رواية غيرة حب الفصل الخامس عشر بقلم احمد صابر
محمد بضحك: باي
انا: باي
ودخلت الدرس وبدأو اول ماجيت... وبعد ماخلصنا هزرنا شوية وبعد كدا روحت قعدت اذاكر ونمت الساعة 1
تاني يوم
صحيت الساعة 7:30
لبست وخلصت كانت الساعة الا 10 ورحت الدرس سَمعت انجليزي ودراسات وبعد الدروس والفرهضة روحت مكنتش قدرة اخد نفسي كان يوم حر اوي ببص ف الفون لقيتو رانن 3 مرات وكنت لسا هرن لقيتو رن
انا بصوت شبه هادي: الو
محمد: الو... مين معايا
انا: انت رانن ع مين يا تافه انت
محمد: ايوا كدا قلقت عليكي والله
انا: استغفرك ربي واتوب اليك
محمد: في اي يا حجة
انا: مش عرفة مش قدرة اتكلم وحسه ان صوتي واطي مش قدرة اعليه
محمد: اه ملاحظ.. ياااه لو تفضلي كدا ع طول
انا: اووف
محمد: طب خلاص بتعملي اي
انا: شبه بذاكر
محمد: مش فاهم... منك لله ب ام المرض المعدي الي عندك دا انا كنت زي الفل وربنا
انا: لا بجد استظراف مش عيزة
محمد بضحك: طب خلاص اي شبه بذاكر دا بقى
انا: كل ما ذاكر كلمتين انام يسطا
محمد بضحك: بتذاكري اي
انا: وربنا معرف
محمد بضحك: ايه
انا: انا كنت بذاكر علوم فجأة جبت كتاب الانجليزي وبعدها الدرسات فاضل كتاب العربي والرياضة
محمد: ههههه اي التقلبات المزاجية دي
انا: انا بكرهك
محمد بضحك: وانا كمان بحبك
انا: عيزة انام ومش عيزة انام
محمد بضحك: لا حول ولا قوة الا بالله انتي عيزة مني اي يابنتي
انا: هعوز من وشك اي يعني
محمد: كل خير
انا: وهيجي منين الخير وانت موجود
محمد: في اي يابنتي
انا: حظابط ازيك
محمد: اي الجنان دا.. انا رانن بقالي نص ساعه
انا: وبعدين
محمد: لا في حاجة بجد ايمان خالتو جنبك
انا: لا
محمد: طب شوفيها فين وادهالي
انا: اوف...... امسكي كلمي ابن اختك
محمد: ههههه
والدتي: ملوش اسم ابن اختي دا ولا اي
انا: اوووف..محمد
والدتي واخدت الفون: ايوا يا حبيبي ازيك
انا: حبيبك!!
والدتي: اه انتي مالك
انا: ياستي انا اتكلمت
محمد بضحك: ايوا يا خالتو ازيك
والدتي: الحمدلله مامتك عملة اي
انا: محنو ع اساس مكنتش عندها امبارح
والدتي: كلمة زيادة واقوم ب الشبشب
انا: اي الافتري دا هو انا اتكلمت ربنا يخودني من وشكم عشان استريح واموت بقى واخلص
محمد بضحك: مالها البت دي من الصبح
والدتي: سيبك منها ملبوسة
انا: هو في ام كدا
والدتي: اه انا
محمد بضحك: لا بجد غريبة اوي انهارده
انا: غريبة ازاي يعني مش فهماك
محمد بضحك: انا قلت كدا محصلش
والدتي: انا مش عرفة انت بترن وتعبر وحدا زي دي ليه اصلا سيبك منها هتعديك صدقني
محمد بضحك: عدتني يا خالتو والله عدتني
والدتي: شفت مش قلتلك
