 |
رواية شيطان العشق الفصل السادس 6 بقلم اسماء الاباصيريالبارت السادس من الشيطان العشق وبعد فتر ليست بالقصيرة انتهت ساعات العمل وقد حمدت آيات ربها ان هادي لم يكلفها بعمل اضافي فقد انهكت تماماً من احداث الامس وصباح اليوم وصلت منزلها لتدلف الي الداخل وفعلت روتينها اليومي بالقاء احد قطع حذائها بناحية ولاخري بناحيه معاكسه اما سترتها فكانت نصيبها احدي مقاعد حجرة المعيشة ملقاه بإهمال لتتهاوي علي الاريكه في تعب آيات بانهاك:واخيرا شويه هدوء طائف: حمد لله على السلامه انتفضت من مكانها بفزع لترصد جسده الضخم يقف امامها بثبات يضع احدي يديه بجيب بنطاله ولاخري يمسك بها كوب فخاري يشرب منه شئ ما بهدوء واسترخاء آيات بغضب:انت بتعمل ايه هنا؟ قلب عيناه في تملل قبل ان يجيبها بهدوء يحسد عليه طائف:اظن ان ست ساعات مش فترة كافيه انك تنسي واحد زيي 😹(كده بدأ الغرور😹😏) آيات:اكيد منستيش انت مين بس برضو منسيتش اني قولت اني عايزه ارجع الاقيك مشين اتجه هو بهدوء الي احد المقاعد يجلس عليها وهي تراقبه بأعين متسعه ليجيب طائف:واظن برضو انك منستيش اني قولتلك اني مقدرش امشي من غير لما اتصل بحد من موظفيني آيات بعصبية: والحل ؟ حرك كتفاه لاعلي واسفل ليجيلها ببساطه طائف:الحل هو اني افضل هنا لغايه ما اقدار اوصل لحد اعرفه آيات بصراخ:نعم؟؟ نظرت نحوها بانزعاج من صراخها المستمر طائف ببرود:ليه الصوت العالي ؟ايه اللي كلامي مش مفهوم ؟ آيات بحده: هو ايه اللي تفضل هنا لغايه توصل لحد!!!.... انت فاكر نفسك ميين؟وفين؟...ده واحده ست يا استاذ وعايشه لوحدها واذا كنت استضافتك يوم فيه فده مش معناه اني سيباه وكاله من غير بواب....بلاش جنان يا ابن الحلال وشوف حته تروح فيها انا فاتحه بيتي سبيل واخيرا تنازل لينهض من جلسته يقف بشموخ مواجها لها طائف باستفزاز:اولا وردا على اسئلتك الكثير دي.....فاكر نفسي مين فسبق وعرفتك بنفسي طائف العمري تقدري بعمليه بحث بسيطه علي النت تعرفي اكون بالإضافة اني مستوعب تماماً اني في ضيافتك من امبارح وسبق وقولتلك ان كله بتمنه اطلبي اي مبلغ وتاني يوم هتلاقيه قدامك......اما بقي باقي كلامك.... اكمل بسخرية....فردي عليه هو اني مش شايف اي ست متواجدة قدامي حالياً إطلاقاً آيات بغضب: ده انت مش بس بجح لا و وقح كمان....انت ازا..... طائف مقاطعا بتنهيده: من غير اهانات وغلط كتير خلينا نقضي الليله دي بسلام ومن بكره هشوف حل للوضع ده....ها ارتحتي؟.....ثم اكمل بفحيح غاضب.....واعرفي كويس ان لولا انك انقذتي حياتي واني مديون ليكي مكنتش ابدا سمحتلك بالتجاوز والتعدي في كلامك معايا...بس كله يهون عشان موقفك الشهم بتاع امبارح يا......يا قطه ثم تركها تقف مبهوته الملامح من تهديده لها في حين تحرك هو باريحيه نحو المطبخ مرة اخري واخيرا قررت الاستسلام للوضع الحالي وابقاء الوضع علي ما هو عليه حيث ان لا طاقه لها للخوض في جدال خر اصبحت علي درايه تامه ان لا فائدة منه اتجهت هي الاخري الي غرفتها تغلق بابها خلفها موصدة اياه بأحكام لتبتعد عنه قليلاً وبعد لحظات من النظر نحوه بتوجس همت بتحريك الكرسي الخشبي الوحيد الموجود بالغرفه وضمان عدم استطاعه ضيفها الدلوف للدخل...فحتي وان كانت تبدو كفتاه جريئه مقدامة فخوف الانثي بداخلها انبأها بضروره اخذ الحذار وفي مكان آخر نجد صف من الرجال يقفون بخذي امام شاب بأوائل الثلاثينات والذي علي مايبدو كان مستمرا في تقريعهم في حين كانو يستمعون له بخنوع والأسف باد علي وجوههم ............:يعني ايه يفلت منكم...بقي بعد كل ده والتحضيرات اللي المفروض عملتهو يقدر يهرب منكم طب ازااااااي؟خمس رجالة زيكم راجل واحد بس يقدر عليهم ويهرب لا والنكته انه كمان يعلم عليكم (يعني اتصابو بسببه بإصابات تركت اثر) احد الرجال:يا باشا حضرتك عارف اننا مقصرناش وان هو اللي...... .........بغضب:هو؟هو ايه يا بغل منك ليه؟هااا رجل آخر:يا بوس انت عارف اللي اسمه طائف ده مش سهل ........