روايه غيرةحب الفصل الثانى والعشرون بقلم احمد صابر
نزل وانا كنت وقفة ف البلكونة بشوفو وهو ماشي وركب العربية ومشي وانا كنت قعدة بكلم صحبتي ع الواتس وبعد ساعة ملك جت
ملك: محمد ف الشغل مش كدا
انا: اه حلو انك جيتي ساعة قعدة لوحدي
ملك بضحك: يلا عشان تعرفو قيمتي بس
انا: خشي يا روتر دانتي فضحانة ف كل حتة
دخلت غيرت هدومها وجت
انا: مش ملاحظة انو اتأخر
ملك: اه بس هيروح فين زمانو جاي
كنت مسكة الفون وفتحة الواتس.. بعد دقائق
انا: يابنتي اتأخر مش عادتو ارن عليه
ملك: ايوا رني
مسكت الفون ورنيت عليه 7 مرات ومردش
انا: يالهوووي هيكون فين
ملك: اهدي بس اكيد عندو شغل ذيادة
انا: ومرنش وقالي كدا ليه.... ع الاقل يرد عليا يعبرني
ملك: هتلاقي عاملوا سايلنت
انا: اووف ارن ع ماما يمكن راح ليهم المستشفى
ملك: اه ممكن
رنيت عليها برضوا مش بترد
انا: لا بقي لا بقي مش بيردو الاثنين رني ع مامتك كدا
ملك ومسكت الفون ورنت: ردت الو يا ماما
مني: الو يا ملك في حاجة
ملك: محمد عندك
مني: لا... هو لسا مجاش من الشغل
انا: خلاص يا خالتوا جه اهو
مني: طب الحمدلله لو حصل حاجة كلموني
انا: حاضر
وانتهت المكالمه
ملك: ليه قلتي انو جه وهو مجاش
انا: نسيبهم ف الي هما فيه
ملك: عندك حق بدأتي تفهمي
انا: بايخة اوي بصراحة
ملك بضحك: اسفه
انا: ياربيييي هيكون فين
ملك: انا عليا درس بكرة الساعة 8 ممكن تصحيني 7 ونص
انا: انا كدا كدا بصحي ف الموعد دا هبقي اصحيكي.... لو هتنامي ادخلي نامي انا قعدة اهو
ملك: هتقعدي لوحدك
انا: عادي انا من الصبح قعدة لوحدي خت ع كدا
ملك: بجد هموت وانام لو محمد جه ابقى قوليلي
انا: ماشي
ملك: تصبحي على خير
انا: وانتي من اهلوا بس سيبي باب اوضتك مفتوح عشان بخاف
ملك: ماشي
ودخلت تنام وانا جبت اذاكر شوية مع ان مكنتش مركذا غير أن هو هيكون فين لحد ما الفجر إذن وهو مجاش قمت صليت ونمت لان كنت تعبانة وقلت ممكن يكون عندو شغل كتير
*تاني يوم*
صحيت ع المنبه واخت دوش ولبست الاسدال ورحت صحيت ملك اخدت دوش ولبست الاسدال وصلينا سوا ولبست لبس الدرس عشان تمشي قلت ممكن يكون جه بليل
انا وبفتح الباب: حظابط... اي دا الاوضة فاضية
ملك: اي دا مجاش
انا: الاوضة زي ماهيا مفيش حد
أحمد من تحت: ملك
ملك: نعم
أحمد: خلي ايمان تروح تكلم عمتي
انا: انت هتروح
أحمد: ايوا
انا: طب خدني معاك ونبي عشان عليا درس
أحمد: طب يلا
وداني كلمت ماما ووداني ع الدرس
أحمد: امال فين محمد غريبة ع طول بيوصلك
انا: هو تعبان شوية من شغل مردتش اصحيه قلت انت كدا كدا رايح تاخذني ف طريقك
أحمد بضحك: اصل استغربت دي اول مرة ف التاريخ تركبي معيا مكنتيش بترضي تتحسدي
انا: مجبورة غور بقى عشان عليا درس هتأخر
أحمد: مش رحمة الكل من لسانك يخربيتك
انا: غور يالا
أحمد بضحك: باي
انا: باي
رحت ع الدرس لقيت مفيش درس ومش هيدي النهارده لقيت رحمة جت رحت معها عشان نستنى معاد الدرس الثاني بس كسلنى مرحناش كنا بنفكر اعمل اي واخت رائيها ومكنتش عرفة ازا كنت بحبو اولا وخيفة من دا لحد ماقررت المحلوا.... ومشيت مع صحبتي التانية وروحت البيت واول ماوصلت
محمد: كنتي فين
انا: كنت ف الدرس
محمد: ايمان درسك بيخلص الساعة 10 دلوقتي الساعة 11
انا: كنت عند صحبتي عادي
محمد: مقلتيش ليه
انا: اقول لمين هو انا شفت وشك من امبارح اصلا
محمد: مش موضوعنا كتابك اهو ويلا
انا: يلا فين مش جايا معاك
محمد: ايماااان يلا