انا: هاتي الفون دا كدا... تصدق انك حيوان مترنش عليا تاني بقى
محمد: 3..2..1
انا: حظابط إزيك
محمد: الله يسلمك يا حبيبتي عملة اي
انا: وانت مالك
محمد: طب الحمدلله
والدتي: ربنا يهديك ويكملك بعقلك دا لو فضل عندك عقل يابني والله
محمد بضحك: متخافيش يا خالتو انا فهملها
والدتي: هههه
انا: انت امي ولا امو
والدتي: امو
انا: امال فين امي هتيها انا عيزها لو سمحتي
والدتي: خشي جوا يابت
انا: داخلة.... ااالووو
محمد: يالهوي وداني
انا: جعانة ومش جعانة
محمد بضحك: روحي كلي
انا: مانا مش جعانة
محمد: انتي عيزة مني اي يابنتي هعيط وربنا
انا بضحك: خلاص والله مش عيزة حاجة
محمد: لا بجد انتي حد مصلتك عليا
انا بضحك: وربنا ابدا
محمد: طب ها عقلنا
انا: منك لله يا محمد
محمد: اي تاني
انا: معرفش حسيت ان عيزة أقول كدا
محمد: يابنتي بقى يابنتي بقى مطلعيش الواحد عن شعورو وتخليني اجي اسقفلك ع وشك
انا: عامل اي
محمد: انا زي الفل انتي كويسة
انا: الحمدلله
محمد:الحمدلله
وبعد ساعة ع ذا الوضع
محمد: غوري يابت ع درسك امشي
انا: طيب متقرفناش بقى
محمد: احساس التخرج دا حلو اوي يلا ربنا يكتبو عليكي
انا: ابو استفزازك
محمد بضحك: باي
انا: باي
وانتهت المكالمة
انا: شمتان فيا المهزء
ولبست واخت كتابي ومشيت ع الدرس ورجعت الساعة 6 وقعدت اذاكر وبعد كدا نمت
تاني يوم
صحيت الساعة 8:30 اخت دوش ولبست ومشيت كان عليا اختبار عربي ف الدرس خلصت ورحت درس العلوم وبعد كدا روحت والفون رن
انا: الووو
محمد: الحمدلله وطيت الصوت قبل ماتتكلمي عدت ع خير
انا: اممممم
محمد بضحك: خلاص عملة اي
انا: اهو كويسة
محمد: مالك
انا: كان عليا امتحان عربي انهاردة ف الدرس
محمد: حليتي كويس
انا: اتغشغشنا
محمد بضحك: ايه
انا بضحك: اتغشغشنا من الكتاب
محمد: صلاة العيد
انا: هو العيد جه
محمد: ركزييي هنااا اتغشغشتي من الكتاب
انا بضحك: اه
محمد: و ف امتحان نص السنة هتتغشغشي من الكتاب برضوا
انا: مش هعرف
محمد: طب امال اي بقي يا ايمان ذاكري يا بابا ذاكري ابوس ايدك
انا: مانا بذاكر يا محمد ومبفهمش حاجة
محمد: انا مش مستغرب من دي بصراحة... بس ابوس ايدك تعالي ع نفسك وذاكري
انا بضحك: حاضر
محمد: هتجننيني يا شيخة.. اتغشغشنا من الكتاب
انا: هههه الدرس كلوا اتغشغش من الكتاب جت عليا
محمد: ملكيييش دعــوة بيهم يالهوي الطوم يناس
انا بضحك: خلاص والله خلاص هذاكر حاضر
محمد: جلطيني ياشيخة
انا بضحك: ماخلاص بقى
محمد: عايز اشوفك
انا: كنت لسا عندكم اول امبارح فيييي ايييي
محمد: وحشتيني
انا: حاضر يا أمي جايا اهو...
