رواية ليتك لي الفصل العشرون والاخير بقلم هدير محمد
صحيت و يادوب بتتململ في نومتها سمعت حركة جاية من المطبخ نطت من الكنبة مرعوبة ،
شافت ناحية الباب : الحمد لله المفتاح موجود !!
كانت هتجري على برة زي ما هي بس اتسمرت لما لقته طالع من المطبخ بكل هدوء
- يوووووسف !!!!
حط الصينية على التربيزة و ابتسم لها ابتسامته الساحرة
- الحمد لله على سلامتك يا رنون
من غير اي مقدمات جريت عليه و دخلت جوة حضنه و هي بتشد عليه جاااامد !
استغرب من رد فعلها و ماكانش متوقعه لدرجة أنه فضل رافع ايديه في الهوا مدة ..بعدين لما لقاها ماسكة فيه اوي و بتترعش بادلها الحضن : اهدي ...اهدي يا رنون انتي في أمان
طلعت من حضنه و هي لسة على صدمتها و ترجف
- بس ....ازاااي ...؟؟ مين اللي خطفوني يا يوسف !!! طب مين اللي انقذني ؟ اااه الكبير ! مين الكبير ده ...اوعه يكون ....!! لاااا... لا مش انت ...صح؟؟ قل لي انك ما رجعتش السكة دي تاني !! لااااا يا يوسف ارجووووك !!
- خلصتي ولا لسة؟.قلتلك اهدي و انا افهمك كل حاجة ف وقتها
- لا مش هأهدى ..مش قبل ما تفهمني ايه اللي بيحصل ؟؟؟ مين دول و كانوا عايزين مني ايه ؟؟؟ و ايه علاقتك انت بالموضوع؟؟ دول كانوا عايزين يغت....
قاطعها و هو بيحط ايده على بوقها
- لا سمح الله .. خلاص اقعدي و انا هأفهمك كل حاجة
في الوقت اللي كانت هي في منتهى العصبية و الصدمة كان هو في منتهى الهدوء و الجدية و باين عليه الرسمية على عكس طبيعته المرحة .. كان هادي بشكل مريب اوي
و ده واحد من الاسباب اللي عصبتها اكثر
- مش عايزة اقعد يا يووووسف ... عايزة اعرف انا هنا فين و اتخطفت ليه ؟
-انتي في بور سعيد، و اللي خطفك يبقى حمايا السابق ..
- طب ليه؟؟؟
مسك إزازة مية فتحها و اداهالها تشرب عشان تهدى
بعدين وقف جنب الشباك و قالها و هو بيبص برة
- تقدري تقولي ثار قديم ...كان عايز ينتقم مني بأي طريقة
بس الحمد لله انتي في أمان هنا ...مش هيقدر يوصلك تاني
- طب و انا مالي بكل ده ؟؟
- لإني بحبك
- انا ... انا مش فاهمة حاجة !
اتنهد بعمق و بعدين مسك ايديها و قعدوا سوا قصاد بعض و هو بيبص جوة عينيها بحزن
- بصي يا رنا . . انا صحيح رجعت عن الطريق اللي كنت فيه
بس الرجوع ده كان ليه ثمن غالي اوي
رنا بخوف - ثمن ايه ده ؟؟؟
- انا بقى عندي أعداء كثير اوي ...كلهم مستنيين أول فرصة عشان ينتقموا مني ...و اللي حصل لك ده ممكن يتكرر تاني و ثالث و عاشر .... وان مكانش حماي هيبقى واحد تاني ...يعني طول ما انتي معاي هتفضلي في خطر على طول
- قصدك ايه يا يوسف؟
يوسف بهدوء - قصدي ان انتي كان معاكي حق يا رنا ...احنا مش ممكن نكون لبعض و طرقنا لا يمكن تلتقي .. كان نفسي تكوني ليا ...اتمنيتك طول عمري ...
شال ايده من ايديها و لف وشه الناحية التانية و هو بيقول
- بس جبننا احنا الإثنين هو السبب في اننا ما كناش لبعض ...لو كانت عندنا ذرة شجاعة و جرأة وقتها كانت كل حاجة اتغيرت ...بس اهو نصيبنا بقى
ساكتة بشكل مريب مش عارفة مصدومة ولا زعلانة ولا مبسوطة لأنه بطل يلاحقها ...طب هي اللي رفضته و هي اللي طلبت منه يبعد الأول زعلانة دلوقت ليه ؟؟ قلبها موجوع من كلامه ليه ؟؟
كمل هو بنفس البرود اللي بيموتها ده
- عارفة يا رنا ....انا كل ما أحط دماغي عالمخدة افتكر اليوم اللي امك الله يرحمها طلبت مني اقعد اتغدى معاكم يومها و أصرت عليا كثير و انا رفضت .....و كل ليلة اقعد اشتم في نفسي لحد ما أنام و أقول انا يوميها لو مكنتش جبان و غبي و حما"ر كمان و كنت وافقت عالعزومة كان زمان ابننا داخل الحضانة دلوقت ..
بس اهو اللي حصل بقى ...نصيبنا و قدرنا المحتوم
و مادام ربنا مش عايزنا نكون لبعض يبقى مش هافضل احر'ق في دمي عشان احقق حلم مستحيل ...يمكن كدة احسن للكل
انتي هتبقي بأمان طول ما انتي بعيدة عني .
قام بهدوء و هو طالع وقفت و صرخت بقوة
- استنى هنا رايح فين ؟؟؟ و تقصد ايه بالكلام ده ؟؟
يوسف ببرود
- اللي خطفك هيدور عليكي و هيلاقيكي ...عشان كدة افضل مكان آمن ليكي دلوقت هو الشاليه ده ..انا مش حابسك على فكرة...بس بلاش دماغ ناشفة و حركات غبية ...انتي هتقعدي هنا اسبوع على ما تهدى الامور ...عندك جوة كل حاجة انتي محتاجاها و الثلاجة مليانة اكل .
- و انت .... هتبقى فين ؟؟
قالها من غير ما يلف لها - في الشاليه اللي جنبك
طلع و شد الباب وراه و هو بيقولها : اقفلي على نفسك الباب من جوة .
طلع و ساب لها آلاف التساؤلات في دماغها
- يعني ايه ؟؟ دي النهاية ما بينهم خلاص !!!
فضلت تلف في الشاليه و هي بتعيد في كل كلمة قالها و دماغها هتنفجر ...كل ما تفكر تطلع تفتكر كلامه و تفتكر اللي خطفوها ترجع تقفل على نفسها تاني في الاخر استسلمت و دخلت اوضتها اتمددت و نامت
كان مراقبها من اللابتوب و شايف حيرتها و حزنها .. بس مش ف ايده يعمل حاجة
غمض عينيه بضيق : صدقيني كدة احسن لنا احنا الإثنين
ثاني يوم
- هااا ....كل حاجة جاهزة زي ما خططنالها ياحسام ؟؟
- ايوة يا كبير
- طب احنا هنتحرك بعد نص ساعة بلغ الرجالة
- حاضر
دخل الاوضة
- خسارة يا سرسر ضيافتك انتهت للأسف ... انتي هترجعي عند پاپي ...اتفضل يا دكتور ...
كانت بتتحرك و بتهتز بشدة عشان ما يقربش منها
- جرى ايه يا سرسر هي شكة إبرة بس ما تكونيش جبانة انتي مش عيلة صغيرة عشان تخافي من حقنة !!
