب روحي وبرائتي.
وفجأة حسيت نفسي كبرت كتير..الضحكه والفرحه بقت صعبه أوي ياچود..
ازاي بابا آدم مش قادر يفوق ويرجعلي..ازاي ماما مريم بعدت عننا..الاتنين عايشين ف صمت كبير. البيت اتغير كتير..مبقاش فيه الروح ال كانت موجوده بوجود بابا وماما..
مامي تعبانه ومكسوره واسمعها ديما بتدعي ودموعها ع خدها..بابي ديما بيحاول معاها. خالو مراد ضحكته اختفت..ميرو بقت ديما ساكته..كل العيله اتغيرت..الحزن مسيطر ع الكل ياچود..!!!
------------------بقلمي مريم نصار.
ف المستشفى..Автор: Меріам Насар
الممرضه..دخلت وشافت ميرو حاطه راسها ع صدر جدها.وبتعيط..
الممرضه : بزعل ع ميرو..قالت.. آسفه لحضرتك بس وقت الزياره خلص..ممكن تتفضلي.عشان اعلق المحلول للحاله..
ميرو : رفعت راسها بتعب..ومسحت دموعها..وبصت ع وش جدها. وقربت منه وباست جبينه بحنين ممزوج بوجع..وهمست بكسره..وقالت أميرتك بقت هشه اوي من غيرك يابابا..أميرتك ممكن تموت من هجرك ليها..!!
ارجوك ارجع ارجوك يابابا..ودمعه نزلت ع كف أيدو
.وقامت وسابت الصدفه..وخرجت..
تيم : شافها خارجه ووشها أحمر جدآ من العياط..وجري عليها..
ميرو : شافته.وعيطت اكتر واترمت ف حضنه..
تيم : مخنوق عشانها..وربت ع ضهرها بحنان كبير..وقال..هشش بس يامريم ارحمي نفسك علشان خاطر ال حواليكي..الكل منهار ولازم تقويهم بيكي.وباس ع راسها..واخدها وقعدها وقعد جنبها..
الممرضه : مسكت الصدفه..وقالت بإعجاب.الله جميله اوي..وبصت ع آدم..وقالت بزعل..
والله حضرتك لو شوفت عيلتك عامله ايه علشانك بره..انت هتفوق عشانهم..ربنا يقومك بالسلامه يارب..وقربت منه عشان تشيل الخرطوم..
آدم : المخ عنده انتبه..ع كلمة.اميرتك من غيرك هتموت يابابا...!!! والمخ ادا اشاره للجسم..وايدو اتحركت..!!
الممرضه : شافت حركة ايد آدم..وحست انها بتتخيل..وغمضت وفتحت عينيها تاني..وبصت بتركيز..
آدم : مخه استوعب..وحرك ايدو تاني.. وبيحاول يحرك شفايفه..
الممرضه : فتحت عينيها بدهشه..وسابت الخرطوم..وضربت الجرس بسرعه..وخرجت تجري بفرحه.وندهت بصوت عالي...دكتور محمد..دكتور محمد..وخبطت ف مراد آخر الطرقه ونزلت جري..
مراد بص للممرضه بعدم فهم..ورايح للعيله..
آدم : فتح عينيه.واخد نفس بشهقه..وقال بهمس أميرتي..!!!
مريم : قلبها دق بقوه..وقامت من مكانها بسرعه..وهمست برجفه آدم..!! -------------
فصل 4 ج 2
#رواية_جريمة_عشق5
(مملكةميراث العشق)
تَنام ع كسرـــوتُصبح ع جبر
وبين حالٍ وحال؛ ﴿يُدَبِّرُ الْأَمْرَ﴾
================================
بسم الله نبدأ.
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
آدم : فتح عينيه.واخد نفس بشهقه..وقال بهمس أميرتي..!!!
مريم : قلبها دق بقوه..وقامت من مكانها بسرعه..وهمست برجفه آدم..!!
محمد : طالع بيجري بسرعه..
كل العيله شافوه..وقامو بسرعه وقلبهم حرفياً كان هيقف..
ميرو : مسكت ايد تيم بقوه وقالت برعشه..ف ايه ياتيم؟ بابا آدم ماله..!!
تيم : ضغطت ع ايدها..وبلع ريقه بتوتر..وغمض عينيه بتعب ودعى ربنا يستر..
ليليان : قعدت بيأس وخافت وحطت وشها بين ايديها وعيطت بصوت عالى...
مراد وزين وقفو قدام الباب بخوف كبير..
محمد : بيجري..وقال بصوت عالى ابعتي الدكتور إبراهيم بسرعه...ودخل الغرفه وقفل الباب بلهفه كبيره.ومردش ع حد.وقرب من آدم..
آدم : بيتنفس وبيفتح ويغمض ببطء..
