شقة حماتى الفصل السابع والاخير بقلم شخصية خيالية
شوية ولقينا الظابط بيرن وبيقول احنا لقينا جثة بنفس المواصفات تعالو اتعرفو عليها طبعا خديجه فضلت تصوط وتلطم علي وشها وتقطع في شعرها وانا واخويا بنهدي فيها ومفيش فايده المهم روحنا علي المستشفي واخدت ولادي معايا عشان مفيش حد هيكون موجود في البيت مع الولاد
دخلنا المستشفي والظابط دخلنا المشرحه عشان نتعرف علي الجثه دخلنا وسبت الولاد بره مع ممرضه استاذنتها علشان تخلي بالها منهم لان مينفعش يخشو المشرحه لأنهم ولاد صغيرين وغلط
المهم دخلنا وراح الدكتور طلع الجثه من التلاجه وانا برتعش انا وخديجه لان اول مره نخش مشرحه ونشوف جثث المهم الدكتور شال الغطاء من علي وشها لقينا حماتي مدبوحه ومتشوه وشها كأنه انتقام مكفهوش انه دبحها الظباط لما لقي اننا اتعرفنا علي الجثه وطلعة حماتي
طبعا اتحفظو علي الجثة عشان يعرفو مين القاتل
الظابط طلب مننا نروح معاه علي مركز الشرطه عشان طالب يسال شوية اساله ويقفل المحضر
روحنا علي المركز والظابط خلانا نستنا بره وطلب الولاد يخشو عنده جوه عشان عايز يقعد معاهم شويه استغربنا ليه الظابط طلب يتكلم مع الولاد المهم انا اتصلت علي ولاء لأنها مكانتش تعرف حاجه
واتصلت علي عاصم وعرفته علي الوضع رد عليا وقالي هنزل بكره الصبح هحجز وانزل مصر
المهم بعد شوية الظابط طلب عاصم اول واحد عشان يسأله شوية اساله بعد شويه وائل خرج ووشه احمر معرفش حصل اي جوه بعدين الظابط طلبني وسالني تفتكري مين عمل في حماتك كده رديت وقولت معرفش رد وقالي بصي يا مدام ساره من غير لف ودوران في الحالات دي بيكون كله محطوط تحت الشبهات يعني في نظري محدش فيكم بري رديت عليه وقولتلو بس انا مفيش مشاكل بيني وبين حماتي رد عليا وقالي طب واخوكي عاصم قولتلو ماله قالي دلوقتي ولادك عرفوني ان اخوكي قاعد في البيت وبينام في البيت ليه فتره والطب الشرعي بيقول ان الجثة كانت بتعمل علاقات جنسية وحماتك ارمله يعني دلوقتي مفيش غير اخوكي واخوكي اعترف بكده انا طبعا لقيت اخويا اعترف علي نفسه قولت فعلا اخويا وحماتي كانو علي علاقة مع بعض رد وقالي وانتي سامحه الكلام ده يحصل في بيتك يبقي انتي زي حماتك اي جابرك انك تسكتي قولتلو لو سمحت بلاش تقول عليا كده انا ست شريفه ضحك وقال ماهو واضح قولت لو حضرتك مش مصدق اكشف عليا قالي ولا اكشف عليكي ولا تكشفي عليا انا يهمني اقفل المحضر واعرف القاتل رديت عليه وقولت بس انا ماليش دخل باللي حصل قالي طب انتي سكتي عشان اخوكي ومعرفتيش حد طب خديجه قاعده معاكم في البيت لانها مطلقه صح ولا انا غلطان
قولتله صح قالي وهيا ساكته ليه وقابله علي امها كده
ولا اخوكي شغال مع خديجه وامها انا سكت قالي بلاش كدب عشان كل حاجه هتبان ولو الطب اثبت ان خديجه علي علاقه مع اخوكي وانتي انكرتي هحبسك لانك بتتستري علي جريمة زنا قولتلو ايوه خديجه واخويا علي علاقه مع بعض بس حماتي متعرفش بالكلام ده وحكيت علي كل حاجه اعرفها طلب مني اخرج بره ودخل خديجه بعدي بس طلب من العسكري اني اقعد في اوضة لوحدي واخويا في اوضه لوحده وفضل يتكلم مع خديجه وكل شويه يطلب حد فينا شويه ومن ذكاء الظابط بقي يوقعنا في بعض ويقول فلان قال عليك كذاء لغاية اما اكتشف ان وائل وخديجة هما اللي قاتلين حماتي باتفاق مع بعض الظابط طبعا حبس خديجه و وائل
