رواية ملاكى العنيد الفصل الثاني بقلم بسمه محمد
(بارت 2)
ملك بعصبيه: انت اتجننت ولا اي... انت مين اصلا
المجهول: مش لازم تعرفي انا مين يا حلوه المهم تعرفي انا عاوز ايه
ملك: وحضرتك عاوز ايه
المجهول: غريبه بتتحولي في ثانيه
ملك بغضب: انت هتهزر ولا ايه هتقول انت عاوز ايه ولا اقفل السكه ونخلص
المجهول: اقول ومالوا جوازك يتم من عثمان ابن عمك
وتتنزلي عن الارض اللي في الصعيد
ملك: انت اتجننت اكيد الحيوان ده هو اللي قالك تعمل كده
المجهول: انتي هتنفذي كل اللي مطلوب منك بالحرف وانتي ساكته ولو اي حد عرف حرف واحد بس من المكلمه دي قولي علي ست الكل يا رحمان يا رحيم......
ملك(قاعده بتعيط ): ياربي اعمل ايه انا دلوقتي في المصيبه دي اتصرف ازاي يارب ساعدني انا مليش غيرك ومش عارفه اعمل ايه
سعاد مامت ملك: ملك حبيبتي انتي كويسه مطلعتيش ليه
ملك: اه يا ماما انا كويسه جايه اهو
سعاد: انا كنت بطمن هليكي وهروح انام نامي انتي كمان عشان متطلهيش عيني بكره وانا بصحيكي
ملك: حاضر ياقلبي تصبحي علي خير
سعاد: وانتي من اهل الخير ربنا يسعدك ويحفظك يا بنتي وافرح بيكي يارب
ملك: تاني يا امي
سعاد: تاني وتالت يابنتي انا نفسي اشوف عيالك قبل ما اموت انا مبقاش ليا غيرك وخايفه لما اموت عمامك يأذوكي دول كلاب فلوس وهيعملوا اي حاجه هشان يخدوا الارض بتاعت ابوكي
ملك: ربنا يديكي الصحه يا حبيبتي ان شاء الله ربنا هيسترها معانا متخفيش
سعاد: مش هسلك معاكي يا بنت بطني علي العموم نامي دلوقتي انتي عشان شكلك تعبانه
ملك: ماما خليكي جمبي انهارده لو سمحتي محتاجه انام في حضنك
سعاد: حاضر ياحبيبتي بس انتي كويسه
ملك: اه كويسه هو يعني مينفعش انام في حضنك غير لما يكون في حاجه
سعاد: لا يا قلب امك نامي
.... في صباح اليوم التالي
عمر نايم في اوضته فجأه
اااه الحقوني بغرق بغرق
_هههههههه تستاهل عشان بعد كده تتنيل تصحي علطول
عمر: انت متخلف يلاا والله منا سايبك
(وطلع يجري وراه)
كريم: الحقيني يا فطوم ابنك عاوز يقتلني
فاطمه (ام عمر): في ايه يا عبيط انت وهو علي الصبح
عمر: الحيوان جاي بيصحيني بجردل مايه ساقعه
كريم: ده بدل ماتشكرني اني وفرت عليك غسيل وشك
عمر: لا ازاي ده انا هشكرك شكر تعالي كده بس يا حجه عشان اشكره بذمه
كريم: لا يا فطوم وحياه عيالك ابنك ده غبي وايده طرشه
فاطمه: عوض عليا عوض الصابرين يارب جوز قرود ياربي اعمل ايه بس الناس خبيتها السبت والحد وانا خبتي ماوردت علي حد
(ملحوظه: كريم عايش مع عمر في نفس البيت من ساعت ما ابوه وامه ماتوا في حدسه من 9سنين لانهم كانوا اصحاب من زمان )
عمر: كده يا ست الكل عملتلك ايه انا طيب ده انتي حتي في الحته الشمال