محمد : ضحك بدموع..ورفع ايدو للاجهزه.واول مره ايدو تترعش كدا..وقلبه بيدق بفرحه كبيره..وقال بصوت مهزوز ودموع وفرحه.. أخيرا يا آدم..اخيرا هنشوف النور من تاني..
آدم : بهمس وتعب..مريم..وبلع ريقه بصعوبه..مريم فين..!!
محمد : بسعاده..أميرتك موجوده وبخير..بس انت استريح..ومسح دموعه بسرعه..
الدكتور إبراهيم : جه بسرعه..ودخل شاف آدم..وشال من عليه الأجهزة..وقال ل محمد كل حاجه طبيعيه جدآ..وهيخرج بعد شويه لغرفه عاديه..
آدم : بتعب انا فين..؟ وايه ال حصل؟
د/إبراهيم : بدأ يحكي ل آدم ال حصل معاه بطريقه سهله..وخرج يشرف ع الاوضه ال بتتجهز ل آدم..
محمد : خرج بسرعه يطمن العيله..ويدوب بيفتح الباب شاف العيله كلها واقفه وخايفين من النتيجه.ومتوترين.
محمد : مسح وشه بايديه وضحك بصمت..وقال حمدالله ع سلامة الامبراطور ياجماعه..
الامبراطور فاق ورجع لينا من تاني..
الكل قلبه دق بأمل جديد وفرحه كبيره..
مراد : قلبه دق بسعاده طاغيه..ومن فرحته الكبيرة جري بسرعه ودخل الاوضه..لكن وقف مكانه..ومش مصدق أبوه رجع...رجع للحياه من تاني..!!
آدم : بيحاول يستوعب كل حاجه.. وافتكر آخر حاجه وهو خارج من الشركه..وفتح عينيه وشاف مراد..
آدم : ابتسم بتعب..وقال هتفضل واقف عندك كدا كتير ياسيادة العقيد ميمو..!! وكح..
مراد : الروح دبت فيه من تاني..وقرب بسرعه..وحضن ابوه بكل اشتياق العالم.. وعيط بإحتياج كبير وقال..بصوت مبحوح..قولها تاني ياحج..سمعني صوتك من تاني..
آدم : ابتسم..ورفع ايدو وضم إبنه. وقال بهدوء..ولاد آدم العدوي مايعيطوش أبدا.. ولاد آدم العدوي رجاله..فاهم ياجبله..
مراد : ضحك بدموع وباس كتف ابوه..وخرج من حضنه وباس ع ايديه..وبص ل ملامحه وقال..انا مش مصدق..انا حاسس اني اتولدت من جديد..
آدم : رفع ايدو بتعب..ومسح دمعة إبنه.. وقال. لسه ف الحديث بقيه يابن العدوي..!!!
الكل بره العنايه.. حضنو بعض بفرحه كبيره..وباركو وهنو لبعض.. والدموع هي التعبير الوحيد عن الفرحه..
آريان : سجد مكانه وقلبه بيرقص من الفرحه..
ميرو وليليان قاعدين متنحين ومش مستوعبين..وهمسو بابا آدم فاق..!!؟
زياد : الضحكه ع وشه..وبدء يعمل كل اتصالاته ويبلغ باقي العيله..
زين : دخل بسرعه وجسمه كله بيترجف..وجري واترمي ف حضن أبوه بإشتياق وجنون ولهفه..
آدم : ضمه بسعاده..وقال وحشني يازين ياعدوي..
زين : ضحك بدموع لانه اخيرا سمع الصوت ال اتحرم منه..
------------------بقلمي مريم نصار.
الكل عايز يدخل من فرحتهم يطمنو عليه.
لكن محمد نبه عليهم إن كدا غلط.ومحدش هيدخل تاني .عشان صحة آدم.. وهننقله غرفه خاصه وبعد كده الكل يطمن عليه..
واتصل ع نور وفرحها..
ونور سابت الكشف وجريت بسرعه كبيره وضحكتها ع وشها عشان هتشوف سندها..
محمد : دخل ل مريم ولسه هيتكلم..لكن شاف مريم واقفه وبتترجف..
مريم : بصت ل محمد وقالت بتوهان. آدم يامحمد..!!
محمد : قرب منها وباس أيدها وابتسم..وقال بحب.. قلبك ديما حاسس بيه يامريم..وايوه آدم رجعلك. امبراطور قلبك رجع ليكي من تاني..!!
ليليان : جريت ودخلت وحضنت آدم وبتعيط..
آدم : بهدوء..بس ليليان..متعيطيش يالمضه..انا بخير..
ليليان : باست ع ايدو وقالت بشهقات وفرح اء..ا.انا مش مصدقه نفسي يابابا..
آدم : باس جبينها..انا معاكي ياروحي..ومتعيطيش..