وطلبني وقالي انتي براءه سالته علي وائل وخديجة قالي اخوكي وخديجه هما المجرمين قولتلو استحاله قالي انا شكيت لما قولتي ان اخوكي وخديجه علي علاقه مع بعض بس من وراء حماتك ساعتها عرفت ان حماتك عقبه قدامهم قالي وخديجة حامل من اخوكي قولتلو كدب اخويا مبيخلفش ومراته مطلقه بسبب كده قالي ابقي اسألي اخوكي انا مش فاضي للوش بتعاكم طلبت اشوف اخويا واعرف اللي حصل والظابط طلب جاب اخويا وخرج بره سالته انت عملت كده يا وائل قالي ايوه انا وخديجة قولتلو امتا وازاي قالي طلبت من حماتك نتقابل في البيت بتاع اختها وطلبت منها تسبقني وبعد شويه خرجت انا وخديجه وكان معايا المفتاح دخلنا عليها اوضة النوم حماتك استغربت لما لقتني جايب خديجه معايا وسالتني اي خلاك تجيب خديجه روحت جاري عليها وكاتم نفسها عشان متصوطش وتلم علينا الجيران ودبحتها وخديجة فضلت تشرح في وشها قولتله ليه كل ده واي حكاية ان خديجه حامل وانت مبتخلفش قالي طالقتي اكتشفت انها كانت بتكدب عليا لان انا كنت مفكر زيك اني مبخلفش ولما خديجه قالت انها حامل انا مصدقتهاش وفكرتها نامت مع حد غيري وعايزه تشيلني الليله روحت خدت بعضي وحللت واكتشفت اني بخلف واكتشفت ان مراتي مكانتش عايزه تخلف مني لانها بتحب واحد تاني قبل متجوزها واهلها غصبوها علي الجوازه قررت متخلفش مني وكانت بتاخد حبوب من الحمل
وطبعا انا مصدقت اني هبقي اب بس حماتك هتقف في وشنا ومش هتخلينا نتجوز قولتلو طب كنت اهرب انت وهيا قالي كان عندك حق لما قولتي الحرام اخرته وحشه وانا استاهل لاني عملت حرام كتير سالته طب انت بتقول قتلت حماتي في شقة اختها ازاي الشرطه وصلت ل الشقه وعرفت مكان الجثة في الشقه رد عليا وقال انا سبتكم وانتو في المستشفى وانتو بتسالو علي حماتك وخليت خديجه تلهيكي وروحت الشقه وخدت الجثة ورميتها في الميه علي اساس لو في بصمات ولا حاجه متظهرش وبعد ما خلصت رجعت علي المستشفي عشان متحسيش بغيابي بس للاسف محدش يعرف يضحك علي الحكومه قولتله طب ولما خديجه مشتركه في قتل امها ليه بتصوط وتقطع في شعرها قالي عشان محدش يشك فينا بس مفيش فايده
طبعا بعد ما عرفت كل حاجه خدت بعضي واخدت الولاد وروحت وبقيت اتندم اني سكت ضيعت اخويا
كان في أيدي اوقف كل ده بس خوفت علي بيتي يتخرب ياريتها كانت جت علي خربان البيت كان اهون طبعا معرفتش انام اليوم ده ويعتبر مكلتش حاجه تاني يوم الضهر لقيت جوزي جه من السفر وسألني اي اللي حصل حكيت علي كل حاجه لان معتش ينفع اخبي حاجه جوزي طبعا زعق فيا وقالي بتغفليني وتضحكي عليا واخوكي يعمل في اهلي كده انتي مجرمه زيك زيهم وراح رامي عليا يامين الطلاق فضلت احب علي ردليه يسامحني وعيط وبوس في ايديه مفيش فايده طبعا عاصم مرضاش يستلم جثت امه ولا رضي يحضر العزاء لأنها ميته بفضيحه ومكانش يتوقع امه واخته يعملو كده وطبعا المحكمة حكمت علي وائل وخديجة بالاعدام وطبعا وائل اتعدم الاول وخديجه اتاجل الإعدام بتاعها لغاية ام تولد وبعد ما ولدت انعدمت وانا أطلقت والمحكمة حكمت ان جوزي ياخد الولاد لان منفعش اكون ام ومكانش في حاجه في صالحي ان ولادي يفضلو معايا وجوزي خد ولادي وسافر بيهم وشكله مش راجع مصر تاني لانه مكسوف من الفضيحه وانا دلوقتي سيبت البلد كلها وروحت بلد تانيه وبشتغل في محل ملابس اصرف منه علي نفسي وكنت بتمني ان يتحكم عليا بالاعدام زي اخويا وخديجة لاني بموت في اليوم مية مره لان سكوتي ضيع مني جوزي وضيع ولادي وضيع اخويا وانا اكتر واحده طلعت خسرانه في النهايه ياريت محدش يسكت عشان خايف ان بيته يتخرب لأن ممكن تخسر حاجه صغيره ارحم ما تخسر كل حاجه وانا خسرت كل حاجه وكل واحد اخد جزائه في النهاية
* **النهايه** *
لمتابعه روايات سكيرهوم زورو موقعنا علي التلجرام من هنا
