رواية كنت مجرد طفله كامله جميع الفصول بقلم اسماعيل موسى
كنت مجرد طفله لما توفيت والدتى، يدوبك سبع سنين وكان ليه اخ طفل عمره سنه ونص
بعد الدفنه كنت عماله اصرخ وابكى، خالى خدنى فى حضنه وقال متخفيش انا هاخدكم تعيشو معايا
ركبنا العربيه مع خالى وانا شايله اخويا لحد ما وصلنا شقته، فتحت مراته الباب وبصت علينا
من اول لحظه عرفت ان الست دى بتكرهنا ومش طايقانا، نظرتها كانت مرعبه
بصت لخالى وقلتله ايه ده؟
قالها عيال أختى ملهموش حد غيرى هسيبهم لمين؟
وسمعت صراخها، انت اتجننت؟ انت قادر تكفينى انا وابنك عشان تجيبلنا عيال اختك؟
والله لو قعدو فى الشقه هسيبهالك واروح عند أهلى
خالى قال ادخلى يا روزا وشد مراته من ايدها، سمعته عمال يهدى فيها ويسترجيها تسبنا نعيش معاهم لحد ما يلاقي صرفه
قلها روز هتساعدك فى شغل البيت، هش تروح المدرسه وتهتم بالبيت وانتى هتعلميها كل حاجه صدقينى هتريحك
لما عرفت انى مش هروح المدرسه تانى لما سمعت كلامه قعدت اعيط
كان لى زميلاتى فى المدرسه وكنت بحبهم
صرخت مرآة خالى والطفل ده هنعمل فيه ايه؟
اكيد مش هتطلب منى ارضعه واهتم بيه؟ ولا سيادتك ناوى تأجر خدامه للطفل؟
خالى قال ان شاء الله هلاقى حل
مرآة خالى قالت اتصرف بسرعه يا حسام انا مش هستحمل كده ورزعت باب غرفتها وراها
اول ما خالى خرج مرآة حالى نادت عليه ونزلت فيا ضرب من غير سبب
كان جواه حقد وغضب طلعته فيا، قعدت أبكى واخويا الطفل قعد يصرخ ويعيط
مرآة خالى قالت يلا أمشى روح شوفى اخوكى ده خليه يبطل عياط
شلت اخويا فى حضنى وقعدت اهزه زى ما ماما كانت بتعمل
لكن اخويا كان جعان ومبطلش عياط
مرآة خالى مشيت بسرعه ناحيتنا وقالت الزفت ده مش مبطل عياط ليه؟
خفت منها، قلتلها هيكست دلوقتى ارجوكى متضربهوش ميعرفش حاجه