انا: متزعقش قلت مش جايا
محمد وهو بيشدني من ايدي يدخلني العربية: جبتيه لنفسك
انا: ايدي يا محمد
محمد: هيا كانت انهي وحدا
انا: الي انت مسكها
محمد: اسف مختش بالي
انا: وانا مش هركب روح بقى شوف انت رايح فين
محمد: انتي بتعملي فيا كدا ليه
انا: عملت اي
محمد: ماهي دي مشكلتك انك مش عرفة انتي بتعملي اي.... اركبي
انا: مش هركب
محمد: انتي عيزة اي دلوقتي
انا: انا عليا درس العصر اصلا
محمد: هبقي اجيبك يلا.. مش هينفع اسيبك لوحدك يلا
انا: مش هاجي
محمد: يلا يابابا احنا وقفنا كتير كدا يلا
انا ودخلت البيت من غير رد
محمد: طب انتي زعلانة ليه طيب
انا: تعرف ان رنيت عليك اكتر من 12 مرة ومردتش
محمد: الفون مكنش معيا مانتي عرفة اي هيمنعني ارد
انا: انت مش بتسيب فونك يا محمد متكدبش وكنت فين امبارح دا كلوا
محمد: كان عندي شغل كتير
انا: مقلتش ليه
محمد: ملقتش وقت اقلك وكنت عامل الفون سايلنت
بدون رد
محمد: قومي
انا: لا
محمد: طب انا اسف قومي يلا
انا: هقعد لدرس
محمد: مانا مش هينفع اسيبك لوحدك
انا: اقعد معيا
محمد: طب ماهيا هياها هنروح ونقعد هناك
انا: لا اقعد بقى وانت ساكت
محمد وهو بيقعد: لا الاه الا الله
وبعد دقائق
انا: ساكت ليه
محمد: هتكلم اقول اي
انا: اي حاجة بس متفضلش ساكت
محمد: عاملة ايه
انا: الحمدلله وانت
محمد: بخير الحمدلله
انا وبضربو ب المخدة: بقيت بارد
محمد وهو بيضربني ب المخدة: مش اكتر منك
انا وبضربو ب المخدة: اتلم
محمد وبيضربني ب المخدة: اتلمي انتي الأول
ونزلنا ف بعض ضرب ب المخدات
انا بضحك: انا ورحمة كنا بنعمل كدا النهارده كان منظرنا يموت ضحك
محمد: راحة تلعبي انتي وصحبتك
انا: مكنتش بنلعب هزرنا شوية وخلاص مفيهاش حاجه يعني
محمد: امم
انا: اطلع برا ثانيه هوريك حاجة
محمد: هتوريني اي
انا: اطلع برا بس
محمد: ماشي طالع
طلع وقفلت الباب وطلعت دريس نبيتي طويل في فرشات كتير من فوق ونازل ب تولي وفتحت الباب وطلعت
محمد وهو بيلفت ب ضهرو: هاا.. اي دا
انا: اي رايك
محمد: شكلوا حلو اوي عليكي
انا: بجد
محمد: اه.. مبتلبسهوش ليه
انا: بدايق من الطويل وبتكعبل... هخش اغيرو بقى
دخلت غيرتو ولبست لبس الدارس
محمد: الأول كان احسن
انا: اقعد يالا وانت ساكت
محمد: يالا!! يابت دانا اكبر منك
انا: ب 5 سنين مش كتير
محمد: بس أكبر منك برضوا متخلينيش اعلقك بقى
انا: هششش اسكت
محمد: لا الاه الا الله
انا: مش شايف ان طريقة التعامل بنا زي الزفت
محمد: منك لله انتي السبب
انا: اه دور الضحية بقى وكدا.... هو انا ممكن اقلك حاجة
محمد: مصيبة اي
انا: بصراحة كدا مرحتش الدرس
محمد: ليه يا إيمان
انا: حسيت اني تعبانة ومش هقدر اجاوب ومعرفتش اذاكر لان طول اليل افكر فيك
محمد: فيا انا
انا: ايوا امال ف امي
محمد: هو ينفع يا إيمان لما تقولي كلمة حلوه متتكلميش بعدها خالص
انا بضحك: هحاول
محمد: فصلتيني
انا: اووف... خليك هنا وانا شوية وجايا
اخت هدومي ودخلت اخت دوش ولبست وطلعت
انا: امسك سرحلي
محمد: اسرحلك!! روحي يابابا حطي حاجة ع راسك
انا: امسك يا محمد مش وقتو انا بقالي اكتر من اسبوع مسرحتش وامي ومش فاضية... امسك واخلص عشان عليا درس
اخد المشط وكان بيسرحلي
انا: مالك يا حبيبي بتسرحو ولا اكنك خايف عليه يتكسر انت لو شفت امي وهيا بتسرحلي هتكره الدنيا...اسرع شوية احنا هنقعد لبكرة ع الوضع دا
محمد: حاااضر بحاول.... ايمان الحقي
انا: هاااا
محمد وهو ماسك شعري: شعرك بيتساقط
