رواية وردتي السوداء الفصل السادس بقلم سمية عامر
صحيت الصبح على تقل فوق كتفها و فتحت عينيها لقيت نفسها نايمة على صدرة و هو حاطت دراعه على كتفها
صوتت بعلو صوتها و كل البيت اتلم على الباب
و عبدالملك صحي بس عمل نفسه نايم
دخلت سحر بسرعة و لقيت نورين واقفة و بتعيط : هو بيعمل ايه هنا في سريري
- نعم ؟؟ واحد و مراته هيكون بيعمل ايه ؟
مراته ؟؟؟
بس انا متجوزة ايمن
- مين قال كده ؟
سيف : نورين اهدي انتي عبدالملك جوزك و حتى هو كان العريس في اليوم اللي جينالكم فيه
اتصدمت و قعدت على الكرسي وهي بتفتكر زعيقها ليه لما باسها و أنها كانت بتقعد تأكل اخوه قدامه
خرجت من شرودها على صوته بعد ما طلع الكل من الاوضه: جهزيلي الحمام
- انت ليه مقولتليش انك انت جوزي ؟
بصلها بنص عين : عشان اشوف عياطك كل يوم و انتي حاسه ان اللي عملناه سوا معصية
- ليه كل ده مكنتش اتجوزتني من الاول !
متقلقيش كده كده هطلقك انتي مش من مستوايا ولا حتى من الستات المفضلة عندي
- بجد هتطلقني ؟ يعني الم هدومي
ضحك و قرب منها وهي قاعدة : ده بعينك يا حلوة الاول خليني اوريكي البدوي لما بيتجوز بيعمل في مراته ايه
بلغت ريقها و قامت وقفت قدامه : بس انت متعلم و مثقف و مسافر برا يعني مش بدوي !
ضحك من توترها وقرب قدام شفايفها و اتكلم : د انا اللي بأكل المعزة كل يوم يلا حضريلي الحمام
جريت من قدامه و دخلت تحضرلة الحمام
فضلت واقفة قدام المرايا و لقيت نفسها بتضحك لوحدها و بتبرق : بقى الباد بوي القمر ده يبقى جوزي ينهار ابيض
حضرت الحمام و خدت دوش و لبست بيجامه و خرجت
هو بصلها بعصبية : قولتلك حضري الحمام تقومي تستحمي ؟
- اه مش انا اللي حضرته يبقى انا اللي استخدمه و يلا شوفلك حمام تاني ده باظ
ده باظ ؟؟ ماشي تعالي هنشوف ده باظ ازاي
شدها و شالها و دخل بيها الحمام وهي بتصوت : ينهارك اسود نزلللللني
حطها تحت الدوش و فتحه عليها فضلت تصوت اكتر و حاولت تجري بس اتزحلقت في الصابون اللي في الأرض و مسكت فيه وقعته معاها
سحر تحت : ايدا ايه الصوت اللي فوق ده كان البيت بيقع
سيف بخبث : مش عرفت أنه جوزها سيبوهم بقى
ضحكت سحر : اتلم يا قليل الادب ده اخوك و مراته
ضحك ايمن بس فجأة رن جرس الباب و راحت الخدامة تفتح
......
خرجت نورين من الحمام وهي ضهرها واجعها من الواقعة و خرج هو وراها خد لبسه و بصلها : لسا العقاب مجاش استني بس
دخل تاني و قفل الباب و غيرت هي لبسها ونشفت شعرها و لبست حجابها و نزلت كان في بنت قاعدة بشعرها و بتبصلها بقرف
قعدت نورين جنب خالتها : مين دي ؟
سحر : دي بنت عم جوزك شريفة
ابتسمت نورين و مدت ايديها : اهلا
قامت شريفة وقفت : معلش يا مرات عمي اصلي مستعجلة لما عبدالملك يصحى خليه يكلمني
مشيت وهي بتاكل في نفسها و نورين مستغربة طريقتها بس محطتش في بالها
سحر بخبث : حصل ايه بقى احكيلي
احمرت خدودها : في ايه يا خالتو
- فوق يا مرات ابني
لا والله يا خالتو محصلش حاجه د انا وقعت في الحمام و ...
قبل ما تكمل لقيته نازل بكل أناقته و لابس بدلة و شعره الناعم مرجعه لورا
قرب على أمه بأس ايديها : امي انا مش هتاخر
سحر بخبث : قول لمراتك بتقولي ليه
بصلها و راح وقف قدامها و حط أيده قفل بوقها المفتوح : سلام يا حلوة
- استنى استنى رايح فين
يهمك ؟
- لا .. اه مش انت جوزي ولا ايه يا خالتو
ضحكت سحر و قامت و سابتهم مع بعض : رايح فرح و متتعوديش تسألي
- خلاص خدني معاك انا زهقت من البيت ارجوك
اترجيني اكتر كده
- لا ... خلاص
خلاص خلاص يلا باي
- استنى استنى ارجوك ارجوك خدني
ضحك على أسلوبها اللطيف: قدامك عشر دقايق تكوني جاهزة
طلعت تجري بسرعة و في ربع ساعة كانت نازلة لابسة فستان موف منفوش شويه و جزمة بكعب بيضا و حجاب ابيض
انبهر بجمالها رغم انها مش حاطه مكياج كتير و فضل باصصلها و بلع ريقه
قربت منه بعد ما اتكسفت من نظراته : يلا
ابتسم : يلا
خرجوا سوا و ركبوا العربية و ملاحظتش نورين ان في حد بيراقبها
وصلوا مكان الفرح و دخلو سوا كان راقي جدا و الطبيعة خلته مميز و غريب قعدت على كرسي و هو راح يسلم على أصحابه
بس فجأة لقيت نورين اللي بيشدها من ايديها و بياخدها على جنب اتخضت و اتصدمت : ماجد ؟ انت ازاي جيت هنا و عرفت مكاني منين
مسك ايديها باسها : انتي وحشتيني اوي
شدت ايديها : ماجد انا متجوزة لو سمحت م....
بس قبل ما تكمل كان عبدالملك واقف وراها و شاف كل اللي حصل ........
