رواية رؤي الفصل السادس 6 بقلم شادي

وبعد ان نفذ وليد خطته الشيطانيه وبخ السم في عقل عم صابر عم رؤي واقنعه انها تعيش مع طبيب بمفردهم وانها عشيقة هذا الطبيب حتي اصبح عم صابر لم يري امامه الا ان يأخذ بثأرو من الطبيب الذي استحل شرفه ومن رؤي حتي يغسل عار ها واخذ العنوان وقرر ان يذهب العنوان الذي اعطاه له وليد 

رجع مالك البيت وهو مشمئز من تكبر واستعلاء وليد ومن اخلاق هذا الشاب الذي استضعف فتاه رقيقه مثل رؤي واستغلاها واخذ يفكر في رؤي وفي رقتها وهدوئها انها فتاه بطابع ملائكي كيف انخدعت في وليد هذا وما الذي جذبها له وعرف الاجابه انها كانت تريد يد حنونه تأخد بيديها وتحميها وقبل ان يصعد العماره رفع رأسه لينظر علي شباك غرفة رؤي ليتفاجي بها تنظر اليه بقلق وعندما رائته خجلت ودخلت 

فقال في نفسه:معقول كانت منتظراني وقلقانه عليا 

وعندما دخل البيت استقبلته امه وقالت:

 مالك اتأخرت كده ليه قلقتنا عليك

معلش يا ماما كان عندي مشوار مهم هحكيلكم عليه تعالي=

الام:طب شوف حل مع ابوك شايل حلم من ساعة ما رجع من الشغل ومش راضي يديهالي 

ليتكلم والده ويقول:ما هي معاكي طول ما انا في الشغل سيبهالي انا بقا

ضحك مالك وقال :في ايه يا جماعه هي لعبه دي لسه رضيعه مفروض تبقي مع مامتها تهتم بيها

لتخرج رؤي من الغرفه وينظر لها مالك نظرة حب ويقول:عامله ايه يا مدام رؤي سيباهم خاطفين منك بنتك كده

لتبتسم له ابتسامه رقيقه تخطف قلبه وتقول :ما لما بتعيط باخدها ارضعها واغيرلها وبياخدوها تاني الصراحه كتر خير هم محسسني انهم اهلي بجد وعمو اشتري ملابس وحاجات كتير لحلم مش عارفه اشكره ازاي 

ليرد والده:رؤي احنا مش اتفقنا تقولي بابا ومتقوليش الكلام ده تاني مفيش بنت تشكر ابوها علي واجبه

لتقول ام مالك:وانا كمان والله انا حسيتك بنتي اللي مجبتهاش

لتبكي رؤي وتقول:والله انا بشكر ربنا اني عرفت ناس طيبين زيكم

ليستغرب مالك من تعلق امه وابيه السريع برؤي وبنتها ويقول في نفسه :الله هو مش انا بس اللي شي غريب بيشدني ليكي كمان امي وابي البت دي عمله لينا عمل ولا ايه بيضحك من كلامه ويقول :

انا لسه جاي من عند وليد والد حلم

ينظرون له جميعا بدهشه ويتكلم والده

وعملت ايه؟

مفيش يا بابا قولتله يجي يكتب علي رؤي ويكتب بنته بأسمه ويعترف بيها

رؤي:يكتب عليا انا مش عايزه ارجعله

مالك:لا يا رؤي هو هيكتب عليكي علي الورق بس ويطلقك وانا اعرف مأذون هخليه يكتب بتاريخ قديم يعني من ساعة ما اتجوزك بالغش 

وليه يكتب من الاساس هو يكتب البنت وبس

مالك: يارؤي لازم عشان يكتب البنت يبقا اتجوزك عشان سمعة بنتك تبقي بنته ازاي امام الناس لما مفيش قسيمة زواج ولا طلاق وهو ابن راجل مشهور في البلد يعني بنتك لما تكتب بأسمه الناس هدور هي بنت العيله دي فعلا ولا لا

لازم تبقا ابنه شرعيه له

ام مالك : طب مش حرام تزور في تاريخ الزواج

لا يا ماما ده اضطرار وربنا يسامحنا غير ان هو لو مكانش خدعها هي كانت فاكره نفسها اتجوزت اصلا

رؤي:طب هو وافق

لا طبعا انكر وهددني بس متخفيش الناس دي بتخاف من الدوشه انا سيبت له العنوان و التلفون و اكيد هيجي ولو مجاش انا هروح لوالده

رؤي:انا خايفه اعملك مشاكل الناس دي محدش يقف قصدها

بلاش خلاص انا رضيت بنصيبي وربنا يتولاني انا وبنتي

رد:متبقيش ضعيفه كده لازم نجيب حق بنتك واذا كان عليا متخفيش واتكلي علي الله قولي يارب

كلهم في صوت واحد :يارب

بعد ما اخذ عم صابر عنوان مالك من وليد اخذ سلاحه وذهب عند العماره سأل بواب العماره علي مالك وقال

ازيك يا بلدينا الا متعرفش بيقولوا في دكتور ساكن هنا اسمه دكتور مالك 

رد البواب:ايوا بس هو لسه معملش عياده ودي شقته اللي في العماره مش عيادته وكمان هو دكتور نساء وولاده

عم صابر :ايوا منا عايز أجيب له مرتي 

البواب :روحله المستشفي بقا 

عم صابر :طب هو بينزل امتا عشان الاقيه موجود

= هو بينزل بليل عشان شغال في الطوارئ الايام دي

=طيب هستنا لما ينزل ابقا شاورلي عليه بس عشان اكلمه

رد: تمام يا بلدينا خليك قاعد منورنا

وفي المساء في ميعاد نزول مالك كانت رؤي تراقب نزوله كعادتها عندها قال البواب:

