رواية احضان قاسية الفصل الاول بقلم هوس ريجا
راقدة على السرير مكتئبة ومقلقة و وحيدة وغريبة مالغري دارنا غير هنا بصح ملي تزوجت حاسة روحي في غربة ووحدة كبيرة انتبهت لنفسي تزوجت! واش من من زواج علاش انا نعتبر متزوجة للاسف انا وياه جامي نكونو في جو اسرة ونكون زوجين طبعين رغم قلة كلامي معاه ورغم زواجنا لي عندو 4اشهر لكن علاقتي بيه ابرد من الجليد بصح كيفاه تتقوى علاقتنا وانا من نهار زواجي ماشفتو بقا 5ايام ورجع لزوجتو الثانية هي الجيش لي قال الجيش هو الزوجة الاولى لراجل ماغلطش من هذاك النهار مارجع ولا عيط وسقسا
بقيت نخمم خليني نجازف وانا نتقرب منو ونبدا معاه ونكسر الحواجز بيناتنا ونخليه يحبني نضت قعدت هزيت تليفوني دخلت لنميروه مريجسترياتو "سباع" هذا الاسم الغريب اول مرة نسمع بيه كليكت على ارسل راسالة قلت نبعثلو مساج بقيت مدة وانا نخمم واش نكتبلو حتى قررت نكتب سباع انت علاه بارد معايا هكذا والله من اول ليلة بيناتنا وانا نحبك جيت نرسلو وليت تراجعت وزربت فاصيت مانيش حابة نذل روحي ليه خليه هو لي يبادر تفكرت اول موقف ليا معاه لي خلاني نحبو كانت في اول ليلة معاه يامات عرسي جات عليا ليراڨل كليت الدوا باه نبلوكيها ماراحتش وفي ليلة عرسي مارقدتش معاه رقدت وحدي انا ويما وعمتو حتى لغدوا دوشت وجدتني مديحة بنت عمتو متزوجة سشورتلي شعري وقعدت تماكيي فيا وتنصح فيا شوفي ريان مدام ضك متزوجة لازم تكوني ديما نظيفة وشعرك مسشور ومكياج وروايح تفوح منك وضك كي يدخل عليك ماتخافيش منو ،بصح هو يخوف داير كالغول عملاق وضخم وكحلوش ضربتني على كتفي واشبيك تهدري على راجلك هكذا تبالك برك يخوف بصح والله ماتلقاي كيفو حاولي تكسبيه ليك واذا كسبتيه ليك تكسبيهم ڨاع وضك كي يدخل عندك ماتهربيش منو واعطيه حقو كامل والبسيلو المعري والمشلتح وبادليه وبوسي وعنقي وحظني لصدرك ،اناا؟ والله مانقدر نحشم _ايه ابقاي احشمي حتى يتزوج عليك ،خلي يتزوج على روحو انا اصلا مانيش حابة هذا الزواج ڨاع _ايه نهار يجيب مراة عليك ويدخل عندها ويغلق الباب هذاك النهار تشفاي على كلمتي هيا نوضي البسي الديزابي لي عندك نضت جبت ديزابي لي عندي وريتلها _وراه لي راح تدخلي بيه ،شراتلي ختي واحد بيض بصح مستحيل نلبسو _علاه واشبيه ،مكشوف بزاف يغطي شبر من فخاضي هاتي نشوف رحت جبتهولها شافتو نويزات فولار والروب صاتان لركبة _نورمال مستور ،اواه لالا ماعجبنيش هذو خير _ياروحي واشنو هذو خير هذا خير سبيسيال تاع هذه الليلة روحي البسي ورواحي نريڨلك شعرك قبل مايدخل رحت خرجت لدوش لبستو وجيت دخلت عندها _يما يما اليوم يشوفك سباع يذوب واش رايك نديرلك الحرقوس في ساقك تجي تقتلي ،ضك ؟ ايه ضك نروح نجيبلك من عندي ونجي راحت تجري جابت الرشمة رقيقة وطويلة والحرقوس دارتهولي على طول ساقي خرج روعة كعاد ساقي بيضة وهو نوار هيا ارواحي اقعدي هنا نريڨلك شعرك قعدت طلقتلي شعري ومن القدم بومبي ورشتني بالبارفا نضت وقفت شافت معايا هيا جيتي تقتلي مهم
