رواية غيرة حب الفصل الثانى والثلاثون بقلم احمد صابر
ركب العربية ومشي وانا دخلت واترميت ع السرير من غير مغير هدومي حتى... لأني لما ببقى عيزة انام ببقى فاقدة الوعي حرفياً ومش بحس ب الي بعملوا.....
شرقت الشمس وكا العادة صحيت ع صوت المنبه ورحت الدرس.. ولما روحت فطرت وقعدت اذاكر شوية وبعد كدا مسكت الفون.. وفجأة الفون رن
محمد: الو
انا: تصدق انك زبالة يالا
محمد بضحك: انا كلمتك يابنتي
انا: بتستغل ان كنت عيزة انام وبتخليني اعمل كدا
محمد بضحك: عملتي اي يابنت قلبي
انا: لا متستعبطش
محمد بضحك: مش انتي تخيلتي انك بوستيني
انا: اه
محمد بضحك: لا تخيلات تخيلات
انا: بجد
محمد: اي.. اه اه بجد.. شفتي دايماً ظلماني ازاي
انا: بس يابابا... دانت مهزء
محمد: الله يخليكي
انا: لا طبعاً دا واجبي
محمد بضحك: دا العشم برضوا
انا: بس اي الصورة الي حاتتها بروفايل واتس دي
محمد: وحشة
انا: لا جامدة وربنا
محمد بضحك: وربنا انتي الي جامدة
انا بضحك: اتلم
محمد بضحك: حاضر
انا:هو دا السويتشيرت الي انا كنت لبساه لما كنت عندكوا... مليش دعوه انا هحط صورتي بيه
محمد: لا
انا: وشي مش باين حطة الفون عليه وقدام المراية
محمد: ابعتيها اشوفها الأول قبل ماتتحط
انا: هفتح النهاردة بليل وهبقي ابعتهالك واحطها
محمد: ماشي... بقلك
انا: نعم
محمد: مش اتفقنا انك تلبسي لبس طويل بقى
انا: لسا مش مقتنعة
محمد: ليه
انا: مش عرفة سبني براحتي وانا هفكر
محمد بضحك: انتي بتفكري بقالك شهرين
انا: هتجبرني
محمد: لا مش هجبرك الي يريحك
انا: اصل هقلك.... انا لو لبست لبس طويل مش هبطل البس بناطيل ف أحسن اقتنع بيه عشان ملبسهوش وارجع البس بناطيل
محمد: وجه نظر برضوا
قعدنا نتكلم شوية
انا: باي بقي عشان ورايا درس
محمد: بتيجي الساعة 6
انا: الطريق طويل يعني باجي 7
محمد بصوت عالي: لوحدك
انا بخوف: لا انا... انا
محمد: انتي اي
انا: بروح مع صحبتي وباجي معها هيا جيرنا هنا بنروح سوا مش بمشي لوحدي وباجي والجو لسا مضلمش
محمد: طب ماتحاولي تخليها تغير المواعيد تخليها بدري شوية
انا: مش هينفع بتدي مجموعات تانيه
محمد: طب ابقي خلي بالك وخدي الفون معاكي عشان لو في حاجة ترني عليا
انا: حاضر
محمد: يلا باي خلي بالك من نفسك
انا: حاضر.. باي
وانتهت المكالمة
لبست واخت كتبي عديت ع صحبتي اختها ومشينا واخت معيا الفون زي ماقالي... خلصت الدرس ورجعت كنت شحنت الفون وروحت
والدتي: نضفي البيت
انا: يالهوي دانا لسا جايا
والدتي: معلش نضفي البيت بقى... دانتي الي قدك فتحين بيوت
