رواية غيرة حب الفصل الثلاثون بقلم احمد صابر
والدتي: اعملي حسابك هنروح عند خالتك بكرة
انا: ليه اشمعني كنا بنروح يوم الخميس
والدتي: خالتك نرمين هتيجي وهنتجمع كلنا
انا: اممم ماشي
ذكرت شوية وبعد كدا مسكت الفون شوية لقيتو باعت فيديو ع الواتس
انا بضحك: انت بعتوا ب الغلط ولا اي
محمد: اه فعلاً بعتو بلغلط هبعت فيديو زي دا ليكي ليه انا بعتو لحبيبتي
انا: ابقى خليها تنفعك
محمد بضحك: هيا مين
انا: حبيبتك يا اخويا
محمد: اخويا!! ... اقفلي يا ايمان اقفلي ولو لقيتك اونلاين هاجي اجيبك من شعرك
انا: هقفل اخر ظهور
محمد: وبتقوليلي... دي ع فكرة من ضمن الذكاء الي عندك
انا: متتكلمش معيا
لقيتوا بيرن
انا: عايز اي
محمد: انا لما اقلك كلمة تتسمع
انا: لا ودني بتوجعني ف مبسمعش
محمد: متحاولش تستفزيني انتي حره
كنت هرد بس خالي جة
خالي: فين الورقة الي فيها العنوان الي ايمان جبتوا
والدتي: فكره ان انا اديتهالك تقريباً
خالي: لا مدتنيش حاجة خالص
انا: الورقة الي فيها عنوان الشركة
خالي: ايوا
انا: انا حفظاه
خالي: لازم الورقة عشان فيها الرقم برضوا
انا: متقلقش كنت عرفة انك هتضيعو عشان كدة كتبتو ع ورقة تانيه ومردتش ارميها
خالي: اي يابت الذكاء دا ابهرتيني
انا: هو انت بتتريق يا خالوا
خالي: لا عمري.. هاتي بس الورقة
جيت الجيب الورقة وانقلها ليه ف ورقة تانيه لقيتو لقاه الورقة ف كفر الفون
خالي: شفتي مامتك حطة الورقة فين وتقولي اديتهالك
انا بضحك: وربنا كنت حسه هيا اي حاجة بتحطها ف كفر اي فون... بس كويس ان حتطو ف فونك
خالي بضحك: الحمدلله
وطلع وقفل الباب..
*ملحوظة: انا خوالي 5... ودا كان أصغر واحد فيهم عندو 21 سنة*
انا: ألوو
محمد: اي يابابا
انا: عامل اي
محمد بضحك: بخير الحمد لله
انا: طيب كويس
ولقيت محمد ابن خالي داخل
انا: حضن حضن
محمد: هااا
انا: مش ليك...
حضنتوا وبستوا من خدوا
محمد: اي دا
انا: محمد هات بوسة
محمد: يالهوي اشوفك بس
انا: ولا تعالي هات ايدك
محمد: اممم.. محمد ابن خالك
انا: اه امال انت مفكر اي
محمد: ومش عيب لما تبوسي محمد ابن خالك
انا: بعد ازن العبط دا ابن خالي وعندو 3 سنين ولا 4 مش فكرة وربنا... اه صحيح انت عارف هو برج اي
محمد: اي
انا: الميزان.. ومريم بنت خالي الميزان برضوا... وانا الميزان تقريباً عشان كدا بحبوا... اه واقسم بالله عشان اعرفك ان محمد فيه كتير من خالوا هو كمان برج الميزان
بدون رد
انا: الو... الو... الو
محمد: ايمان حاسبي ع كلامك عشان محسبكيش عليه انا
انا بخوف: انا قلت اي
محمد: مش ملاحظة انك ذوتيها وبتقولي كلام من غير متاخدي بالك
انا: كلام اي
محمد: كنت قبل كدا قايلك متجيش السيرة.. وغير انك بتقولي عشان هو برج الميزان ف بتحبيه عشان انتي كمان برج الميزان وخالوا برج الميزان برضوا
انا: والله العظيم ما فنيتي حاجة ولو ع سيرتو بجد نسيت انما انا مش ف نيتي حاجة
محمد: انا عارف ان مش ف نيتك حاجة بس انتي بتقولي كلام مش بتاخدي بالك منو
انا: طب مانت برضوا برج الميزان يا محمد برضوا اي المشكلة
محمد: انتي بتقرنيني بيه
انا: لا مش قصدي مقارنة بقلك ان مقصدتش حاجة
محمد: طب ينفع بقى نقفل ع الموضوع دا وميتفتحش نانهائي
انا بزهق: حاضر.... اي دا مين الي عمل فيك كدا
محمد: عمل فيا اي