ميرو : جريت ووقفت عند الباب.وبصت عليه بأمل جديد..وقلبها بيدق بقوه كبيره..
آدم : ربت ع ايد ليليان..اهدي ياروحي..ورفع عينيه وشاف ميرو عند الباب..وابتسم بحب كبير..وهز راسه ليها..تعالى.
ميرو : كأنها كانت مستنيه الكلمه دى..وجريت عليه..واترمت ف حضنه وساكته خالص. ودموعها هي التعبير الوحيد..
آدم : ضمها لقلبه بحنان كبير..وقال بهدوء.. حبيبت جدك..!!
ميرو : عيطت وقالت بإشتياق. لأ انت مش جدو انت بابا آدم وبس..وضمته اكتر .
آدم : غمض عينيه وابتسم.وقال وحشتيني ياروحي..
ميرو : خرجت من حضنه وباست جبينه وايديه..وحطت ايدو ع خدها..وقالت نورت حياتنا من تاني يابابا..
آدم : بص حواليه لل قلبه بينادي عليها..
مراد : فهم وقال بفرحه وسعاده..ماما جوه ف الأوضه وديما كانت جمبك ياحج..
آدم : بهمس واشتياق كبير..قال أميرتي..!! وبص ع الأوضه..
الباب اتفتح..ومحمد ساند مريم واتحركت خطوتين ببطء..ووقفت مكانها وقلبها بدء يتنفس من تاني..
آدم : قلبه دق وبدء بالنبض من جديد..وعشقه لاميرته زاد عن الضعف أضعاف..واول ما شافها لا إراديا..اتحرك من مكانه..
مراد وزين بقلق خليك يابابا انت لسه تعبان..
آدم : مردش عليهم..وحاول يقوم..
مراد : لانه عارف إن أبوه مش هيستسلم..وساعدو هو وزين ف النزول من السرير..
آدم : اتحرك بتعب..وبيقرب منها..والقلب مشتاق لقوة اللقاء..
مريم : حست بقربه منها...وغمضت عينيها.. وقلبها دقاته كفيله انها تداوي اي جرح ف قلب ال آدم..!!
آدم : قرب منها..ووقف قدامها..
مراد وزين سابوه واتحركو خطوتين..
آدم : بيتأمل فيها..وقال بعتاب...
ملامحك دبلانه ليه ياحورية آدم..وليه ف لقاءك ليا عتاب كبير ولوم أكبر.ليه كل الوجع ده مسيطر ع ملامحك..!!
مريم : بتسمع صوت آدامها.وبتغذي روحها من تاني.
.ورفعت عينيها ليه.واتملت بالدموع.
واخيرا خرجت عن الصمت وقالت.بعتاب..
اكتر حاجه سمعتها صح ف حياتى لو اتحضنت من ال بتحبه مره هتفضل مريض بيه طول العمر..
اتأخرت ع أميرتك أوي يا آدم. واستسلمت للانهيار وغمضت عينيها بأمان واغمى عليها بين ايدين آدامها..
آدم : لحقها..ونزل بيها ع الأرض.وقلبه دق بخوف..
الكل اتوتر وخاف..مراد اتحرك بسرعه..
محمد : شاور ل مراد..وكمان خايف ع آدم..وقال بهدوء..
انا مش عايز حد يقلق..ده المتوقع أنه يحصل..
كلنا عارفين إن مريم اجهدت نفسها الفتره ال فاتت. وكانت ف حاله اشبه بالصدمه.. ودلوقتي جوزها رجع ليها بخير..ف اكيد هي اطمنت.ولازم يحصل كدا..
آدم : مسد ع خدها بحنان..وساكت..
مراد : بخوف حقيقي.. قرب من مريم وشالها بين ايديه..ودخلها الأوضه..
الدكتوره علقت ليها محلول مغذي..وطمنتهم ع حالة مريم..
------------------بقلمي مريم نصار.Автор: Меріам Насар
بعد لحظات نقلو آدم ل غرفه خاصه.. وكل الموجودين سلمو واطمنو عليه..
نور : دخلت جري عليه..وقالت بصوت عالى..باااابي وعيطت ف حضنه..
آدم : قلبه مشغول ع اميرته..وسلم ع نور..وابتسم يطمنها واخدها ف حضنه..
فهد رينو طالعين ف الاسانسير..
رينو : فونها رن وكان تيم..وردت بتعب..ايوه ياتيم.احنا ف الاسانسير اهو..
تيم : بسعادة العالم..ايوه يارينو ياحبيبتى..
رينو : كشرت عينيها بعدم فهم..مالك ياتيم صوتك مبسوط لعله خير إن شاء الله..
تيم : بضحكه كلها فرح..وقال..اجمل خير ف الدنيا يارينو امسكي نفسك كدا..واستعدي لسماع اجمل خبر ف الدنيا..
