 |
رواية سجينة العادات الفصل الاول 1 بقلم نرمين قدريتعريف الشخصيات نورما فاروق الجندي 25سنة خريجة اعلام وتعمل في مجال الإعلام فتحت وكالة الاعلانات هي واثنان من صديقتها امير شاهين العزاوي. ٣٠ عام خريجة كلية هندسة جامعة كامبريدج عاش اكتر من عشر سنوات خارج مصر له شخصية يهابه الجميع اكمل شاهين العزاوي ٣٥ سنة قاسي خريج كلية العلوم دم الجندي الجد من أكبر العائلات في قنا ومتمسك بالعادات والتقاليد لابعد حد العزاوي كبير عائلة العزاويه ومتمسك أيضا بالعادات والتقاليد ماهيتاب خالد الالفي هانم الباشا ام اكمل و امير شخصية قوي ولايستهان بيها و الكل بيعمل لها حساب بهيجة الغازي جدت لنورما و من اشد المتماسكين بالعادات والتقاليد الفصل الاول ملكة القلم نرمين قدري في وكاله من أكبر وكالات الاعلان تقف نورما في نص الوكالة و بصوت عالي نورما / مبروك يا جماعة وكالتنا اخدت اكبر توكيل لمنتجات شركه الاسناوي للحوم وده حينقل الوكالة في حتة تانية خالص يلا بقي عاوزة شغل من نار محمد زميلهم/ الف مبروك آنسة نورما حضرتك تستاهلي كل خير. نورما/ شكرا محمد نشتغل بقي معندناش وقت يضيع عاوزين نبهر العميل بشغلنا وفجاءة تليفونها رن نورما /صباح الورد والفل والياسمين علي احلي بابا في الدنيا . ايه اللي مصحيك بدري قوي كده فاروق/ابدا يا قلب ابوكي اصل جدك كلمني و عاوزنا نسافر قنا ضروري بيقول أمر ميتأجلش نورما/ماشي يا بابا تسافرو وترجعوا بسلامة فاروق/ تعالي هنا مين اللي يسافرو يا بكاشة بقولك عاوزنا كلنا نورما/ بس انا مينفعش اسافر انا عندي شغل كتير و لسة ماضية عقود حملة كبيرة ورايا مسؤوليات كتير. حسيب كل ده واسافر ليه .. غير اني مش بحب هناك خالص بصراحة بتخنق من الجو هناك فاروق / بحده نورما هي كلمة واحده ساعة وتكوني عندي انا مش حقدر اقول لأبويا لاء وانتي عارفة جدك لما بيقول كلمه وقفل الخط نورما/ اوووف يادي حكم قراقوش كل شويه جدك قال جدك عاد عويدنا بتقول ايه انا خلاص اتخنقت سحر /,لا حول ولا قوه الا بالله ايه يا نورما اتجننتي ماشية بتكلمي نفسك نورما / اصل بصراحة. الحكاية بوخت زياده عن اللزوم جدي قاعد في قنا وماسكنا كلنا بخيوط يحرك فينا زي ماهو عاوز ومش من حق أي حد يعترض . سحر /معلش انتي عارفه الناس الكبيرة دول بيقبي ليهم تحكمات نورما/يتحكم في عياله بس مش فينا وسعي كده يا سحر خليني اغور ..خدي بالك من الشغل انا مسافره كام يوم مع بابا قنا اما نشوف اخرتها ايه وفي مكان تاني في أقصي الصعيد وبالأخص محافظة قنا و في عيلة من أكبر العائلات في البلد وهي عائلة العزاوي اكمل /الو ايوة يا أمير اخبارك ايه . شوفت يا امير المصيبة اللي حلت علي راسي . أمير /,اهدي كده يا اكمل علشان افهم انا مش فاهم حاجة ابوك بردو اتصل و قاعد يزعق وانا مفهمتش ممكن تهدي كده و تفهمني في ايه بالظبط اكمل /انا في مصيبة و شكل السر اللي انا وانت بس نعرفه حينكشف أمير /. ايه هو ابوك عاوز يجوزك تاني اكمل /,قول عاشر امير/عادي أرفض زي كل مرة وسبهم وتعالي سافر عندي كام يوم لحد مايهدي اكمل /ما هي المصيبة هنا العروسة اساسا