رواية عاشق مجهول الهاويه الفصل العاشر 10 بقلم روما
في قصر الاوس روز كانت قاعده علي السفره بتاكل بشراهه و اوس متابعها بعينيه
اوس بضحكه مكتومه.: " براحه الاكل مش هيطير
روز بسخريه..: " ما انت مجوعني
اوس ببرود.: " المفروض خاطفك وكده
روز بمرح.: " يا اخي خطف اي بس دي الحياه حلوه هنا "واكملت بمزااح" طب بذمتك حد يخطف واحده عاوز ينتقم من ابوها ياخدها مكان حلو زي ده
اوس ببتسامه.: " امال ياخدها فين ": اكمل ببرود." شكلك عاوزه ترجعي البدروم
روز بخوف.:'" لاااااا البدروووم لا
اوس ببتسامه بريئه..: " مش قولتي مينفعش اكون خاطف واحده واجيبها مكان زي ده يبقا البدروم مناسب
روز بنبره تشبه البكاء..: " وحيات عيالك بدروم لا جسمي اتكسر من النومه علي الارض
اوس بصلها ببتسامه..: " ماشي ياروز هعديهالك بدروم لا
روز بفرح..: "" انشاء الله يخليهملك وانت حلو كده
روز سكتت بحرج من الي قالته وبصت في الكبق الي قدمها
اوس بضحكه رجوليه.: " كملي سكتي لي
روز بصتله بأحراج وقامت جريت من قدامه
♡•••••••••••••••••••••••••••••••••••••••••••♡
في موقع بناء الشركه واقفين عمر واسر متابعين مع العمال
اسر بص للمهندس المسؤل واتكلم..: " انا عاوز المبني يخلص في خلال شهر شهر ونص بالكتير
المهندس بجديه.: " بس الوقت ده قليل اوي
اسر ببرود..: " مش شغلي حتي لو هتجيب عمال ذياده هتصرف مصاريف اكتر مش مهم المهم المبني يخلص في اسرع وقت
عمر ببتسامه.: " معلش يابشمهندس عاوزين المبني يخلص في اسرع وقت
المهندس بتنهيده.: " بس ده هيتكلف كتير اوي
اسر بجديه..: " وانا قلتلك جيب الي تجيبه متشلش هم فلوس
المهندس بجديه..: " تمام يامستر اسر.."بعد اذنكم
عمر ببتسامه.: " اتفضل
عمر سكت وبص لـ أسر بعتاب
اسر بضحك.: " بتبصلي كده لي
عمر بهدوء..: " يا اسر متخدتش كل حاجه بجديه كده علشان الدنيا تمشي
اسر ببتسامه..: " يعم انت موجوده اهو لو عكيت هتلحقني ولا اي
عمر ببتسامه..: " اكيد
فضلو واقفين متابعين كل حاجه بعنيهم وبيتكلمو في الي جاي
♡•••••••••••••••••••••••••••••••••••••••••••♡
اوس طلع غرفته واتجه ناحية الشرفه طلع قعد في مكانه المعتاد وفتح اللاب بتاعه كان قاعد سرحان قدام اللاب شفها طلعه الشرفه وهيا بتغني بصوت جميل فضل متابعها بعينيه وهيا سانده علي السور بعد شويه قطع لحظاته كول فيديو
اوس بضحكه رجوليه جذابه جذبت انتباه روز..: " يعني مش هتحلووني شويه
سليم بمرح..: " قول كده بقاا بتخوووني ياعزمي
اوس ببتسامه..: " وانا اقدر يقلب عزمي ده انتي الي في القلب
حسام بضحك..: " يبني مش هنحلك والله احنا زهقانين من القعده هناا
اوس ببتسامه وبيرجع شعره لورا..: " خلاص هبعتلكم فهد يجيبكم
سليم بمرح..: " هوا ده الكلام الشغل طابق علي نفسي ياجدع حرام كده وانت مشيت وقولت عدووولي
اوس ببتسامه..: " البركه فيك ياسليم
حسام بخنق..: " علي فكره انا الي كنت بدبس في الاجتماعات