رينو : مسكت ايد فهد بقوه..وقالت بدقات قلب..بابي فاق صح ياتيم..!!؟
فهد : انتبه ليها.وضغط ع أيدها يطمنها..واخد الفون من رينو..وقال بلهفه..اتكلم ياتيم..
تيم : بسعاده ايوه يافهد بابا آدم فاق.اطلع الدور السادس غرفه ١١٠
فهد : ضحك بسعاده..وقال الحمدلله..الف حمد وشكر ليك يارب..
رينو : عينيها متعلقه ع فهد..وهمست بابي فاق؟
فهد : شدها لحضنه وقال بضحكه..ايوه ياروحي .عمي آدم رجع لحياتنا من تاني..
رينو : جسمها بترجف وضحكت بدموع..وقالت بعدم تصديق..بابي..بابي فاق يافهد..
محمد : جمب آدم وشايف قلقه ع مريم..وقال..انا عارف انك قلقان ع مريم..بس صدقني هيا بخير..
آدم : مسح وشه بايديه..وهز راسه إن شاء الله.
محمد : صدقني يا آدم.. مريم عاشت فتره صعبه ف غيابك..لكن كانت قويه جدا.. وبقوتها دي خلت العيله كلها تستمد قوتها منها.ووقفنا ع رجلينا بسببها..
ف من البديهي أنها لما تلاقي آمانها رجع من تاني.هتستلم وتبين ضعفها قدامك.
آدم : بتنهيده..وقال جواه..هعوضك عن كل لحظة الم ووحده عشتيها لوحدك يا مريم.. واتنهد بتعب وقال..طارق وبيتر فين؟
محمد : بضحكه طارق وبيتر جايين ف الطريق..ومش مصدقين انك رجعت ليهم..تخيل طارق بيقولى لو طلعت بتكدب عليا هقفلك المستشفى دي.هههه.
آدم : ابتسم..لكن قال..وفين..رينو وفهد؟
رينو : من ع الباب قالت بصوت كله احتياج..انا هنا يابابي..
آدم : ابتسم..وفتح ايديه ليها وقال نوتيلا قلب ابوكي..
رينو : نسيت التعب والحمل وجريت عليه واترمت ف حضنه وعيطت بوجع كبير. بااابي وحشتني اوي ليه تغيب عننا كل الفتره دي..بجد من غيرك مش عارفين نعيش..!!
آدم : هشش بس يارينو..انا مصدقت اختك نور عقلت وبطلت عياط..انا كويس ياروحي..
مراد : قدام الاوضه..اتصل ع فريحته بسرعه..وعيونه لمعت..وقال بفرحه كبيره..الو فريحتي.. فريحة قلبى وحياتي وعمري كله..
فريحه : فتحت عينيها بدهشه من أسلوب مراد..وقالت بدقة قلب.مراد..!!
مراد : بضحكه قلب مراد يابنت المستخبي..وحشتيني يابت يافريحه..
فريحه : حطت ايدها ع قلبها..وقالت..صوتك فرحان..يبقى أكيد بابا آدم..!!
مراد : ههههه ايوه يابت يافريحه آدم العدوي زي الفل وقام بالسلامه..
فريحه : ضحكت بسعاده ودموع..وقالت بجد يامراد بابا آدم فاق..!؟
زينب : سمعت فريحه..ومن فرحتها زغرطت بسعاده كبيره..اكتر من مره..
مراد : بضحكه ايوه يازينبو زغرطي..من هنا ورايح مفيش غير الافراح.برجوع الامبراطور.افراح وبس..!!
فهد : ضم آدم بفرحه كبيره..وقال الف حمدالله ع سلامة حضرتك ياعمي..
آدم : بابتسامه الله يسلمك يافهد..وربت ع كتفه.
ميرو وليليان : كل واحد قعد ع طرف السرير..
محمد : بقولك ايه يا آدم. سليم بدر الدين عارفه؟
آدم : اخد ميرو وليليان ف حضنه جمبه.وهز راسه..ايوه..
محمد : اهو سليم ومراته وخالد الشرقاوي ومراته بجد كانو واقفين معانا واقفة رجاله. مفيش يوم عدا غير لما يكونو موجودين معانا فيه..
آدم : ابتسم..سليم وخالد رجاله بجد..
محمد : قام..طيب تعالو يابنات عشان سليم وخالد عايزين يطمنو ع جدكم..
آدم : مسد ع خد ليليان وميرو..وقال طمنوني ع مريم..!!!
ميرو وليليان بفرحه..حاضر يا بابا. وخرجو مبسوطين وكأنهم ماشفوش هم وحزن ابدا والفرحه ع ملامحهم ووشهم نور من تاني..
آريان : نزل بسرعه وراح يجيب تمارا من الجامعه ويبلغها الخبر بنفسه..