من عيله الجندي اكيد سمعت عنهم العيلة دي من أكبر واغني العائلات هنا . والمشكله اننا في طار قديم بين العيلتين و الدم ده لازم يقف بأي طريقة طبعا كبرات البلد الله يسامحهم اقترحو ايه طبعا هما مش غرمانين حاجة اقترحو أن لازم يحصل نسب بين العلتين و الحفيد اللي حيجي هو اللي يوقف الدم ده يعني انا المطلوب مني اتهبب اتجوز . و مش كده وبس لازم اخلف علشان لو مخلفتش الدم حيرجع تاني شوفت نصيبة اكبر من كده أمير /لاء بس الحكاية كده أتعقدت خالص وانت ناوي تعمل ايه اكمل/ مش عارف طبعا امير/ انا في رأي تصارح بابا بلموضوع اكمل / قطع كلام. انت اتجننت ياامير عاوزني اروح اقول لبابا اني عاجز مينفعش اتجوز فلاش باااك وفي امريكا امير/ حمدالله علي سلامة يابطل اكمل/ الله يسلمك ياكبير ايه يابني انت مزهقتش من الغربه مش ناوي تنزل مصر امير/ لا طبعا انزل فين انا لما صدقت طلعت من قنا و العادات والتقاليد اللي تخنق . تقولي ارجع ليه مجنون انا هنا عايش حياتي زي ما انا عاوز لكن هناك حعيش زي ماهما عاوزين مش ناقصة قرف . وكمان انا هنا ناجح وعامل بزنس كبير و مستقر اكمل /, الله يسهلك ياعم وآيه اخبار المزه امير /عادي بنتخانق مع بعض اكتر ما بنعيش هي متحررة زياره و مش عاوزة تخلف علشان جسمها مش يبوظ واهو مشاكل كتير اكمل /ما تجوزها رسمي واخلص امير/الهانم بردو مش موافقة. لان شغلها في الموضه ممنوع تكون متجوزة . هي اللي صممت علي عقد عرفي وشرط محدش يعرف اكمل /,اللي هو ازاي يعني وانت ايه اللي مصبرك علي كل ده خيبه لتكون عاشقها . امير/ لا ابدا بس تقدر تقول تعود أتعودت عليها و هي كمان أتعودت عليا و كل واحد حر بيعمل اللي هو عاوزة مش مقيد التاني بحاجة اكمل/ايه العيشة اللي ميعلم بيها اللي ربنا بالك انت لو جدك أو ابوك شمو خبر علي البت دي قول علي نفسك يارحمن يا رحيم امير /بقولك ايه اسكت يجعل كلامنا خفيف عليهم المهم خلينا فيك انت . فيك ايه ودكتور ايه اللي عاوز ترحوله مفهمتش حاجة في تليفون اكمل/,امير هو الموضوع محرج شوية اصل بصراحة أنا كنت عاوز دكتور أمير/,اخلص يابني فيك ايه اوعي يكون اللي انا فهمته عاوز دكتور ذكورة اكمل /بلظبط كده وقصر و متكلمش كتير أمير/ بجدية انت قلقتني يلا بينا بسرعة علي مستشفي وفي المستشفى الدكتور الحوار. المفروض بالغة الانجليزية دكتور /الحاله معقدة جدا .لاء وشبه مستحيلة المريض مولود بعيب خلقي سبب له في عجز كامل لا حيقدر يتجوز ولا يخلف مستحيل نهائي نزلت الكلمات صاعقة علي رؤوسهم أمير / طيب يا دكتور يعني مينعفش تدخل جراحي أو حتي أدويه دكتور /,هز راسه رافض مستحيل مفيش امل ولا حتي باي منشطات الحالة مايؤس منها بااااااااك امير /وحتعمل ايه في مصيبه دي يا اكمل ما انت لو مصارحتش بابا حتتفضح كده اكمل/ لاء مش هما عاوزني اتجوز حتجوز وتلاقي البنت عايشة طول عمرها جو النجع وعارفة عوايدنا كويس حته بنت جاهله حكسرها بدخله بلدي . وهي ساعتها مش حتقدر تتكلم أمير/ بس حرام عليك البنت ذنبها ايه بس تكسرها كده اكمل /منا لو مكسرتهاش حتفضح انا لازم لكل حرب ضحايا و انا لازم اكون الصايد