بعد نص ساعة
كان بيتكلم في التلفون مع حد بعدين قفل السكة و هو بيبتسم و بص لحسام
-كدة كله تمام ...يالا يا حسام روح خدرها و طلعها عالعربية مش عايزين دوشة كثير ..زي ما فهمتك ! لو حد شافكم ...
ابتسم حسام بمقاطعة - دي مراتي و اول مرة بتشرب 😁
- يالا مش عايزين نتأخر عالجماعة بقى
راح حسام و طلع يوسف تلفونه تاني فتح التطبيق بتاع الكامرا
شافها بتبص عليه من الشباك ... التفت ناحية الشاليه بتاعها قفلته بسرعة و نزلت الستاير
ابتسم بهدوء و هو بيقفل تلفونه :
- هانت يا رنا ...هترتاحي من كل ده و تعيشي حياة طبيعية أوعدك
بعد ساعتين
- الو .. مين ؟
- اهلا يا باشا .
- هو انت كل شوية بخط جديد !؟😏
- لزوم الإحتياط .... منور و الله يا حماي بس كأن الطقم مش طالع مع لون الكرفتة ؟! بصراحة ذوقها وحش اوي
بص ياسر حواليه في كل الاتجاهات يدور عليه ما لقاش حاجة
رد بعصبية
- ادينا بقينا في المكان هااا ....بنتي فين يا يوسف؟؟
- و مستعجل على ايه يا باشا ؟؟ ده حتى السهرة في أولها يعني🙄
- خلصني بنتي فين ؟؟؟
- الفلوس فين ؟!
- مش قبل ما أشوف بنتي .
- حاضر يا ياسر ...بس اوعة حد منكم يتحرك لأنسف دماغه
مسك تلفون تاني و أتصل بحد : شهاب طلع الامانة
كان فيه عربية مركونة في نفس الطريق اللي كان ياسر راكن فيه عربيته هو و 3 من رجالته بعربية تانية ..
أول ما يوسف عمل التلفون شال شهاب العصابة عن عينين إسراء المتربطة من ايديها و على بوقها لاصق و طلع من العربية و سحبها معاه و هو حاطط سگ'ينة في جنبها
أول ما شافت أبوها من بعيد كانت هتجري عليه همس لها شهاب : حركة وحدة و تكون السگينة في قلبك يا صغننة
اتسمرت مكانها برعب .. و فجأة رجع شهاب للعربية و دخلها معاه بالقوة وسط مقاومتها ليه
ياسر بغضب :قلتلك امانتك عندي ابعثلي بنتي يا يوسف !! 😡
- من عينيا ...بس الاول خلي رجالتك الاغبياء يبعدوا عن الطريق احسن ما تقعد تلملم في اشلا'ئهم للصبح
بص لرجالته و رجع رد في التلفون بحزم - رجالتي هيفضلوا معاي لحد ما نخلص تسليم ، انا ما اقدرش اضمن سفا'لتك
- بصراحة ولا انا ...و أنا مش بأتكلم عن الثلاثة دول ..انا اقصد رجالتك اللي انت ناشرهم على طول الطريق ...خليهم يخفوا من وش رجالتي احسن لك...و الا هتحصل حاجة وحشة اوي
ياسر بتوتر - رجالة مين انا جاي مع دول بس !
يوسف بتريقة: يا رااااجل ... معقولة ياسر باشا يمشي بثلاثة رجالة ؟؟ عموما انا حذرتك قبل كدة و انت حر .. مادمت انا اللي مختار المكان يبقى أكيد عامل حسابي و دارس المنطقة بالميلي ....رجالتك متحاصرين كلهم عشان كدة خليهم ينسحبوا من سكات انت مش قد الجيش بتاعي اللي محاصر المكان
ضحك ياسر بشدة : جيش ؟؟ و انت عندك جيش بأمارة ايه و انت كحيان و معدم و مش لاقي تاكل حتى !! من كل عقلك عايزني اصدق الكلام العبيط ده ؟؟
- لا من الناحية دي اتطمن يا حوت ....انا صحيح اعدائي كثير ..بس حبايبي اكثر .. و مخلصين ليا اكثر مما تتخيل . يبقى من مصلحتك انك تصدق .
- و هتدفعلهم منين يا ابو الحبايب المخلصين ؟
- انت ناسي انك ادتني قبل كدة 300 مليون ؟؟🙄😂
طب تصدق بالله ؟؟؟ انا ما اخذتش منه دولار واحد ..كلها اتقسمت على رجالتي حبايبي .. شفت بقى ليه لما احتاجلهم بألاقيهم جاهزين و تحت امري في أي وقت 🥰 ؟؟ و بعدين هنحتار ليه في الدفع و حمايا العزيز موجود و فلوسه في صندوق العربية
اغتاظ ياسر بينما ابتسم يوسف بإستفزاز
- اعمل اتصالك يالا
بص ياسر لواحد من رجالته و اومأ له بدماغه ..
أتصل الراجل و قفل و هو بيقوله : تم يا باشا. .هينسحبوا
- هااا سمعت يا يوسف ؟؟ يالا خلصني
أتصل يوسف بشخص من تلفونه التاني : أكدلي المعلومة يا شاكر
- بينسحبوا يا كبير
- تمام
قفل و أتصل على شهاب تاني اللي طلع اسراء و ركب العربية تاني و بعد عن المكان اللي هوما فيه .
جريت عند ابوها بلهفة و خوف و هي بتتعثر
اول ما وصلت شال اللاصق من على بوقها فصرخت برعب
: بااااااباااااا أنا خايفة اوووي يا بابا ده وحش مش ممكن يكون بني آدم !!
- إهدي .... أهدي يا قلبي خلاص انتي معاي ...محدش هيقدر يعملك حاجة
قال كدة و هو بيشيل رباط ايديها و بيحضنها بخوف
تأفف يوسف و قال بتذمر: ما خلاص بقى مش كفاية سلامات و ندخل في الشغل بقى ؟؟😏
كان ياسر بيتحسس وشها و جسمها بخوف
- هوما عملوا فيكي ايه ولاد ال... ؟؟
يوسف بزهق- ما تخافش يا ياسر انا رجالتي مش و'اطيين زي اللي انت مشغلهم ... محدش قربلها
و همس بصوت وا'طي: وبعدين هيقربوا منها على ايه بس 😏
المهم .. خلاص اديك اتطمنت على بنتك .. فين امانتي بقى ؟
ياسر - الفلوس كلها في صندوق العربية ..ابعث حد ياخذهم
- احنا اتفقنا ان الفلوس هتكون في شنط صح ؟؟
- ايوة .. زي ما اتفقنا الشنط جوة الصندوق
- لا ماهو الاتفاق اتغير .. انت هتلاقي قدامك صفيحة ز'بالة
افتحها و هتلاقي جواها أكياس سودة هتاخذها بنفسك و تديها لرجالتك و تخليهم ينقلوا كل المبلغ جوة الاكياس دي ...10مليون في كل كيس اتفقنا؟؟
ياسر بتردد- و ليه الغلبة دي ؟؟ ماهي في شنطها خذها زي ما هي ! 😥
- يا عم مزاجي كدة انت مالك؟ أنا عايزها في اكياس بلاستيك و خلي شنطك معاك أكيد غالية اوي ...خصوصا مع أجهزة التعقب اللي فيها ...تلاقي الشنطة الوحدة فيهم تساويلها اكثر من 3 آلاف جنيه
ياسر بصدمة : اجهزة ايه ؟؟ 😓
- اسكت!! مش العصفورة قالتلي انك حاطط اجهزة تتبع في الشنط ؟؟ 🤨 😏 شفت ليه يا راجل يا جلدة ليه الواحد مننا لازم يكون كريم مع رجالته و ما يحرمهمش من حاجة ؟ عشان يضمن ولائهم و ان مش أي حد يجي يوعدهم بمبلغ كبير يبيعوه اوام..