سليم خبط ع الباب ودخل بابتسامه.وخالد معاه السلام عليكم ورحمة الله.
آدم : ابتسم وعليكم السلام..
سليم : بحب كبير سلم ع آدم..وقعد جمبه وقال بحب كبير..انا مش عارف أهني نفسي برجوعك لينا..ولا اشكرك أنك مخذلتش قلوبنا ورجعت بخير وسلامه..
آدم : ابتسم..انا ال بهني نفسي ع محبتكم ليا..
خالد : حمدالله ع سلامة حضرتك ياعمي.. بجد والله العظيم كانت فتره صعبه علينا كلنا..ولما حضرتك رجعت بخير..قلبنا فرح برجوعك لينا..الدنيا نورت من تاني..
آدم : بضحكه..تسلم يا خالد يابني.. طول عمرك راجل جدع.
------------------بقلمي مريم نصار.
بعد لحظات..
ملك دخلت وسلمت بحب كبير.وجاسر.واشرف وهنا ومالك ورنا والكل كان فرحان حقيقي بوجود آدم ف وسطهم..ومن جهه تانيه قلقانين ع مريم..لكن الدكتوره طمنتهم..
والكل بيحكي ل آدم كل دور شخص ف العيله.. وخصوصاً طارق وبيتر وفهد.وزياد.
نور : جابت الاكل..وقاعده يلا يابابي ياقمر..عشان تاكل..
آدم : برفض.. لأ شويه كدا ياحبيبتي..
نور : كشرت عينيها بمكر.. امممم. منا لو أميرتك كنت اكلت من ايدي فورا..لكن لأ انا يدوبك بنتك..اتفضل حضرتك مش هيمشي معايا الكلام ده..وهتاكل من ايدي..
رينو : قعدت جنبها..وانا كمان هأكل بابي معاكي..ومش هيقول حاجه صح يابابي؟
ميرو : رجعت ليها البهجه من تاني..وشالت الصينيه من نور..وقالت لأ طبعا..بابا آدم هياكل من ايدي أنا..!!
نور ورينو بصو لبعض بتكشيره.. وبصو ل آدم بتوعد ممزوج بمرح.. وقالو ف صوت واحد..هتاكل من ايد مين يا امبراطور..!!!
آدم : غصب عنه ابتسم..وبص ليهم التلاته بحيره ومش عايز يزعل حد..
ميرو : كشرت عينيها..وهمست بابا آدم انا جيبالك هديه تحفه جدا..وافق بجد عشان مرجعش ف كلامي
نور ورينو.. بتحذير ..هاااا يابابي...!!
ملك : بضحكه..لا انتي ولا هي.. آدم هياكل من ايد أخته حبيبته..!!
آدم : مط شفايفه ليهم بأسف..وقال أختي ومينفعش ازعلها..
نور ورينو وميرو استسلمو..بتذمر..لكن ضحكو بعدها.
ملك : ضحكت واخدت الاكل..وبدأت تأكله..وقالت.. انقذتك من الضراير يا آدم..!!
آدم : بص عليهم وقال بهمس..جميل مش هنسهولك ياقلب اخوكي..
بعد شويه..الكل شاف طارق جاي بينهج هو وبيتر..
نور بتدي ل آدم العلاج..وسمعوا صوت دوشه
آدم : رفع عينيه ليها وقال عمك طارق جه..
طارق :مش مصدق أنه هيشوف آدم ويسمع صوته.ودخل بسرعه..وقلبه دق بأمل جديد..وملامح وشه مش عارفه تدي ريأكشن معين..
آدم : قلبه دق لصاحب عمره.. وقال بمزاح..ايه يا أسد..هتفضل واقف عندك كدا؟
طارق : بعدم تصديق..قال بلخبطه..اء.. آدم..اء.ا انت بتتكلم..!؟
آدم : هز راسه بيأس..وقال اه تخيل متقرب يابني تعالى..
بيتر : بنفاذ صبر..هو هيفضل واقف متنح كدا..ودخل بيتر بسرعه حضن آدم..ودمعه نزلت منه..وقال بحنين .ياااااه..ياااه يصحبي..كل دي غيبه يا آدم..!!!
آدم : ربت ع ضهرو..وقال وحشني يابيتر..
بيتر : بدموع ده انت ال وحشني ياجدع..حمدلله ع سلامتك يصحبي..!!
آدم : الله يسلمك ياحبيبى..وبص ل طارق ال واقف مكانه بيتأمل فيه..وعيون آدم لمعت..وقال بهزار..يارب اكون عجبتك؟
طارق : قرب منه واترمي بفراق السنين ف حضن اخوه.. وضمه.. وساكت..
آدم : غمض عينيه وكأنه بيغذي روحه من بعدو عن صاحبه وأخوه كل الفتره دي .
