رواية انا مش مريض نفسي الفصل الثاني بقلم انين الجارحي
" البارت الثاني والاخير "
- أين يذهب الانسان عندما يجد ان جميع الاماكن لا تناسبه.
= يروح ينتح.ر
- اخص عليك يا تمتم.
= تمتم..!! هو انتِ طلعالي في البخت.
- بدل ما تقولي بعيد الشر...ويذهب لحضني.
= هو انتِ يا بنتي مشوفتيش تربيه خالص.
- مبسوط انك شوفتني مش كده.
= لا مضايق واوي كمان.
- والله مش عارفه ارد علي كلامك الجميل ده ب اي.
= هو انتِ حد مسلطك عليا يا بنتي.
اتكلمت بضحكه:
- لا ابدا.
= انتِ تقريبا عارفه كل مواعيدي...والاماكن الا بروحلها.
- عيب عليك رجلي علي رجلك.
جه يتحرك ويقوم وقفته:
= رايح فين.
اتكلم بضيق:
- سايبهالك.
= لا اقعد بس يعم انا وحشني الكلام معاك.
- وانا مش عاوز هو غصب.
= اه غصب اقعد بدل ما اطلع روح السرسجيه الا جوايا.
اتنهد بضيق وقعد:
- خير..
= ممكن اشوف باقي الرسومات.
- لا وكانت غلطه اصلا لما قعدنا مع بعض
= بقي كده يا تيمو...بتاكل وتنكر...بس بسيطه اطلبلك اي.
- المفروض انا الا اطلبلك علي فكره م انتِ.
اتكلمت بمرح:
= حيث كده بقي عاوزه كابتشينو وفلوري كيك.
اتنهد وطلبلي:
- اتفضلي طلبك.
= طب وانتَ.
- طلبت قهوه.
= ممكن اكمل باقي الرسوماتت بقي.
اتنهد بضيق:
- شوفيها واسكتي عشان صدعتيني.
= مش فاهمه الرسمه دي ممكن توضحهالي.
اتنهد وهو بيبص ف الفراغ:
- ولد كان بيحب بنت وسابته..وراحت لغيره
= ويا تري سابته من غير سبب يا تميم..!؟
- قصدك اي.
حمحمت بهدوء:
= اقصد في الرسمه يعني البنت مش هتسيبه لوحدها كده..انتَ ظالم البنات علي فكره.
اتنهد بضيق:
- لا مش ظالمهم...سابته لانها محبتوش...ومستحملتوش...وزهقت من مشاكله...وتعبه...حتي هو كمان زهق من نفسه هيا مش هتزهق...، وراحت لغيره...كان اغني منه برضوا...ومظهره حلو...ومش كئيب ومعاه فلوس...هيعيشها عيشه حلوه "
= تؤ غلطان.
بصلي بنظره حاده:
- غلطان في اي.
= المفروض يقدر قيمه نفسه...ويعرف انه مخسر لاي حد وانهم خسروا حد كان هيفضل معاهم طول العمر...مبتتحسبش بالمال يا صاحبي ولا الشكل ولا المظاهر كملت وانا بشاور علي قلبه بتتحسب ب ده...بتتحسب بالحنيه والاخلاق...المال والمظاهر مش هتدوم...قد ما يبقي معاها سند وقت ما تتعب...واكيد هتخسر بعد فوات الاوان وهترجع بس بعد ما يكون هو شاف حياته.
/ الا ميستحملناش وقت وجعنا وتعبنا وانهيارنا...ووقوعنا واستسلامنا...ميستحقش يبقي موجود معانا لما نقوم ونفرح...لازم نبعد عنهم...ونعيش حياتنا مع ناس تستاهلنا وتقدرنا...لو مفيش محاوله من الطرف التاني وبايع...لازم نبيعه...مينفعش نكمل في علاقه احنا الناس الوحيده الا بتحارب فيها وبس عشان تكمل...لاننا مهما حاولنا هتنهار ف الاخر...بلاش نضيع وقت مع فكره انهم هيتغيروا.../
- الصوره دي انا عرفتها لوحدي..اقولك عباره عن اي.