اهو دكتور مالك اللي بيفتح عربيته اهو

نظر اليها ثم لاحظ انه يرفع راسه وبينظر لفوق نظر ليري ما ينظر اليه مالك ليتفاجئ انها ابنة اخيه رؤي ليقاطعه البواب

يا اخينا مش هتروح تلحقه قبل ما يمشي

رد:لا ما انا خلاص عرفته هروحلو المستشفي علطول وبعدين شكله بيودع مراته مش عايز اضايقه

ضحك البواب وقال:لا مش مراته دي بنت كده جابها من اسبوع ومعها عيل علي ايدها بس الله واعلم بيهم شكل في غرميات بينهم كل يوم تبص عليه وهو نازل وتستنا وهو راجع اللهم استر علي ولايانا

عم صابر :لا خلاص بدال هو راجل بتاع ستات بلاش منه انا بغير علي مرتي

والله كان ماشي زي الفل ولا ليه في الكلام ده بس اظاهر البت الحلوه دي هي اللي ميلت دماغو 

خلاص بقا اسكت بلاها القعده دي اللي تفور ال د م

البواب في استغراب:ماله ده راجل مجنون 

وذهب عم صابر من عند البواب وهو يغلي من كلامه الذي اكد له كلام وليد، واصر علي الاقتصاص منهم وق ت ل ه م

 

بعد مرور يومين في بيت مالك وعند رجوعه من العمل

 تفاجئ بوجود نغم وسليم اولاد خالته

مالك:هي العربيه مش بتعطل غير جمب بتنا

نغم:لدرجه دي بتضايق من وجودنا عالعموم خالتو هي اللي اتصلت عشان عايزاني

مالك :ابدا والله بهزر معاكم نورتم والله ايه يا سليم خالتك عيزاك انت كمان

سليم :يسلام عليك مش طايقني الايام دي مش عارف ليه لا جيت مع نغم اوصلها عندك مانع

مالك:لا يا عم علي راسي 

ام مالك :خلي بالك من رؤي يا نغم واختاري لها ملابس حلوه وشيك ولا يهمك عشان زي مقولتلك شنطتها ضاعت في المطار و عشان كده بتلبس من ملابسي

نغم بغيظ :طبعا طبعا دي في عينيا بس انتي خالتو مهتمه بيها زياده اوي كأنها قريبتنا 

ام مالك:يابنتي دي غلبانه اوي وانا بعتبرها زي بنتي تمام

مالك:مين اللي رايح مع مين يا ما ما

رؤي يابني هتروح مع نغم وسليم هيوصلهم يشترو حبة حاجات

مالك :وانا روحت فين وازاي مش تقوليلي

نغم:وانت ولي امرها ولا ايه

مالك بتلعثم :اانا الدكتور بتاعها ولازم تقولي يمكن حالتها متسمحش

ام مالك:ياحبيبي ده علطول في العربيه

مالك طب خلاص اروح انا اوصلهم واخد بالي لحسن يحصلها مضاعفات

نغم:مضاعفات ايه هي عندها القلب 

ملكيش دعوه انا اللي هوصلكم يلا رروح ياسليم

سليم :منا مش تحت امركم تعال ياسليم روح يا سليم انا هروح معاكم ا هو نتسلي مع بعض

مالك:هي رحله يابني

ام مالك:خلاص روحو كلكم بقا يلا قبل الليل

خرجت رؤي من غرفتها وقالت انا جاهزه

نظر لها مالك بغضب عندما رأي سليم ينظر لها باهتمام وقال

مستنيكم بالعربيه

كان طول الطريق بوجه عابث الامر الذي حير رؤي وذهبو الي المول الخاص بالملابس وكانت رؤي بسيطه واختيارتها قليله وعندما انتهت من شراء الملابس ذهبو الي الكافتيريا الموجودين بها مالك وسليم بانتظارهم وعندما ذهبو وجدو مالك فقط جالس بالكافتيريا

نغم:فين سليم 

مالك راح يشوفكم وبيتصل مفيش شبكه 

نغم:طب هروح التواليت اظبط مكياجي يكون رجع

جلست رؤي هي ومالك بمفردهم

رؤي:دكتور مالك هو انا زعلتك بحاجه

مالك:يعني انك كنتي ناويه تخرجي معاهم من غير ما تقولي لي حاجه متزعلش

رؤي:معرفش انك هتزعل مامتك اللي صممت وانا مكنتش عايزه ازعلها بس ليه زعلت

مالك بتلعثم:عشان مفروض .... انتي مسئوله مني انا

رؤي:مسئوله منك!!

نظر لها بحب ايوه يارؤي من ساعة ما شفتك وانا بحس بكده 

بتحس بأيه؟

ثم جاء سليم فجأه وقطع تواصلهم

مالك بغضب في سره ايه اللي جابك دلوقتي

وجائت نغم بعده مش يلا بينا

مالك : كل واحد جاي بعربيته يلا روحو وان هروح انا ورؤي

اشتاطت نغم من اهتماهه الواضح برؤي وقالت ماشي يا ابن خالتي 

وعندما خرج مالك ورؤي من المول وعندما وصلو الي سيارتهم وكان مالك يضع اكياس المشتريات بشنطة العربيه كان هناك ليس ببعيد عم صابر يستعد ليأخذ ما يزعم انه ثأره وينتقم لشرفه ليدوس علي زناد المسدس واخرجت 

الطلقه طااااخ

            الفصل السابع من هنا