رواية جوازة امى الفصل الثاني بقلم روان سالم
ـ أنت بتضحي بِبنتك عشان تتجوز يا فريد؟!
ـ مريم أرجوكِ متفهمنيش صح!
ـ مهانش عليك الخمسة وعشرين سنة عِشرة؟!
ـ...
ـ مفتكرتش في حياتك من بعد ما ترميني لواحد غريب ومتشوفش وشي تاني؟! ولا أجيلك مضـ.ـروبة وأقولك وأنا بعيط أنت السبب يا فريد!
ـ جرا إيه يه يا مريم، ايه الأڤورة دي؟! ده ابن عمك وبقاله سنتين متكلم عليكِ... ده غير إنهم ساكنين في العمارة إللي قصادنا أصلًا! ايه التمثيلية الهندي دي بقىٰ؟!
ـ فيلم هندي، اسمها فيلم هندي
ـ وات إيڤر -whatever- مروحناش بعيد!
ـ أيوا يا ولدي بس كريم يعني...
ـ إحنا هنصيع علىٰ بعض يا مريم بقولك متكلم عليكِ بقاله سنتين وأنا إللي مش موافق على الخطوبة؟!
ـ تقوم تجوزني علىٰ طول؟!
ـ بصي يا مريم يا بنتي، أبوكِ... اللي هو أنا يعني، بيمر بفترة صعبة أوي، ومحتاجك تقفي جنبه وتسانديه يا حببتي
ـ أيوا يا بابا فترة مادية صعبة، فترة مرضية صعبة بعد الشر عليك يعني، معاك برقبتي... لكن مش فترة جوازية؛ أنا مش ديب فيلزر هتقايضه مقابل جوازتك!
ـ ليه نبصلها علىٰ إنها مقايضة؟! ليه منبصلهاش علىٰ إنها تبادل منفعة؟!
ـ لا فهمني!
ـ الواد كريم بيحبك وشاريكِ والصراحة ميتعايبش..!
ـ أيوا يا بابا بس أنا مِش....
ـ أنتِ أنيل منه وخليني ساكت أحسن عشان أنا مازلت أبوكِ
ـ إحم... إستمر يا حجوج
ـ كنت بقول ايه؟! اه، أنتِ وهو كابل لطيف ولذيذ مع بعض وأنا وأمه بنحب بعض إحنا كمان، وسواء أنا ولا أنتِ ولا كريم ولا سارة "والدة كريم" فكل واحد عايز يتجوز النهاردة قبل بكرا
ـ أنت مش ملاحظ إنك بتبعني بردو مُقابل طنط سارة؟!
ـ خلاص براحتك، هروح أقول لكريم بلاها جوازتي من أمك عشان مريم موافقتش ومش راضـ...
ـ مريم مين بس اللي موافقتش يا أبو الفراريد، ده الكلام أخذ وعطىٰ!
إبتسملها بسخرية وهو بيبصلها
ـ يعني أنا بقول إنه مينفعش أقف في طريق سعادتك بردو، مش بعد ما قلبك حن ومال من بعد ماما الله يرحمها أجي انا وأبوظ كل حاجة، ولا ايه؟!
ـ ايه؟!
ـ بص يا والدي أنا موافقة وأمري لله، بس عشان خاطرك يعني مش عشان حاجة تانية
ـ لا لا طبعًا! أنتِ بتاعت الحاجات التانية بردو؟!
ـ اه أنا بقولك يعني، لأحسن دماغك تروح لبعيد ولا حاجة وإني بحب كريم ودايبة في دباديبة وبعشق سماره وعيونه السود دول!!
ـ أنتِ تعملي كدا؟! إستغفر الله العظيم!
ـ عشان نحط النقط علىٰ الحروف من أولها بس، إحم قولت الفرح إمتىٰ؟!
ـ هنخلص كل ترتيباته ونعمله علىٰ طول، يعني أسبوع ولا حاجة كدا!
ـ ايه؟! لا كتير!
ـ نعم؟!!
ـ قصدي الترتيبات بتاع الفرح كتير، يعني خدوا وقتكم علىٰ الآخر عايزين الفرح يبقىٰ حلو كدا؛ الناس مش هتلاقي عروسة وأبوها بيتجوزا في نفس الليلة كل يوم يعني!
ـ يبقىٰ نخليه آخر الشهـ....
ـ ألف مبروك يا فريد يا حبيبي روح بقىٰ جهز بدلتك وخلي كريم يجهز بدلته، وأنا هروح بعد إذنك عند سرسورة قلبي عشان ننقي الفساتين؛ مفيش وقت يا والدي ده الفرح بعد أسبوع!
♡_________♡________ ♡
لو عجبك الإسكريبت متنساش تحط لايك وتسيبلي أثر لَطيف _مِثلك_ قبل ما تمشي 🕊🤍🤍
#إسكريبت_عشوائي "جوازة أمي"
#االحـــــــــلقة_الثــانيـــــــــــــة
#رَوَانْ_سَالِمْ "حَلوىٰ فِبراير"