انا: اه منا عرفة...دا كان بيقع اكتر من كدا
محمد: من أي دا طيب
انا: رحت كشفت قالولي بتبقى من النفسية هههه
محمد: بتضحكي ع اي دي حقيقة
أنا: فكك فكك... كفاية ضفر بقى
محمد: يابنتي مبعرفش
انا: اي حاجة يا حظابط مش لازم تطلع حلوه اوي محدش شايف حاجة
ضفرها وجيت اشوفها
انا: يلا ماشي حالها
محمد: بعد دا كلوا وماشي حالها
انا: اكدب يعني
محمد: طب روحي حطي حاجة ع شعرك عشان نمشي
انا وبجيب الطرحة: طيب
لبست الطرحة وكان العصر ازن صلينا ومشينا ووصلت
انا: باي
محمد: باي
بعتلوا بوسة ع الهوا فضل واقف متنح
انا بضحك: لا مش وقت صدمة امشي
محمد: هاا...حاضر
دخلت الدرس وهو مشي علمت الواجب وبعد الدرس روحت وكنت لسا هطلع من الشارع لقيتوا ف وشي
انا بضحك: كل مرة بتلاقيني ف الحتة دي
ركبت وهو ساق العربية
انا: مكشر ليه كدا
محمد: مش مكشر
انا: اصدقك واكدب عينيا.... منك لله ياشيخ
محمد: ليه في اي
انا: شعري مدايقة أوي بجد انت مش رابط التوكة حلو ولا مضفرو حلو ولا لموا حلو
محمد: قلتلك مش هعرف
انا: اووف لما اروح هخلي امي تسرحهولي
وبعد وقت مش كتير
انا: اطلع ع بيت خالتك الأول مش قدرة استحمل شعري اكتر من كدا
محمد: حاضر
وبعد ماوصلنا
انا: ماما
والدتي: اي في أي
انا وقلعت الطرحة: سرحيلي
والدتي: اي ماهو متسرح اهو... اي دا مين الي سرحلك
انا: حظابط
الكل/ مين
انا: حظابط..ف اي
محمد: هيا الي قالتلي انا مليش دعوة
انا: في اي مش اول مرة ما محمد بيسرحلي من صغري هو أه كان بيطلع الضفيرة تقرف بس اهو كتر خيرو
محمد: بعد اي بقى بعد تقرف دي متتكلميش خالص
انا: خلصي يا ماما الله
والدتي بضحك: دا مضفرو تضفيرة محصلتش
محمد: عارف ان حضرتك بتتريقي تمام
والدتي بضحك: انت بهدلت شعر البت حتة مش مقرط التوكة
محمد: خفت ع شعرها لا يتقطع حرام اعمل اي وهو بيتساقط لوحدو اصلا سيبيها ب الي هيا فيه
والدتي بضحك: اي ياواد الحنيه دي وربنا البت دي مابتحس
انا: اي دخلني ف الحوار دلوقتي
والدتي: اسكتي ياختي اسكتي
حنين: هو انتي صبغة شعرك يا ايمان
محمد بضحك: لا هو شعرها 3 الوان كدا
حنين: دا بجد.. اصفر واسود ودهبي
انا بضحك: خلاص يا جودعان بتحرجوني كدا والله
والدتي: انتي بتحسي اصلا مخليا الواد يسرحلك... وانت بتسايرها
محمد: اعمل اي قلتلي بقالها اسبوع مسرحتش صعبت عليا
والدتي: ميصعبش عليك غالي يا خويا حلال فيها
انا: حلال فيا ليه بقى مش فهمة
والدتي: هو خايف عليكي وانتي مبتحسيش
انا: ولا خايف عليا ولا حاجة
وبعد ما سرحت وضفرت شعري
انا: شفت شفت يا حول شفت
محمد: ماتبس يابت بقى مانا مبعرفش هعرف منين انا هعرف منين
هند بضحك: محمد ابنك بيعامل ايمان كأنها بنتو وربنا
محمد: فعلاً ماهي زي الأطفال
انا: ولا متخلينيش أشد شعرك اقلعوا انا خلقي ف مناخيري
محمد: روحي شفيلك حته اقعدي فيها اجري
انا: ابو شكلك عيل مهزء
حنين/ملك: خلاااااص
حنين: مش هيسكتو انهارده
مني: هما منفصمين كمان شوية وهتلاقيهم حلوين عيال ولاد مجانين
انا: عيزة شكلاتة
محمد: يلا
مني: بصي شفتي وربنا مكملت الكلمة
والدتي: انا مش عرفة اي إلى مصبرك ع البلوه دي انا لو مكانك اديها طلقتين اخلص منها
انا: لا الاه الا الله لو مش عيزاني وديني ملجأ أيتام بس متعمليش فيا كدا
الكل/ ههههه
انا: يلا يابني
محمد بضحك: يلا يابنتي
ومشينا وهو حاطط ايدو ع كتفي
والدتي: ماتخدها ف حضنك احسن يالا
محمد: هو ينفع
انا وضربتو ف بطنو: اتلم مرة لله