ماتخافيش منو وحسسيه بحبك وبوجودك وخليه يعشقك ،ولوكان مايحبنيش ويعشقني ،علاه مايحبكش وانتي مرتو الصغيرونة الشابة العاقلة وين يلقى خير منك انتي صيدة وصيدك سباع اليوم يذوب في حضنك بصح كيفاه حتى جا خطبك تعرفيه ،لا جامي والله مانعرفو _حسبتك صاحبتو كي عيط ليما قالها ارواحي غدوا تروحو تخطبولي بنت فلان ،مانعرف انا اول مرة شفتو كيما جا خطبني _بصح الصح الصح ماعجبكش ياك درتلها راسي لالا _علاه ،ماشي شباب وكحلوش يخلع _واش ديري بالزين الحب والمعاملة هي الصح كي يحبك ويحن عليك ويعاملك مليح ويخاف عليك ويوقف معاك ويديرلك قيمة وشان قدام الحباب والعديان هذيك هي الفايدة كي تديه شباب وهو ملي يدخل عندك وهو يعيط عليك ويسب فيك ويضرب ويعنف ويذل فيك قدام الناس ويعفس عليك واش فايدة زينو بقيت نسمع في كلامها ونصائحها بدلتلي نظرتي على الراجل كنت نحلم ندي راجل شباب وبوڨوص وتاع هذا الجيل بصح كي قاتلي هكذا وعطاتني الفرق واش يهم في راجل تغيرت نظرتي راحت خرجت بقيت وحدي ونشوف مع المراية اواه ماعجبنيش هذا الديزابي مانيش مرتاحة فيه اول مرة نلبس هذا المشلتح حتى وانا اذا تعريت غير ديميمونش والميدي حتى يما ماتخلنيش نتعرا تقولي استري روحك ليشوهوك بعينيهم يما اكثر حاجة تخاف منها هي العين وديما توصيني بالسترة والكتمان قدام الناس
هزيت ديزابي واحد مستور وطويل رحت حليت الباب تلاقيت بيه في وجهي خلعني رجعت لور شفت معاه جمدت في بلاصتي بقيت غير نرمش دخل وغلق الباب واشبيك درتلو براسي والو جبدت روحي راح نخرج دقيقة ونجي _وين ،هنا برك فالدوش _علاه ،نبدل برك هبط عينيه لتحت وعاود طلع علاه تبدلي جا عندي نحالي الديزابي من يدي رماه حط يديه على كتافي مشات الرعشة فيا شفت معاه بخوف دارلي براسي واشبيك صفرتي انتي من عند ربي صفرة وزدتي خفتي وصفرتي راح تولي حبة قارص ضحكت مشا يديه من كتافي وهبط على ذرعيا لمسة يديه خشينة وحرشة عضني على كتفي عيطت علاااه _حاب تاكد هذا صح جسم انسان حقيقي شحم ولحم ولا مخدوم بالبونج ،علاه _طرية ورطبة صراحة جسمك يليق غير للعض بقيت مهبطة راسي وساكتة قالي متوضية درتلو براسي ايه صلينا لميت السجادة وزربت خرجت لدوش عاوت شفت روحي فالمراية وجيت دخلت لشمبرة لقيتو ديجا حكم بلاصتو يستنى فيا غلقت الباب نحيت الحجاب راح نطفي الضو قالي رواحي رواحي رحت عندو دوري نشوف ساقك وريتهالو وشنو هذا موشمة ،لا رشمة بالحرقوس بقا يشوف معاها ويمس فيها بيدو شاف معايا