جز ياسر على أسنانه بغيظ و هو شايف كل خططه بتفشل ..
- ها يا ياسر باشا خلصت تحسر ولا لسة ؟؟ نفذ يالا احنا ما عندناش الليل بطوله
- طيب طيب ...شاور لواحد من الرجالة
- لااااااا.... انت اللي هتجيبها يا ياسر بيه .
بقلمي آلاء إسماعيل البشري
أدخل ياسر إسراء للعربية و راح شال الأكياس و اداها لواحد من الرجالة قسموا ما بينهم الاكياس و نقلوا كل المبلغ جواها .
ياسر - ها هتاخذها ازاي دلوقت ؟
- بص انتو هتحطوها جوة صفيحة الزبا'لة و هتستنى مكانك لحد ما اديك الاشارة
- و استنى ليه مش فلوسك و اخذتها ؟؟
- لا يا حوت .. انا لازم اتأكد ان الفلوس مش متزورة ولا عقد الفيلا ..بصراحة انت ما تتأمنش .
بص ياسر لساعته و بص للرجالة اللي معاه
يوسف : مستني حد ولا ايه يا ياسر ؟؟ 🤨 عموما انت هتقعد تشرفني شوية كدة و انا هأبعث واحد من رجالتي ياخذ الأكياس ..بس اعمل حسابك و وصي البهايم اللي مشغلهم لو حد لمس شعرة واحدة بس منه هتموتو كلكم انا حذرتك اهو
عدى من قدامهم راجل مغطي وشه و لابس لبس عمال نظافة و اجوانتي و اخذ الصفيحة و جرها لحد ما بعد عن المكان و هوما بيبصوا لبعض بريبة و توجس
- هنجي لأهم فقرة في السهرة بقى ... على ما رجالتي يحسبوا المبلغ هاقولك خبرين كل واحد احلى من التاني 😁
.بقى يا سيدي اول خبر أنا حقنت سرسورتك الغالية برويوتات مجهرية ..اسمها تكنولوجيا النانو تقدر تقول قنابل مجهرية لو ما لحقتهاش بالمضاد بتاعها يا عيني بعد ساعة من دلوقت جسمها هيتن'سف و المكان كله هيبقى د'م
- انت بتقول ايه ؟؟ انت كذاااب ...ده أكيد ملعوب منك 😤
- الله ؟؟ و أكذب ليه طيب...حتى اسألها ! قولها مش فيه واحد دكتور جيه و حقنك في رقبتك؟؟ اهو انا معايا الروموت و فعلتها لحظة ما اتصلت عليك .
بقلمي آلاء إسماعيل البشري
- روبوتات ايه و هباب ايه انت ايه اللي انت بتخرفه ده؟؟
- طب و الله و ما ليك عليا يمين الحقنة دي لوحدها مكلفاني عشر الاف دولار .. اومال انت فاكر ايه ؟؟ العالم الألماني اللي اشتريتها من عنده رفض يتسامح في دولار واحد تخيل؟ بس الصراحة الواد يستاهل مجنون صحيح بس عبقري😂
بص ياسر برعب لبنته
- الكلام ده صحيح؟؟
اسراء بخوف : مش عارفة .. هو فيه واحد حقنني في رقبتي مش عارفة ب ايه
- طب اسألها ان كانت حاسة بحرقان في حلقها و حرارة زيادة
و طراطيف صوابعها بتنمل ؟ بصلها جاوبته برعب و دهشة : صح !!!
انتفض ياسر بغضب و هو بيتوعد يوسف
- انت حفرت قبرك للمرة التالتة يا يوسف .. المرة دي مش هيكفيني فيك مو'تك... انا هأقطعك ب ايديا و ارميك للكلاب بتوعي..انا ....
- حيلك حيلك !! كل ده عشان حتة حقنة صغننة !!! يا راجل ده انت طلعت اجبن من بنتك !! اومال لو عرفت المفاجأة التانية ؟؟
ياسر بصوت متقطع و مخنوق : مفا...جأة اي ا....ايه ؟؟؟
- مش الأكياس اللي انت شلتها دي كانت مرشوشة بسم ضفدع امازوني ؟؟! يعني انت و رجالتك دلوقت متسممين و محتاجين مضاد سم في ظرف ساعة كمان ...و الا هنترحم عليكم كلكم !
- ان ...ان...ت ...
- ما تتعبش نفسك أكيد السم ابتدا يعمل مفعول أصل عدى ربع ساعة ... اديني سرسر اكلمها
إسراء - انت عايز مننا ايه ؟؟
- ابوكي و رجالته بعد شوية هيتشلوا مش هأعرف اتكلم معاه يبقى تمسكي التلفون و تبلغي الدعم اللي ابوكي جايبهولنا ده ينسحب هو كمان و محدش يتبعنا لحد ما الفلوس تطلع من الاسماعيلية خالص و الا بحياتكم ما هتعرفو توصلوا للانتيدوت بتاعكم انتو الخمسة ...قلتي ايه !؟! 😁
يتبع بقلمي آلاء إسماعيل البشري
هقولكم اتأخرت ليه في النشر ...لإن الرواية الاصلية بتاعة هدير محمد و لم تكتمل ...و لما كملتها انا لقيتها بتتنشر في كل المدونات و خاصة موقعها الالكتروني بإسمها هي ... إتضايقت اوي و مكنتش عايزة احط النهاية بس ما هانش عليا متابعيني اللي مستنيين نهايتها من مدة طويلة
عشان كدة انا قررت انشرها بس دي هتبقى آخر مرة اكمل رواية حد تاني لانهم بيتنسبوا في الاخر لصاحب الرواية اللي سابها متعلقة و ما هموش متابعينه و لا التزامه معاهم ككاتب ..و لا سأل فيهم ....و بيضيع حقي و تعبي في تكملتها .
إسراء - انت أكيد بتهزر؟؟!
- و حق عشرتنا العكرة ما بأهزر يا سرسر... ابوكي مستخسر فيا 100 مليون و عاملي حصار عايز ياخذهم مع أنه اتنازل عن 300 مليون اول مرة و اخذ الموضوع بشكل كول خالص
ف طبيعي اخذ احتياطاتي عشان نطلع من هنا بالفلوس دي مع اني مش واخذ منها حاجة لنفسي .. اديكي شايفة كل المصاريف اللي انا مضطر اصرفها عشانك انتي و ابوكي ..بس يالا هانت .. هأخلص منكم قريب .
اسراء بخوف- عايز ايه يا يوسف ؟؟
-محدش هيتحرك منكم لحد ما اضمن ان الفلوس وصلت لمكان آمن ... عموما متأكد ان ابوكي و رجالته مش هيقدروا يتحركو
بصت لابوها و اللي معاه الواقعين عالأرض بعد ما اشتغل مفعول السم فيهم و مبقاش فيهم حد قادر يحرك حاجة الا عينيه
- يالا سلام يا سرسر
اسراء و هي بتترعش- رايح فين قل لي الانتي دوت فين؟؟!
