رواية نور في قلب صعيدي الفصل التاسع عشر بقلم الكاتبة عشق
فارس : كنت عاوز اطلب ايد الآنسة سها
عثمان : بص ي ابني انا معرفكش بس انا متاكد من اخلاقك لاني بثق في يونس واكيد انت زيه لانه مبيثقش في حد بسهولة
فارس : يعني انت موافق ي جدو
عثمان : انا عن نفسي موافق بس لازم آخد راي العروسة الاول واللا عندك مانع
فارس : لا طبعا وانا هنتظر ردها بفارغ الصبر
عثمان : تمام ي ابني انت دلوقتي ضيفنا هتفضل معانا هنا لبعد الفرح
فارس : وانا مقدرش ارفض طلبك داه
عثمان : بص ي ابني انا هكلمك في حاجة الاول وبعدين انت تشوف هتعمل ايه
فارس : تمام انا سامعك اتفضل
برة كان الكل قاعد ومستغربين وعندهم فضول يعرفوا بيتكلموا في ايه
عماد : ياتري بيتكلموا في ايه
حسن : ما تهدي ي عماد اكيد هنعرف بعدين
عماد : انا مش قلقان انا بس مستغرب دا احنا اول مرة نشوفه ياتري بيقوله ايه
كان يونس قاعد ومبتسم قربت نور منه وقعدت جمبه
نور : ايه سر الابتسامة بتاعتك دي
يونس : لا عادي مفيش
نور : مش عارفة قلبي بيقولي انك عارف بيتكلموا في ايه
يونس : انا لا معرفش حاجة
نور : يونس بطل حركاتك دي انت عارف اني متاكدة احكيلي يلا ووعد مش هقول لحد
يونس : تمام بصي انا متاكد انه بيطلب ايد سها من جدي
نور : ازاي دا اول مرة يشوفها
يونس : الحب مفيهوش كدة وبعدين ما انا كنت زيه اول ما شوفتك اول مرة حبيتك ودا من سنين
نور : انت قصدك انك مبقتش بتحبني
يونس بسرعة : لا لا لا مش قصدي كدة انا قصدي اني مع السنين دي كلها حبي ليكي بيزيد اكتر عن كل مرة
نور : خلاص طيب انا همشي
كانت لسة هتقوم لكنه مسك ايدها بسرعة
يونس : رايحة فين اقعدي مكانك يلا
نور : انا هروح اقعد مع البنات
يونس : البنات مش فاضيين ليكي
نور : تقصد ايه
يونس : بصي كدة
بصت نور لمكانهم لكن ملقتش حد منهم ابدا زي ما يكونو اختفوا
نور : هما راحوا فين
يونس : كل وحدة بتشوف حياتها
برة كان خالد ومها قاعدين جمب الزرع والورد
مها : هتفضل تبصلي كدة كتير
خالد : ايوة بشوف اجمل وحدة شوفتها في حياتي
مها : بس بقي ي خالد
خالد : بس ايه دا انا علي ما صدقت نقعد القاعدة دي وان كتب كتابنا كمان يومين
مها : انت بتحبني ي خالد
خالد : لا مبحبكيش
زعلت وكانت لسة هتقوم مسكها وقعدها تاني ومسك ايدها
خالد : انا مبحبكيش انا اتخطيت المرحلة دي من زمان انا بقيت بعشقك
مها : طب انا لازم اقوم عشان لو احتاجوا حاجة
خالد : تروحي فين انتي مش هتتحركي من جمبي
نسيبهم ونروح للحرباية فتحية كانت بتتكلم في التليفون مع الشخص المجهول
فتحية : مش عارفة انا حاسة انه بيقولو حاجة مهمة
فتحية : لا لا لا متقلقش اكيد محدش عرف حاجة
فتحية : لانهم لو عرفوا مكنوش سكتوا دا كله
فتحية : طب تمام انا هحاول اعرف اتكلموا في ايه وهبقي اكلمك سلام
قفلت الخط وهي متوترة من اللي ممكن يحصل لو هما فعلا عرفوا حاجة
فتحية : ياتري لو عرفوا الحقيقة هيحصل ايه اكيد مش هيسامحوني ابدا انا لازم اتاكد ان محدش يعرف
