رواية نور في قلب صعيدي الفصل الثامن بقلم الكاتبة عشق
ملك راحت لنور بسرعة وهي مستعجلة
ملك : نور الحقي
نور بخضة : في ايه ي لوكة
ملك : مؤمن تحت
نور : مؤمن اللي انتي قولتيلي عليه
ملك : اه انا خايفة اوي
نور : اهدي وتعالي نشوف بيتكلمو في ايه
ملك : لا انا قلقانة اوي
نور : تعالي بس هنسمعهم من غير ما ياخدو بالهم
ملك : يلا
راحو هما الاتنين عشان يسمعوا اللي بيقولوه
عند مؤمن كان قاعد مع عثمان وهو متوتر وخايف انهم ميرضوش بيه
عثمان : اقعد ي مؤمن في ايه
مؤمن : والله ي بيه انا كنت عاوز يعني عاوز
عثمان : عاوز ايه ي مؤمن قول
مؤمن : عاوز اطلب يد الانسة ملك
عثمان بهدوء : وانت عرفت ملك منين
مؤمن : الصراحة انا كنت بشوفها وهي راحة الجامعة ولما سالت عنها عرفت انها محترمه فحبيت اطلب يدها
عثمان : وجاي لوحدك ليه
مؤمن بحزن : ما انت عارف ي بيه اني مليش حد بوي وامي ماتو من وانا صغير ومعنديش اخوات
عثمان : وانا موافق
يونس : مش لما نسال عنه ي جدي
عثمان : انا عارف مؤمن كويس ي يونس بس لازم نسال العروسة الاول روح اسالها يلا
راح يونس لسؤال ملك عن رايها والجد همس لمؤمن
عثمان : المرة الجاية مش عاوز اي حاجة تحصل من ورايا
مؤمن : من وراك تقصد ايه ي بيه
عثمان : انت فاهمني كويس ي مؤمن انا عثمان الرافعي مفيش حاجة تخفي عني وكنت عارف كل حاجة
مؤمن : حاضر
عند يونس راح لملك الاوضة ملقهاش عرف انها هتكون عند نور راحلها علي هناك استاذن ودخل
يونس : عاوز اسالك ي ملك
ملك : اتفضل ي خوي
يونس : انتي موافقة
ملك : علي ايه
يونس : انا وجدي عارفين كل حاجة ي ملك متخبيش
ملك : موافقة وكنت عاوزة اقولكم بس كنت خايفة مترضوش بيه عشان حالته يعني
يونس : وانتي عارفة اننا كدة بردك احنا يهمنا سعادتك بس ي ملك لو هو هيسعدك نبقي موافقين انما حالته دي مالها هو راجل وبيشتغل وبيصرف علي نفسه
ملك : ومحترم والله ي اخوي
يونس : عارف ي ملك عارف لو مكنشي كدة اكيد مكنتيش هتحبيه
قرب منها وباس جبينها : مبروك ي ملك مبروك ي حبيبتي
ملك : الله يبارك فيك وشكرا ليك انك واثق فيا
يونس : انا اللي مربيكي ي ملك وعارفك كويس وانا مجرب الحب وعارف ان شعوره واللا ايه
وغمز لنور اللي اتكسفت من كلامه ودا اللي خلي ملك تضحك عليها لان وشها احمر
يونس : انتي قلبتي طماطماية كدة ليه ي نور
نور : لا مفيش حاجة
يونس : طب انا همشي انزل اقولهم ردك مع اني عارف ان جدك هيكون قام بالواجب سلام
سابهم ونزل لجده اللي كان بيتكلم مع مؤمن
عثمان : ها قالت ايه
يونس : وافقت ي جدي وقرب من مؤمن وحضنه اهلا بيك في العيلة ي جوز اختي او اقول ي نسيبي
مؤمن بفرحة : الله يبارك فيك ي يونس واكمل بحزن بس يعني انتو عارفين حالتي يعني
عثمان : ومالها حالتك
مؤمن : اني يعني فلاح بسيط ومحلتيش غير
عثمان : متكملش ي مؤمن احنا شاريين راجل هيحافظ علي بنتنا مش فلوسه
مؤمن : طب الخطوبة هتكون امتي
عثمان : علي الخميس الجاي باذن الله وافتكر دايما انك بقيت زي يونس وخالد عندي
مؤمن : ربنا يخليك ي بيه
عثمان : ايه بيه دي انت عمرك سمعت يونس واللا خالد بيقولولي ي بيه قولي ي جدي زيهم
مؤمن : ربنا يخليك ليا انا همشي بقي
عثمان : مع السلامة ي ابني
خرج مؤمن من البيت وهو فرحان قعد يونس جمب عثمان
يونس : تفتكر ابوي هيوافق
عثمان : بدال انا وافقت محدش يقدر يمنع الجوازة دي وانت عارف ان اوامري محدش بيخالفها
يونس : عارف ي جدو بس قلقان
عثمان : ميهمكش انت روح شوف شغلك انت
في وقت العشا كان الكل مجتمع علي السفرة
عثمان : عاوز اعلن لكم ان خطوبة ملك يوم الخميس الجاي علي مؤمن
عماد : مؤمن مين اللي شغال عندنا شغال في ارضنا
عثمان : هو جيه النهاردة وطلبها مني وانا وافقت
عماد : وانا مستحيل اني اوافق علي الكلام دا
عثمان : ...........
