رواية قلبي وجعني الفصل الرابع بقلم مجهول
ليلى بهمس : ماشى يا ندى
احمد : انا هستناكى مع ندى تكونى خلصتى
ليلى بتكلم نفسها : ندى تانى انا مش هرتاح غير لما ابعدك عن طريقى وطريق اخويا خالص
فى الصالون
احمد : ندى كل سنه وانت طيبه
ندى : وانت طيب ايه ده انت فاكر عيد ميلادى ازاى دا انا مش فاكراه يا ابنى
احمد بضحك : يا ابنى ماشى يا امى
ندى :شكرا جدا يا أحمد انك افتكرت عيد ميلادى
احمد: اتفضلى دى هديتك
ندى : الله ايه ده جميل جدا
احمد : دا اسوره حاجه بسيطه كده بمناسبة عيد ميلادك
ندى : شكرا جدا والله مش عارفه اقولك ايه
أحمد : متقوليش حاجه هاتى ايدك البسهالك
ندى :اتفضل
احمد : ايه الادب ده
ندى: لازم بقا امال
احمد بيلبس ندى الاسوره على دخول ليلى اوبااااااااا ربنا معاكى يا ندى
ليلى : الله ايه الاسوره الجميله دى وسحبتها من ايد أحمد وهو بيلبسها لندى شكرا جدا يا قلب أختك دايما مفاجأت كده لبسهالى بقا وبتبص لندى نظرات بتقولها بيها متحاوليش يا ندى
احمد بيحاول يفهم ليلى أن الاسوره مش ليها
احمد : ليلى الاسوره دى مش ...
ليلى قاطعت احمد علشان ميقولش أنها مش ليها
ليلى : شكرا يا قلبى والله
ندى : مبارك عليكى يا قلبى جميله جدا عليكى
ليلى: انا عارفه انها جميله اكيد لان احمد ال جابها
احمد بعصبيه : يلا بينا بقا اتأخرنا على إيهاب
ليلى : يلا يا ابو حميد
واخدت ايده ومشيت وتركت ندى لوحدها
أحمد :استنى يا ليلى ندى
ليلى: ايوه معلش يا ندى نسيتك خالص
ندى بهمس : مالها ليلى انا عملت ايه معاها على كل ده
فى الشارع
ايهاب منتظرهم
إيهاب : حمد لله على السلامه كل ده انا منتظرك من بدرى يا ابنى
أحمد : معلش يا إيهاب اسف
إيهاب: إزيك يا ليلى ايه اخبارك مبارك عليكى رفعتى راسنا
ليلى : الله يبارك فيك يا إيهاب
إيهاب: مبارك يا ندى انت كمان
ندى : الله يبارك فيك
احمد : يلا بقا هنفضل نبارك كتير لبعض
إيهاب : يلا بينا يا سيدى
ليلى: انا عاوزه أكل ايه رأيكوا نروح مطعم كويس
إيهاب : انا موافق ايه رأيك يا أحمد أنت وندى
ندى واحمد بصوت واحمد : تمام يلا بينا
فى المطعم
أحمد ايه رأيكوا نطلب تورته بمناسبة عيد ميلاد ندى
إيهاب متفق هو وأحمد على خطه أنه يحاول يشوف رد فعل ليلى علشان يعرف حالتها
إيهاب : فكره جميله
أحمد : طيب انا هروح اطلبها
ندى: استنى يا أحمد انا هروح معاك
ليلى قاعده مش عارفه تعمل ايه ندى زودتها جدا
إيهاب : ايه يا ليلى مالك سرحانه في ايه
ليلى مش بترد لأنها بالفعل سرحانه
إيهاب : ليلى انا بكلمك مالك
ليلى: بتقول حاجه يا إيهاب
إيهاب : إيه يا ليلى روحتى فين
ليلى : ولا حاجه يا إيهاب
بقولك ايه ممكن أطلب منك طلب
إيهاب : طبعا طبعا
ليلى: انا عاوزه ابعد ندى عن طريقى انا وأخويا خالص
إيهاب طبعا مش مستغرب لانه فعلا عارف حالة ليلى
