رواية جوازة بالغصب (كاملة جميع الفصول) بقلم مي جمعة

رواية جوازة بالغصب الفصل الاول بقلم مي جمعة

: يعني انت دلوقتي عايز تفهمني يابابا انك مجوزني لدا

: وماله دا ياحبيبتي ايه وحش 

: اسكت انت انا مش بكلمك انا بكلم بابا رد عليا يابابا انتو بتهزرو صح انت معملتش فيا كدة صح يابابا

: يابنتي اهدي واسمعي انتي فعلا مراته عادات بلادنا بتقول انك اول ماتتمي ١٥نكتب كتابك على ابن عمك وفعلا دا الي حصل 

: وانا مالي بكل دا عادات ايه وبلد ايه دي الي انا مش بروحها اصلا امشي على عاداتها ليه وانت يابابا تقبل عليا كدة ومين دا اصلا عشان اتجوزه ثانية ثانية يعني انا دلوقتي بقالي خمس سنين متجوزه وانا معرفش وكنتو ناوين تقولولي امتى بقى ان شآء الله يوم الفرح طب بلاش افرض كنت حبيت حد قلبي مال لحد يابابا وقتها كنت هتعمل ايه بردو هتبدي العادات على اختيار بنتك حقيقي انا مش متصورة انك انت يابابا الي تعمل فيا كدة وبعدين ابن عم مين حضرتك معندكش اخوات اصلا يبقى مين دا

: ياحبيبتي والله انا لو واثق ان صقر مش كويس عمري ماكنت هجوزهولك ابدا بس انا عارف اخلاقه وتدينه وانه اكتر واحد هيصونك وبعدين انا ايوة معنديش اخوات بس عندي اخ غير شقيق يعني اخويا في الرضاعة واحنا الاتنين شوفنا اننا لازم نجوزكم لان هو بردو معندوش اخوات

:امم انتو تشوفو وتقررو واحنا نلبس فيها وبعدين بمعرفتي لو فعلا زي مابتقول شخص كويس كنتو عملتو دا بعلمي مش تروحو في السر تجوزو طفلة لسة بتلعب في الشارع وانت يااخ يالي بتقول انك جوزي لما توافق تتجوز واحدة بالشكل دا وانت واعي للي بتعمله تبقى مش راجل 

: تالا اخرسي ايه الي بتقوليه دا انتي اتجننتي ازاي تكلمي جوزك بالطريقة دي وتقوليله كدة

: انتو الي عايزين تجننوني جوزي مين انا معرفوش 

: سيبها ياعمي انا لولا اني عارف اخلاقها وانها قالت كدة بس من عصبيتها انا مكنتش سكت بس انا مقدر حالتها والصدمة الي هي فيها لولا كدة مكنتش ابدا هسكت عن الي هي قالته

: لا كتر خيرك والله فضلت عليا بسكوتك دا يامحترم اقولك انا اصلا مرضالكش تعيش مع واحدة مش متربية زي يلا طلقني بقى واتفضل امشي روح بلدكم ونقي واحدة كدة احسن واحلى مني واتجوزها يلا طلقني بقولك

: بس خلاص كفاية تالا ادخلي على اوضتك حالا 

: يابابا 

: بس يابنت ولا كلمة تاني الظاهر اني دلعتك يلا على اوضتك

دخلت اوضتي وانا دموعي سبقاني على حياتي واحلامي الي اتدمرت كلها في لحظة واحدة طبعاً ماهو ازاي بقى يبقالي احلام اني تكمل دراستي واشتغل وانا متجوزة من الصعيدي دا الي اول حاجة هيفكر يعملها هي انه يخرجني من التعليم ويقعدني في البيت زي زي اي واحد من بلده فاهم دينه غلط ان البنت ملهاش تعليم ولا خروج ولا حق تتنفس اصلا ماشين ورا عادات جاهلة مش راضين يفهمو ان مدام ماشية باحترامي وبخرج بس للضرورة اني كدة مش بعمل حاجة حرام بس نفهم مين بقى وهنا شوية جهلة 

كل دا بدأ من ساعة بالظبط 

فلاش باك

كنت نايمة وصحيت على حاجة مزعجة بتمشي على وشي كأنها ايد حد افتكرته بابا

: صباح الخير ياحبيبي 

: صباح الورد ياعيون حبيبك يلا اصحي 

فجأة استوعبت ان دا مش صوت بابا ولا دي ريحة برفانه فتحت عيني بصدمة ان في راجل غريب في اوضتي واول ماشوفته كان اول رد فعل مني هي اني صرخت 

: ششش بس ايه دا يابنتي وطي صوتك سرعتيني

: انت مين يعم انت وبتعمل ايه في اوضتي يابابا الحقني حرامي يابابا

: مانتي لو تسكتي وتديني فرصة افهمك انا مين اسكتي بقى

كتمت صوتي فجأة لما زعق فيا 

: اخيرا بصي ياستي اقدملك نفسي  انا صقر جوزك 

فضلت واقفة مكاني كأني مسمعتش حاجة ولا استوعبت هو قال ايه

: ماتقول انت مين 

: هو الاستيعاب عندك بطئ ولا حاجة بقولك انا صقر جوزك 

: وانا المفروض اصدق الهزار السخيف دا اطلع برا انت اصلا ازاي تدخل عليا وانا نايمة كدة اتقي الله انت معندكش اخوات بنات 

