 |
رواية عمار الجحيم الفصل الثالث 3 بقلم محمود الامين#عمارالجحيم (أخطاء مميتة) #الجزءالثالث اول ما دخلت الاوضه جاني ذهول من اللي شوفته وكل اللي فات مش هياجي حاجه في انك تشوف نسخة منك قاعدة قدامك أيوة بالظبط شبيه ليا قاعد مع بنتي بس الفرق ان نص وشه كان مشوه... اول ما دخلت الاوضه هو بصلي وأبتسم وأختفي في لمح البصر جريت علي بنتي أخدتها في حضني وطبطبت عليها وقولتلها _ مالك يا سلمي يا حببيتي بتعيطي ليه؟ _ متخليش بابا التاني ده ياجي هنا تاني.. أنا بخاف منه ده بيضربني _ متخفيش يا حببيتي مش هياجي تاني ... خرجت بره أوضة سلمي وأنا هتجنن.. مراتي قلتلي أحنا لازم نسيب البيت ده ونمشي حالا أنا مش هقعد هنا. مكنتش عارف ارد عليها أقولها اي عندها حق.. خرجت بره البيت مكنتش عارف انا رايح فين؟ أخدت عربيتي وروحت علي الحارة من تاني عايز اقابل الشيخ وليد.. اتحركت علي هناك وأنا حاسس بصداع ودماغي هتنفجر وصلت الحارة وأتحركت علي الجامع.. الناس كانت بتكلمني ومكنتش عارف أرد عليها.. كنت تايه وصلت الجامع لقيت الشيخ وليد قاعد في أرضية المسجد بيقرأ قرآن.. أول ما بصلي قلي _ مالك يبني شكلك مخطوف ليه؟.. في اي طمني؟ _ أنا غلطت غلطة كبيرة أوي يا عم الشيخ.. وجيلك عشان تلحقني _ خير يبني غلطة اي؟ .. حكتله كل حاجه من البداية.. فاتكلم وقلي _ أنت يا أشرف.. أنت تلجأ لطريق الكفر ده.. مكنتش متوقع منك كده _ عندك حق في كل حاجه والله بس اي الحل دلوقتي؟ _ اللي سكنوا البيت دول شياطين بعد ما الدجال ده طرد العمار الطيبين من البيت ولازم الاول دول يخرجوا عشان نقدر نرجع العمار _ اللي تشوفه يا عم الشيخ أنا معاك في اي حاجه _ طيب يلا بينا عشان نتحرك ... طلعنا من الجامع ركبنا عربيتي واتحركنا علي البيت.. وصلنا ودخلنا البيت.. الشيخ أول ما دخل قال _ اعوذ بالله من الشيطان الرجيم.. اعوذ بالله من الشيطان الرجيم ربي أعوذ بك من همزات الشياطين وأعوذ بك ربي أن يحضرون البيت مش مريح.. البيت في كذا قبيلة من الجن والمردة وكلهم من النوع المؤذي. _ طيب وبعدين هنعمل اي يا عم الشيخ؟ _ انا اللي هعمل وهحاول اطردهم من البيت ... كان جايب معاه ملح خشن ومية ورد بدأ يرش في كل ركن في البيت وبعدها وقف في نص الصالة وقال بسم الله الرحمن الرحيم وَٱلصَّٰٓفَّٰتِ صَفّٗا (1) فَٱلزَّٰجِرَٰتِ زَجۡرٗا (2) فَٱلتَّٰلِيَٰتِ ذِكۡرًا (3) إِنَّ إِلَٰهَكُمۡ لَوَٰحِدٞ (4) رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ (5) إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ (6) وَحِفۡظٗا مِّن كُلِّ شَيۡطَٰنٖ مَّارِدٖ (7) لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٖ (8) دُحُورٗاۖ وَلَهُمۡ عَذَابٞ وَاصِبٌ (9) إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابٞ ثَاقِبٞ ... وَإِذَا قَرَأْتَ الْقُرآنَ جَعَلْنَا بَيْنَكَ وَبَيْنَ الَّذِينَ لاَ يُؤْمِنُونَ بِالآخِرَةِ حِجَاباً مَّسْتُوراً (45) وَجَعَلْنَا عَلَى قُلُوبِهِمْ أَكِنَّةً أَن يَفْقَهُوهُ وَفِـي آذَانِهِمْ وَقْراً, وَإِذَا ذَكَرْتَ رَبَّكَ فِي الْقُرْآنِ وَحْدَهُ وَلَّوْا عَلَـى أَدْبَارِهِمْ نُفُوراً ) ... يا معشر الجن أناشدكم بالعهد الذي أخذه عليكم سليمان بن داود إن لا تظهروا لنا ولا تؤذونا أحرج عليكم بالله واليوم الأخر أن لا تبدوا لنا ولا تؤذونا .. اعوذ بكلمات الله التامات من شر ما خلق... ربي اعوذ بك من همزات الشياطين وأعوذ بك ربي أن يحضرون أخرجوا الان في التو واللحظة.. باسم الله وقدرته وبقوة الله وعظمته اخرجوا الان .. .. صرخات كانت بتهز البيت وكأن في زلزال.. وفي اللحظة دي نار بدأت تمسك في كل ركن في البيت.. نار شديدة مش نار عادية وزي ما النار عليت فجأة اطفت فجأة الشيخ وليد مسح عرقه وهو بيقول _ الدجال حضر قبيلة من جن خبيث ناري بتكره البشر وبتسبب الدمار والهلاك.. صعب أواجهم دلوقتي صعب لازم أعمل خلوة لنفسي أستعد فيها للمواجهة دي، عشان أقدر عليهم _ اللي تشوفه يا مولانا _ تعالي وصلني مطرح ما جبتني يلا ... خرجنا من البيت وانا خايف وقلقان.. وصلت الشيخ وليد لحد الجامع وأطمنت عليه.. وطلعت علي المقابر والله ما هسيب الدجال النصاب اللي أسمه السيد ده لازم اعلمه الادب وصلت هناك لقيته قاعد قدام أوضة التربي وبيشرب سيجارة جريت عليه ومسكته من هدومه وقولتله _ اه يا دجال يا نصاب حضرت في بيتي الجن عشان يأذيني أنا وعيالي قسما بالله العظيم لأكون مخلص عليك دلوقتي _ أوعي يا جدع أنت ونزل أيدك دي.. أنت فاكرني هسكتلك لأ وجن اي اللي انا حضرته.. اي التخريف ده _ ده مش تخريف.. الشيخ وليد قلي علي كل حاجه وانت لازم تتصرف وتحل المصيبة دي _ طيب اهدي كده وهعدي عليك بليل ... مشيت وسبته وانا دماغي هتنفجر خلاص مش قادر الصداع هيموتني.. ركبت العربيه عشان ارجع البيت لكن وانا في الطريق تليفوني رن.. فتحت الخط وسمعت صراخ وعويل ستات وواحد بيقولي البقاء لله الشيخ وليد مات ... الخبر نزل عليا زي الصعقة مكنتش مصدق ده رجعت بعربيتي بسرعه علي الحارة ودخلت الجامع.. جثته علي الارض ومبتسم.. ربنا يرحمك يا شيخ وليد ربنا يرحمك بعد الدفنة رجعت البيت حاسس اني مرهق وتعبان مكنتش قادر أتكلم رميت جسمي علي السرير ونمت. ... صحيت علي صوت مراتي بتقولي في واحد شكله غريب مستنيني بره.. قومت وخرجت كان السيد وقلي جاهز _ جاهز يا سيد ركز المرة دي ..... سكت اشرف وانهار من العياط وهو بيحكي.. وبدات اطبطب عليه واهديه كنت متابع بتركيز ملامح الراجل اللي قتل عيلته بدم بارد قال وهو بيدمع _أنا كنت عايش في حالي انا ومراتي وعيالي هما اللي اذوني مش أنا.. أنا كنت بدور علي الأمان والهدوء ولما جبت السيد قلي اني لازم اقري طلسم الطرد.. مسكت الكتاب وبدأت اقري منه.. صرخات ضربت المكان زلزال مدوي جسم سيد بيترفع من علي الارض وبيتخنق.. _اهدي يا اشرف اهدي انا مش فاهم حاجه _ شاكوش غرقان دم.. مراتي وعيالي ماتوا _ اشرف اهدي ... جسم اشرف بدأ يتنفض وايديه بدأت تتشنج وعينيه نزل منهم خطين دم.. ومات.. او كنت فاكره مات النبض كان ضعيف وطلبت عربية اسعاف عشان يتنقل من هنا بسرعة.. وانا اتحركت ورا الاسعاف وبسأل نفسي اي اللي خلي الراجل ده يقتل عيلته؟.. يتبع الجزء الرابع والاخير .. تفتكروا اي اللي هيحصل؟.. .. #محمودالأمين الفصل الرابع والاخير من هنا |
تعليقات