- قبل نص ساعة ما تعدي هأتصل تاني و اقولك عالجديد
أتصل بحسام : انسحبوا بسرعة و خذ الفلوس ..هنتقابل زي ما اتفقنا في بيت مجدي.
بعد نص ساعة تقريبا
- ها اخبارك ايه يا حلوة 🥰
اسراء برعب : ارجوووووك يا يووووسف خذ كل اللي انت عايزه بابا بيموووت. .....ارجوووك فين المضاد ..
- ما تجمدي اومال يا سرسر...مش كدة ! يعني نسيتي نفسك و بتفكري في ابوكي !؟
- الوقت بيضيع مننا يا يوسف .. بابا مش قاااادر يتنفس و وشه اتحول للون الازرق .. ارجووووك انا عملت كل اللي قلت عليه !
- تمام تمام .... امشي على طول الطريق ده و احسبي لحد ما توصلي لسابع شجرة لفي على يمينها .....ايوة كدة ☺️
امشي قدام لحد ما تلاقي كرتونة
- لقيتها
- حلو افتحيها هتلاقي كيس احمر فيه الحقنة بتاعتك و الكيس الاصفر فيه حقنة ابوكي و رجالته بس اجري لانك ممكن اوي ما تلحقيهمش
قفلت الخط و خذت الكيس و راحت تجري ادت الحقنة لابوها الاول بعدين لرجالته
بعد خمس دقايق بدأ لونهم يرجع للطبيعي مسك ابوها الحقنة بتعب و اداهالها و قاموا كلهم عالعربية و هو بيتوعد ليوسف
بعد اسبوع
مر الاسبوع و هي مستنية
لا قادرة تطلع من الشاليه و تروح له و لا هو بيجي عندها مع انها لمحته مرتين أو ثلاثة داخل او طالع من الشاليه اللي جنبها
عارفة أنه قريب منها و على بعد امتار منها ...و مع كدة حاسة انهم بعاد عن بعض بعد السماء عن الأرض
مشتاقاله بجنون بس كرامتها ما تسمحش انها تروح له بعد الكلام اللي قاله آخر مرة
مش عارفة ليه سمعت كلامه اصلا و قعدت اسبوع بحاله!
يمكن لانها ما لهاش مكان تروح عليه ! او يمكن عشان هي ما بقتش تثق في حد غيره رغم كل اللي حصل
هتروح الشقة اللي اتخطفت منها اصلا !! هيلاقوها تاني أكيد
تدور على مكان تاني للإيجار ؟ طب ازاي هتدفع و هي كل حاجاتها و الكريديت كارت في شقتها القديمة ؟
- اااه نسيت ؟؟ صاحب الشقة اصلا بيكون بيدور عليا لاني اتاخرت عن دفع ابجار الشهر ده ! طب ادفعله ازاي و انا مش قادرة ارجع هناك ؟اوووف يا يووووسف !! ايه اللي انت عملته ف حياتي ده !! 😰😫
كان طول الوقت ماسك تلفونه و بيراقبها و هو بيتحسر على نفسه
: معقولة حبيبتي على بعد مترين مني و مع كدة مش هأقدر اخذها في حضني ! مش قادر استمتع برقتها و حبها اللي واضح في عينيها مش بتقدر تخفيه مهما حاولت تتصنع العناد و الشدة !
شايف حيرتها و ضياعها و مش قادر ينقذها منهم ..يمكن معندوش طاقة يواجهها تاني ... عارف انه اتسبب لها بحزن كثير و خوف اكثر
عقله : وجودي في حياتها ما سببلهاش غير الوجع ... لازم تتوجع شوية من بعدي , بعدين هتنساني و تعيش مرتاحة
قلبه : تفتكر كدة... طب و انت يا يوسف ؟؟ تقدر تنساها ؟؟
عقله: طبعا لا ..
قلبه :اومال بتضحي بالشكل الغبي ده ليه ؟
عقله- لاني مش عايز اخذلها تاني .. رنا ما تستاهلش مني كل ده ... أنا وقعت في مستنقع قذا"رة يبقى انا لوحدي هأتحمل نتيجة اخطائي. و انا اللي هأدفع الثمن...ليه تدفعه هي ؟؟ ذنبها ايه عشان تتدنس بالوحل اللي انا كنت السبب فيه ؟
سمع حد بيخبط على باب الشاليه ، بص في الساعة بتاعته و فتح
- في معادك بالضبط يا حسام
- احنا اتربينا على ايديك يا كبير و بالذات في حكاية المواعيد
- مش بتخيب ظني فيك أبدا ...
- على سيرة المواعيد ... معاد فرحي قرب يا كبير و هيشرفني تحضره
- مش متأكد اني هكون موجود بس هديتك أكيد هتوصلك
- هديتي وصلت اصلا و الا هأعمل الفرح ازاي ؟ 🙄😂
حضنه يوسف جامد و ربت على كتافه
- انا فرحي هينور بوجودك انت يا كبيرنا
- حبيب قلبي يا حسام ألف مبروك و ربنا يتمم لك بخير ...
ها الامانة بتاعتي فين ؟
- اهي يا كبير .... ناوله كيس فيه ظرف كبير مختوم و ظرف تاني أصغر
- تمام ...شكرا على كل حاجة يا حسام .
- خلي بالك من نفسك يا أعظم دماغ
طلع حسام و قفل الباب وراه
ضحك يوسف و قال لنفسه بسخرية ممزوجة بحسرة : أعظم دماغ و مدوخ العالم كله و مع كدة مضيع حبيبتي من بين ايديا و مش عارف اوصلها و هي جنبي 😣😒
بعد حيرة كبيرة و ضياع و تفكير عميق طول الأسبوع
خلاص اخذت قرارها انها تمشي من هنا
مفيش اي داعي لبقائها ....يوسف مش عايزها ، و الأسبوع خلص ..يبقى هتطلع تدور لها على أي شقة ايجار و شغل هنا في بور سعيد يمكن ربنا يسهلها معاها المهم انها تفضل بعيدة عن مصر في الفترة دي
مسكت شنطة صغيرة و اخذت شوية حاجات من اللي لقته جايبهالها ، هدمتين على طرحتين و لفت طرحتها و لبست الهيلز و مشيت ناحية الباب
اول ما فتحت عشان تطلع لقته واقف قدامها
- يوووسف !
- ممكن نتكلم جوة ؟
اترددت شوية بعدين وسعت من قدام الباب
- اه أكيد ... اتفضل .
جلست بعد تردد ، تنتظر ما سيقول و هي تفرك يديها بتوتر
- ايه الشنطة دي كنتي رايحة ولا ايه ؟
استجمعت شجاعتها و ردت بهدوء :ايوة ... الأسبوع خلص
- على فين ؟؟
- هأدور على شغل و شقة تانية للإيجار .
- إزاي طيب ؟ و انتي لا عندك هوية و لا فلوس ولا حاجة
- هأتصرف
- غبية و عنيدة زي ما انتي مش هتتغيري 🙄
انتفضت من مكانها بشدة : انا ما اسمحلكش ...😤😡
- هسس بلاش عبط ... اديكي شفتي اللي حصلك مع ان حماي اغبى واحد في اعدائي ...يعني لو حصلك كدة مع واحد تاني مش هاضمنلك ممكن يعملوا فيكي ايه ..انا مش هأسمح لك تتهوري ما تنسيش انك بنت و وحيدة !
