رواية وش تانى (كاملة الفصول)بقلم ليل ادم

القصه دي واقعية جدآ وممكن ناس كتير تزعل منها لأن الناس دي من نوعية القصه دي بس حابب ألقي عليها الضوء أتمنا تعجبكم وتكون خفيفه عليكم ويكون في منها أفاده  

أنا محمود شاب في سن ٣٨ عام متزوج من عشر سنين مراتي اسمها أميره حسناء ومهتما بالبيت ونفسها جدا جدا بس الحلو مبيكملش اهتمام اميره ب نفسها أستمر لحد تاني طفل في البيت أبني أحمد والكبيرة مي وبدأت الحياه تخدنا يمين وشمال ومشاكل وضغوط حياه وحجات كتير بس رغم كل ده لسه بحب أميره  بس كل يوم بسأل نفسي سؤال مهم جدا معقول أنا اتخلقت علشان ادفع مصاريف مدارس وأكل وشرب وعلاج وايجار بيت وجمعيات معقول مفيش حتا حضن يضم الواحد بعد كل عناء الحياة ده  يعني اللي أنام في اصحا في كل يوم الوضع بجد صعب جدا لحد ما حصل في يوم حاجه غير متوقعه ❤️❤️

أنا بقا أميره عندي ٣٢ سنه الحمد لله عندي من الجمال ما يكفيني مطحونه في شغل البيت ومذاكزه مع الاولاد واكتر شئ بيعكنن مزاجي هوا كلام محمود جوزي علي طول شايف اني مهمله مع اني مش كده خالص والله بس هوا حتا بطل يقولي الكلمه الحلوه بقا كل كلامنا عن الدنيا ومشاغل الحياه أنا برضوه ست ونفسي اسمع كلمه حلوه من جوزي معقول أنا اتخلقت علشان اعمل أكل وانضف البيت وتربية ولادي بس مفيش في حياتي جديد اللي بنام في أصبح في الحياة صعبه والوحدة منا محتاجه كلمه بس كلمه حلوه تهون عليها كل حاجه حصلت في يومها من قله كلام جوزي الحلو ليا بقيت لما بسمع في الشارع حد يتغازل في جمالي أو جمال جسمي اشعر ب أنوثتي وبقول في سري أما محمود مش شايف كل ده ليه لحد ما في يوم حصل حاجه غير متوقعه دخلت بيدچ لقيت في جروبات هزار وضحك حاجه حلوه جدا انك يكون ليك اصدقاء في كل مكان بس سألت سؤال وجودي هل الناس دي كلها بتتكلم كده ومش خايفين بصراحه الفضول خدني لقيت بنت من ضمن الكومنتات دخلت علي صفحتها وبعت ليها رساله على الخاص وكان الحوار كالاتي

مساء الخير أنا أميره ممكن نتكلم شويه لو مش هيضيقك

مساء النور أنا شروق اتفضلي مفيش مضايقه ولا حاجه

أميره: أنا حبيت الجروب ده جدا بس اخاف ادخل معاكم في كومنتات وهزار لاني جوزي وعائلتي كلها عندي في الاصدقاء ف انا خايفه هل لو عملت كومنت ممكن حد يشوفه

شروق: وتعبه نفسك ليه وعامله موضوع متعملي ذاي اي حد فينا هههههههههههه

أميره: اعمل اي

شروق: ايميل فيج وريحي دماغك منا كمان متزوجه وعندي أولاد ويمكن اكبر منك بس برتاح في الميل ده اكتر

أميره: استني بس يعني اي ايميل فيج اللي بتقولي عليه ده

شروق: شوفي ياستي اعملي ايميل غير ده خالص ب أي اسم وهمي وصوره وهميا ومن غير ما تعملي اضافه لأي حد من العائله وتبقي على مزاج مزاجك ياستي

أميره: الله دي فكره حلوه اوي بس في مشكله واحده هههههههههههه

شروق: يخربيتك اي تاني هههههههههههههههه

اميره: مش هعرف أعمل الإيميل الفيج ده

شروق : دنتي شكلك ميح خالص أنا هعمل معاكي واجب اديني رقم تليفونك اعملك ايميل وهعلمك تدخلي وتخرجي منه اذاي

أميره: اي ده ده بجد

شروق: اه والله

اميره: طب خودي الرقم أهو

شروق: اصبري بقا اعملك الميل

أميره: وفعلاً عملت الإيميل و علمتني ادخل اذاي عليه وأخرج منه وبدأت كمان اعمل اضافه ل جروبات هزار وضحك كتير جدا وبدأ يكون في طريقه جديده لوجود الفرحه جوه يومي أول ما محمود يروح الشغل افتح الميل وهزار وضحك في الكومنتات وكان في شاب وسيم جدا ودمه خفيف اوي أول ما يشوف بوست ليا يدخل جري يهزر ويضحك معايا لدرجه اني بقيت بستنا لما يجيلي أشعار منه علشان ادخل اضحك وأهزر معاه

في جانب آخر ❤️👇

محمود:  لقيت نفسي عملت نفس الكلام اللي كنت بعمله وأنا شاب ايوه بالظبط كده صفحه وهميه على الفيس بوك وبدأت اعمل اصدقاء واكبر الصفحه يمكن ألقا فيها السعاده اللي كنت بحلم بيها طول عمري وأحس إني ليا كيان ومكان مفيش ولا حاجه كانت بتجذب الأنظار ل الصفحه دي لحد ما خطر على بالي فكره ومكنتش عارف اذاي جت على بالي اني اعمل صفحه جنسيه ايوه جن`سيه وهناك لقيت نفسي جوا عالم تاني خالص الدنيا مباحه ومتاحه كل حاجه موجوده والدنيا ماشيه ويوم بعد يوم الصفحه بتكبر والمتابعين أعدادهم بتزيد يوم بعد يوم كل يوم بكتب منشورات عن الجن'س بوستات عن أحسن طرق تسعد بيها المرأة وتخليها تحب تكون على طول معاك مع اني مش بعرف اعمل الكلام ده في بيتي أساساً لأن مراتي معندهاش وقت تتكلم معايا اصلا مش تعمل معايا كده

اميره: بقيت بحب أكون لوحدي اكتر من اي وقت فات في حياتي أسهر طول الليل ونوم طول النهار لقيت اللي مكنتش بخده من محمود جوزي علي طول مش فاضي يا فالشغل يا بيتفرج على الماتش يا ماسك الفون طول الليل أنا في الاوضه مع تليفوني ومحمود في الصاله مع تليفونه لحد ما حصلت حاجه كنت مستنيها من زمان

محمود: بقيت عامل مواعيد في البيت الساعه ١١ كل واحد من اولادي علي غرفته ومراتي في غرفت النوم وانا بره في الصاله قاعد مع صفحتي اللي بقيت بقضي فيها اكتر من تلات تربع يومي حتا الباسورد الخاص بالفون بتاعي غيرته علشان محدش يمسك الفون بتاعي ويشوف حاجه عليه

اميره: بعد م بنتهي من اليوم بمسح الميل من علي الفون ولما محمود ينزل يروح الشغل ارجع تاني افتح الميل ومبقاش تليفوني متاح ذاي زمان اي حد يمسكه لحد ما لقيت الشاب اللي كنت بهزر معاه في الكومنتات دخل يكلمني خاص وكنت فرحانه اوي بصراحه كلمه يدوخ من جماله شب في أواخر  العشرينات بس لسه متجوزشي ولا فتح بيت كنت بتكلم معاه بكل صدق وفتحت قلبي بجد ليه وكان ذوق جدا وراقي معايا اوي في كلامه وكان اسمه احمد