مني: قليل الادب مترباش
محمد: عجبك كدا اهي هزئتني اهي
انا: انت الي تستاهل... يلا قدامي
محمد: طيب في اي
والدتي: تخلصوا صياعة وتروحي تذاكري
ركبنا العربية ومشينا
انا:هات اتنين بس متزودش عشان سناني بتوجعني اتنين بس عشان انا عرفة دماغك توزك تجيب كتير اشحورك
محمد: حاضر
انا:ومصاصا عشان خطري
محمد بضحك: حاضر
وبعد دقائق
محمد: امسكي
اخت الشنطة واول حاجة طلعتها المصاصا
انا: عندي صداع بجد
محمد: من أي
انا: امي شدتلي شعري جوا التوكة اوي
محمد: مانا كنت رابطها ربطة خفيفة عشان كدا
انا: ياريتني مافكتها
دخلت ايدي جوا الطرحة وحاولت افك شعري شوية
انا: ايوا كدا بس لسا في صداع
محمد: ماهو مش هيروح ف ساعتها يعني
انا: وجه نظر برضوا
وفجأة فونو رن وكان هيرد
انا: هترد وانت سايق ولما نعمل حادثة
محمد: دا علاء ممكن يكون عاوزني ف حاجة مهمة
انا: هرد انا
محمد: وتردي ليه انتي مش فاهم تردي ليييه
انا: في يا اخينا ماتوطي صوتك هو احنا ف خناقة هرد اشوفو عايز اي ولو في حاجة مهمة هفتحلك السبيكر
محمد: لا ماترديش انا هبقي اكلموا بعدين
انا : براحتك بس لو رن تاني هرد
وبعد دقائق الفون رن
انا واخت الفون: عاوز اي يالاااا
علاء: ادي الفون لمحمد يافنيليا مش نقصة لعب أطفال ونبي
انا: أطفال اي يا مهزء انت دا بيقلي أطفال
محمد : معلش.. قلتلك ماترديش دا واد زبالة .. عايز اي يالا
علاء: زبالة! شكراً ياصحبييي
انا: متعمليش فيها صاحب صحبو ونبي لخص
علاء: الي قلتوا حصل ياسطا هما الي فصلوها
محمد: عيب عليك انا عارف دي أشكال زبالة وهتعمل كدا من اول ما شفتهم وانا مش مستريح ليهم ع العموم انا عارف هعمل اي
علاء: طب رسيني طيب
محمد: هكلمك لما اروح عشان سايق دلوقتي
علاء تمام.. سلام
محمد: سلام
وانتهت المكالمة
انا: بتقولوا اي انتو
محمد بضحك: وربنا لو قلتلك مش هتفهميني كلام كبير عليكي دا
انا: حسبي الله ونعم الوكيل كل ماحد يتكلم يقول متفهمش او استيعابها بطي في اي بجد انا زهقت
محمد بضحك: معلش مكنتش اقصد والله معلش
انا: عارف لو كنت قلتلي ملكيش دعوة كان اهون والله
محمد بضحك: ملكيش دعوة ليه انا هفهمك حاضر بس لما نروح
انا: مانا مش هفهم
محمد بضحك: ماحنا قلنا كدا من الاول
انا: خلاص اسكت
محمد: سكت
وبعد دقائق وصلنا البيت ودخلت الاوضة اذاكر
محمد: اي الأخبار
انا: الحقني ونبي
محمد: اي في اي
انا: انا تايها ومش عرفة اعمل اي هعيط وربنا العلوم صعب اوي
محمد: انتي الي مستصعباه خديها ببساطة هتلاقيها سهلة... هاتي كدا
حاول يفهمني شوية
محمد: هااا ونبي ماتصدمينيش
انا: لا فهمت
محمد: يا فرج الله الحمد لله يارب امسكي اقوم اصلي ركعتين شكر ل لله
مردتش ارد وبصيت ف الكتاب
محمد بضحك: اوو زعلت.. بهزر والله طب تعالي نصلي الركعتين الشكر سوا
انا: مبكلمكش
محمد بضحك: امال بتتكلمي مع مين دلوقتي
انا: متكلمتش اصلا هو انا اتكلمت انا ساكتة اهو
محمد بضحك: ساكتة!! امال لو اتكلمتي
انا: هعضك
محمد: ياما
انا: عليا حل ف المذكرة وانا مش فهمة اي بتنجان فيها
محمد: يابنتي ماهو الي فيها نفس الي ف الكتاب
انا: مانا عرفة بس انا مش مذاكرة اصلا
محمد: اممم طب عندي فكرة
انا: ايييي
محمد: نشوف الاسئلة الي ف المذكرة درس اي واشرحهولك والي فهمتيه تحلى عليه والي مفهمتيهوش سيبيه عادي
انا: اممم ميضورش
محمد: انا الي نفسي اعضك
انا بضحك: يلا بس
محمد: دا نموزج شامل
انا: اه