طارق : حاول يتكلم لكن صوته مش طالع.
آدم : بيكابر دموعه. وضحك بدموع..وقال ال يشوفك وانت ساكت دلوقتي..مايشوفكش وانت نازل هري جمبي ف الغيبوبه لما صدعتني..
الكل ضحك واتأثرو من موقف طارق..
هنا قالت ل رنا..بجد يارنا جوزك ع قد ما هو بيهزر..ع قد ماعندو حب غير طبيعي ل آدم..
رنا : مسحت دموعها وابتسمت بفخر.وقالت.طارق..!! مفيش حد بيحب حد زي حب طارق ل آدم..!!!
طارق : طلع من حضنه. وباس ع راسه..ومسك وش آدم بأيديه..وعيونه تايهه ف ملامحه..وقال بعتاب. كل ده يا آدم..كل ده سايبني تايه لوحدي..!!
آدم : يتنهيده..غصب عني يصحبي..ولكن كل تدابير ربنا خير..يمكن ال حصل ده عرفني قميتي وقيمتكم ف قلبى..ربنا يديم المعروف بينا.
شاهين وصل آرين للمستشفي..بعد ماعرفت من فهد لما اتصل يطمن عليها..
ودخلت تجري بسرعه كبيره. وضغطت ع كل زارير الاسانسير..لكن مشغول.
ومش قادره تصبر..وطلعت تجري ع السلم..
فريحه : دخلت ووشها نور من تاني..وقالت بسعاده..بابا آدم..وسلمت عليه وباست ع ايديه.. وبعدها ريتال وعوض وزينب..
تالين : جريت عليه..واترمت ف حضنه وعيطت..وقالت شفاك الله وعفاك ياجدو..انا دعيتلك كتير اوى..وكل فرض وسجده استودعك عند الله..
آدم : باس جبينها بحب كبير..وقال بابتسامه..واستجاب ليكي ياروحي..وضمها لقلبه..
آدم : كان قلبه مبسوط إن كل العيله كانت حدو وجمبه..لكن الفرحه ناقصها اهم حاجه..وهي وجود اميرته جمبه..
آرين : بتجري ف الطرقه..وفهد شافها..وقابلها بسرعه..
فهد : بقلق ع مهلك يا آرين..
آرين : بتنهج وبتاخد نفسها بالعافيه..وبتتكلم بصوت متقطع.با..بابي..هو...با..بابا آد... بابا آدم ف..فاق..
فهد : بخنقه..تعالى اقعدي هنا..انتى ليه جايه تجري كدا..مطلعتيش ليه ف الاسانسير..كدا غلط يا آرين..
آرين : حست بدوخه..لكن تماسكت..وحاولت تتنفس بهدوء..
فهد : جاب ازازة ميا..امسكي ياحبيبتى اشربي واهدي..
آرين : شربت من سكات..وقالت.. آسفه يابابي.انا لما عرفت بالخبر..كنت فرحانه اوي..وكان الاسانسير مشغول.. وضحكت بدموع..بابي بجد بابا آدم فاق؟
فهد : مسد ع حجابها.وابتسم..وقال وحياة الضحكه القمر دي فاق..وعايزك تهدى كدا..وتدخلي تسلمي ع جدك بهدوء لانه لسه تعبان..اوكي ياروحي؟
آرين : هزت راسها بابتسامه. حاضر يابابي..
ريتال : اتفضل يا بابا ده عصير فريش..اشربه وهتبقى احسن إن شاء الله..
آدم : رفع ايدو.لا يابنتي.انا مش عايز اى حاجه دلوقتي..
آرين : من ع الباب قالت بروح مرحه..ولا حتى انا يابابا..!!
آدم : ابتسم..وقال كله الا انتي ياقلب جدك..
آرين : دخلت تجري كأنها رجعت فراشه من تاني...واترمت ف حضنه..وحست أخيرا بالأمان..وغصب عنها عيطت..وقالت ببراءه..الدنيا كلها من غيرك كانت وحشه اوي يابابا.. انا من غيرك ناقصني حجات كتير..انا عرفت يعني ايه زعل ووجع قلب ف بعدك يا بابا آدم..بالله عليك اوعى تسيبنا وتبعد عننا تاني.
آدم : اخد نفس عميق واتنهد..وربت ع ضهرها بحنان..وقال احفادي مايعيطوش أبدا.. وانا رجعتلك ياروحي..اومال مين ال هيكمل حكايتك يا آرين..!!!
آرين : خرجت من حضنه وباست ع ايديه الاتنين..وفضلت قاعده ف حضنه فتره..
آدم : بضحكه..مبسوطه وانتي ف حضن جدك..
آرين : بمرح..اوي اوي يابابا..طيب تعرف..عندي ليك اسئله كتير جدا جدا..وقولت اول ما بابا آدم يرجع بخير..انا هسأله كل ده .
