رواية عز القمر الفصل الثالث والعشرون 23 بقلم دنيا فادى

#عز_القمر

#البارت_23 

وتجيلها مسدج وتبتسم 

قمر وابتسامتها تختفي : اووف افتكرت الفون اتفتح ... اي ده

وتفتح المسدج من الرقم الغريب وتلاقي مكتوب '''' جوزك بيخونك يا حلوه ''''

__________________________________________

هايدي بإبتسامه وترمي الفون على السرير 

هايدي : هخليكي تلفي حوالين نفسك بعد المسدج دي 

هايدي : دلوقتي هتشك فيه ويتخانقو ساعتها انا هكون جنبك يا عز وهستغل الي حصل لصالحي وهبق ضربت عصفورين بحجر 

_____________________________________

زينب : اي يحبيبي اتأخرت كده لي 

عز : في حاجه ولا اي

زينب : لا ياحبيبي بس اتأخرت ومراتك مستنياك متغدتش معانا وابوك كان مستنيك عشان نقعد سوا 

عز : اه معلش غصب عني جالي مشوار فاجئه 

زينب : طيب ياحبيبي هات مراتك وتعالو اتغدو 

________________________________________ 

لينا : صورتي

خديجه : عيب عليكي صورت طبعا 

لينا بإبتسامه : وريني 

خديجه وتديها الموبايل 

لينا بإبتسامه : سكررر بذمتك مش لايقين على بعض 

خديجه : الا لايقين على بعض ده انتو مش مكتوبين غير لبعض يا مدام 

لينا : ادعي يرجع ليا تاني

_________________________________________

قمر بتفكير : لا لا مش هصدق المره الي فاتت ظلمتو هيخوني لي اصلا اكيد لا انا هعرف منو

قمر : لا يقمر لا ابعدي التفكير ده اكيد حد بيهزر 

ويقاطعها عز 

عز : انتي بتكلمي نفسك

قمر : عز انت كنت فين كل ده 

عز : في الشغل 

قمر : ما انا عارفه قصدي اتأخرت لي 

عز : عادي يا قمر الشغل زاد شويه 

قمر بإستغراب : هو انت بترد لي كده 

عز : ب رد ازاي يا قمر 

قمر : خلاص مش مهم قولي عملت اي انهارده 

عز : عادي 

قمر : ايوا احكيلي 

عز : محصلش حاجه جديده نفس الي بيحصل كل يوم 

قمر : مالك يا عز 

عز : مليش 

قمر : لا فيك حاجه يا عز متغيره مالك

عز : الشغل كان كتير بس مخنوق شويه

قمر بدلع : مخنوق وانا موجوده

عز بضحك : هتتحر'شي بيا ولا اي 

قمر بضحك : اي ده بتكسف 

عز : انا برضو 

قمر : اه 

عز ويقرب ليها : واي كمان 

قمر : امك 

عز : اي

قمر : بتنده

عز : هتروحي مني فين يعني 

قمر بإبتسامه : مش هروح في حته 

عز : طييب مش هتاكلي

قمر : اه مستنياك عشان ناكل سوا استنا هجيب الاكل ناكل هنا 

_:. 

مراد : هاتيلي كوبايه مايه يا هايدي

هايدي : حاضر 

مراد : دافيه 

هايدي : حاضر 

مراد : قمر

قمر بإبتسامه : نعم ياحبيبي 

مراد : عز لسه مجاش 

قمر : لا جه  

مراد : اي الي اخرو كده  

قمر : الشغل كان كتير عليه انهارده  

مراد : طيب يا بنتي

قمر : انا هحضر ل عز الغدا اعملك حاجه معاه

مراد : لا يا بنتي بالهنا 

_:. 

هايدي بإستغراب : ازايييي ده ،، دي شافت المسدجج ازاي متأثرتشش 

مراد : المايه يا بنتي 

هايدي : ثواني 

هايدي : انتي بتعملي اي 

قمر : انتي شايفه اي 

هايدي : ما تخلي حوريه تعملك هي 

قمر بإبتسامه : لا عايزه اعمل لحبيبي الاكل بإيدي 

هايدي : اممم

_______________________________________

9:05AM الصبح

حوريه : حضرتك مين 

لينا بدموع وهي ماسكه طفل عندو 4 سنين 

لينا : عز عارفني 

حوريه : طيب عايزه اي واقولو 

لينا : مضطره اشوفو حالا 

حوريه : طيب اتفضلي 

زينب بإستغراب : مين دي يا حوريه

حوريه : عايزه استاذ عز 

قمر : عايزاه لي 

لينا : هتعرفو كلكو دلوقتي 

قمر بإبتسامه : ابنك ده 

لينا : اه 

قمر : عسول مشاء الله 

لينا بإبتسامه خبث : طالع ل ابوه 

قمر : ربنا يخليهولك 

لينا : اقعد يا حبيبي دي بيت ابوك برضو 

زينب وتبصلها بإستغراب 

قمر بعدم فهم : ومين ابوه 

لينا : عز

قمر بإنفعال : عز مين عز جوزي؟؟؟؟