انا: مش انت استنى... ماما... يا ماما
والدتي من برا : عيزة اي
انا: الواد دا عامل كدا ليه
والدتي: مالوا
انا: كأنو واكل حاجة سبايسي... عينو حمره اوي
والدتي: كل اي دا
انا: واد طفس فتح التلاجة واخد فلفل اكيد.... محمد خليك معيا ثانية
محمد بضحك: حاضر
انا: اجبلك مياه
محمد ابن خالي: امم
انا: طب تعالي
مسك ايدي وجبتولوا المياه وشربتو
انا: يخربيتك عمال تطلع لسانك كدا ليه.... يا ماما
والدتي: في اي يابت... اي دا في اي
انا: بصي عامل ازاي اتصرفي انا مش عرفة اعمل اي
والدتي: تعالا
اخدتو واكلتو عسل والواد رجع زي الاول
انا: واد طفس اي حاجة قدامو بيوديها ع بقو ع طول...
والدتي: انتي الي تافه وتلاقيقي سيبتي باب التلاجة مفتوح
انا والله ماجيت جنبها من الصبح غير اخت موازايا وبعد كدا برتقال وبعد كدا خيارة بس
محمد بضحك: امال لو كنتي جيتي جنبها كنتي عملتي اي كنتي كلتي التلاجة بقى
انا: أخرس يالا دانا نسيت ان بكلمك اصلا...
والدتي: بت تافه... ازيك يا ميدو
محمد: الله يسلمك يا خالتوا
والدتي: حبيب خالتو اختي عملة يا واد
محمد بضحك: الحمدلله يا خالتو دي كانت عندك امبارح متبقوش اوفر ب الطريقة دي
والدتي بضحك: مش عرفة اي إلى تعبكم دانتو عيال قليلة ربابة انصحك متقعدش مع ايمان كتير
انا: اي دا
والدتي: اي في اي كذبت ف حاجة
انا: وداخلة الاوضة: كل مصيبة والتانية يجيبوها ف ايمان
محمد: اصلك تستاهلي كل خير
انا: هيهي خفة
محمد بضحك: لا الاه الا الله هو انا قلت حاجة دلوقتي..
انا: اصلك بتستظرف اوي
محمد بضحك: انا!!
انا: لا انا يالا
قعدنا نتكلم شوية وبعد كدا انتهت المكالمة ونمت
تاني يوم
صحيت اخدت دوش ولبست وفطرت ورحت ع الدرس كان عليه انجليزي ودراسات رحت الانجليزي بس مكنش فيه دراسات قلت الحمدلله لان مكنتش متأكدة من حفظي.. روحت ع البيت فطرت وقعدت ومسكت الفون لقيتو اونلاين رنيت عليه.. فصل ورن عليا
انا: اونلاين بتكلم مين
محمد بضحك: في اي يابنتي هو حرام ابقى اونلاين
انا: كنت بتكلم مين
محمد: والله كنت بشوف الاستوري الي كنتي منزلاها
افتكرت ان الاستوري الي نزلتوا نفس الفديو الي بعتهولي وهو اول استوري انا نزلاه ع الواتس
انا: امم وبعدين
محمد بضحك: لا عادي هو انا قلت حاجة كنت بشوفو بس
انا: انت مستفز اوي بصراحة... عجبني ف نزلتوا
محمد بضحك: ايوا طبعاً فاهم.. هو انا قلت حاجة
انا: انا منزلاه امبارح اصلا
محمد: تقريباً مفتحتش واتس امبارح
والدتي: يلا اجهزي كمان شوية وهنمشي
انا: ولا بقلك اي
محمد: ولا!!... اي
انا: وانت جاي تجبلي مصاصا
محمد: مش جايب حاجة
انا: هنشوف... قبر يلمك
محمد بضحك: القبر الي يلمني يلمك عشان هتوحشيني
انا: خفة
ملك بنت خالي: ايمان ايمان الحقيني
انا: في اي يا بت
ملك: ماما عيزة تحبسني ف البيت
انا: اقعدي ف حمى عمتك انا مليش دعوه
ملك: لا هقعد هنا
انا: طب اقعدي ومتقرفناش الله
لقيتها شدتني من شعري
انا: سيبي يابت شعري سيبي.. الحقوني ياناس.. شعري ياماما
محمد بضحك: استنجدي ب حد بقى انا مش موجود
انا: يا ماما... سيبي يابت شعري.. يامامااا
والدتي: في اي يا مجانين... ملك عيب سيبي شعرها
لقيتها سابت شعري وستخبت وراها
انا: وحيات امي لوريكي
والدتي: بت
انا: اسفة.. وحيات حظابط لوريكي
محمد: ههههه
انا: شعري عمال يوجعني اوي بجد...