آدم : بهمس..انا ال عندى سؤال ليكي.
آرين : كشرت عينيها وقالت.. اتفضل يا بابا .
آدم : بمكر..فين المرعب...!!!
آرين : قلبها بدء بالنبض من تاني..وقالت بتنهيده. آدم بقالي كتير جدا ماشفتوش يابابا..!! وال عرفته أنه سافر امبارح بليل..!!!
آدم : ابتسم..وربت ع كتفها..وقال كل حاجه هترجع لطبيعتها من تاني..
بعد كدا كل العيله اتجمعت عند آدم..وكان قلبهم مبسوط جدا..
ميرو : شافت تيم واقف بيتكلم ف الفون.وقربت منه وبصت ف عينيه..
تيم : خلص المكالمه..وبص ليها بابتسامه..
ميرو : بدقة قلب..وحشتني ياتيم..!!
-----------بقلمي مريم نصار.
عدت الليله بخير وسلام..والكل من فتره كبيره اول مره ينامو باسترخاء وبراحه كبيره..وابتسامتهم ع وشهم..
تاني يوم ف فيلا العدوي..
مريم : نايمه ف الجناح. وبدأت تفوق..وفتحت عينيها بوهن وتعب..وهمست ف اللاوعي.. آدم...
آدم : جمبها..شبك كف أيدها ف ايدو..وباس ع أيدها وقال..قلب آدم ياحورية آدم..!!
مريم : حست بوجوده جمبها..وقلبها دق..وفتحت عينيها...وبصت عليه بصمت كبير.. وعيونها لمعت وكأنها بتشيكله قد ايه هي زعلانه منه..
آدم : زعل ل نظرتها..ومسح دموعها..وقال وحشتيني يا أميرتي..!!
مريم : بتتنفس بسرعه..وقالت آد.. آدم انت هنا..؟ انت جمبي..!!؟
آدم : رفع ضهرها بحنان وضمها لقلبه بعشق كبير جدا.رغم تعبه..
.وغمض عينيه واتنهد وقال..انا طول عمري جمبك يامريم..
مريم : جسمها اتشد.. وقلبها بيدق بسرعه كبيره.. وبدأت تستوعب..كل حاجه..وشريط ال ٥٠ يوم بيمر قدامها..ولسه بتسمع صدى الصوت اغتيال آدم العدوي..
وشهقت بصوت عالى..ورفعت أيديها وحضنت آدم بحجم وجعها منه وعشقها ليه..وعيطت اخيرا بعد كل الوقت..وخرجت كل الوجع ال جواها ف حضن آدامها..
آدم : سابها..تطلع كل ال جواها..ويمسد ع ضهرها بحنان..
مريم أخيرا اتكلمت وقالت..بكل عتاب العالم..
انا عمري ما جاتلي الجرأة اني اوجع قلب حد وبعدين اديله ضهري واسيبه يتكسر وامشي..
معرفش ازاي انت قدرت تعمل فيا كدا يا آدم..
بس الاكيد ان شعورك وانت بتعمل فيا كده وتسيبني ف ناري ودوامتي وتمشي يبقى ف يوم محبتنيش أبدا...!!!
لو حبتني هتخاف عليا حتي ف لحظات الوادع..
هتخاف من الكلمة الاخيرة ال هتقسمني نصين وتدمرني. وتمشي..
انا قولتلك يومها..قولتلك خليك متخرجش وتسبني..بس انت ضحكت وقولت انتي بقيتي حساسة اوي يامريم.وخوفك وقلقك مش ف محله.
انت سبتني وبعدت عني..سبتني لوحدي..مع انك وعدتني إني هفضل تحت جناحك ومش هتغيب عني يوم واحد..
طول عمرك جمبي وضلي وسندي..مسنوده عليك بكل ما فيا.بواجه العالم ف وجودك..قوتي وصلابتي فيك أنت..راسي مرفوع بيك أنت..
أنا اتهديت ف بعدك يا آدم..قلبى كان ميت.. الزمن وقف عند آخر لمسة ايدك ل لايدى..روحي بقت سراب ف صمتك وسكوتك..ازاي هانت عليك مريم.. ازاي قدرت اني انام بعيد عنك وعن حضنك كل المده دي .
.انت محبتنيش أبدا يا آدم محبتنيش. وانت ازاي تخلف بالوعد..
أنا قولتلك قبل كدا.. إني أنا ال هتعب الاول..وانك انت ال هتوصل الامانه لمكانها الأول..
واني انا بدعي ليل ونهار اموت قبلك..ولا اعيش يوم بعدك وادوق مرارة الوجع..ازاي بتموتني بالبطيء يا آدم ازاااي؟
الموضوع ابدا مش هين..!! مش هين يا آدم..!!!