اوس بضحكه عاليه..: " كمااان
سليم ببتسامه..: " الله كان بيساعدني يا سمسم
اوس ببتسامه هاديه ومتابعها بعينيه..: " امممممم
سليم بمكر..:'' اوس بتبص علي ايه ياحبيب اخوك "واكمل بخبث" انت جاااايب نسووووان من غيري
اوس انتبهله وضحك بصوته كله..: " نسووووان مره واحده "وثم اكمل بنبره ماكره" دي ضيفتنا بنت خالد المحمدي
سليم بعدم استيعااب..: " انت الي خاطف البت والدنيا هنا مقلووبه عليهاا
حسام بجديه..: " اوس انت عارف انها ملهاش ذنب
اوس ببتسامه خفيفه..: " عارف." ورجع وجه نظره لروز الي واقفه سانده علي السور وبتتأمل المكان بعيونها الجميله "رجع بص لللاب واتنهد".. مش هأذيها
سليم بجديه.:" المهم انت عامل ايه وبتاخد علاجكك في واقته
اوس هز رأسه بـ اه وابتسم وقال..: " هقفل انا دلوقتي وهبعتلكم فهد وقفل من غير مينتظر رد
اوس رجع بصلها وسند ضهره لورا وسرح في ملامحها الهاديه وعيونها الواسعه وشعرها الطويل
♡•••••••••••••••••••••••••••••••••••••••••••♡
داخل كلية الصيدله قاعدين في مكانهم المعتاد بس المرادي من غير الضلع التالت بتاعهم الحزن مغييم عليهم
روقيه بدموع..: " وحشتني اوي
سلمي قامت قعدت جمب روقيه واخدتها في حضنها..: " ششش اهدي هترجع وهتبقا كويسه وهتيجي تعملنا مصاايب ونطرد بسببها تاني واكملت بدموع " صدقيني هترجع عمو خالد هيرجعها
روقيه بدموع.: " ياارب ياسلمي
♡•••••••••••••••••••••••••••••••••••••••••••♡
داخل الحي الشعبي وتحديدا في منزل عائله عمر
حازم قاعد قدام التليفزيون بنتباه شديد متابع المسلسل التركي
كوثر بجديه..: " ياض علي شويه مش سامعه
حازم مسك الريمود وعلي الصوت ورجع قعد علي نفس الوضعيه
كوثر بجديه..: " هوا هيقولها بحبك امتي ويخلصنا
حازم بتزمر..: " مش عارف جتهم البلي لازم يجبولي الضغط
قطع قعدتهم دخول عمر واسر البيت وهما بيتكلمو في مواضيع مختلفه
حازم بمرح..: " نورت يا اسوره
اسر بضحك..: " بنورك يازومي
اسر اتجه لـ كوثر سلم عليها وبعد السلامات اتجه اسر وقعد جمب حمزه
اسر ببتسامه..: " عامل ايه في كليتك يابشمهندس
حازم بجديه..: " كله تمام
( ميغركوش حازم مع انه مجنون وطايش بس بيطلع من الاوائل وبمتياااز كماان امااال ابننا دحيح😹❤️)
اسر ببتسامه..: " شد حيلك بقا علشان مكانك في الشركه موجود
حازم بتسغراب..: " شركة ايه
عمر بجديه..: " اسر هيفتتح شركه قريييب ومش شركه واحده كذا شركه بأذن الله وفي مجالات مختلفه بس حاليا الشركه الام لسه بتجهز
حازم بمرح..: " ده الواحد يقعد وهوا مرتااح لانه مش هيدور علي شغل بعد الكليه
اسر بضحك..: " لا شغلك موجود ابسط ياعم
حازم بغمزه..:" انشاء الله يخليهمك يابو عيون حلوه انت
اسر ضحك علي تصرفات حازم المجنونه وقعدو يتكلمو في مواضيع مختلفه عن الشركه والي هيحصل فيها والعمال وألخ......
لمتابعة باقي الرواية زوروا قناتنا على التليجرام من هنا