محمد: الله يكون ف عونك بقى... انتي الي بتراكمي الدروس
انا: عشان مش بحب العلوم
محمد بضحك: انتي مبتحبيش المواد كلها يا إيمان
انا: حصلل
شرحلي 3 دروس وحليت الي قدرت عليه
انا: انا فصلت مش قدرة
محمد: ناخد ريست شوية ربنا يفرهضك زي مفرهضتيني
انا: اعمل اي ياعني الولع ف نفسي اقوم اولع فنفسي واخلص
محمد: لا حول ولا قوة الا بالله اقعدي يابابا اقعدي
انا: انت شايف كدا
محمد: انا مش شايف غير كدا اقعدي
انا: قعدت مكنتش هولع ف نفسي اصلا انا بحبني اوي
محمد بضحك: لا الاه الا الله
انا: مشاء الله جاي يتوب ع ايدي
محمد: انا حاسس ان ذاكرتلك الدرس دا قبل كدا
انا: ايوا بس هنحل عليه
محمد: ازاي المفروض خلصتوا
انا: لا هوا دا انت مش فاهم حاجة يلا بس
وبعد ما خلصت
انا: كفاية مخي وقف عن التفكير
محمد: هو كان شغال قبل كدا اصلا
انا: وبعديين
محمد: طيب خلاص.. قومي نشرب حاجة
انا: انا عيزة تانج ب البرتقال
محمد: حاضر
انا: ولو عايز قهوه اشرب.. عد الجمايل بس
محمد بضحك: يااا مش عرفين نودي جمايلك فين بصراحة
انا: خفة
محمد بضحك: طب يلا يا ظريفة
قعدت وهو جاب العصير
انا: يادي الصداع
محمد: في اي
انا: الأطفال الي بتعيط تحت دي اووف برووود
محمد: تعالي نخش جوا
انا وبقوم عشان ادخل ووبص من البلكونة: الواحد مش عارف يقعد دقيقتين ع بعض ف الهوا منكم لله اشوف فيكم يوم الاهي يارب كل الأطفال الي ف مصر تنقرد واخلص بقى ابو شكلكم يارب تولعو كلكم يارب
محمد بضحك: ادخلي يا هبلة
دخلنا وكنا بنسمع التلفزيون
انا: يالهوي رجلي متلجة
محمد وقفل التكييف: من اي
انا: مش عرفة بس ممكن يكون عشان الجو بيسقع
ملك وجابت البطانية وغطتني انا وهيا: انا دايما برجح البطانية ف المواقف دي
انا: هههه اي دا يابت دانا سقعت اكتر
ملك بضحك:خديني ف حضنك وانتي هتدفي ف ثانية
انا بضحك: محن اوي انتي
ملك بضحك: محمد انضم إلى عائلتنا السعيدة
محمد: لا انا مش سعيد انا محمد معلش
انا: يالهوي ع الخفة
ملك بضحك: رجلك تلج اوي
انا بضحك: وانتي رجلك دافية اوي
ملك: ههههه
محمد: اولع فيكم يمكن تدفوا
انا/ ملك: لا دفينا
محمد: اي دا رجلي سقعت
انا: هههه
محمد وهو بيحدفني ب المخدة: بس يابت
انا ودخلت وشي جوا البطانية: مجتش فيا
ولسا برفع راسي لقيت المخدة لبست ف وشي
انا: اه ياموهزء
وحدفتو ب المخدة
محمد: كفاية لعب عيال بقى
رفعتلوا حواجبي ومردتش
محمد وهو بيحدفني ب المخدة: متبصليش كدا
رميت المخدا ع الارض ومردتش عليه
محمد وهو بيقعد جنبي: زعلتي
بدون رد
محمد بضحك: بت... زعلتي
انا: انت عبيط مبردش يعني زعلانة راضيني وخلص
محمد: ههههه
ملك بضحك: صريحة اوي
محمد بضحك: اراضيكي يعني
انا: انت شايف اي بظبط
محمد بضحك: طب معلش
انا: لا يشيخ.. قوم يالا من هنا
محمد بضحك: طب ممكن طلب
انا ووقفت: طلبك مرفوض
محمد: طلبك مرفوض!! هو انا جاي اشتري طماطم
انا: هما بيقولها ازاي
محمد: اقعدي يابابا اقعدي
انا: عايز اي
محمد: نسيت كنت عايز اي منك لله
انا: لا مانا عيزة اعرف الفضول هيجنني كدا
محمد: لما افتكر
انا: رخم
محمد: ربنا يخليكي
انا: ههههه
محمد بضحك: هبلة اوي
انا:هههه
محمد بضحك: الله في أي يابت
انا: هههه
محمد: يخربيت ضحكتك
انا: هههههه
محمد: هههههه
ملك بضحك: يخربيت هبلكم
وانا وهو مش قدرين نبطل ضحك
ملك: ههههه
انا: مش عرفة بيضحكوا ع اي
محمد/ ملك: ملبوسة
انا بضحك: انا باجي بليل وبتهب مني
محمد: لا يروحي هيا هبا منك ع طول
انا: بس يالا
