القصة اللي حكيها دي مش ليا دي حصلت مع اخويا ، اخويا ميسو (و اتنين من اصحابه ) موني وطارق! هنبدأ في القصة .
كانت ليلة الأربعاء (في المملكة العربية السعودية ، الخميس والجمعة عطلة). عادة بنام في وقت متأخر كل ليلة . وصل اصحاب ميسو (أخويا) بليل عشان يخرجو يتفسحو مع بعض زي كل الأصحاب في السن ده . استأذن اخويا من والدي و خرج . كان الوقت تقريبا 09:30. وانا كنت فاتح علي اللابتوب ، كان أخويا التاني بيلو بيذاكر . وصل ميسو في الساعة عشرة و نص او حداشر ولما دخل سأل بيلو ، " انت كنت برا من ثواني او دقايق ؟" قال بيلو: "لا ، كنت هنا بذاكر ! ليه فى حاجه حصلت ؟"
بعدين حكي ميسو القصة كاملة. قال: "كنا بنتمشي عادي واحنا راجعين شوفنا عن البيت راجل اسود او ضل اسود طويل عند الباب لما شافنا مشي ". قتلته ممكن كان خيالك؟ قالي : لا ، شاف معايا الراجل ده موني وطارق (اصحابه) سألوا كمان : هو ده أخوك الصغير بيلو؟
افتكر أخويا ميسو أن بيلو كان واقف على كرسي وبيصلح الانوار برا البيت ؟ عشان كده ميسو سأل بيلو انت كنت واقف برا ؟ لما قرب ميسو واصحابه ، مكنش في حد . كانو قلقانين جدا لأن المكان اللي كان واقف فيه الشيء المجهول ده كان قدام بيتي ! كنت مرتبك وخايف . وقريت دلوقتي سورة من القرآن (لأني مسلم) ومن وقتها مشتفش ولا انا ولا اخواتي حاجه زي كده .
اهلا ! دي قصتي التانية اللي هحكيها ليكم . بما ان دي قصتي هقول يكم مقدمة عني اسمي علي (مش اسمي الحقيقي ). أنا باكستاني عايش في السعودية ، جدة. عمري 15 سنة اتولدت في جدة. كنت عايش في مجمع سكني (كان بالقرب من منطقة المطار مكان عايش فيه كل اللي شغالين فى المطار ). كان البيت ده كمان مسكون . لكني مكنش بشوف حجات غريبة زي دلوقتي . علي العموم احنا مشينا من البيت ده تقريبا من 4 او 5 شهور .
في واحده من الليالي كانت حوالي الساعة 12 الصبح أو 1 الصبح حسيت أنا وأخويا التاني بالجوع قولت اقوم اعمل البطاطس المقلية. عملتها في آلة القلي وراح أخويا للحمام. كنت ماشي في واحد من الممرات وباصص لتحت وشفت بطرف عيني راجل قاعد على الأريكة. لفيت بسرعة عشان اشوف اي حد في الأوضة . كان الكل نايمين ما عدا أنا وأخويا. قلت يمكن بتخيل .
في مره كنت فى نفس الأوضة ، صليت ، وقريت فى القرآن وحطيته جنبي على المنضدة ، شفت شخص ، مش عارف مين هو ، ولكن كان اسود . لما حاولت اتحقق منه اختفي . اللي حصل انهارده بقي هو أن أمي وأخويا الأكبر كانو بيتفرجو علي التليفزيون وانا معاهم فجأة الشاشة (كلها سودا) شوفت في انعكاس الشاشة ولد اسود لمدة ثواني لفيت ابص علي شمالي اشوفه ملقتش اي حد .
قلت لأهلي علي اللي شفته قالولي ده من خيالك لو انت شفت احنا مشفناش ليه ؟؟. انتو ايه رأيكم فى اللي شفته ده ؟
بدل ماتدور وتبحث علي الروايات خليها علي تليفونك وحمل تطبيقنا