= قولي.
- ان الانسان ده كان عنده حلم...بس متحققش...وان كمان ابسط حقوقه مبتتحققش وبتروح لغيره...وانه ملوش نصيب في اي حاجه بيحبها...كأنه لعنه.
= فعلا.
- شوفت انا شاطره ازاي.
= بس انتِ ازاي فاهمه الصور كده محدش فهمهم غيرك.
اتنهدت بإبتسامه حزينه:
- انا كمان يا تميم كان عندي احلام مش حلم ومتتحققوش.
- وزعلت وانقهرت اوي...كُنت دايما بشكي لربنا واقوله اشمعنا انا...لي يارب انا اي ناقصني عنهم.
- كنت بفضل اعيط ومحدش حاسس بيا ومحدش عاد مهتم لانهم زهقوا...محدش كان فاهم شعوري واحساسي..بيقولولي هتنسي مع الوقت دي مجرد احلام.
- بس بالنسبالي ان ابسط احلامي بتروح لغيري وانا واقفه بتفرج بدموع عليهم...كنت بسال نفسي سؤال لي واشمعنا...انا وحشه فيا اي..اشمعنا هما.
- بس مسحت دموعي وقومت بعد انهيار خد وقت ف زعلي وحزني...لا مينفعش اراكم.
= لي مينفعش نراكم.
- التراكم ده وحش اوي يا تميم...لما تكتم في قلبك وتفضل تكتم وتكتم...بينقلب علي مظهرك الخارجي...وشك بيتغير وبيطلعلك حبوب...مبتبقاش عارف تعبر بعد كده عن الا جواك...هتبقي حابب تسكت وبس ولا تتكلم في اي مواضيع.
/ التراكم اكبر غلط...عيطوا يا جماعه وخرجوا كل الا جواكم... متسكتوش...صرخوا...اكسروا...انهاروا...بس متراكموش...هيجي يوم وهتصحوا من كتر التراكم...هتبقوا مش انتم ايوه هتتغيروا مش هتعرفوا نفسكم...الصمت هيبقي افضل ليكم...مش حابين تتكلموا ولا تعملوا حاجه...غير الاثار السلبيه الا هتظهر علي جسمكم وشكلكم...مش هتبقوا قادرين تعبروا عن الا جواكم هتقولوا واي لازمتها...بس هيجي وقت وهتنهاروا وهتقعوا وساعتها مش هتقدروا تقوموا وتقاموا من تاني... المشاعر بتتجمد ومش هتقدروا تعبروا بعدين..فوقوا لنفسكم واهتموا بنفسكم انتم تتحبوا...متخلوش حد يضايقكم ويزعلكم بكلام انتوا مش اقل من حد انتوا حلوين.../
اتنهد بفهم:
- انتِ مريتي بحاجات صعبه بس شخصيتك جميله.
بصتله بابتسامه:
= حياتنا دي تجارب يا تميم...كل دي تجارب خلتني اقف علي رجلي من تاني واقاوم وابقي اقوي من الاول...بس فيه فرق بين الا بيستسلم لدوامه حزنه وبين الا عنده عزيمه وبيقوم...مينفعش نقع ونخلي الناس تشمت فينا لازم نقوم ونكيدهم...ونحمد ربنا ونشكره لاننا احسن من غيرنا بكتير وربنا مبيعملش لينا غير كل خير...صدقني كل ده خير لازم نرضي عشان ربنا يرضينا...مينفعش نقعد نشكي وبس.
= لا فيه حاجات حلوه اوي ف الدنيا...بس احنا الا حطينا نفسنا في الهم والزعل...احنا الا نقدر نخرج نفسنا من كل ده يا تميم...احنا وبس...ببدايه جديده مع ربنا...ومع اختيار ناس صح في حياتنا...والوقت الفراغ نستغله صح بانك تقرا حاجه مفيده...تقرا في المصحف...تخرج تسعد نفسك بنفسك...متستناش حاجه من حد محدش بيقدم لحد حاجه.
اتنهد بإبتسامه:
- انين...شكرا.