محمد: وربنا لو قلتي يالا دي تاني لعلقك لو حد سمعك هيبتي هتروح وسط الناس
انا: متقرفناش بقى
محمد: يابت اتلمي بقى
انا: هو انا متبعترة
محمد: وانا الي هلمك
انا: ولاااا
محمد: بت صوتك ميعلاش
انا: هشش
محمد: اكتم نفسك ب البطانية دي واخلص منك
انا: اسكت بقى انت بذات متتكلميش دانت كنت هتموت لما جالي ديق تنفس
محمد بضحك: ابو شكلك
ملك: دايماً كسفاك كدا اهو
انا: تعرف يالا انت لو مش ظابط وخايفة لاتحبسني كنت قمت اديتك روسيا فقتلك الذاكرة
محمد وخبطني براسو ف راسي: كدا
انا: اااااااااه
محمد: هتمثل اهي دانا خبطك براحة بت فافي اوي
انا وضربتو ف بطنو: اااه ياما جالي ارتجاج ف المخ منك لله يا مهزء وربنا متتكلم معيا تاني اااه بجد وجعت بجد
محمد بضحك: عملة زي الازاز الواحد يخاف يقرب منك.. وريني كدا
انا: اوعي يالا كدا ملكش دعوة
محمد بضحك: وربنا خبطك ب اقل حاجة عندي كنت بهزر امال لو بجد كنتي فرجتي علينا الناس
انا: اووف راسي هعيط وربنا
محمد: طب وريني طيب
انا: اوعي كدا كذا مرة اقلك هزارك تقيل
محمد بضحك: وربنا ابدا انتي الي زي الازاز
انا: طب حاسب لجرحك
محمد: هو في جرح اكتر من كدا
انا: جرح اي
محمد: ولا حاجة وريني كدا
انا: ملكش دعوة بيا بقى عشان متزعلش مني انا راسي مش طيقاها دا مش هزار يتهزر هزارك غشيم أوي
محمد: اول حاجة صوتك ميعلاش تاني...وبعدين انا خبطك ب اقل حاجة عندي مفكرتش ممكن توجعك كدا بهزر مع ملك كدا ومبتعملش نص الي بتعمليه رقيقة زياداة عن اللزوم
انا: انت الي غشيم
محمد بضحك: طب وريني طيب
انا: قلتلك ملكش دعوة
محمد وهو بيشل ايدي: لما اقول كلمة تتسمع
شاف راسي مكنش فيها حاجة بس كان فيها وجع بسيط حطلي تلج
انا: التلج تلج أوي
محمد بضحك: مالك
انا: تعبانة ذي مانت شايف اهو راسي بتوجعني
محمد: شوية وهتخف حاجة بسيطة انتي الي مذوداها
انا: بقيت مبتحسيش ع فكرة
محمد: شكراً
انا بضحك: اوعي ابو شكلك
محمد: تعرفي انك ابرد انسانة شفتها عيني
انا: وانت شبه التلج دا
محمد: انتي تلاجة
انا: وانت فريزر
ملك: عايشة بين الواح تلج...سقعت
انا: روح هاتلى الايس كريم الي مش عايز يخلص دا
محمد بضحك: هتيه لنفسك
انا: اه انت بتزلني ان مش هطول يعني وكدا انا هوريك هجيبو ازاي
جبت كرسي صغير وحطيتو ولسا بطلع عليه خدني ونزلت ع الارض
انا آآآآه ياني ياما يا ضهرك الي اتكسر بدري بدري يا ايمان
محمد: هههه
انا: يارب تتشل ف سنانك عشان متعرفش تضحك تاني دانت معندكش دم
محمد بضحك: هاتي ايدك يا حجة هاتي
انا: ابو شكلك مهزء
قعدت وجابلي الايس كريم
انا: مكان من الاول لازم اتكسر عشان تستريح
محمد بضحك: هاا هتقدرى تقومي ولا نجيب عربية توصلك
انا ووقفت: هيهي.. اي يا واد الخفة دي
محمد بضحك: اي خدمة محرمتكيش من حاجة كئابة تلاقي خفة تلاقي في أحسن من كدا
انا: ياخي اتنيل ع عينك دانت دمك تقيل تقل
محمد: ربنا يجبر بخاطرك
انا: هو انت عندك دم اصلا
محمد: لااا مهو مش عشان ساكتلك تسوقي فيها وربنا احبسك ف التلاجة دي
انا: ههههه
محمد بضحك: هبلة
طلعنا وقعدنا برة واكلت معلقة من الايس كريم مقدرتش اكمل لأنها كانت متلجة
انا وحطيت العلبة ع وشو: متلجة
محمد: منك لله ياشيخة وقفتي خدي
انا ومسكة خدي: سناني وقفت امسك حطها تفك شوية
محمد واخدها مني وحطها ع الطرابيزة: هههه عملة كدا ليه
انا: سناني وقفة ياسطا هكون عملة كدا ليه
محمد: نقصك لغة الأطفال بس
انا: بس يابابا
محمد بضحك: احلى بابا وربنا
