 |
رواية من الجاني القضيه الخامسه 5 الفصل الخامس 5 بقلم محمود الامينمساء الخير اهلا بيكم وعودة مرة تانية لسلسلة من الجاني؟.. النهارده حلقة قوية جداً ومحيرة جداً أنا نفسي حليت القضية بصعوبة بس أكيد في ناس هتحلها اسرع مني وهتحلها ... من الجاني؟ عربية الاسعاف اللي واقفة تحت العمارة والمسعف مستني الجثة تنزل من فوق.. مشهد اعتدت عليه في شغلي اتلقينا بلاغ من مجهول بمصرع شاب في التلاتين من عمره في احدي الاحياء الراقية بالقاهرة علي الفور أتحركنا علي العنوان.. عشان نتفاجئ بمصرع شاب بطلق ناري في الرأس طلقة واحدة كتبت نهاية حياة الشاب ده.. واللي كاتب جنبه جواب أنه يأس من حياته وأنتحر .. طبعاً الواضح أن الشخص ده أنتحر وده واضح من خلال الجواب... لكن أحنا برضو هنعمل التحريات وهنستني تقرير الطب الشرعي وخبير البصمات والحاجات دي اللي انتوا عارفينها .. رجعت مكتبي والرجالة كانت شغالة علي التحريات بسرعة عشان بعد 12 ساعة يكون عندي ملف كامل للمجني عليه اسمعوا اسمه طه عبد القادر.. السن 30 سنة.. اعزب.. الحالة المادية صعبة بعد رفده من شركة اتصالات كبيرة بسبب شبهة رشوة ملهوش اخوات ووالده ووالدته متوفيين من زمان ليه صاحب واحد اسمه كريم وكان بيتردد علي بيته دايما عنده مشاكل مع عمه طارق اللي بيملك محل ملابس كبير والمشاكل بسبب الميراث وعنده مشاكل مع شخص اسمه زياد وده كان معاه في الشركة وهو اللي اتسبب في رفده طه كان كاتب بوست علي الفيس انه بيفكر في الانتحار وكانت كل التعليقات بتنصحه يبعد عن الفكرة دي .. تقرير الطب الشرعي وخبير البصمات للاسف قال مفيش شبهة جنائية.. وان البصمات بصمات طه وخلاص كده انتحار لكن تقرير خبير الخطوط اثبت ان الخط خط طه ولكن الجواب ده مش مكتوب في وقت الجريمة ده من فترة كبيرة وده يخليني اعيد النظر وبيأكد الشكوك انها جريمة قتل .. وبعد كل ده استدعينا التلاتة.. المتهم الاول كريم صديق المجني عليه واللي قال _ أنا مستحيل اعمل كده.. منكرش اني كنت بتردد كتير علي بيته ولكن ده صحبي واخويا انا مستحيل افكر اقتله _ طيب انت رحت عنده يوم الجريمة الصبح؟ _ اه وكان كويس جداً.. مستحيل يكون انتحر في حاجه غلط ... المتهم التاني عم المجني عليه الاستاذ طارق واللي قال _ انتوا مجانين اقتل ابن اخويا.. اه في بينا مشاكل بس متوصلش للقتل _ طيب اي سبب مشكلتك معاه في المحل بتاعك؟ _ كان واد قليل الادب جاي يزعق مع عمه قدام الناس ويقوله عايز ورثي _ بس انت هددته بالقتل _ كلام.. كلام يباشا في لحظة عصبية والله _ تمام ... المتهم التالت زياد زميل المتهم واللي قال _ لا لا قتل.. قتل اي؟.. مش للدرجة دي يباشا انا اه كنت بكرهوا بس مش لدرجة اني اقتله _ بس انت وعدته انك هتقتله لو جاب سيرتك _ منكرش بس انا مشوفتهوش من يوم الرفد ... مكنش قدامنا غير حل ظهر بعد اسبوع تحقيقات.. كاميرا مراقبة في سوبر ماركت اثبتت ان التلاتة زاروا العمارة يوم الجريمة.. كريم نزل عادي جداً.. والاستاذ طارق كمان لكن زياد كان نازل يجري من فوق ... تفتكروا من الجاني؟ ... #محمودالأمين حل القضيه الخامسه من هنا |
تعليقات