بصتله باستغراب:
" اول مره اشوفك بتضحك...ضحكتك جميله اوي يا تميم...اضحك دايما...اهم حاجه التفاؤل والامل بلاش يأس وحزن...خلي دايما عندك امل في الحياه وهتحبها لو مشيت صح...اضحك دايما في وش المصايب...اضحك لحد اخر نفس فيك...ومتنساش انها دنيا فانيه...احنا هنا عشان نعمل لاخرتنا يا تميم...الجنه تستحق اننا نعمل اي حاجه عشانها...هنرتاح ف الاخره هيا دي الراحه الا بجد..يارب اقابلك في الجنه ونقابل كل حبايبنا.. "
- الصوره دي معناها اي.
= انسان عمل ذنب كبير...ومكسوف يرجع يقابل ربنا.
- مكسوف ليه...ان الله غفور رحيم...ربنا رحيم بينا اوي يا تميم...بنعصيه كتير وبنرجع نقول هنتوب وبنرجع نعمل نفس الذنب...ورغم كل ده ساترنا بس المهم التوبه...واننا منرجعش نعمل كده...نتوب ونبعد عن الذنب ده...ممكن ترجع تاني...بس تتوب تاني...ربنا مستني كل واحد فينا...وهيغفرله المهم نستغفر ونصلي وندعي بقلب صادق بنيه التوبه...مفيش احن من ربنا علينا.
- انا بشكرك بجد.
= بتشكرني لي انا عملت اي..!؟
- علمتيني حاجات كنت مُغيب عنها...كُنت ناسي حاجات كتير والأهم اني في نعمه عن غيري واني لازم اشكر ربنا...بجد الانسان بيفضل مشغول في همومه ومشاكله وبينسي علاقته بربنا وهو الوحيد الا قادر يداوي جروحنا.
= بالظبط يا تميم..بس الشكر لله انه بعتني ليك انا مجرد شخص قابلك صدفه انا كمان مش كامله وبغلط بس المهم ان بتعلم من غلطي ومبعملوش تاني..هقابلك تاني مُش كده يا تميم...!!
اتكلم بإبتسامه وهو بيمدلي ايده:
- هنتقابل وهتشوفي تميم جديد.
ابتسمت وصافحت ايده:
= اتمني والرسومات بتاعتك تحفه والمغزي منها اجمل.
- يا محاسن الصدف يولاد.
اتكلم بضحكه:
= عاوزه تفهميني انك هنا صدفه.
- طب والله اه.
= ماشي يا ستي وماله نورتي.
- انا بحب منظر البحر والسما بليل اوي.
بصلي بإبتسامه:
= تاكلي ترمس.
اتكلمت بتلقائيه:
- وحمص الشام وكتر شطه.
= بتحبي الشطه.
- بحب الاكل الحار اوي مع انه بيتعبني.
اتكلم بإبتسامه سحرتني:
= سيم فينا حاجه مشتركه.
اتنهدت بإحراج:
- عندك اخوات يا تميم..!!
= لا انا الوحيد.
- اكيد دلوع ماما وبابا.
كور ايده وضغط عليها جامد:
= ممكن تسكتي.
- انا قولت حاجه ضايقتك.
= ابدا بس اسكتي.
حاولت اغير الموضوع والطف الجو:
- اخر واحد يقوم حمار كبير.
اتكلم بضحكه:
= اللهم لا شماته بس انا شمتان.
اتكلمت بغضب طفولي:
- تميم متضحكش عليا...انا اتزحقلت.
= من حفر حفره لاخيه وقع فيها .
- انتَ رخم،
= زيك بالظبط..
- نينيني..ظرييف.
= خلاص يا ست القموصه.
- تميم مرجحني.
= نعم يا اختي واخد بنت اختي معايا..
اتنهدت بضيق:
- مرجحني لاما هقلبلك الدنيا واعيط.
= خلاص خلاص هتفضحينا...مبسوطه..!؟
- اوي يا تميم...قومت من مكاني وقولتله اقعد انتَ
= نعم يا اختي.