محمد بضحك: استعبطي بقى هاا
انا بضحك: انت عايز اي دلوقتي
محمد: عايز اشوفك بجد
انا: نهار طين علينا يعني اعمل اي دلوقتي
محمد: حاسس ان عايز اخدك ف حضني مش عارف ليه
انا: وبعديييين
محمد: بتكلم بجد والله
انا: في اي مالك
محمد: شكلي هموت باين
انا: مـحـمـد
محمد بضحك: اي يا لوح تلج مبيحسش...عملة خيفة عليا بقى وكدا
انا: انت شايف كدا
محمد: طب اجي احضنك وامشي ولا اعمل اي طيب
انا: باي يا محمد انا قايمة اذاكر
محمد بضحك: خلاص خلاص
انا: اصل هقلك اي بقيت قليل الادب اوي بجد
محمد بضحك: انا
انا: لا انا يالا
محمد بضحك: هنشوف الموضوع دا لما تيجي
انا: هقفل والله
محمد: خلاص ياستيي
انا: اوعي الروتر تكون جنبك
محمد: عبيط انا عشان اقعد جنبها
انا بضحك: البت دي مش طبيعية بجد
محمد بضحك: بقيت اخاف اقول كلمة قدامها والله
انا: جدع وف ضهري صحبي واقف
محمد: صحابك اي ياشيخة اتنيلي
انا: انت هتغلط ولا اي الاااااصحابي
محمد بضحك: دي مهزئاكي قدامي
انا: ملكش دعوة احنا عندنا الشتيمة دي محبة
محمد: عشان كدا بتشتميني كتير
انا: ازاي مش فهمة
محمد: لا ولا حاجة
انا وبغني: راجل و ف اي مواقف
محمد: ونبي انا متخيل ان انتي لو بتتخانقي صحابك هيعملوا مش عرفينك اسكتي ونبي اسكتي
انا: يالهوي
محمد: اه والله
انا: طلعوا اندال يعني
محمد بضحك: شفتي بقى
انا: لا لا صحابي مش كدا ابدا
محمد: ياشيخة اتنيلي
انا: انت عايز اي يابوتجاز 5 شعلة انت
محمد بضحك: انا قلت حاجة مش دي الحقيقة
انا: بس متقليش ف وشي كدا بعدين انا واثقة فيهم
محمد: لااا قلنا مرة ثقة لااا
انا: خلاص ياعم
محمد: اصلك انتي الي هتدمري ف الآخر صدقيني ف احسنلك متثقيش ف حد
انا: طب عيزة احكيلك عن حاجة
محمد: قولي
انا: موضوع طويل بصراحة خليه لما اجي بس ابقى فكرني عشان بنسى
محمد بضحك: حاضر
انا: مخك دفتر
محمد: يادي الليلة الي مش فايتة
انا: ههههه
محمد بضحك: عليكي ضحكة لو زعلان تضحكني...فضيحة
انا بضحك: بس يالا
محمد: نفسي اجي اديكي قلمين ع وشك
والدتي: انتي الي سيبتي البوتجاز مفتوح
انا: اي دا نسيت
والدتي: يالهوي تولع فينا وتقولي نسيت
انا: في اي ياحجة نسيت يالهويييييي ونبي خلاص هههه
والدتي: ليكي نفس تضحكي كنا هنموت يابنت الهبلة
محمد: ههههه
انا بضحك: ماموتناش اهو
والدتي: لا انا اسفه بجد بجد انا اسفه المرة الجاية هسيبها عشان نموت عشان سيادتك تستريحي
محمد: لا مش قادر ههههه
انا: طب بصي ياستي لو البيت ولع المرة الجايا ليكي عليا اتصلك ب المطافي.. صحيح يا حظابط هيا المطافي رقمهم كام
محمد بضحك: لا هو في سعتها مش هتحتاجو مطافي هتحتاجو إسعاف
انا: واد بتجاز يالا
والدتي: الي يسمعها وهيا بتتكلم يقول انها برا البيت وبرد عليها ب الفون مانتي هتبقى معنا يا آخرة صبري هنولع كلنا متقلقيش
انا: يالهوي في ام كدا عيزة تولعي فيا
والدتي: انا الي هولع فيكي يعني مش انتي الي هتولعي فينا
انا: انا وانا هعمل كدا ليه بس دانا غلبانة صح يا حظابط
محمد: اومال ملاك
والدتي: لا انا طالعة مرارتي مش مستحملة انا مش عيزة اتجلط
طلعت وقفلت الباب
انا: بترمي بلاها اوي
محمد بضحك: اه هيا الي فتحت البوتجاز وقالت انك فتحتيه مش كدا... صبرني يارب
انا: اسكت يالا وبطل تريقة
محمد بضحك: حاضر
انا: نسيت عادي يعني كلنا بننسي
محمد بضحك: مين الي دخلك المطبخ اصلا
انا: كنت بعمل نسكافية والله
محمد بضحك: انتي اخرك كوكتيل وعصير فراولة عصير مانجا كدا وتشربي اللبن وتنامي غير كدا متعمليش حاجة ولا تدخلي المطبخ
انا: لبن مين مش بحبو وبعدين انا مش صغيرة عشان اشرب اللبن وانام
محمد بضحك : انتي فكرة نفسك كبيرة انتي نونو
انا: أخرس يالا انا عندي 15 سنة
محمد بضحك: نونو برضوا
انا: ولما انا نونو بتزعقلي لما باكل مصاصة ليه
محمد: عشان انتي مش صغيرة
انا بضحك: يخربيت الهبل انت ملبوس يالا وربنا
محمد بضحك: مهمة تكبري هتفضلي ف نظري نونو برضوا
انا: ماخلاص يا عمنا مش عشان انت الي مربيني هتنزل الي خلفوني
محمد بضحك: لسانك أطول منك
انا: جملة قديمة اوي وباردة متقلهاش تاني بقى عشان انا طويلة مش قصيرة وطولي مظبوط كمان
محمد بضحك: اممم فاهم فاهم
انا: ههههههه
محمد بضحك:اي دا في اي
انا بضحك: افتكرت حاجة
محمد بضحك: حاجة اي
انا: فاكر امتحان الدرسات بتاع الشهر الي فات الي قلتلك عليه
محمد: ايوا
انا بضحك: كان جاي سؤال ف التاريخ بيقول اعدت الدولة العثمانية حملة بحرية لغزو مصر والشام عن طريق جزيرة.......كتبتها الملايو ههههه
محمد بضحك: يخربيت الهبل الملايو دي جغرافيا
انا بضحك: مانا عرفة طلعت جزيرة رودس... اي دا انت لسا فاكر الملايو دي جغرافيا ولا تاريخ من تالتة وانت متخرج يامحمد
محمد: يالهوي في اي يابنتي
انا بضحك: متخافش مش بحسدك خالص
محمد بضحك: لا خالص
انا: لا بجد انت فاكر من تالتة دانا بذاكر المعلومة من هنا انام اقوم انسها
محمد: كفاية ابوس ايدك انا دماغي اتمسحت خلاص
انا: هههه
وبعد ساعة كلام
محمد: يلا بقى اسيبك تذاكري
انا: عليا انجليزي ودراسات اووف
محمد بضحك وتريقة عليا: اووف
انا: متتريقش
محمد بضحك: سوري يا اميرتي الصغيره
انا: باي يامحمد باي انت بارد
محمد بضحك: باي
وانتهت المكالمة
قعدت اذاكر وكنت مدايقة لان مش فهمة حاجة ف الجغرافيا عشان مش بحبها كنت بحبها ف تانيه اوي بس لما دخلت تالتة كرهتها وحبيت التاريخ قعدت اذاكر لحد الساعة 1 وبعد كدا مقدرتش افكر وكنت هموت وانام قمت نمت
*تاني يوم*
صحيت الساعة 7:30اخدت دوش ولبست واخت كتبي ومشيت...وبعد يوم كلوا فرهضة روحت فطرت وقعدت اذاكر لقيتو مرنش استغربت قلت ارن انا رنيت من تليفون ماما عشان مكنش معيا رصيد
محمد: الو يا خالتو
انا: خالتو!!
محمد بضحك: فكرتك خالتي عشان رقمها
انا:اممم مرنتش عليا ليه يا بيه
محمد بضحك: اسف يا هانم كنت مشغول شوية وكنت هرن عليكي ع طول
انا: والشغل دا اهم مني يابيه
محمد بضحك: لا طبعاً يا هانم هو انا اقدر اقول كدا
انا: عليك تثبيت يالا يخربيتك
محمد بضحك: اتثبتي يعني
انا: شوية
محمد: شوية
انا: فاضي والا هتقرفنا
محمد بضحك: يابنتي احترميني شوية مش كدا
انا: حاضر بقى متقرفنيش
محمد بضحك: مطيعة اوي مشاء الله
انا: طبعاً يابني هو انا ليا كام حظابط يعني
محمد بضحك: ودا اسمو اي مش تثبيت برضوا
انا: اهو بنتعلم منك
محمد: هههه
انا: كوتي كوتي جود كير
محمد: مالك
انا: بدل النونو اثنين...