- و انت مالك ؟ مش انت بتقول ان من مصلحتي افضل بعيدة عنك ؟؟ خلاص يبقى سيبني اتصرف ملكش دعوة بيا و ارجع انت لسكة الزبا'لة اللي انت كنت فيها براحتك 😤
كانت هتقوم تمشي بغضب مسكها من ايدها و قعدها بهدوء
- ايوة انا قلتلك كل ده بس مش معنى كدة اسيبك لگلاب الشوارع تنهش في لحمك !و من غير ما أمنلك المكان و الحماية اللازمة ؟! و كمان ده مش معناه اني هأرجع للسكة دي تاني
رنا بسخرية و قد تغرغرت عينيها بدموع ماسكاها بالعافية عشان ما تبانش ضعيفة قدامه
- لا حنين اوي ...شكرا مش محتاجة مساعدة من حد
- لا هتحتاجي و غصب عنك ... اركني عنادك الغبي على جنب و اسمعيني كويس هقولك ايه و ما تقاطعنيش 😤
قعدت بصمت و هي بتبص الناحية التانية عشان ما تشوفش عينيه اللي بتضعف قدامهم بشدة
مسك الظرف الكبير و حطه على الطربيزة
- ده ظرف فيه كل اللي هتحتاجيه
بصت على الظرف و ما اتكلمتش ولا ابدت أي رد فعل
و كمل هو بجدية : انتي من النهاردة اسمك سلمى حافظ سليم الدمنهوري، هتلاقي في الظرف كل حاجة تخص هويتك الجديدة ...من النهاردة اعتبري ان رنا مؤمن محمد ماتت
دي الطريقة الوحيدة اللي هتبقي بيها بأمان
- عايزني امشي بإسم مزور و هوية وهمية طول عمري عشان اكون بأمان ؟؟ يعني من كل عقلك فاكر اني هأوافق امشي في سكتك الو'سخة دي ؟! مش كفاية انت !!
- يا رنا افهمي ... انتي فيها برضاكي او غصب عنك !! مادام اسم رنا مؤمن ارتبط بإسم يوسف ابراهيم و الكل عرف انها حبيبته عمرك ما هتبقي بأمان ...الطريقة الوحيدة هي اسم جديد و حياة جديدة و مكان جديد
و على فكرة الاسم مش مزور ..و الهوية حقيقية مش وهمية
رنا بتوجس - حقيقية ازاي !؟🤨
- يعني بجد فيه بنت اسمها سلمى حافظ و عندها 26 سنة ...و انتي اخذتي هويتها
- يا لهوي !!! مو'تتها عشان تديني حياة جديدة ؟؟؟😱😳
ضحك يوسف رغما عنه
-يخربيت جنانك يا شيخة مو؛تتها ايه شايفاني سفا'ح الجيزة؟
انا صحيح كنت مهرب بس بحياتي ما كنت قا'تل ولا حرامي و الفلوس اللي كنت بأكسبها كنت باوزعها كلها مش بأسيب لنفسي منهم حاجة .. يعني تقدري تقولي كنت باعملها مزاج ... دماغ ...هواية ....مش واخذها شغلانة يعني ...و عمري ما قت"لت حد ولا حتى حشرة ...انا بأهدد و بس .
رنا برعب- اومال سلمى دي ازاي حقيقية بس ؟
- يا ستي حكاية طويلة انتي مالك بيها
- عايزة اعرف كل حاجة يا اما تنسى الهبل ده و تسيبني امشي
تنهد بعمق و قال بإستسلام
- حاضر انا مش هأدخل في التفاصيل الدقيقة بس هقولك بشكل عام عشان قلبك يرتاح .
البنت دي موجودة فعلا بس متسجلة في السجلات الرسمية في عداد المفقودين ...يعني لا حد عارف هي حية او ميتة
رنا بإصرار : و لو ...مش هأقدر أعيش بهوية حد تاني ..افرض رجعت في يوم هيبقى ايه موقفي انا ؟؟ 🤨
او افرض اهلها لقوا جث'تها و طلعوا لها شهادة وفاة !! هأبقى انا ايه محلي من الإعراب ؟؟؟ لا انسى الكلام الغبي ده انا مستحيل أعيش بالاسم ده لأنه اسم حد تاني ما يخصنيش
نفخ يوسف بعصبية
- اوووف منك يا رنا !! 😤😤 كنت عارفك عندية و دماغك ناشفة و مش هتقتنعي... حاضر يا غلبي انا هأحكيلك التفاصيل
رنا ببرود : و انا سامعاك
يوسف : بس ركزي معاي كويس عشان ما تتلخبطيش
- حاضر
- كان فيه عائلة معروفة في الصعيد مكونة من اخين ، الأخ الكبير منصور عنده 3 ولاد و بنت ، والأخ الصغير سليم عنده ولد واحد ملوش غيره و اسمه حافظ
ابو منصور و سليم لما مات اتقسمت الارض و البهايم و الورث كله ما بين منصور و سليم بالتساوي ...و عشان الارض ما تكونش لحد غريب من بعدهم خطبوا لحافظ ابن سليم بنت عمه منصور
بس حافظ راح يدرس في القاهرة و حب بنت هناك و وعدها بالجواز ، و لما اهله رفضوا قام اتجوزها من وراهم و هرب منهم، اول ما عرفوا اتبروا منه و حرموه من الميراث و قاطعته العيلة كلها...
خلف بنت و لما بلغت سنتين و شوية عرف ان معاه سرطان و أنه في آخر ايامه خاف يموت و يسيب مراته و بنته في مصر لوحدهم و حاول يتواصل مع اهله .. طبعا ابوه سليم وافق يسامحه و يرجعه بشرط : حفيدته تعيش وسطيهم...
كانت تستمع بإهتمام
سكت شوية بعدين كمل
- جوم و قعدوا معاهم مدة شهر بعدها سافر تاني بعد ما وعد ابوه أنه يرجع بلدهم و يستقروا فيها اول ما يخلص كل معاملاته و ينهي كل حاجة ليه في مصر
في الفترة دي الجد اتعلق بالبنت اوي و حبها و سامح ابوها عشان خاطرها بس و لما صارح حافظ ابوه بمرضه اللي مخبيه عن الناس كلها كتب سليم في وصيته كل حاجة بإسمها هي .
بعد أقل من شهر و قبل ما يلحق حافظ يضبط اموره وصلهم خبر وفاة ابوه سليم .. و هو اصلا كان ف آخر أيامه و اشتد المرض عليه
خاف على مراته و بنته من بطش عمه منصور و ولاده خصوصا ان بنته ليها اربع اضعاف نصيبهم هوما ..و هي طفلة ما عدتش 3 سنين !
- حصل ايه ؟؟
- رفض يرجع بلدهم و من خوفه على بنته اتفق مع صاحبه انه يزور لهم اوراقهم و كتبها في السجلات الرسمية بإسم تاني اللي هو اسم عيلة مرات صاحبه ده ...بعدين راح للبوليس بلغ عن اختفاء بنته و انها يمكن تكون اتخطفت و دوروا عليها كثير بس محدش لقاها ... بعدها بشهرين اتوفى هو ..
بس الطفلة كانت في امان ..عايشة في مكان تاني بإسم تاني
- قصدك ايه !
- قصدي في السجلات المدنية سلمى حافظ لسة عايشة لحد دلوقت ...و عم ابوها و ولاده جوم يدوروا عليها ...بس لقوها متقيدة في سجلات البوليس فعداد المفقودين و لحد دلوقت و محدش لقاها ...و صاحب ابوها مات و اندفن سرها معاه .