انا اي الكدب دا.. اه اسفه.. اقصد يعني مين دي إلى فتحة بيت وهيا قدي دي
والدتي: مفيش وقت اعد يلا نضفي البيت انا مش بقلك اعملي حاجة صعبة دا المكنسة ب الكهرباء مش حوار
جبت المكنسة وكنست البيت كلوا وبعد كدا ترميت ع السرير من التعب.. نزلت الفديو الي هو بعتهولي امبارح استوري ع الواتس وهو شافوا
محمد: ممكن تقليلي قصدك اي ب الاستوريهات دي يا هانم
انا: لا انا سرقاه من واحد
محمد: ومين بقى الواحد دا
انا: مش مهم تعرفوا اصلوا بارد
محمد: انا بارد
انا بضحك: هو انا كلمتك انا قصدي ع الواحد
محمد: ياسلاااام...وياتري عرفتي ان الواحد دا لو شافك هيعلقك
انا: لا هو طيب ومش هيعمل كدا
محمد: ومين قلك انو طيب لا هو شرير
انا: بس مش معيا
محمد بضحك: دي حقيقية فعلاً
انا: عرفة
محمد بضحك: مغرورة
انا بضحك: مغرور
انا/ محمد: هههه
انا: جعت
محمد: كوليني يا ايمان كوليني
انا: لا ممنوعة من الحلويات
محمد بضحك: اي دا
انا: اي
محمد: انا اتعاكست من 3 ثواني
انا: يالهوي لحقت حسبتهم
محمد: هار اسود
انا: تؤ تؤ مش بحسدك لا
محمد بضحك: واضح
انا: مش البنات بتعاكسك
محمد: هار اسود فضحتيني
انا: وانا من ضمن البنات بقى
محمد: انتي غير باقي البنات
انا: اي دي شتيمة دي ولا اي
محمد شتيمة!!! اه شتيمة يا إيمان انا بشتمك
انا: اتفو عليك مهزء بتشتمني
محمد: يارب خدني وخلصني
انا ف نفسي: بعد الشر متسمعش كلامو يارب
محمد بضحك: ميسمعش كلامي ازاي يعني
انا: هو كدا وخلاص
محمد بضحك: هو كدا وخلاص
انا: امممم
محمد: تعرفي انك وحشتيني
انا: هاا.. الو
محمد: هنستعبط بقى وكدا تمام تمام
انا بضحك: اصل هقلك اي
محمد بضحك: انا قلتلك اي
انا: وحشتيني
محمد: بس كدا... بسيطة اهي مش كيمياء
انا: استغلالي
محمد بضحك: الله يخليكي
انا: محنو اوي اصلا
محمد بضحك: اصلا
انا: بطل تعاملني اكني عندي 3 سنين
محمد بضحك: دي حقيقة
انا: خفة
محمد بضحك: وبعدين يا إيمان يا حبيبتي انتي محصلتيش 3 سنين كمان
انا: يعني عندي سنتين
محمد بضحك: بظبط
انا: ازاي دا انا كبيرة
محمد: دا كل الي فارق معاكي
انا: اه
محمد: عقلك عقل طفلة والله
انا: رشااا
محمد: وبعدين
انا: خلاص
محمد: هيا كانت حلوه بصراحة
انا: وحيات امك
محمد بضحك: وحيات امي!!
انا: انت انسان مهزء وحيوان وزبالة
محمد: هار اسود
انا: ممتكلمش عشان مجيش اجيبك من شعرك
محمد بضحك: يابنتي كنت بهزر والله انا اصلا مش فاكرها
انا: عنك مفتكرتها مش فارقلي اصلا
محمد بضحك: لا مهو واضح انو مش فارقلك خالص
انا بثقة: اه مش فارقلي خالص...
محمد بضحك: ياشيخة...