محمد بمقاطعة: يارب...ياستي انا راضي ب واحد وانتي الثانية مش اشكال
انا: مش فهمة قصدك اي
محمد: لا ولا حاجة
انا: لا بقي مش كل ماقلك ع حاجة تقول ولا حاجة فهمني
محمد بضحك: متخديش ف بالك مقلتش حاجة
انا: اوووف براحتك مش عيزة اعرف حاجة
وقعدنا نتكلم من الساعة 10 لحد الساعة 4
انا: بص عليا درس دلوقتي لما اجي ابقى اكلمك تمام
محمد: تمام باي
وانتهت المكالمة
لبست واخت الكتاب ومشيت ع الدرس ورجعت الساعة 6 قعدت اذاكر شوية ولقيتو رن
محمد بضحك: شفتي رنيت ازاي مطيع انا مش كدا
انا بضحك: اه جداً... ربنا يخليك لمصر والشعب المصري يارب
محمد: هههههه
انا: وحدا صحبتي ابن عمها تقريباً.. طفل لسا عندو 5 سنين وقع من الدور الرابع صعبان عليا اوي
محمد: الدور الرابع وعمرو 5 سنين... ازاي يسيبو طفل عمرو 5 سنين يطلع ع السطح دا اي الاستهتار
انا: صعب عليا أوي لسا طفل اكيد.. كانو بيلعبوا
محمد: في أطفال بتلعب ع السطح
انا: اه كتير
محمد: دا استهتار بصراحة الي اعرفوا ان الأطفال بتتعامل معاملة خاصة وفي عنايه ليهم
انا: باباه ومامتو بيشتغلوا
محمد: وامو بتشتغل ليه ازا كان أبو بيشتغل مينفعش
انا: يا محمد محدش عارف الناس بتمر ب اي اكيد ظروفهم صعبة
محمد: طب ازااااي يسيبو طفل لوحدو مفيش حد معاه
انا: سيبينو ف بيت العيلة
محمد: ومهتموش بيه ليه
انا: اكيد كانو مشغولين وبعدين محدش يقدر يحبسهم دول أطفال وليهم حرية برضوا وبعدين انا مالي يامحمد مكنتش كلمة ياحبيبي
محمد: اتعصبت بصراحة
انا بضحك: هو موضوع يعصب بس انا مالي
محمد: ربنا يرحمو
انا: ربنا يرحمو... بعتتلي صورة البيت والمكان الي وقع منو كنت هعيط بجد ومنظر الدم رعبني ومش قدرة اتحرك.
محمد: تعرفي ان دي جريمة
انا: جريمة اي الولد وقع لوحدو
محمد: عارف بس استهتار الام والاب عن ابنهم وانهم يسيبوه من غير حد والي عليه دي لوحدها جريمة
انا: محمد اسكت ملناش دعوة متعملش حاجة متخلينيش اندم اني قلتلك حاجة بجد
محمد: يابنتي خلاص في اي
انا: منظر الدم موقع قلبي
محمد: طب اهدي متحطيش ف بالك انسى الموضوع
انا: ماشي
محمد: هم منين الناس دي
انا: منين بتقولي انسى ومنين بتفكرني.. وبعدين عايز مكانهم ليه محمد متخلينيش اندم ان قلتلك حاجة بجد انا غلطانة معدتش تحصل واقلك ع حاجة تاني
محمد: يابنتي بسأل عادي
انا: لو عملت حاجة يا محمد انسى ان اكلمك تاني بجد
محمد: خلاص يا ايمان معملتش حاجه
انا: اووف مدايقة اوي
محمد: ليه
انا: من جه بقول ان يا بختوا اتوفى وهو لسا مشفش معاصي الدنيا طفل بريئ لسا ميعرفش اب من رب ومن جه بقول انو لسا موعيش ع حاجة معاش عمرو اوووف ربنا يرحمو ف الجنة انشاء الله
محمد: اول مرة تتكلمي كدا
انا: متأثرة بجد
محمد بضحك: بنوتي كبرت ياناس وبقت بتقول كلام ناس كبار
انا: بس بقى
محمد بضحك: نفسي اشوفك وانتي طماطم كدا
