رواية شايفه نفسك فين بعد خمس سنين الفصل الرابع بقلم غادة عادل
_جاهزة يا بنتِ!
=ها يا بركة بسم الله
_نبتدي بسؤال بسيط كدا، كمحامية شاطرة المفروض اهم حاجة عندك إيه!
=الليب جلوس و البرفان يابابا عشان العرق و الريحة الوحشة في المحكمة
_نعم ياختي!
=في إيه! خلاص الهيلز أهم عشان الواقفة قدام القاضي!
=اخرسي خالص!
_حاضر
=أهم حاجة كبداية لمصيبة زيك الروب الأسود
_اتفقنا، و انا وصيت على واحد و خليتهم يعملوه ديزاين مختلف و جميل من أجل اناقتي قدام المجرمين
=يابنتِ ماتخلنيش اخرج عن شعوري!
_خلاص خلاص اللي انت عايزه
=نفخ و بعدها قال: و انتِ قدام القاضي المفروض بتعملي إيه!
_بدافع عن الزبون بتاعي
=زبون! ماشي... تعرفي كدا تقوليلي حاجة و لو بسيطة عن اقناع القاضي!
_ها أحلف له يابابا
=إيه!
_هقوله و الله حضرتك المتهم بريئ أفرج عنه بلييز دا مظلوم ربنا يخليك عشان خاطري وهادعيلك
=يا دي المصيبة! يابت هاسلم على قفاكي بالشبشب !
_خلاص والله
=على كدا بقا هاتعملي إيه مع وكيل النيابة!
_هاغمزله
=نعم!
_هاغمزله يابابا عشان اشتته و بعدين يبقا نتفاهم
=انتِ رايحة تشقطي يا بت!
_مش قصدي والله! و بعدين مااشقطش وكيل نيابة أنا
=اومال تشقطي مين يا قليلة الرباية!
_المتهم
=نعم ياروح أمك!
_هتجوزه يابابا والله مش هاعمل حاجة غلط
=يابت انتِ عايزة تشلّيني! ثم و لنفترض اني عاديتلك حوار الشقط، هل دا منطق يقول تسيبي وكيل نيابة مثلا و تروحي لمتهم!
_مهو هايكون قمور يابابا و غني معاه الفلوس اللي مدكنها لحد مايخرج
=كمان! راسمة السيناريو!
_اومال حضرتك فاكر إيه! أنا داخلة محددة هدفي
=هو تارجت عايزة تحققيه ياروح امك!
_في إيه يابابا بس اهدى حضرتك!
=هو بقا فيها حضرتك ياختي!
_خلاص حضرتك اللي تشوفه المهم ترضى
اخد نفس عميق و هو بيبصلها بغيظ و بعدين قال:
=قوليلي كدا المتهم بريئ حتى ايه!
_امممم حتى ربنا يأذن و يكشف المجرمين الأصليين
=وبتزعلي لما بجيبك من شعرك و اديكي على قفاكي
_خلاص والله
=عملت إيه في حياتي عشان تطلعي كدا!
_بغيظ:حضرتك اللي دخلتني حقوق بالعافية!
=أنا والا درجتك ياختي!
_واريفر، أصلا حضرتك عارف إنها مش طموحاتي
=اومال طموحاتك إيه!
=اتجوز المتهم القمور و اعمله أكل كل زيارة و..
_بيجري وراها:امشي يابنت ال....
#غادة_عادل