: بس دا مش هزار ياتالا هو فعلا جوزك 

: بابا اخيرا جيت خرج البني ادم المستفز دا برة حرام يشوفني كدة

: حبيبتي اهدي دا فعلا جوزك ووجوده هنا معاكي مش حرام 

باك

ومن بعدها دار بينا الكلام الي فهموني بيه كل حاجة وكان اخرها اني قعدت في اوضتي بعيط 

انا تالا عندي عشرين سنة ماما متوفية ماتت وهي بتولدني ومن وقتها بابا كان ليا اب وام دايما بيحاول يعوضني عن احساس الام الي فقدته ومعرفوش كان بالنسبالي احن راجل في العالم ومكنتش اتوقع اني الاقي راجل احن منه انا بدرس في كلية طب عشان اطلع دكتورة زي بابا لان دا كان من ضمن احلامه الي دايما بيحلم بيها ان بنته تطلع دكتورة وانا حاولت بكل جهدي اردله اي حاجه من الي عملها معاية ودخلت فعلا كلية الطب الي بعد كدة عشقتها كانت حياتنا هادية تماما ومفيهاش اي حاجة غريبة غير بس نظرات بابا ليا اوقات كأنه بيبصلي بحسرة او حزن نظرة عيشت عمري كله مش عارفة افسرها بس دلوقتي فهمت انه زعلان على الي عمله فيا لما جوزني لابن اخوه الجاهل دا 

: يلا ياحبيبتي عشان تروحي مع جوزك 

: نعم كمان اروح معاه بابا بلاس عشان خاطري تعمل فيا كدة بالله عليك هو انا مش بنتك ليه عملت فيا كدة وجوزتني من غير مااعرف وكمان عايزني اروح اعيش معاه في شرع مين دا انت يادوب كاتب كتابي عليه مفيش اشهار يابابا الي بتعملوه دا حرام

: هنعمل اشهار في المسجد وبالنسبة للفرح فانتي طول عمرك بتقولي لما تتجوزي مش عايزة تعملي فرح وهتكتفي بكتب الكتاب وعزيمة للقرايب وبس 

: ايوة قولت كدة بس دا لما اكون انا موافقة فعلا على عريسي مش بالغصب يابابا وياترى هيعيشني فين في الصعيد بقى وهتقبل ابعد عنك ان بنتك الي مكنتش بتقدى تفارقها تبعد عنك يابابا هتقبل

: لا ياحبيبتي هو عايش هنا احنا يادوب هنسافر الصعيد عشان نعمل اشهار ووليمة الفرح وترجعو علطول 

: خلاص مدام مقررين كل حاجة بتقولولي ليه اسحبوني وراكم وخلاص منا مليش رأي 

: بصي ياحبيبتي انا عايز اقولك كلمتين قبل مانمشي انا لو الي عملته دا كنت شايف فيه ضرر ليكي واحد بس في المية عمري ماكنت هوافق عليه ولو وقفت قدام البلد بحالها بس انا وافقت عشان دا في مصلحتك اخترتلك راجل اقسملك بالله مافي حد احن عليكي مني غيره هو بس راجل شبهي في حنيته مش انتي طول عمرك بتقولي مش هتجوز غير راجل يكون حنين عليا شبهك يابابا اهو دا شبهي وافقت اجوزك لاني عارف

 مصيرك تتجوزي انا عارف ان يمكن تبريري مش منطقي بالنسبالك بس انا كنت عايز اطمن عليكي والله ياتالا انتي ملكيش حد بعدي في الدنيا غير ربنا سبحانه وتعالى اخترتلك سند تتسندي عليه بعدي ياتالا اعتبريها اخر وصية ليا يابنتي انا مش دايملك العمر كله واحنا ملناش حد ولااي قرايب ف دا اكتر حد مناسب ليكي ياحبيبتي عشان خاطري اسمعي كلامي وبلاش تصغريني قدام الناس يرضيكي الناس تقول اني معرفتش اخلي بنتي تسمع كلامي 

: لا يابابا ميرضنيش ومش دا هيكون جزات المعروف الي عملته معاية بانك طول عمرك عايش عشاني حاضر يابابا هسمع كلامك واوافق اننا نسافر ونعلن جوازنا بس بعد كدة سيبني على راحتي انا هعرف اتصرف كويس لمصلحتي ممكن حتى لو فيها طلاقي

: انا دلوقتي هسيبك تعملي الي انتي عايزاه لاني واثق انك بعد كدة انتي الي هتيجي تشكريني على الجوازة دي 

: هه اه فعلا مهو باين 

: طب يلا استعجلي بلم هدومك عشان هنروح نقضي يومين هناك وبعدين هترجعي تروحي مع جوزك بيته ياحبيبتي ومتتأخريش عشان جوزك قاعد برة

            الفصل الثاني من هنا