انا: اووف بقى وبعدين
محمد بضحك: خلاص خلاص
انا: فلسطين اتحررت
محمد: اممم
انا: بيقوا علامة من علامات الساعة
محمد: اي إلى دخل دا ف دا محدش يقدر يعرف يوم القيامة امتى ولا حد ينفع يربط دا ب دا ومحدش يعرف كام مرة هتتحرر فلسطين قبل قيام الساعة. علامات الساعة متعنيش ان القدس مش هتتحرر لحد يوم القيامة ما يمكن تتحر وترجع تحتل تاني ومش فلسطين ب بالذات الموضوع عام وشامل ف فلسطين وغيرها
انا: اممم اعدمك لو فهمت حاجة
محمد بضحك: هفهمك لما تيجي اصلك محتاجة قلم وسبورة يا روحي
انا: مش ع كدا كلام كبير عليا أوي بصراحة
محمد: ههههه
انا: اصلهم ف الدرس كانو بيقولوا كدا
محمد: لا متربطيش دا ب دا.. دا حاجة ودي تانية.. وقيام الساعة دي ب ايد ربنا محدش عالم هتقوم القيامة امتى
انا: فهمت
محمد بضحك: أحلفي
انا: يالهوي يا محمد هتعمل زيهم برضوا
محمد بضحك: مين زيهم
انا:رحمة لسا قيلالي نفس الكلمة ف الدرس برضو يا جماعة والله غصب عني انا بفهم حجات بس انتو بتتكلمو ب الالغاز
محمد بضحك: معلش حقك عليا
انا: الجو امبارح كان بيمطر
محمد: اه... كان نفسي تبقى معيا كنت محتاج حد يدفيني
انا: هو انا بطانية يا عمنا
محمد: شفتي بقى بتنرفزيني ازاي مشاء الله ع الاستوعاب فظيع ذكية جدا
انا: هو انت بتتريق
محمد: اناااا عمري هو انا اقدر
انا:اه بحسب
محمد: بقلك اي رايك ف الموضوع الي اتكلمنا في امبارح دا
انا: موضوع اي دا
محمد: تلبسي الخمار وتلبسيي لبس طويل وتبطلي لبس بناطيل بقى
انا: لا يا محمد اجبرتني البس الحجاب مقلتش حاجة سبني ب حريتي ف دي
محمد: اكيد كلة بحريتك مش هجبرك ع حاجة طبعاً بس صدقيني هتبقى احلى بيه انا عايز مصلحتك
انا: لما ابقى جاهزة وع قناعة هلبسو يا محمد
محمد: طب اي رايك نخلي الخمار بعدين وتلبسيي لبس طويل
انا: ماشي هفكر ف دي
محمد: بس ياريت تختاري اختيار صح
انا: انشاء الله
محمد: صدقيني عايز مصلحتك انا مش هضرك
انا: عرفة
محمد: طب انتي زعلتي ولا اي
انا: لا مزعلتش
محمد: اسف لو زعلتك
انا: لا مزعلتش والله انا اصلا كنت بفكر ان البس لبس أطول من كدا ف
محمد: بجد يا ايمان
انا: اه بجد
محمد: صدقيني دا احلي خبر سمعتو انهارده
انا بضحك: بقينا محنو مش واخد بالك
محمد بضحك: واخد بالي
انا/ محمد: ههههه
والدتي: بقى انا يا جزمة شهر اتحايل عليكي تلبسي لبس طويل وهو من مكالمة اقنعك
انا: عندو قناعة الواد دا رهيب وربنا بينيمني تنويم مغناطيسي.. شغل مباحس بقى
محمد: هههههه
والدتي بضحك: البت دي مكنش ليها كتالوج بس انت بقيت عارف الكتالوج خلاص
محمد بضحك: عيب عليكي انا مش شوية
انا: مش هسألكم قصدكو اي عشان عرفة الإجابة
انا/ والدتي/ محمد: ولا حاجة... هههههه *و..... يتبع🖇️*
بدل ماتدور وتبحث علي الروايات خليها علي تليفونك وحمل تطبيقنا