بحقدخ:مش سهل ؟ومقصرناش!!......ايه باعتكم تخلصوا من جن ولا ايه ما هو بشر زي اي حد الفرق اني مشغل معايا شويه اغبيه مبيفهموش الرجل الاول:يا باشا.... ........مقاطعا:خلص الكلام....سيبو بقي موضوع طائف بيه ده ليا لما نشوف اخرتها معاه... كنتو قولتوا انه اتصاب مش كده ؟ احدي الرجال مسرعا:اه يا باشا حصل انا شوفته بعيني الرصاصة صابته ...........بشرود:مممممم كويس اوي ده معناه انه هيهدي اللعب اليومين دول اكون انا واصلت لحل......ثم وجه حديثه لهم غاضباً......اختفو من قدامي دلوقتي مش عايز اشوف خلقه حد فيكو يلاااااا هموا جميعهم بالانصراف ليتركوه شاردا في مصيره هذا الطائف عدوه اللدود انقضت هذه الليله ببطئ شديد علي بطلتنا في حين ان ضيفها المجهول مر عليه الليل سريعا نائما علي اريكتها بهناء يحسد عليه وفي الصباح استيقظت بتافف مبكراً فاليوم هو يوم عطلتها وقد اعتادت فيه علي الاستيقاظ بوقت متأخر لكن بوجود هذا المتعجرف علي حد وصفها فلم تستطع ان تنعم بنوم هانئ علي الاطلاق خرجت من غرفتها بهدوء تستطلع ان كان قد استيقظ من سباته لتجد الهدو يعم المكان لذا خمنت انه مازال نائما حمدت ربها عندما تأكد ظنها برؤيته يغط في نوم عميق علي اريكتها العزيزه آيات بهمس: خلاص احتل الكنبه (الاريكه)منك لله معيشني في قلق ورعب وانت رايح في سابعه نومه ثم اقتربت اكثر نحوه وسط تأملها لملامحه بهدوء لتعترف بداخلها كم هو وسيم ذو ملامح رجوليه فجة تجبر ايا كانت علي النظر نحوه ولانجذاب له آيات بعند:بس برضو بجح ووقح ولو كان توم كروز نفسه لتتفاجئ به يمسك بها متلبسه اختلاسها النظرات نحوه حيث فتح عيناه فجاه وعلي شفتيه رسمت ابتسامه جانبية اردتها قتيله طائف بصوت اجش ساخر: اعذريني لكن انا بعترض علي مقارنتك ليا براجل تاني حتي وان كان جورج كلوني نفسه. آيات بغيظ تخفي به حرجها:مش انا سبق وقولت انك بجح ووقح خليني اضيف ليهم كونك مغرور وشايف نفسك......واتفضل قوم بقي عشان تشوف حل في وجودك هنا كفايه اوي لحد كده هم بالرد عليها بعد ان استقام في مجلسه ليقاطعه صوت هاتفها التقطته سريعا لتعقد جبينها باستغراب من هويه المتصل وتجيب سريعاً آيات: السلام عليكم.....ايوه يا مستر مع حضرتك خير؟......لايا فندم الورق ده انا سلمته امبارح لمستر هادي.....ازاي الكلام ده!!!..... ثم استمعت لمحدثها للحظات قبل ان تغمض عيناها بنفاذ صبر تبعه تنشقها الهواء بصعوبه لتجلس من فورها علي اقرب مقعد وتجيب بهدوء مصطنع...... اكيد طبعا فاهمه يا مستر مازن ان الورق ده مهم بس صدقني انا سلمته لمستر هادي حتي حضرتك ممكن تسال سهام هي كانت موجوده ساعتها......ايوه ايوه مع حضرتك.....ايه ؟تيجي؟ بس يا فندم....تمام تمام هبعت لحضرتك العنون في مسدج.....حاضر علي ما حضرتك توصل هكون جهزته.... سلام يا فندم ثم اغلقت الهاتف تبعه ارسالها رساله ماثم لتهتف دون وعي آيات بغضب وسرعه: معلش يا آيات.....عديها يا آيات.....ما هو انتي فاهمه الوضع يا آيات....مستقبل الشركه وسمعتها يا آيات.....طهقتوا آيات في عيشتها.... أنشأ الله تولع الشركه انا زهقت خلااااااص.....كله من المسخ اللي مسكوه الشركه عامله زي خيال المآته ملوش اي لازمه غير انه يبوظ شغلي....انا عارفه ازاي صاحب الشركه عين الكائن ده بدل منه....بس هقول ايه ما هو اكيييييد غبي زيه طائف بحده غريبه:هااااا خلصتي ؟ انتفضت هي إثر نبرته وكانها ادركت للتو ان ثمه من يشاركها المكان لتنظر له في دهشة سرعان ما اندثرت ليحل محلها الغضب آيات باستفزاز:انت كان مالك ومالي يا اخي ولا هو حرام اطلع الكبت اللي جوايا في بيتي كمان طائف بتوجس:هو انتي شغاله فين بالظبط ؟ آيات باستفزاز:انت بجد متخيل اني ممكن اقولك اي معلومات عني وعن حياتي بسهول كده ؟ طائف بسخرية:كده برضو يا يويو ده احنا بقينا عشرة وقضينا يومين حلوين مع بعض وفي بيتك معقول معلومه زي تستكتريها عليا الفصل السابع من هنا |
تعليقات