انا: ياخفة.. انا قصدي بابا تريقة مش بابا الي ف بالك والمحن دا
محمد: مانا عارف هو انتي بتقولي كلمة عدلة متتكلميش تاني بقى
انا: هو ليه المرتبطين بيقولو لبعض بابا هما أيتام
محمد: دي حاجة ف البني ادمين الي بتحس وعندها مشاعر مش هتعرفيها
انا: واد مبتشمش
محمد: وربنا يا ايمان اعلقك انتي حره
انا: خلااااص... بس ممكن سؤال
محمد: هااا
انا: يعني اي مشاعر
محمد: مش مستغرب
ملك وطلعت من الاوضة: جماعة الجو برد أوي بجد
ودخلت تحت البطانية معيا
كنت ماسكة الفون بتاعو وفتحة التيك توك وشفت فيديو بيقول ازاي البنات تضحك جت بنت ضحكت بطريقة غريبة وجه واحد مكتوب انا لما اضحك ضحك ضحكة فضيحة زي ضحكتي
محمد/ انا : هههه
ملك: وروني كدا
اخدت الفون مننا واحنا لسا بنضحك وشافتو قعدت تضحك وانا وهو عنينا دمعت من الضحك
انا بضحك:اوف كفاية بطني وجعتني من الضحك
محمد بضحك: فكرني بصحبتك بتاعت مدحك جدا
انا بضحك: داحنا جبناليها عقدة نفسه انا و رحمة كل مانشوفها نقلها مدحك جدا لما بطلت تكلمنا
محمد بضحك: عندكو حق بصراحة اي مدحك جدا دي عرفنا انها مثقفة ماشي بس اي دا ما كانت بعتت ايموجي بيضحك ونخلص الموضوع بدل حرف الدال الي بوظت بيه الكلمة دا
انا بضحك: مدحك جدا هههههه
لقيتني اترميت ف حضنو من الضحك ومحستش ب نفسي
انا: اي دا انا اي إلى جابني هنا
محمد بضحك: جيتي ب العربية
انا: يا خفيف...مرارتي مش قدرة
محمد: اسلفك مرارتي بس اوعديني انك ترجعيها عشان محتاجها ضروري
انا وحطيت الباطنية ع وشو: اكتم نفسك وخلص منكككك ومن رزالتك
فجأة لقيت مفيش مقاومة منو وايدو جنبو ومفيش حركة
انا: اي دا ولا... حظابط... محمد.. محمد محمد اصحى... يا محمد اصحى ونبي محمد ونبي اصحى هعيط وربنا اصحى يا محمد... يامحمد رد عليا بالله عليك...ياملككك الحقييي.. محمد ونبي فوق متهزرش اصحااااا... لا يارب ونبي يامحمد
ملك: في اي... مالو دا
انا بعياط: مش عايز يصحى
ملك: تلاقيه نايم يا بنتي
انا: نايم اي اسكتي مش نايم... محمد فوق.. محمد ونبي رد عليا عشان خاطري يامحمممد
محمد: اي حد يصحى حد كدا
من صدمة مقدرتش اتكلم
محمد بضحك: اسف
انا وبتكلم بسرعة: تعرف انك مهزء وحيوان وسخيف و معندكش دم ولا بتحس ولو اتكلمت معيا تاني همد ايدي عليك
محمد: هار اسود انا مفهمتش حاجة من الي قلتيه
انا: احسن برضوووا
ملك: كنت عرفة انو بيهزر
انا: ومقلتيش ليه ياختيييي
ملك: اصل شكلك كان حلو اوي وانتي خيفة عليه كدا
انا: اخرسسيي.. انا...انا مكنتش خيفة عليه انا كنت خيفة اشيل زنبو انو انا الي موتو
محمد ورفع حاحبو: بجد
انا: اه بجد
ملك: كدابة اوي
انا: لا مش كدابة هو انتو دخلتوا جوا دماغي انا عرفة اكتر منكم
محمد: يعني انا موتى عادي بالنسبالك
ملك: لا هيا مش قصدها كدا اكيد بتهزر... انت مشفتهاش كانت عملة ازاي ولما كنت بتتكلم عن الموت كانت بتبقى عملة ازاي
محمد وحتى.. معدتش فرقة اصلا
انا: هيا ليلة نكد.... خفت
محمد: وحتى لو مخفتيش مش فرقة معيا اصلا
انا: لا ياشيخ
محمد: والله بتكلم بجد معدتش فرقة معيا انك خفتي عليا او لا
انا: خش نام يا محمد خش نام واتغطى كويس
محمد: داخل
دخل واحنا كمان دخلنا نمنا عشان عليا درس الصبح
ف غرفة ملك
ملك: زعل ع فكرة
انا: يابنتي اعمل اي مانا قلتلوا خفت اعمل اي تاني
ملك: بس برضوا بعد اي
انا: اعمل اي بقى
ملك: حرام عليكي الي بتعمليه دا
وطلعت رحتلوا الغرفة الثانية وبعد دقائق رجعت