ملك: بصي شعري اكبر من شعرك
انا: شعر مين يا قرعة دانتي شعرك كلوا قد اخر حتة ف شعري
والدتي بضحك: عنها حق يا ملك بصراحة... وانتي متتريقيش عليها يابت عندها شعر اهو مش قرعة ولا حاجة
انا: لا قرعة... اوووف شعري... بت بارده... غوري يابت مشفش وشك دا هنا ولو امك جت هقلها انك هنا وهخليها تاخدك... اااه ياما راسي
*ملك بنت خالي... عندها 5 سنين بشرتها حنطي شعرها اسود وقصير*
محمد بضحك: قاعد بسمع مسرحية وربنا
انا: اسكت بقى عشان مش طيقة نفسي دلوقتي
محمد بضحك: معلش
انا: شدت جامد بجد
محمد بضحك: يلا كما تدين تدان خليتي ماما تشدني من شعري برضوا
انا: والله انت عيل مبتحسش انا كنت زعلانة عشانك وانت مهزء
محمد: طب وانتي كنتي دخلتي جوا قلبي وشفتي انو انا مش زعلان دلوقتي
انا: متقلش كلام ب الالغاز وحيات مني انا مناقصة
محمد: الغاز!! أوضح اي اكتر من كدا.. ايمان متخديش ف بالك
انا: احسن برضوا
محمد: نكد بقى وكدا
انا: هو انا اتكلمت ولا نطقت ب حرف غير أن قلت احسن برضوا
محمد: قولي حاضر وبس
انا: اووف حاضر
محمد: شطورة... صحيح انتي مش المفروض عندك درس دلوقتي
انا: مكنش فيه دراسات
محمد: امم.. طب انا قربت من البيت اهو
انا: ماشي هقوم البس.. باي
محمد: باي
وانتهت المكالمة
لبست وكنت بلف الطرحة سمعت صوت العربية
والدتي: إيمان يلا
انا: حاضر بلف الطرحة
والدتي: الطرحة!! يبقى فيها ساعة كمان
انا: مانا بثبتها عشان شعري ميبنش.. مع انو بيبان برضوا بس اعمل اي
والدتي: طب يلا وبطلي رغي...
راحت ركبت العربية وكانوا قعدين بيستنوني
خلصت ورحت ركبت
والدتي: ما لسا بدري
انا: خلاص بقى دا غير أن معرفتش ظبطها
بصلي وضحك ف الجه الأخرى
انا: بتضحك ع اي يالا ع وشي نكت
محمد بضحك: اركبي يابابا اركبي
انا: اركب اي فين الصاصا
محمد بضحك: امسكي
انا: اي دول كام وحدا
محمد بضحك: عديهم
انا: لا مفيش خلق لكل دا بصراحة وهتوه فيهم...
والدتي: صبرني يارب
انا: خلاص
دخلت وقفلت باب العربية وكنت باكل مصاصا ووبص من الشباك.... شاب معدي شافني ف ضحك.. فهمت بيضحك ليه ف رفعتلوا حاجبي لقيتو بيضحك اكتر
انا: انسان مستفز
محمد: انا كلمتك يابت
انا: مش انت ياعم
محمد: امال مين
انا: متخدش ف بالك
والدتي: وياريت تقعدي سكتة شوية صدعت
انا: انا مالي سكتيه هو الي بيتكلم
والدتي: انتي الي بتجرجري شكلوا
انا: احييه انا
محمد بضحك: لا انا.. حقك عليا...