- اقعد همرجحك.
= انتِ واعيه بتقولي اي مستحيل اعمل كده..انا كبرت علي الهبل ده.
- عجباك يا ابو التماتيم.
= اوي اوي كمان زقه.
اتكلمت بضحكه:
- اهم حاجه الثبات علي المبدأ...قوم انتَ تقيل.
= تحبي تلفي معايا بعربيتي؟
- يا ابن الغنيه معاك عربيه.
اتكلم بضحكه:
= شقايا وتعبي.
- هتتحسد ان شاء الله من وشي.. لازم تبخرها.
ابتسم واتكلم بحب:
= تعالي بس نلف شويه.. ونشغل اغاني هاديه..
- المفروض متزعلش ومعاك عربيه يا اخي.
اتنهد بابتسامه حزينه:
= ممكن يبقي معانا كل حاجه يا انين ومنفرحش..لاننا بيبقي ناقصنا حاجات تانيه اهم.
معرفش جاتلي الجراه منين وطبطبت علي ايده:
- انا اسفه لو فكرتك بحاجه زعلتك.
= ولا يهمك…انا مبسوط عشان انتِ هنا.
بصتله بارتباك:
- طبعا..احم مش ناوي تخطب وتفرحنا.
= شكلها كدهه والله.
اتكلمت بابتسامه حزينه:
- اوبااا شكلها والعه.
= فعلا هتولع بيناا...اجرييي يا لطفييي.
- اييي العربيه بتولععع.
= لا قلبي نياهاها.
- ابو تفاهتك.
= انتَ هتخطب مين بقي سعيده الحظ.
/ معرفش لي حسيت بالزعل...لما قالي انه هيخطب...يمكن لاني اتعودت علي تميم..الفتره دي...كانت فتره كبيره...حبيت الكلام معاه...مكنش زي اي مريض بعالجه..كان مختلف...ويمكن خروجنا سوا الايام دي كتر...بس انا...انا شكلي وقعت في حب تميم...ولأول مره اخاف...لو عرف الحقيقه ممكن يبعد عني بس انا اتعلقت بيه...انقلب السحر علي الساحر...!!
- طمنيني يا بنتي تميم عامل اي.
اتكلمت بابتسامه:
= الحمدلله اتحسن وبقي افضل بكتير عن الاول...يومين بالكتير وتميم هيرجع لحياته الطبيعيه...
- طب واحنا يا بنتي هيفضل كارهنا.
اتنهدت بإبتسامه حزينه:
- الا انتوا عملتوه مكنش هين...بس هو قلبه طيب وهيسامحكم بس هتفضل جواه ندوب...بس الاحسن انه يتكلم حتي لو قليل معاكم احسن من مفيش...لكن لحياته الطبيعيه اطمني تميم بقي ميه ميه...وكمان العلاج جاب نتيجه...لانك بتحطيه ف العصير ف كده احسن عشان مكنش هيوافق بسهوله.
اتكلمت بدموع:
- شكرا يا بنتي... ربنا يجبر بخاطرك ويفرحك...مش عارفه لولاكي بعد ربنا كنا هنعمل اي...انا مبسوطه ان شيفاه مبسوط وفرحان ورجع لحياته الطبيعيه زي الاول.
= بس انا عاوزه اقولك حاجه يا طنط... قاطع كلامنا صوت تميم وكانت الصدمه...
- الله الله عال اوي والله...بقي عاملين عليا حفله..لا وانا الاهطل...!؟
بصتله بدموع:
= تميم ارجوك اسمعني.
- اسمعك...انتِ كدابه ومنافقه...انتوا كنتم بتلعبوا عليا لعبه...وانا زي العبيط صح...كمل بزعيق...بس انا الا استاهل...وانا اقول هيا عارفه مواعيدي ازاي...وعارفه كل حاجه ازاي...
اتكلمت بدموع:
= انا عملت كده عشانك...وعشان ترجع زي الاول لحياتك...وعشان صدقني اهلك ندمانين...انا عارفه انهم يستاهلوا...بس اديلهم فرصه يصلحوا الا كسروه..