- اومال انت عرفت منين ؟؟ 🤨
ضحك يوسف : الفلوس بتطلع الأسرار المدفونة من تحت الارض 🙄😂
فركت ذقنها ببلاهة كأنها تذكرت حاجة : طب برضو انا اي دخلي في القصة دي كلها و بسلمى و اعمامها !!!
- بعد كل اللي حكتهولك لسة بتقولي انا دخلي ايه ؟
رنا بإصرار - انا قلتلك .... مستحيل أعيش بهوية وحدة تانية و مستعدة اواجه كل اخطار الدنيا المهم افضل بإسمي و هويتي الحقيقية .
- خلاص حيث كدة يبقى اتحلت المشكلة ...الظرف ده قدامك خذيه و هتلاقي بطاقة هوية، باسبور ،كريديت كارت ، تأمين و حتى الدبلوم بتاعك بس بالإسم الجديد : سلمى حافظ سليم
- انت هتجنني !!! انا قلتلك عايزة افضل بإسمي الحقيقي؟😤
- اللي هو ؟؟!
- رنا مؤمن محمد
يوسف ببرود : و انتي مين قالك ان ده اسمك الحقيقي 🤨🙄
ضحكت رنا ببلاهة : لا انت أكيد بتهزر
بصتله بدهشة و هي شايفاه بيبصلها بجدية
تنحت و الصدمة عقدت لسانها : انت تقصد ايه يا يوسف!؟؟
يعني انا ...!!!
- سلمى حافظ سليم الدمنهوري ... و دي هويتك انتي ...مش هوية وحدة تانية ...هويتك الحقيقية ...يا سلمى ..
رنا بصدمة : طب ...طب ا...ازززااااي !! ما...مااا ...ماما عمرها ما حكتلي حاجة عن أهل بابا ...ما عدا ... عمتي !! طليقي محمد ..هو...هو ابن عمتي !! ماما قبل ما تموت سابت لي وصية اتجوزه !! بس ...انا .. مش فااااهمة !!
- طليقك الوا'طي مش ابن عمتك، ده يبقى ابن صاحب ابوكي الله يرحمه ، الراجل اللي سجلك بإسم مزور ..اي حد يشوف شهادة الميلاد يقول ان ابوكي و ام محمد اخوات بس ده مش صحيح ..
طليقك اكبر منك 7 سنين يعني كان عنده عشر سنين و كان عارف ان اسمك سلمى و بعدها اهله فهموه ان اسمك إتغير و بقى رنا و لازم يناديلك بالاسم ده و يعتبرك بنت خاله ...لما كبر شوية ضغط على اهله و عرف الحقيقة ..و هو و امه اللي هددوا والدتك قبل ما تموت عشان تقنعك تتجوزيه يا اما يفضح الحكاية و يخلي عم ابوكي يوصلك و يق'تلك عشان ياخذ ارضك و فلوسك ....و هي الله يرحمها وافقت مرغمة لما خافت عليكي .
آلاء إسماعيل البشري
رنا على صدمتها : بس ان ...انت .. انت عرفت كل ده ازاي !!!
ابتسم يوسف بسخرية
- مش هتصدقي لو قلتلك ازاي ! أصل أنا عندي معارفي في كل الدواير الحكومية و طلبت من واحد في الداخلية يدورلي في ارشيف السجلات ...و فهمته اني عايز ازور اسمك و نلاقيلك هوية جديدة ...ساعتها اكتشف بالصدفة ان هويتك دي أصلا مزورة !!
اتصدمت اول ما قالي الخبر ..طلبت منه يدقق تاني يمكن فيه غلطة ...و فعلا دور ثاني و ثالث و عاشر و إتأكد ان اسمك ده هو اللي مزور ...عشان كدة اتحريت و وصلت لآخر خيط يوصلني لإسمك الحقيقي و هو محمد ، عرضت عليه مبلغ محترم اوي و الوا'طي ما اتاخرش طبعا ...ده حتى اعترفلي أنه اتجوزك عشان موضوع الورث و كان مستني الوقت المناسب بس لما كشفتيه و طلبتي الخلع عرف أنه ف كل الاحوال هيطلع من مولد بلا حمص فكتم عالخبر و سابك لنصيبك.... النذ'ل .
- يعني ...يعني انا حياتي كلها كانت كذبة !!!!
- انا فهمتك الحكاية من الاول ...اهلك كانوا خايفين عليكي
اديكي عرفتي الحقيقة دلوقت و تقدري ترجعي لهويتك الحقيقية ...انا صرفت فلوس كثير و اتدخلت أطراف كثير عشان اثبت التزوير و ارجع لك اوراقك كلها سليمة
دلوقت انتي ملكيش حجة تاني ...قلتلك اوراق هويتك كلها هنا
..و هتلاقي معاهم كمان عقد تمليك شقة بإسمك : سلمى حافظ و رقم الحساب اللي حاطط لك فيه المبلغ اللي يكفيكي تبتدي اي مشروع انتي عايزاه....بعد كدة محدش يعرف اسم رنا مؤمن ...إختفى خالص كإنه مكانش موجود و إختفى معاه كل خطر
- طب و عم بابا ...و اولاده ..مش لو رجعت سلمى هيعرفوا و هيحا...
قاطعها يوسف - هسسس ...اوعي تكملي ! ايه اللي حصل لحكاية مستعدة اواجه كل اخطار الدنيا المهم افضل بإسمي و هويتي الحقيقية؟؟ دلوقت بقيتي خايفة من عم ابوكي ؟؟؟
- انت مش بتقول انهم ..
- بصي ... من الناحية دي ما تشيليش هم حاجة خالص ...لا عمك ولا أي حد من ولاده يقدر يهوب ناحيتك يعني اتطمني خالص انتي في أمان تام
رنا بتذكر : طب ايه حكاية الشقة و الفلوس دي ...انا سبق و قلتلك مش عايزة منك حاجة و حد الله ما بيني و بين فلوسك الحرام
ضحك يوسف : فلوسي ايه هو انا لاقي آكل !! دي فلوسك انتي
- فلوسي ازاي ؟؟
- ده جزء من نصيبك في ميراثك ..مش ثلاث ارباع الارض بتاعتك و بإسمك ؟؟ انا جبتلك فلوسك و معاها إقرار من عمك بعدم التعرض ليكي لا من بعيد لا من قريب
آلاء إسماعيل البشري
بصتله بإستغراب من نبرته الهادية و بروده
- انت بتقول ايه ؟ و ازاي ؟؟
طلع الظرف الصغير من جيبه: ده إقرار من عم ابوكي ممضي بخط ايده و متسجل في الشهر العقاري إنه مش هيتعرض لك لا هو ولا أي حد من طرفه ...يعني انتي من هنا ورايح بأمان
اتصدمت اول ما شافت الورقة و كمل بهدوء
- و ده الكريديت كارت اللي فيه مبلغ ثلاثة مليون جنيه نصيبك من الارض و البهايم من لما اتوفى جدك لدلوقت
- انت ...انت لقيته فين عشان يكتبلك إقرار بعدم التعرض ؟ و كمان يديك فلوس !!!
