رواية انا علي صواب الفصل الثاني بقلم اسراء ابراهيم عبدالله
طردتها حماتها وهي بلبس البيت، ومشيت ضحى على بيت أهلها وهي بتعيط
وصلت ضحى بيت أهلها اللي انخضوا من شكلها وقالت والدتها بقلق: في إيه يا ضحى مالك يا بنتي؟
ضحى بعياط: حماتي طردتني عشان مارضتش أدخل حاتم الشقة عندي وأنا لوحدي في البيت
والدها بعصبية: فهميني الحكاية من الأول يا ضحى خليني أشوف المحترمين عملوا إيه بالظبط
حكت ضحى اللي حصل معها وهي بتعيط وأهلها بيسمعوا بعصبية... إزاي تعمل فيها كدا وبنتهم ماغلطتش وكانت على صواب
والدها: مفيش رجعة تاني غير لما نشوف تصرف جوزك معها وهيقف مع مين
ضحى بدموع: هيقف مع الحق يا بابا، أنا عارفه خالد هيقف معايا عشان طول عمره مع الحق وعنده الحرام حرام والحلال حلال، وكمان والده طيب وهيقف معايا أنا كمان عشان مابيسكتش على الغلط
والدتها: قومي يا حبيبتي خدي شاور والبسي هدوم من اللي أنتِ سايباهم ونامي شوية
بقلم إسراء إبراهيم عبدالله
وأكيد جوزك لما يعرف هيتصل بينا، ووقتها أبوكي هيتكلم معه ونحط حد للموضوع دا والعيشة دي
دخلت ضحى تجيب هدوم، وقعد باباها مضايق من اللي حصل وشكل بنته اللي جاية بيه، هو عارف طيبة حماتها وماكنش موافق عليهم بس سأل عن خالد وطلع كويس فوافق عشان إنه هيحافظ على بنتها وإنه دايما مع الحق وأكيد مش هيجي عليها بسبب حد طالما هي صح
عند خالد راح البيت طلع شقته عشان يغير وينزل على طول عشان معه واحد عايز منه مصلحة
دخل البيت لقى والدته وأخوه قاعدين بياكلوا فقال: السلام عليكم يا جماعة، اومال فين ضحى؟
والدته ببرود: عند أهلها
وقف خالد بعد لما كان داخل المطبخ وقال باستغراب: عند أهلها؟! ليه وطلعت من غير ما تقولي ليه ولا إيه اللي حصل بالظبط؟
اتكلم حاتم ببرود: مراتك ماعندهاش ذوق وطردتني من بيتك فأمك طردتها على بيت عشان كدا
خالد بصدمة: طردتها؟ لأ فهموني كدا اللي حصل
والدته: أخوك جه من الشغل تعبان عايز ياكل مش لقاني تحت طلع لها فوق فتحتله ومش راضية تدخله بتكلمه من عالباب قال إيه قاعدة لوحدها وخايفة تدخله عشان بتقول حرام، أصل حاتم واحد من الشارع عشان تقوله كدا
فقومت طردتها، بصلهم بعصبية
نزل بسرعة من شقته رايح لها على بيت أهلها، فاتصل عليه الشخص اللي كان هيقابله فاعتذر منه وقاله على معاد تاني
وصل عند بيتها وطلع يخبط عليهم
عند والدته وحاتم قاعدين بيتكلموا بعد لما نزل وبيتوقعوا هيعمل فيها إيه
حاتم: خليه يعرفها مقامها وإني أخوه مش بس ابن عمه وبعد كدا تحترمني
مرات عمه: أكيد ويعرف أهلها إنهم ماعرفوش يربوها لما تطرد أصحاب البيت من بيتهم
يا ترى هيحصل إيه؟