- اخرصي خالص يا دكتوره انين...اتفضلي اطلعي برا.
بصتله بصدمه ودموع:
= تميم انتَ بتطردني.
- اه بطردك وياريت مشوفش وشك نهائي.
اتنهدت بدموع وانا باخد شنطتي:
= قبل ما امشي كنت عاوزه اقولك اني فعلا حبيتك يا تميم...انا بحبك...انتَ مكنتش حاله عندي بعالجها وخلاص...انا فعلا وقعت في حبك...انا كُنت هقولك والله...بس خوفت تبعد زي الوقتي..وصدقني اهلك ندموا وعرفوا غلطهم...اديلهم فرصه واحده وجمعوا شملكم من تاني...العمر بيعدي يا تميم...مش هنقضيه في حزن وندم وبعد...يمكن بكره نموت...محدش ضامن.
- اطلعيييي براااا مش عاوز اشوفككك..
/ طلعت جري...مشيت ودموعي مغرقه وشي...تايهه...خايفه...الا خوفت منه حصل...يمكن غلطت لما عملت كده بس والله حبيت بجد...كُنت كل مره افكر اقوله...كنت بلاقيه مبسوط وبدأ يتحسن خوفت اوجعه زي ما عملت الوقتي...كنت برجع تاني من خوفي...المهم انه بقي كويس ويستاهل يعيش حياته مع بنت تستاهله...فضلت ماشيه مش عارفه راحه فين.../
" فات اسبوع...وانا بحاول اوصل ل تميم واكلمه...بس مكنش بيرد علي اتصالاتي ولا كُنت بشوفه...كُنت بتواصل مع مامته...كانت بتطمني عليه واقفل..."
- انا هخطب بنت خالتي انتِ معزومه.
بصتله بصدمه ودموع:
= تميم انتَ بتهزر انتَ نزلتني عشان كده.
هز راسه بجمود:
- ايوه ملقتش احسن منها بصراحه..ومش بتكدب عليا زيك.
بصتله بدموع لاول مره اكون ضعيفه:
= طب وانا...انا يا تميم...انتَ هتتخلي عني.
اتنهد وبصلي بجمود:
- ده اخره خداعك يا دكتوره انين.
اتنهدت بعياط:
= طب والايام الا كنا فيها سوا...انا فعلا مكنتش بمثل يا تميم..
- نسيت الايام دي...انسيها انتِ كمان.
انهارت ف العياط وقعدت ع الارض:
للدرجادي...انا عارفه ان غلطت... انا اسفه..
اتنهد بضيق وهو بيقيمني:
- ده اول مكان اتقابلنا فيه صح...
هزيت راسي بدموع:
= ايوه وانتَ قولتلي تعالي هنا.
اتنهد بإبتسامه وهو بيقعد علي ركبته:
- تتجوزيني يا انين..
بصتله بصدمه ودموع بحاول استوعب الا قاله:
= انتَ بتتكلم جد.
- ايوه يا انين...كان لازم اعلمك درس الاول...كان لازم احسسك بشويه من الندم لان الا عملتيه غلط...افرضي لو حد تاني كان الشخص ده حبك وانتِ لا...كان هيبقي احساسه اي من تاني... انتِ مفكرتيش في دي للاسف.
بصتله بدموع:
= معاك حق...بس مامتك صعبت عليا ومكنش قدامي حل.
اتكلم بحب:
- علي فكره سمعت كلامك وادتلهم فرصه...لان العمر بيجري لازم نعيشه صح... كان معاكي حق...يمكن لسه فيه ندوب وحاجات مش هنساها بس انا سامحت...ربنا بيسامح انا مش هسامح.
بصتله بحب:
= انا مبسوطه وفخوره بيك اوي...وانك بقيت احسن من الاول.
اتكلم بحب وضحكه:
- طب رجلي وجعتني...موافقه تتجوزيني.
اتكلمت بابتسامه وانا بحضنه:
= موافقهه موافقهههه ده سؤال يا تيمو.
رأيكم يا حبايبي💕
#بقلمي_انين_الجارحي