فاطمه: ايوا ياخويا كل بعقلي حلاوه
كريم: علي سيره الاكل بقي انا جعااان يا بشر
فاطمه: طول عمرك طفس وهمك علي بطنك كل شويه جعان جعان جعان رايح بطبق وجاي بطبق
عمر: ههههههههه اه والله يا فطوم مخلص اكل البيت اول بأول
كريم: ايوا بقي بصولي في اللقمه ده انا حتي هفتان وحاسس ان نفسي مسدوده اليومين دول
عمر بصدمه: اومال لو كانت مفتوحه كنت كلت قد ايه يابني انا امبارح قفشك الساعه 2 بليل بمحشي وفراخ
فاطمه: ينيلك يا واد وانا بقول الريحه المعفنه دي جايه منين اتريها انت
كريم: حتي انتي يا حجه كلكوا عليا خلااص هيبقي انتوا والدنيا ده حتي ابنك مش راضي يعترف بأبنه اللي في بطني خدني لحم ورماني عضم يا خبتك السوده يا كريم يا شماتت ابله ظاظه فيك يا كريم
فاطمه: معلش ياختي هي الدنيا كده حقك عند ربنا بقي
عمر: ولا تزعلي نفسك يا بيضه انا هنزلهولك دلوقتي عشان نلم الفضايح
كريم: يامصبتي هتقتل ابنك ياسي عمر
عمر: اه انا ظالم
(وطلع يجري وراه)
فاطمه: صبرني يارب يلا ياخويا انت وهو عشان تفطروا
علي السفره
محمد ابو عمر: فين ريم
فاطمه: هتصلي وتنزل يا حج
محم: طيب ياريت تيجي الشركه انهارده يا عمر انت وكريم عشان في شغل كتير ومحتاجكم
عمر: حاضر يا بابا هنروح الجامعه عشان في محاضره مهمه انهارده وهنجيلك اول مانخلص
كريم: اه هي فعلا مهمه هههههه
عمر داس علي رجله: فعلااا
كريم: ااه يا عم يخربيت اللي يهزر معاك
اناااااا جييت
محمد: تعالي يا حبيبتي
ريم: صباح الورد يا مودي يا حبيبي
محمد: صباح الفل يا قلب مودي
فاطمه: ايدا ايدا قدامي بتعملوا كده اومال من ورايا بتعملوا ايه لا انا زعلانه يا حج
محمد بغمزه: وانا برضوا اقدر علي زعلك يا جميل دانتي جوه القلب
كريم: ايوا يا فطوم محدش قدك يا عم صباح الخير يا ريمو
ريم: صباح النور
عمر: صباح الخير يا اوزعه
ريم: ياشيخ يخربيت اللي اخترع ام اللقب ده زي ميكون اخترعه عشاني بيلزق اكتر من السوبر جلو
محمد: يلا انا ماشي ياريت متتأخروش سلام يا فطوم سلام يا ريما يا حبيبتي
ريم /فاطمه: مع السلامه يا حبيبي
كريم: متقلقش يا حج هنخلص المحاضره ونيجي وراك هوا
عمر: طيب نمشي احنا بقي سلام يلا يا كريم
كريم: لا انا لسه جعان
عمر: كمل في الجامعه يا طفس
كريم: طيب امري لله
ريم: خدوني معاكو
عمر: يلا تعالي
عند ملك صحيت وصلت
ملك: مامه حبيبتي انا نزله
سعاد: استني احضرلك الفطار طيب
ملك: لا اتأخرت وهفطر مع دانه
سعاد: طيب يا حبيبتي خدي بالك من نفسك
ملك: طيب مع السلامه
(رنت علي دانه)
ملك: اي يا بنتي انتي فين
دانه: مستنياكي في كافيه الكليه
ملك: طب انا جايه هاتي فطار علي ماجي
دانه: اوك
......