إيهاب بيكلم نفسه : لازم أساعدك يا ليلى لانى لو مش هساعدك فمن الممكن انك تشوفى حد تانى وانا طبعا لازم اكون جمبك علشان أشوفك انت بتفكرى فى ايه علشان متوقعيش نفسك فى مشاكل وانت مش حاسه
ليلى : ايه يا إيهاب روحت فين انا بكلمك
إيهاب: معاكى يا ليلى
ليلى: ايه هتساعدنى
إيهاب : أيوه طبعا هساعدك انت عاوزه تعملى ايه
ليلى: انا هعمل حاجه كده بس مش مطلوب منك غير انك تخليك معايا وتقول امين على ال انا بقولك وخلاص تمام
إيهاب : تمام يا ليلى
ليلى حطت الاسوره بتاعتها فى شنطه ندى وطبعا طبعا هتخليها حراميه قدام أحمد
وصل أحمد وندى
ليلى : ايه طلبتوا التورته
أحمد: ايوه شويه وهتيجى
ليلى : ايه ده فين الاسوره بتاعتى
أحمد : انت متأكده انك نزلتى بيها
ليلى: ايوه يا أحمد والله نزله بيها
مش كده يا إيهاب انا مش لسه موريهالك
إيهاب : ايوه
أحمد : طيب قومى دورى بالراحه اكيد هتلاقيها
ليلى : لا هو انا مش هدور لانى عارفه مين اخدها
أحمد : مين يا ليلى
ليلى : ندى ال أخدتها لان عنيها كانت هتطلع فيها لما انت لبستهالى
ندى وهى بتبكى : ليلى أنت ازاى بتقولى كده انا معاكى من واحنا صغيرين ازاى تفكرى كده فيا أصلا انت زودتيها يا ليلى كده خالص بعد ازنكوا يا جماعه انا همشى
ليلى : تمشى فين مش قبل ما افتشك
ندى : تفتشينى انت اتعبطى يا ليلى للدرجه دى
ليلى اخدت الشنطه من ندى وبدأت تدور فيها
ليلى: ايه ده يا ست ندى لو انت عاوزاها قوى كده كنت قوليلى وانا مش هقولك حاجه واكيد كنت ادتهالك تؤتؤتؤتؤتؤ حركه رخيصه قوى يا ندى
أحمد مصدوم طبعا من ال بيحصل لانه واثق أن ندى مستحيل تعمل كده وأكيد دى حركه من حركات ليلى
ندى : شكرا جدا يا ليلى لحد كده
مشيت ندى
أحمد : خلاص يا ليلى لحد كده ايه ال انت بتعمليه ده انت صعبتيها عليكى جدا وعلى كل ال حواليكى
إيهاب : خلاص يا أحمد
ليلى لازم تتعالج وبسرعه
ليلى : اتعالج! انتوا بتقولوا ايه
أحمد: انت عندك حق يا إيهاب
وبعد إقناع كتير من أحمد وإيهاب ل ليلى وافقت ليلى
بعد سنه
ليلى : الوو يا ندى انا متأسفه جدا على كل ال حصل منى
ندى : لا يا حبيبتى متتأسفيش انا عارفه ال كان فيكى
ليلى: ازاى عرفتى ؟
ندى: من بعد موقف آخر مره احمد وإيهاب فهمونى كل حاجه
ليلى : حبيبتى انت استحملتى منى كتير
ندى : متقوليش كده يا لولتى
ليلى: قلب لولتك ربنا يخليكى ليا يارب
بعد سنه من شفاء ليلى
ليلى طبعا اتجوزت إيهاب وأحمد اتجوز ندى
وبعد جوازهم بسنه ندى أنجبت توأم وليلى طلعت مش بتخلف ولكن من حب ندى لصديقتها جدا جدا ضحت ندى بإبنه من بناتها ل ليلى وسميت بنتها على إسم والدتها
وطبعا شخصية ليلى زعلتكوا شويه بس ده كان لازم يحصلها من صدمة موت مامتها ويرجع الفضل فى شفاء ليلى الى إيهاب وحب أحمد أخوها إليها وحب صديقتها ندى وفى النهاية تضحية الصديقة من أجل صديقتها