سكت وبصيت من الشباك وسند ايدي عليه ووشي.. وبعد وقت مش كتير وصلنا ع بيت خالتي هند كانت خالتي نرمين وابنها ذياد ومني
بعد تسليم كتير من خلاتي
*زياد... طولوا مظبوط بشرتو حنطية عيونو بُني شعرو اسود.. وكان متقدملي*
ذياد بضحك وهو بيمد ايدو : ولا سلام ولا كلام.. انا قريبك برضوا
انا وسلمت علية: مشفتكش
ذياد: اي دا
الكل/ هههههه
ببص جنبي ملقتش محمد.. طلعت برا لقيتوا بيركب العربية
كنت لسا هنادي بس مشي بسرعة
والدتي: ايمان
انا: نعم
والدتي: هاتي ارن ع جدك عشان فوني فاصل
طلعت الفون من جيبي واديتو لها... وكنت بفكر هو مشي ليه من غير مايقولي
مني: فين محمد مش كان جاي معاكم
انا: اه هو لسا ماشي ب العربية
مني: راح فين
انا: والله معرف لسا بطلع لقيتو بيركب ومشي بسرعة.... هرن عليه
مني: اه ماشي
والدتي خلصت وادتني الفون.. وكنت برن عليه مكنتش بيرد لحد رابع مرة لقيتو فصل ورن
انا: انت فين يا محمد
محمد: في البيت
انا: مشيت ليه من غير متقول
محمد: اخد ازنك ف كل خطوة
انا: انا مش قصدي كدا وبعدين فيها أي مانا برضوا باخد اذنك ف كل خطوة يعني اي المشكلة
محمد: انتي عيزة اي دلوقتي
انا: اي الهبل دا... تعالي
محمد: مش جاي
انا: لا هتيجي
محمد: مش هاجي
انا: ايوا انت بتعمل كدا ليه يعني
محمد: فكري كدا وشوفي انتي عملتي اي وانتي تفهمي
ولقيتوا قفل الفون
انا: مني
مني بضحك: نعم
انا: ابنك فصل ف وشي الفون يا منى
مني بضحك: معلش يا حبيبتي واد مش محترم
انا: وقليل الأدب كمان
مني: البت هتعيط... معلش يا حبيبتي دا كلوا عشان فصل ف وشك الفون.. هجبلك حقك متقلقيش
انا: هتضربيه
مني: هضربوا
انا: بس ف الشارع بقى يا منى عشان الناس تتفرج انا عيزة دم بصي مجزرة
مني بضحك: كدا محمد ممكن يسحبنا كلنا ع الحجز يا إيمان والله
انا: اه ماهو عشان قليل الأدب
مني بضحك: عرفة والله
انا: ماما انا شوية وجايا
والدتي: راحة فين
انا: هشوف الاستاز
والدتي: طيب بس ملكيش دعوة ب حد ف الطريق متتشكليش مع حد
انا: في اي يا امي انتي محسساني اني من ولاد رزق في اي يا حجة مالك
الكل/ ههههه
حنين: لو حسيتي انو هيقتلك اديني رنة وانا هفهم ومش هاجي
انا: هيهي خفة
طلعت وكنت راحة ع البيت قابلت أحمد
أحمد: مهاجره ع فين
انا: اي حتة بس مشفش وشك
أحمد: مشاء الله عليكي لسان يتلف ع برج ايفل
انا: عقبالك
وسبتو ومشيت وهو مشي.. وصلت قدام البيت وطلعت ورنيت الجرس مرتين... فتحلي الباب ودخل
انا: في اي يالا
محمد: مفيش حاجه
انا: يا جدع...انت كان قصدك اي لما رنيت
محمد: معرفش
انا: طب قولي عشان لو عملت حاجة غلط مكررهاش تاني
محمد: انتي كان ينفع تسلمي ع ذياد
انا: يخربيت عقلك انت من أمتي ب التافهه دي
محمد وهو بيمسك ايدي واتكة جامد: انتي شيفة ان دا موضوع تافه
ايدي وجعتني من مسكتو ف عيطت مقدرتش اخد نفسي
محمد: ليه العياط مش فاهم.... بتعيطي ليه
شاورتلوا ع ايدي سابها ب سرعة.. ف مسكتها مكان ايدو كانت معلمه على أيدي
محمد: ا..ا. اسف انا...