عند عمر في العربيه
ريم: شكرا علي التوصيله يا شوباب
عمر: العفو ياختي
ريم: سلام
كريم وعمر: سلام
عمر: تفتكر هتيجي انهارده
كريم: الله واعلم
عمر: ياااريت وياريت لو تديني فرصه
كريم: بتحبها
عمر: بعشقها مش بس بحبها
كريم: ربنا يجعلها من نصيبك يا صحبي
عمر: امين يارب
عند دانه....... ايه يا بنتي كل ده
ملك: معلش عقبال ماجيت
يلا نفطر عشان منتأخرش
دانه: طيب مالك
ملك: مفيش..انا كويسه
دانه:ملك انا اختك مش بس صحبتك يعنيلو خبيتي علي الدنيا كلها مش هتخبي عليا..انا حاسهان انتي فيكي حاجه متغيره
ملك: مش عارفه القيها منين ولا منين ي دانه انا تعبت اوووي
دانه: يحبيبتي اهدي بس وان شاءلله كل حاجه هتتحل
ملك: يااارب ي دانه يارب
دانه: هاا بقا احكيلي الجميل زعلان لي
ملك بتوتر: هقولك بس اوعي حد يعرف............
دانه: طب هتعملي ايه
ملك: مش عارفه
دانه: طب انا عندي حل
ملك: قولي
دانه: انا من رأي انك تدي فرصه لعمر باين عليه بيحبك وبعدين هو هيعرف يحميكي انتي ومامتك
ملك: لا طبعا وبعدين انا خايفه اوووي يعملو حاجه ف ماما لو انا عملت كده
دانه: يبنتي متخافيش انتي هتبقي ف حمايه عمر ومامتك هتبقا معاكي وده مش اي حد
ملك: بس انا خايفه ل يحصلو حاجه بسببي.. الناس دي معندهاش رحمه
دانه: سيبي كل حاجه علي ربنا.. وإن شاءلله خير وبعدين انا بصراحه شايفه ان يبقا معاكي راجل انتي ومامتك احسن من قعدتكم لوحدكم دي وبعدين يبنتي والله عمر بيموت فيكي
ملك: ربنا يسهل.. هفكر
دانه: ادي نفسك فرصه تعيشي ي ملك..
ملك: تفتكري ده الحل
دانه: مفيش غيرو اهو علي الاقل احسن من الهم اللي هتشوفيه
ملك: ربنا يستر بقاا
عند عمر وصل هو وكريم
كريم: اهي هناك اهي
عمر: طيب تعالي نروح نجيب حاجه نشربها علي ماتفطر وبعدين اتكلم معاها
كريم: افرض عملت زي المره اللي فاتت
عمر: لا لازم اكلمها انهارده حتي لو غصب عنها
كريم: ربنا يوفقك وينصرك يااارب
عمر: محسسني اني رايح احارب
كريم: واكتر المهم اهي خلصت يلا روح كلمها
عمر: طيب سلام
....
عمر: انسه ملك ممكن اتكلم معاكي
ملك بتردد: اتفضل
دانه: طب انا هروح اجيب حاجه وجايه
ملك في سرها: يا حيوانه يا كلب البحر ماشي والله لوريكي
عمر: والله صحبتك دي جدعه ههههه
ملك: افندم
عمر: احممم ابصي ي ملوكه قصدي ي انسه ملك انا عمر محمد صقر في سنه تالته معاكي في الجامعه زي ما قلتلك المره اللي فاتت بصراحه انا بحبك من اول مره شوفتك فيها وانتي شدتيني بقيت براقبك علطول حتي مره مشيت وراكي وعرفت بيتك فين ودايما بستناكي في الجامعه عشان اشوفك وبتمني انك تديني فرصه واجي اتقدم
ملك: وانت تعرف عني ايه بقي يخليك تتقدملي علطول كده
عمر: كل حاجه عندك20سنه اكلتك المفضله لونك المفضل لما بتتوتري بتبقي عامله شبه الفراولة وبتفضلي تعدلي طرحتك اعرف انك عايشه انتي ومامتك لوحدكم بالمختصر اعرف كل حاجه عنك
ملك: بس انا لا
عمر: عاوزه تعرفي ايه وانا اقلك