خرجت على ساقك بصح خاصها حاحة ،وشنو _خلخال ذهب غدوا نشريلك واحد درتلو براسي ايه وسكت جبد يدو رحت نطفي الضو _ويين ،نطفي الضو _علاه خليه حابة نشوف كلش الليلة بقيت نشوف معاه حشمانة عطاني يدو هيا رواحي ماتخافيش رحت عندو غير عطيتلو يدي حكمها وجبدني عندو بحركة سريعة منو لقيت روحي بين يديه كنت كالحطبة الجامدة مالقيتش ڨاع راحتي كعاد الضو شاعل كلش hd حاولت نستر روحي بصح كان اقوي منى مالغري كان قاسي معايا بصح قسوتو حنينة تاع واحد مراهش مصدق بلي بين يديه بصح تفاجأت كي ماخرجش دم مني وليت نبكي والله مامسني واحد غيرك والله انت لول جبد روحو عليا واشبيك ماتخافيش علبالي ،فاجأني بردة فعلو قلت اليوم يجرني من شعري منا لدارنا ويفضحني ويذبحني خويا وبابا حطيت يديا على راسي ونبكي الخلعة قتلتني حط يدو على ظهري يابنتي واشبيك راني نقولك علبالي واحد ما مسك قبلي مانيش بوجادي باه تغيب عليا هذا الامور ومانقدرش نميز بين وحدة موالفة ووحدة اول مرة جيست راكي خايفة ومزيرة على روحك اطلقي روحك ويجي كلش ساهل ضك غدوا تسهل نشالله شفت معاه لاه نستناو حتى لغدوا هيا ضك _معليش خليها غدوا ضك راكي خايفة ديجا ماخليت فيك حتي طاقة باه تزيدي تحمليني _معليش قابلة مهم حابة نتاكد ضحك علاه ماكيش متاكدة من روحك حتى تتاكدي ضك حكمتلو يدو هيا تعيش جبدني من يدي لصدرو ايه هيا ماذبيا جيست خفت عليك بصح اهم شي ماتخافيش وماتبقايش جامدة تحسسي فيا بلي مجبورة عليا وماكيش حابتني ،بصح انا صح كنت مجبورة عليك ومانيش حاباتك _وضك مزلتي ،لالا ضك نحبك ضحك حبيتيني ديجا من اول مرة ؟ لا حبيتك من هذا الموقف كون جا غيرك راه حاوزني وفضحني _لاه نحاوزك ونفضحك واش درتي ،كي ماخرجش الدم _ياودي والله ما يهمني علبالي بلي واحد ماتوشاك غيري علاه خايفة ،شرفي وشرف بابا كيفاه ما نخافش حظني عندو باسني على شعري امنا بالله وشرفك محفوظ وكون ماجيتش متاكد منك نقولك بصح متاكد بلي شرفك محفوظ شفت معاه هيا نعاودو _نعاودو علاه لالا عاودنا كلش من جديد بصح مكان والو جبت الليل كلو وانا نبكي ونحلفلو هو اللول بقا يعاودلي في نفس الهدرة يابنتي راني نقولك متاكد منك وشرفك محفوظ علاه تقلقي في روحك لكن انا تعقدت من هذا الشي وقتلو حتى يديني لطبيبة نتاكدو ماحبش علاه الطبيبة تعرف خير مني راني داهية في هذ الامور ماتكسريش ڨاع راسك فوت الصبحية في حالة هو رجع فالنهار جابلي خلخال ذهب سامبل ومعلقين فيه فراشات صغار دارهولي في ساقي وعاودنا كلش من جديد وكانت الامور طبيعية وماتهنيتش حتى شفت اثار عذريتي مت بالفرحة هو بقا يضحك عليا هذا كان اول موقف ليا معاه وخلاني نحبو ويكبر في عيني رجعت لواقعي دعيت ربي يحنن قلبو عليا لانو تبدل عليا بزاف