فتحت الباب بسرعة ونزلت نزل ورايا بس أسرعت ف مشيتي
محمد: اسمعيني طيب
كملت طريقي ومردتيش اسرع مشيتو ووقف قدامي
انا: ابعد عشان منزعلش مع بعض وتبقى خناقة بجد
محمد: طب اسمعيني والله مكنت اقصد
انا: كل مرة برضوا مكنتش تقصد ايدي كانت بتتكسر بين ايديك
محمد: انا اسف والله محستش ب نفسي
كت بعدي ومردتش ف مسك ايدي زقيت ايدو
محمد: ايمان احنا ف الشارع اعقلي وارجعي ع البيت
مسك ايدي بس كنت بحاول افكها معرفتش وراجل كبير لابس جلابية كان معدي
الراجل: في حاجة ولا اي
محمد: لا مفيش حاجة يا حج روح انت
انا: استنى يا عم الحج... دا بيدايقني
لقيتو بصلي بصدمة
محمد: بدايقك!!
الراجل بجدية: سيب اديها
محمد: روح يا حج شوف مصلحتك مفيش حاجه
الراجل: قلتلك سيب ايديها.... اعتبرها اختك.. اي الجيل المهبب دا
محمد: هار اسود يا حج اختي اي افهمني
وانا كنت كتمة الضحكة ب العافية
الراجل: مفيش حاجه تتفهم سيب ايد البنت تمشي
محمد: يا حج تمشي فين دي خطيبتي
الراجل بصلي رحت هزة راسي ب لاء
الراجل: البنت بتقول لا اهو.. بتكدب كمان سيب ايد البنت
محمد: دي خطيبتي بقلك
الراجل: الكلام دا صح يابنتي
انا وبحاول اكتم الضحكة: اه
الراجل: امال كنتي بتقولي لاء ف الاول ليه
محمد: قلتلك
الراجل: لا معلش بس برضوا شايفك ماسك ايديها لازم افهم غلط برضوا وغير انها قالت انك بتدايقها
محمد: لا دا مشكلة كدا وهتتحل بإذن الله
الراجل: ربنا يهدي سركم يابني
محمد: يارب
الراجل: واسف ع الطريقة الي اتكلمت بيها واذا كنت انفعلت
محمد: لا يا حاج ولا يهمك
واستأذن ومشي... وانا قعدت اضحك... بصلي بعصبية وبعد كدا نظر ف الجه الأخرى وقعد يضحك
انا بضحك: شكلك كان مسخرة
محمد بضحك: المشكلة ان حسيت الراجل شوية وهيضربني
انا: احلف وربنا لو كنت اعرف كنت سيبتو وفضلت ع موقفي خليتو اداك علقة محترمة
محمد: انا محدش يقدر يمد ايدو عليا
انا: خلي بالك انت ماسك ايدي من ساعتها وانا مش راضية اتكلم...
محمد: هتتكلمي تقولي اي بعد العملة السودا الي عملتيها دي
انا: انا معملتش حاجه حزرتك وقلتلك تسيب ايدي وانت مسمعتش كلامي تبقى تستحمل
محمد: متعليش صوتك ولاحظي اننا ف الشارع ولو متلعطيش هيبقى لينا كلام تاني خالص
فضلت واقفة مكاني
محمد: تلاتة..اتنين... وا..
ومشيت قدامو وطلعت ع فوق وطلع ورايا ودخلنا البيت
محمد: حلو فرجت الناس دي مش كدا
انا: انت الي فرجتهم علينا مش انا
محمد: لسا مصممه انك مش غلطانة
انا: لا مش غلطانة
محمد: حزرتك بدل المرة مليون صوتك ميعلاش
خفت بس مردتش أبين دخلت أوضة ملك وقعدت اعيط
دخل الاوضة *و..... يتبع🖇️*