انا: في اي
ملك: مفيش مقلش حاجة اصلا
انا: هو صاحي
ملك: ف البلكونة
طلعت ف البلكونة لقيتو واقف وسرحان
انا: بتفكر ف مييين
محمد: بفكر فيا
انا: سخيف
محمد: سيبيني بقى واقف الحبة الي واقفهم ونبي مش عايز نكد اكتر من كدا خشي نامي
انا: طب انت زعلان
محمد: لا هزعل من أي
انا: متخلينيش انط من هنا ع البلكونة عندك... انت سحلان مني
محمد: يابنتي مش زعلان
انا بضحك: طب والله خفت بس كنت بهزر
محمد: مش فرقة كتير... وخشي عشان الجو برد
انا: ماهو برد عليك انت كمان ادخل
محمد: لا انا واقف شوية وهبقي ادخل
انا: طب وطي اقلك ع حاجة ف ودنك
محمد: هتقولي توت بقى ولعب العيال دا خشي يا ايمان خشي
انا: لا دانا هقلك حاجة هتعجبك أوي وطي بس
محمد: هااا
انا: تووووت
وطلعت اجري
محمد: وربنا كنت عارف اصلك هبلة ف الحجات دي معروفة عنك
انا: نام لجيلك
دخل نام وانا نمت
*تاني يوم*
صحيت كا العادة أديت فرضي لبست ورحت اصحيه
انا: اصحى ياسطاا كفاية نوم
محمد: ونبي ماتتكلمي تاني صحيت اهو مش ناقص صداع
انا: يلا غور.. امسك هدومك اهي
محمد: غور!! بيئة اوي
انا: كلاس اوي يالا ماتخلص
دخل اخد دوش وصلي
انا: بحس ان ممكن تتشل لو محطتش برفان
محمد بضحك: بحب استفزك مش عارف ليه
انا: بواخة وخفة دم
محمد: يلا قدامي
وحنا نزلين ع السلم كنت هتزحلق ف مسكت فيه
انا: الحمدلله جت سليمة مكنتش هعرف اروح الدرس النهارده
محمد بضحك: مفكرتيش انك كنتي ممكن تخديني وتنزلي
انا: انا لو عرفة كدا مكنتش مسكت فيك اصلا هو انا مسكة ف نانسي عجرم دانا لما مسكتك متحركتش من مكانك ياسطا في اي
محمد: احسديني بقى احسديني ماهي نقصة
انا بضحك: يلا يا نانسي
محمد: لا كدا نزعل ونجيب ناس تزعل
انا: انا مش عرفة انتو مبلطين السلالم ورخام وبتاع ليه ماكنتو سبتوها بدل مانا راحة جاية اتزحلق كدا
محمد بضحك: انتي الي مش بتبصي تحت رجلك تاني مرة تتكعبلي ف الكوتش
انا: كوتشيك هو السبب بقى وبعدين اعمل اي الرباط الي بيجي تحت رجلي و.. احيييه الدرس يابني
محمد بضحك: الحقي نفسك يلا
نزلت ركبنا العربية ووصلنا ع الدرس وفعلاً طلع زي ماقال ان الحل دا اتحل قبل كدا بس انا مسمعتش كلامو
ولما طلعت قابلني ف الطريق وركبت
انا وركبت: كلمتلك منة
محمد: كلمتيها ف اي
انا: مش كنت عايز ترتبط بيها
محمد: انتي اتجننتي انا كنت بهزر اوعي تكوني عملتي كدا بجد
انا: ولما انت مش قد كلامك بتقولو ليه
محمد: يعني مقلتيش لها
انا بضحك: لا
محمد: طب الحمدلله.. منة مش زوقي اصلا انا اخترت وحدا
انا: مالك
محمد: كانت معيا ف الكلية قابلتها من يومين وقعدنا اتكلمنا يعني
انا: انت بتتكلم بجد
محمد: اه هكدب ليه
انا: مامتك وباباك عرفين
محمد: لسا مفتحتهمش ف الموضوع بصراحة
بصيت من الشباك ومردتيش اتكلم
محمد: في اي
انا: لا مفيش حاجة
محمد: طب انتي اي رايك ف الموضوع دا
انا: مش عرفة بس لو انت مبسوط يبقى خلاص ربنا يوفقك
محمد: اه مبسوط
انا: يبقى ربنا يوفقك وانت ادرى ب مصلحتك
وبصيت من الشباك وسكت.. وكنا قربنا للبيت
محمد: تيجي ننزل نتمشى
انا: لا عيزة اروح اذاكر
محمد: لا تعالي هنتنشي
انا: يا محمد عيزة اروح اذاكر مش هقدر اتمشى
محمد: ماشي.. بس انتي كويسة
انا: اه كويسة بس عيزة ازاكر عليا امتحان دراسات وامتحان علوم
محمد: ماشي
وبعد دقائق وصلنا البيت ودخلت الاوضة وقعدت اذاكر *و..... يتبع*
بدل ماتدور وتبحث علي الروايات خليها علي تليفونك وحمل تطبيقنا