آدم : مغمض عينيه..وبيسمعها..ودموعها بتكوي ف قلبه..وبيمسد ع ضهرها..وبعد ما خلصت كل كلامها.
آدم طلعها من حضنه..ومسح دموعها..وباس عينيها. وبص ليها كتير.. كأنه بيقولها..بتلومي عليا ف حاجه خارجه عن ارداتي..
لكن هو عارف إن كل ده حب وعشق ليه.. وإن فراقه مش هين ابدا بالنسبالها..ورفع ايدو ع خدها بحنان كبير.وقال بحنين..
آدم فعلا عمره ماحبك..لانه تخطى مرحلة الحب وكمان العشق من زمان جدا..
آدم لحد دلوقتي مش عارف ولا لاقي ف المعجم وصف للحاله ال مريم الجزار وصلتني ليها..
لكن كل ال اقدر اقولهولك..إن آدم زمان كان هش وضعيف..مش انتي.!!
.انا ال كنت بتقوى بيكي..وانا ال كنت بفتخر بيكي ف كل مكان.. لانك فخر وشرف امبراطورية العدوي.
انتي ال قدمتي آدم للعالم بوجه تاني..بشخصية آدم إبن نور الحقيقي..انتي الوحيده ال قدرتي تشيلي القناع المزيف ال ع وشي وظهرتي آدم الحقيقي..
أنا كل ال وصلت ليه ده .وال انا فيه ده..بفضل الله ثم انتي..انتي مش حد تاني..
أنا قولتلك زمان إن كتفك عادل كتفي.وانتي ال مخليه ضهري مستقيم.. مش حد تاني..
أنا من غيرك صفر ع الشمال..
وجودك جمبي ف الحياه زي الروح والميا والهوا..انتي حاجه مقدرش اعيش لحظه من غيرها..
عمري ما اقدر اخلف بوعدي معاكي..ولا يبعدني عنك غير الموت..الموت وبس..
ال حصل ده قدر ومكتوب..يمكن حصل عشان أشوف ولادي وسندي ف الدنيا هيتصرفو ازاي...وحياتهم هتمشي ازاي وانا مش معاهم؟
او حصل عشان اعرف غلاوتي عند باقي العيله. او حصل لحاجه ف علم الغيب..واكيد ربنا ليه حكمه ف كل ده..
بُعدك كان غصب عني..بس انا هعوض نفسي عن كل ثانيه اتنفستها وانتي مش جمبي..
أنا ال اعتب عليكي يا اميرتي..انك مقربتيش من قلب ادم وانعشتيه.انك مانمتيش ف حضني وكنت أكيد هفوق من قربك ليا.انتي لو كنتي بس ناديتي عليا.. كنت فتحت عينيا ال بتعشق عيونك..
ومسك وشها بايديه..وبص ف عينيها..وقال بشوق كبير..حرمتيني من جنتك ليه يا حورية آدم..!!!؟
مريم : غمضت عينيها ودموعها نازله بصمت كبير..
آدم : حط راسها ع صدرو وضمها لقلبه بحب كبير..وقال حقك عليا..ابوس ايدك بلاش دموعك.. صدقيني الدنيا كلها بتغيم لدموعك..
مريم : اتنهدت وخرجت منها شهقة وجع..وغمضت عينيها ف حضن أمانها..وقالت...
الدنيا كلها ف غيابك كانت عباره خسوف كلي لروحي..انا مكنتش عايشه من غيرك يا آدم..!!
آدم : بدقة قلب..يااااه..بقالي كتير اوي محستش اسمي غير دلوقتي منك يا أميرتي..
مريم : خرجت من حضنه..وباست ع ايديه..وقالت حمدالله ع سلامة روحي ل روحي..
آدم : ابتسم..ورجع شعرها ورا ودنها..وقال. حمدالله ع سلامتك ل آدم ياسلطانة أيامي وسنيني..!!
مريم : بصت ف عينيه وعيونها لمعت..وقالت بحنين ممزوج بعشق كبير..
وجودك بهجه. وجودك فرح ليا ولكل ال حوالينا.وجودك شجره اصيله دامت حباتها وتدي الخير للكل بدون مقابل. انت مش بس ونعم الزوج..انت رفيق رحيم .خفيف الروح .هيّن الطبع.. وجودك ل مريم جنه.
آدم : بابتسامة عاشق. انتي جنة آدم ع الأرض يامريم....!!!! -------------
لمتابعة باقي الرواية زوروا قناتنا على التليجرام من هنا
جاري كتابه الفصل الجد يد للروايه حصريا لعالم سكيرهوم اترك تعليق ليصلك كل جديد أو عاود زيارتنا الليله
بدل ماتدور وتبحث علي الروايات خليها علي تليفونك وحمل تطبيقنا