- ما انا رحتلهم البلد و اتكلمت معاهم 🙄
الد'م اتسحب من وشها - اييييه !!!! رحتلهم ؟؟
- و مالك اترعبتي كدة هوما كانوا بعابع !!! ايوة رحتلهم و قلتلهم حكايتك و طلبت منهم يدوكي نصيبك و يسيبوكي في حالك حتى وريتهم صورتك عشان يتأكدوا ..اصلك طلعتي صورة طبق الأصل عن أبوكي حافظ و جدك سليم ..يعني محدش هيقدر ينكر و يكذبني و الا هأضطر أطالب بتحليل DNA و أطالب بإثبات نسب ...و ساعتها كل الهلمة اللي هوما فيها هتبقى ليكي مش الثلاثة مليون بس ...أصل نسيت اقولك
عم ابوكي لما اثبت انك مفقودة قدر يعمل له المحامي بتاعه توكيل عام عشان يتصرف في كل املاكك غيابيا لحد ما تتمي السن القانوني في حال رجعني ظهرتي ... بما أنه لم تثبت وفاتك و بكدة كان يعتبر المالك الوحيد لكل حاجة تخصك و المبلغ ده يعتبر هايف قدام اللي كسبه طول السنين دي ...
رنا بلخبطة - انا حاسة اني تايهة بجد 😣 .. طب .. هوما اصلا وافقوا يتكلموا معاك بصفتك ايه !
ابتسم يوسف و قالها بهدوء : بصفتي جوزك
انتفضت رنا - اييييبه ؟؟
- دول صعايدة يا رنا ما تركزي معايا اومال !! هروح بصفتي ايه يعني .. دكتور الأسنان بتاعك ؟؟ 🤨🙄
- طب ...طب آخر سؤال ! هوما وافقوا يدوك الفلوس دي كلها و يكتبوا إقرار كدة من الباب للطاق ؟! من غير شروط ؟
-لا طبعا .. هوما طلبوا انهم يدوكي الفلوس دي مقابل انك تتنازلي عن الارض و كل حاجة و ما ترجعيش تطلبي منهم حاجة تاني ...و طبعا انا وافقت و عملتلهم تنازل
- ازاي ؟!
آلاء إسماعيل البشري
- بالتوكيل بتاعك اللي معاي .
-نعم يا اخوياااا !!! و انا عملتك توكيل إمتى و فين؟؟ و بعدين اعملك توكيل بصفتك ايه ان شاء الله ؟؟
- لا عملتي توكيل إمتى و فين دي شغلتي انتي ناسية أنا مين ؟
أما بصفتي ايه دي ف أنا جاوبتك عليها قبل شوية ..انتي اللي بتنسي اليومين دول كثير
- معلش مش واخذة بالي او يمكن بداية زهايمر .. ممكن تعيد تاني و تنورني ؟؟
- حاضر ....قلتلك بصفتي جوزك .
- جرى ايه يا يوسف هو احنا هنكذب الكذبة و نصدقها ؟
- و مين قال انها كذبة ؟؟
رنا بصدمة - قصدك ايه؟؟
- قصدي اني وريتهم قسيمة جوازنا... اومال هيصدقوني ازاي ؟؟ و نكتب في الشهر العقاري و اتنازل لهم ازاي !؟؟
- قسيييمة اييييه !!!! هو احنا اتجوزنا امتى معلش ؟؟؟
- مش مهم
قام بهدوء و هو بيحط الظرف على التربيزة و رايح ناحية الباب
مسكته رنا بعصبية - استنى هناااااا راااايح فين ؟؟!! يعني جاي ترمي لي قنبلة دمار شاااامل و رايح ببرود ولا كأنك هببت حااااجة ؟!!!
بتقولي اتجوزنا بكل ببساطة ولا كأنك شربت عصير في القهوة و اندلق على قميصك و جاي تقولي عشان اغسلهولك ؟
سحب يوسف ايده بهدوء و مشي ناحية الباب و قال من غير ما يبصلها : انا المهم عندي انك دلوقت بأمان و رجعتي لحياتك الطبيعية و معاكي شقة و دخل و محدش بيهددك
و ان كان على الجواز .. فأنا هأبعثلك ورقة طلاقك على عنوان شقتك الجديدة ..ماهو اصلا باطل لانك مش موافقة .
رنا : طب انت رايح فين ؟؟!
- يهمك ؟؟
رنا بتوتر : يعني مش اكثر من فضول 🙄
- جوز اختي نيرة لقالي عقد عمل في الكويت هأسافر عندهم و استقر هناك ...ما تخافيش مش هأظهر في حياتك تاني
رنا بدهشة : يعني هتسافر بجد ؟؟!
اتخنق يوسف و رد بالعافية : طيارتي بعد 3 ساعات
قالها و طلع و قفل الباب وراه بسرعة و تلقائي دموعه نزلت
مكانش قادر بتصنع القوة اكثر ..آلاء إسماعيل البشري معرفش يبصلها ولا يودعها و إلا كان هينهار قدامها
راح الشاليه بتاعه و دخل يحضر شنطته و هو مش قادر يمسك دموعه
رغم كثرة الصدمات و الاخبار اللي اتلقتها دفعة وحدة و اللي كانت فوق احتمالها بس الحاجة الوحيدة اللي علقت في دماغها هي كلمة : قسيمة جوازنا !
لأول مرة تحس بفراشات بتطير في معدتها ، عصافير بتغني جمب ودنها .... و بهواء لذيذ مش عارفة مصدره منين حاسة إن الحياة حلوة! حلوة أوي! و كإن رجليها مش بيلامسوا الارض
إتكلمت پصدمة وكل دة بيدور في عقلها : ايه اللي انا بأعمله ده ؟؟ هو انا هأسمحله يبعد عني بجد !! أنا بحبه!! آلاء إسماعيل البشري لا أنا بأعشقه ! لا انا عديت مرحلة العشق .. انا بأتنفسه !!
جريت ناحية الباب فتحته و راحت بتجري ناحية الشاليه بتاعه... وقفت على بعد 3 امتار منه و هي شايفاه بيقفل الباب و ماسك شنطته ..نادت بأعلى صوتها
- يووووووسف !!!
التفت و عينيه مليانة دموع : عايزة ايه تاني ؟؟ ما انا قلتلك ورقة طلاقك هتوصلك ...انا عملت كدة عشان اضمنلك حقك بس مكانش قصدي اغصبك على الجواز مني 😓
- هو انت سهل عليك انك تتخلى عني يا يوسف ؟؟
انت للدرجة دي مش بتحبني ؟؟؟
يوسف بصدمة : انا اتخلى عنك بسهولة ؟؟؟ بعد كل اللي عملته عشانك ده ؟؟ انا بلغت عن اخطر مجرمي أمريكا و كندا و زعماء ما'فيا و كارتلات العالم و خليتهم بقوا اعدائي عشان ارجع يوسف اللي انتي بتحبيه تاني ! انا رجعت من ميلياردير لكاشير في سوبرماركت آلاء إسماعيل البشري عشان ما اشوفش تاني نظرة الكره اللي شفتها منك في المطار ..عملت كل ده عشان ارجع اشوف نظرة حب وحدة من عيونك تاني ...
كانت دموعها بتنهمر زي الشلالات و هو كمان
- انا ممكن اتخلى عن روحي و ما اتخلاش عنك انتي يا رنا !