ملك: كل حاجه زي مانت عارف عني كل حاجه
عمر: تدفعي كام واقلك
ملك بغضب: مش عاوزه
وهتقوم تمشي
عمر بسرعه: خلاص خلاص استني هحكيلك ياستي انا عمر عندي 21 سنه شغال مع ابويا في شركه استيراد وتصدير عايش مع ابويا واختي في كليه فنون جميله وامي فاطمه وكريم صاحبي عايش معانا في نفس البيت بس عنده شقه لوحده البيت عندنا اربع شقق واحده ليا والتانيه لكريم والتالته لريم والرابعه لبابه وماما ولو اتجوزنا هنعيش في شقتي بس ياستي وده انا بالتفصيل ممكن بقي تردي عليا
ملك: اديني فرصه افكر
عمر: ماشي ي ملك. بس اوعدك انك لو وافقتي عمرك م هتندمي ابدا
ملك: حاضر ممكن امشي بقي
عمر: طيب ممكن رقمك
ملك: ليه
عمر: يعني في اعتبار انك زوجتي المستقبليه
ملك: لما ابقي بقي
عمر: يا بنتي هاتي الرقم عشان اتصل بيكي لما تفكري وتقوليلي اجي امتي مش لسه هستني اشوفك هنا يا اما هتلاقيني جايلك قدام البيت وهنادي بعلو صوتي والله واقلك عملتي ايه في موضوعنا يا ملاكي
ملك: اففف خلاص اتفضل
.................. 012
عمر: شطوره يا ملاكي
يلا بااي هكلمك بليل
مشي ودانه جت: اوعا بقي احكيلي بالتفصيل قالك ايه
ملك: طب تعالي بس عشان المحاضره وبعد كده هقولك
دانه: طيب ياختي لسه هستني
بعد3 سعاات
دانه: ياساتر انا هموت واكل
ملك: تعالي نروح ماما عامله ورق عنب
دانه: بجد طب يلا بقي قبل ما يبرد
ملك: يلا ياختي
...... مامااااااا
سعاد: في اي يابت هو انا في اخر الدنيا
دانه: سيبك منها يا سوسو انا جعانه
سعاد: طب خشوا غيروا وانتي يا دانه هتفضلي معانه لاخر اليوم
دانه: علم وينفذ يا فندم
عاوزه ورق عنب بقي
سعاد: حاضر غيروا علي ما احط الاكل
........... تسلم ايدك يا احلي سوسو في الدنيا
سعاد: بالهنا والشفا يا حبايبي
بعد ماخصوا اكل
سعاد: يلا اسيبكم انا بقي واروح انام شويه تصبحوا علي خير
ملك/دانه: وانتي من اهل الخير
دانه: هتعملي ايه بقا مع عمر
ملك: لسه مش عارفه
دانه: ربنا يعملك اللي فيه الخير ويسعدك دايما يا قلبي.. يلا همشي انا بقي عشان متأخرش اكتر من كده
ملك: اوك سلام
...... بعد شويه تليفون ملك رن
ملك: الوو
_احلي الوو سمعتها في حياتي
ملك: انت هتستظرف ولا ايه مين معايا
_معقول مش عارفه صوتي ده انا لسه سايبك الصبح
ملك: عمر
عمر: مكنتش اعرف ان اسمي حلو اووي كده
ملك: لو سمحت بطل كلامك ده يا اما هقفل
عمر: حاضر يا ملاكي قوليلي بقي فكرتي ولا لسه
ملك: يبني هو انا لحقت اصلا...
عمر: من الصبح لدلوقتي ومفكرتيش.. علفكره ي ملاكي انتي بطيئه اوووي
ملك: ممكن تبطل بقا تقولي كده عشان بتوتر وبعدين انا من حقي اخد وقتي ف التفكير
عمر: لا ي ملاكي مش هبطل.. وبعدين براحتك يجميل فكري براحتك بكره تبقي ف بيتي ونعوض كل الوقت الضايع ده ههههه
ملك بأبتسامه: لو واقفت عليك اصلا يلا بااي بقا عشان هنام
..... عند عمر
عمر بصدمه: البت
قفلت في وشي...... مااشي يملاكي
.............. يتبع
#ملاكي_العنيد
#بسمه_محمد