مش الضحية امير/,والله يا اكمل انا مش عارف اقولك ايه بس ذنب البت دي في رقبتك اكمل /سيبك مني وبص علي حالك انت لازم تستقر وتكون أسرة بقي و بصراحة ماهيتاب دي مش حتعمر بيت ولا تستأمنها علي عيل امير /انا عارف علشان كده مش عاوز اضغط عليها في حكاية. الخلفه دي لحد متاكد منها وأنها قد المسؤولية هي اللبس و شغلها واخدين كل تفكرها سبيك مني ومن ماهيتاب وقولي حتعمل ايه في موضوع الجواز حتعمل ايه في حكاية الخلفة دي بقي حتقولهم ايه العيب منها اكمل/ امير سيب كل حاجة لوقتها بس لو وصلت اني اطلعها هي اللي مش بتخلف مش حتردد ساعة امير/ والله حرام عليك البت انا معرفهاش وصعبت عليا من دلوقتي اكمل/ اقفل يا أمير بدل متعصب عليك وفي سرايا من أكبر سرايات البلد الكل بيشتغل علي قدم وساق لأجل استقبال ابن كبير البلد فاروق الجندي و أسرته وصل فاروق السرايا الحاج الجندي /يا مراحب يا مراحب بولدي الغالي كيفك يابني وكيف احوالك جري فاروق يقبل ايد ابوة فاروق/ الحمد لله في نعمة يا حاج وانت ازيك و الحاجة فينها بهيجة/,انا اهنه اهو عاد يا لدي اتوحشتك . ايه امك متوحشتكش ولا بنت البندر خلاص اخدتك منينا ليلي ام نورما في سرها /,حنبداء بقي الست دي مفيش حاجة بتهدها نورما/ سمعتها بتضحك وطي صوتك علشان لو سمعتنا حيتهعمل مننا كفته بهيجة. /,ايه يا بت يا نورا تعالي حبي علي ايدي و لا انتي خلاص متعرفيش في الأصول كيف امك بجيتي خلاص شبه بنتا البندر بس لاه انتي بنت كبير عائلة الجندي لازما تعرفي عوايدها مليح امال حتجعدي اهنه كيف نورما /,اولا اسمي نورما يا جده مش نورا وانا ايه اللي حيقعدني هنا من أصله انا جاية زيارة كام يوم و مروحة بهيجة. / قلبت عينيها بشر مما أثر الرعب علي نورما بهيجة / اولا اسمك ماسخ معرفش ايه عجب ابوكي في اسم ملهوش معني ايه نورما ده عاد نورا ليه معني وتعالي اهنه يعني تعاودي كيف مين جال عاد في ايه يا فاروق هو انت مفهمتش بتك هي هنا ليه عاد فاروق /لا يا امي لسة قلت بس تيجي ونقعد كلنا معاها علشان تفهم نورما/ هو ايه اللي عاوزني افهمه حد يرد عليا انا هنا ليه في ايه يا ماما ممكن تفهميني ليلي /,انا زي زيك يا بنتي اول مرة اسمع كلام ده متفهمنا يا فاروق في ايه الجد / الكل يجعد علشان تفهم عاد دلوق يا بنتي احنا هنا كبارات البلد كان زمان علينا تار مع عيله كبيرة حدانه وهي عيله العزاوي ولد من عندينا طخ ولد من العزاويه و جع في ساعتها مات فلازم التار ده يترد ولا تيبجي عيبه في حجنا لازم التار ده حيدانا فا اجتمع مجلس في كل كبارات البلد و اتفجو أنهم حيبدلو التار بلنسب يعني هما ياخدوا من حدانه عروس و يدونا حفيد علشان ده اللي حيوقف الدم بين العلتين نورما /,بردو مش فاهمة وانا مالي ومال كل ده بهيجة./, بشده ابااااي عاد ما انتي العروس اللي حتروحي حدي العزاوية عاد نورما/انتم بتخرفو بتقولوا ايه عروس مين وتار و وحفيد مين . ميولعو العزاويه انا مالي اتجوز واحد معرفهوش ليه افهم لاء بقي انا مش كبش فداء حضحو بيه وانا اقول امين وفجاءة لقت قلم نزل علي وشها من ابوها الفصل الثاني من هنا |
تعليقات