انا ...اناا واقع في حبك لدرجة مش ممكن تتخيليها !! انتي
انتي جوايا .يا رنا ....انا عامل زي المريض ..اللي مصاب بيكي
بسببك مش عارف افكر في أي حاجة او أي حد تاني غيرك
لا عارف أنام .. و لا عارف اكل ..و لا قادر اتنفس
كل اللي أقدر اعمله طول الوقت هو اني احبك
في كل وقت ...و كل يوم.... و كل ساعة.... و كل ثانية ...حبك مش بيديني لحظة وحدة ارتاح فيها و ما افكرش فيها فيكي
حتى في احلامي انتي دايما موجودة ....بعدك بينهش في قلبي زي الورم ...انا اصلا من غيرك ميت ...انا من غير حبك جسد من غير قلب .. كل ده و بتقولي لي بسهولة !! انا مرغم ..ما اقدرش اجبرك تتجوزيني و انا عارف انك هتفضلي مهددة طول عمرك .. كدة احسن لك ...انا اهون عليا امضي شهادة وفاتي و لا اني امضي ورقة الطلاق دي
رنا بإنهيار : و مين قالك اني عايزة اتطلق؟؟
- بس الجواز اصلا باطل ! انت مش موافقة و لا كنتي تعر ..
-و مين قالك اني مش موافقة ؟؟!
- رنا انتي....
جريت عليه و حضنته بقوة : انا اسمي سلمى ..سلمى حافظ سليم ...
مسكت فيه جاااامد و شد عليها و هو بيدخلها جوة ضلوعه بشوق رهيب
آلاء إسماعيل البشري
طلعت من بين احضانه و اتعلقت برقبته بايديها الإثنين و هي بتبص جوة عينيه و تترعش
- بأعترف لك اهووو ... و مستعدة اعترف قدام العالم كله
إني بأعشقك مش بحبك و بس... بأعشقك بكل ذرة فيا من لما كنا في ثانوي ...مش هأكون جبانة بعد النهاردة....و مش هأخاااف من حد ...و هقوووول بعلو صوتي
انا بحببببك أيا كان اسمك : يوسف او الهلال او خط الصعيد او سفا'ح الجيزة او شمهر'وش ملك الج'ن ما يهمنيييييش
انا كنت غبية اوي لما فكرت اني ابعد عنك ...انا اكتشفت اني مش ممكن الاقي الأمان في أي مكان في العالم من غيرك
حضنك هو ملاذي و أماني الوحيد ...انا حبيت يوسف الطيب الكيوت و حبيت الهلال المهر'ب لإن الإثنين واحد
اخذ شفايفها في قبلة حب طويلة .. غابوا فيها عن العالم كله
فجأة حمحمت بإحراج و هي بتحاول تبعد شفايفها
..يوسف احنا قدام الشاليه ممكن اي حد يشوفنا !
- ما يشوفوا !! واحد و مراته ! 🙄
طلع دبلتين من جيبه ف بصت له پصدمة لبسها واحدة و اداها التانية و حط صباعه قدامها لبستهاله بحب
- كدة محدش هيقدر يتكلم ... انا كنت مشتريهم من قبل ما اطلب منك تتجوزيني و لما رفضتي يوميها فضلوا في جيبي و رفضت اشيلهم
فتح الشاليه و دخل و هو بيسحبها معاه و بيقفل الباب
شدها في حضنه و حاصرها ما بين الباب و جسده
- يعني هتفضل تحبني وتخاف عليا يا يوسف ؟
_ لآخر يوم في عمري يا روح يوسف ..بس في مشكلة وحدة بس
- مشكلة أي ؟
- انا مسافر بعد شوية !
- ايوة يعني فين المشكلة ؟
- يعني انتي ..
آلاء إسماعيل البشري
حضنته بتملك - انا مراتك و مكاني معاك ف أي مكان بتروح عليه ..و القسيمة معاك و باسبوري معاي و ان كان عالتذكرة انت هتدبرها مش انت الهلال ؟؟ 🤨😁يعني كدة معتش حاجة...و ملكش حجة 🥰
- لا إذا كان كدة يبقى الوضع اتغير ؟؟
- ازاي ؟؟
شالها بتملك و اتجه نحو الكنبة و تمددا معا و هو يقبلها بشغف
- لا اوعة ...مش عايزين تهور يا يوسف !
يوسف برغبة: تهور ليه مش مراتي ؟
- مش قبل ما نسأل الماذون ...و بعدين انت مش هتعملي فرح ؟
- يوسف بأنفاس لاهثة : يا شيخة حرام عليك هو انا لسة هأستنى فرح !!
- طب بقولك ايه ؟! يالا نسافر الطيارة لسة معادها ما فاتش
- انتي شايفة كدة ؟؟
- ايوة حبيبي و عايزة اتطمن بالمرة من حكاية كتب الكتاب دي
- امرنا لله .... هاتي اوراقك كلها و حصليني عالعربية
بعد خمس ساعات
- أخيرا بقينا في بيتنا !!!
- انا فرحانة اوووي يا يوسف مش مصدقة لحد دلوقت اننا مع بعض ..حاسة لحد دلوقت اني بأحلم واحد من احلام اليقظة اللي اتعودت احلمها معاك. 🥰
-و انا كمان حاسس اني طاير في الهوا ..كإني ملكت كل نجوم الكون بين ايديا 😍
قرب منها و هو بيفك زراير قميصه
بعدت بخوف و قالت بإرتباك
- بس انا تعبت اوي من السفر ...كنت هموووت من الخوف لاول مرة اركب طيارة 😰
قرب اكثر و هو بيمسكها من خصرها و ايديه بتحسس جسمها بجرأة و همس في وذانها برغبة: معقولة تخافي و انتي معايا !
- احم ...أكيد لا طبعا ...طب بص انا رايحة اخذ دش و اغير هدومي آلاء إسماعيل البشري
منعها تطلع من حضنه و همس بعشق و هو بيفك طرحتها : بحبك
- و انا كمان ...سبني بقى 😥
- حاضر
كانت فاكرة أنه سابها جات تمشي بسرعة ناحية الحمام لقته شالها بسرعة و في ثانية لقت نفسها فوق السرير و هو فوقيها
- بقى بقولك بحبك تقوليلي سبني!!! هو انتي خايفة ولا ايه ؟
حاولت تبعد بس كان محاوطها بايديه جامد منها تتحرك خالص .. ملقتش مهرب منه قامت لفت ايديها حوالين ايديه و حضنته بحب : انا كمان بأعشقك .. بس غصب عني محتاجة اخذ وقت
همس لها و هو بيقبل وشها بحب
- أصل التاني كان بيغت'صبني لدرجة اني اتعقدت من موضوع السرير ده خالص 😓
- و انا من اللحظة دي هأبقى طبيبك النفسي و مش هسيبك الا لما تتخلصي من كل عقدك و تبقي انتي بنفسك تطلبيها مني
- يوووه بقى يا يووووسف ...بقولك تعبانة دلوقت ..طب على الأقل نرتاح من السفر !😓😣
- و انا بقولك من دلوقت مش هتعملي اي حاجة و لا هتطلعي من حضني غير و احنا مخاويين الواد " تيم" و جايبين له اخته " ليان" 🔥😉
بصتله بدهشة و هي مستسلمة للمساته
- هو احنا عندنا تيم اصلا لما نخاويييه ؟؟؟!
غمز لها بعبث و هو بيزيح هدومها : شفتي بقى احنا متأخرين كام سنة ؟؟؟ 😉😂🥰🔥
” ثم يعوضك الله ڪأنك لم تشقى ابداً… يعوضڪ بمن يشبهك و يشبه نقاء قلبڪ” ♥
تمت بحمد الله 🥰
كل الشكر والتقدير للكاتبة الاء اسماعيل بشرى لانها هيا الى كملت الرواية
لمتابعه روايات سكيرهوم زورو موقعنا علي التلجرام من هنا
