رواية نور في قلب صعيدي الفصل السابع عشر بقلم الكاتبة عشق
اتفاعلوا ي حلوين عشان انزل بارت كمان 🥺❤️
عثمان : من اخر مرة فرحنا فيها حصلت مصيبة دمرت الفرحة دي كلها
خالد : باذن الله كله هيبقي كويس
عثمان : صح يلا بقي اطلعوا عشان تظبطوا الدنيا لان فرحكم لازم يبقي فرح متعملش قبل كدة وانت ي مؤمن معاهم انت حفيدي زيهم
مؤمن : ربنا يخليك لينا ي جدو
عثمان : يلا بسرعة وعماد وحسن هياخدوني اسبقونا انتو
الكل : حاضر
خرجوا من الاوضة وكان حسن وعماد برة
عماد : ها قالكم ايه
يونس : هو قالنا احنا نمشي وانتو تبقوا تجيبوه
عماد : تمام انتوا عارفين هتعملوا ايه كويس لان الفرح بعد يومين
خالد : متقلقش ي عمي انت احنا هنعمل كل حاجة
عماد : طب يلا اتكلوا علي الله
مشيوا وسابوهم مع بعض
حسن : تفتكر لو بوي نفذ اللي في دماغه ايه اللي هيحصل
عماد : انا قلقان علي رد فعل خالد ومؤمن
حسن : وانا ي تري لو عرفوا الحقيقة ايه اللي هيحصل
عماد : احنا علينا ننفذ اللي قال عليه وخلاص هو عارف هو بيعمل ايه ودماغه توزن بلد
حسن : عارف الكلام دا بس انا خايف اللي يحصل يكسر فرحتهم
عماد : يلا بس ندخله عشان نروح وسيبها علي الله
في الثرايا كانت البنات قاعدين مع بعض
نور : سها انتي رايحة فين
سها : طالعة فوق
نور : ما تقعدي معانا
سها : وانا اقعد اعمل ايه هنا دا فرحكم انتو
نور : انتي اختنا ي سها
سها بحزن : بس انا مش قريبة من حد هنا
قربت ملك منها : ليه بتقولي كدة انتي بنت عمي وانا طول عمري بعتبرك اختي
مها : وانا بردوا مع انك كنتي بتعامليني زي الخدامة بس انا كنت عارفة انك مش كدة وان قلبك ابيض
نور : الله يسامح اللي كان السبب بقي احنا في النهاردة ملناش دعوة باللي حصل زمان
سها : يعني انتو مش زعلانين مني
الكل : طبعا
نور : تعالي ي بت في حضني
حضنتها نور سها بعياط : انا آسفة علي اذيتكم كلكم
ملك : انتي بتعيطي ليه دلوقتي كدة بتنكدي علينا
سها : مش قصدي
مها : بالش كلام كتير يلا عاوزين ننبسط شوية بما اننا لوحدنا
نور : ايوة صح انا هجيب تليفوني ونشغل اغاني ونظبط نفسنا وانتي ي سها هتقعدي معانا
راحت جابت التليفون وشغلت اغاني وفضلوا يرقصوا
كان يونس وخالد ومؤمن لسة هيدخلوا لكنهم بالصدفة قابلوا صديق ليهم
يونس : فارس ي فارس
التفت الشاب ليهم : ايه دا يونس الرافعي بنفسه
يونس وهو بيحضنه : كنت فين ي راجل كل دا
فارس : مشغول اوي
يونس : انت ايه اللي جابك الصعيد
فارس : في حد طلبني من هنا انت بقي بتعمل ايه
يونس : هو انت الطبيب البيطري اللي احنا طلبناه ي محاسن الصدف دا بيتي ي عم
فارس : هو مش انت عايش في القاهرة
يونس : انا ليا شقة في القاهرة بس اصلي من الصعيد اه صحيح دا ابن عمي خالد ودا مؤمن صاحبي وهيبقي من العيلة ودا يبقي الدكتور فارس صاحبي من القاهرة
خالد : اهلا وسهلا تشرفنا
فارس : دا الشرف ليا انا
مؤمن : نورت بلدنا ي دكتور
فارس : منورة باهلها
يونس : يلا لازم ندخل وانت هتيجي معانا ي فارس
فارس : بس
يونس : مبسش انت ضيفنا ودي اول مرة تزورني يلا
دخلوا كلهم ولكن سمعوا صوت اغاني
يونس : صوت الاغاني دا منين
خالد : دا جاي من الاوضة دي
مؤمن : ما تيجوا يلا نشوف في ايه
راحوا كلهم وفتحوا الباب فجاة ودا اللي خلي البنات تتفاجئ
نور بصرخة : انتوا بتعملوا ايه اطلعوا برة
طلعوا بسرعة وسابوهم وهما متوترين
ملك : ي خبر دول شافونا
مها : هما ايه اللي جابهم دلوقتي انا هطلع اشوف عاوزين ايه تعالي معايا ي سها ي سها
سها بتركيز : ها في ايه
نور : انتي سرحانة في ايه
سها : شوفتوا الشاب القمر اللي كان معاهم
ملك : قمر ها وانتي اخدتي بالك منه هو بالذات
سها باحراج : لا بس كنت اقصد هو يبقي مين
مها : هنحاول نصدقك
برة كانوا الشباب واقفين مصدومين من اللي شافوه
يونس : احنا اسفين ي فارس من اللي حصل
فارس بعدم انتباه : هي مين القمر اللي كانت جوة دي
يونس : انت بتقول ايه