انا: اه... وملكش دعوة بيا بقى عشان بتخانق مع دبان وشي
محمد بضحك: طب اهدي طيب
انا: انا جعانة
محمد بضحك: روحي كلي
انا: مانا مش جعانة
محمد: لا مانتي متجننيش معاكي انتي عيزة اي بظبط
انا: هو انا جعانة ولا مش جعانة
محمد: لا مش جعانة قومي اشربي وتعالي
انا: انت شايف كدا
محمد: انا مش شايف غير كدا
انا: طيب
جبت كباية المياه وشربت
انا: اي دا.. دا انا كنت عطشانة بجد
محمد: صبرني يارب
انا: اول ماهويت حبيت البت خطيرة حبك دا قدر يا قمر كانت صدفة جميلة عمري مابنسها
بدون رد
انا: الو
محمد بضحك: كملي اصل اندمجت بصراحة
انا: لا كفاية انا حفظة لحد هنا اصلا
محمد بضحك: حد يلاقي وحده زيك كل يوم تغنيلي ودايماً محسساني ان قاعد ف ذافويس كيدز
انا: ههههه
محمد بضحك: هبلة
انا بضحك: الله يخليك
محمد بضحك: هيخليني عشانك يابنت قلبي
انا: محنووو جاتك القرف ملزق
محمد: مشاء الله الدم معدوم من عندك في اي يابت
انا: حطة بدالو شربات يا خويا
محمد: اخويا!! واقسم بالله افتكر بس واشوفك هعلقك
انا: لا خلاص ونبي
محمد: بتقفلي الواحد قفلة سودا
انا بضحك: معلش
محمد: هو انا جاي اشتكي عشان تقوليلي معلش مالك يابابا
انا: مالي ف البنك وبيشرب تانج وبياكل جبنة فلامنك
محمد: اشوفك بس يابنت قلبي وشوفي انا هعمل فيكي اي
انا بضحك: هتعلقني
محمد بضحك: دا اخرك اصلك مش حمل قلمين
انا: عرفة بارد كمان وايدك تقيلة وبتخوفني
محمد: انتي لسا شفتي حاجة دانتي ليلتك فل
انا: هو انا عملت حاجة
محمد: يالهوي يا جدعان ع البرائة اي يابت دا
انا: دانا غلبانة دايماً جيين عليا كدا
محمد بضحك وهو: برااافووو
انا: أخرس يالا عالم برجوازي متعفن
محمد: يابنتي انتي المفروض تاخدي جائزة بوليتزر
انا: عرفاه دا مش دا بتاع اكل دا
محمد: اكل!! اه يابابا بتاع اكل تطلبي حاجة
انا: سندويتش كريب وحيات الحجة
محمد بضحك: انا مش عارف اضحك ولا اعيط.... انتي بتتكلمي بجد
انا بضحك: في اي يابني بهزر عرفاه مش دا صحفي ودي كانت جائزة الصحافة الاعلامية
محمد: صح انا قلت كدا برضوا.. مش بقلك انتي تاخدي جائزة بوليتزر وممكن تاخدي جائزة نوبل كمان
انا بضحك: اومال.. فاكرني جهلة زيك ولا اي
محمد بضحك: لا فعلاً انا جاهل عندك حق
انا بثقة: عرفة عرفة
محمد بضحك: ايمان روحي كلي
انا: اه واقسم بالله جعت فعلاً
محمد: عارف
انا: طيب غور بقى عشان اروح اكل
محمد بضحك: هغور حاضر
انا بضحك: باي
محمد بضحك: باي
وانتهت المكالمة
رحت اكلت وشربت عصير وبعد كدا نمت
قمت الساعة 8 مسكت الفون لحد الساعة 2 وفتحت هوت سبوت من عند خالي لان النت عندي خلص لقيتو باعت مسدج
محمد: ادعيلي
انا ربنا معاك... بس اشمعني بتقول كدا...
بعدت مسجات كتير بس مكنش اونلاين رنيت عليه اكتر من 12 مرة وفونو مغلق
انا: اووف افتكرت دا المفروض عندو مهمة انهارده...
قعدت ادعيلوا وانا خيفة
انا: اووف هما هيبقوا يومين زي الطين بقى.. طب انا اعمل اي دلوقتي حسه ان عيزة اعيط... اووف.. وبعدين.. هيبقى كويس انشاء الله... بس دا حتى مقليش هيرجع امتى ولا هو رايح فين... اووف انشاء الله خير
كان يوم جمعة واجازة مسكت الفون شوية لان مذاكرتي هتبدأ من اول العصر
انا: ماما
والدتي: نعم
انا: محمد عندو مهمة انهارده
والدتي: تقريباً اه
انا: طب هو مقلش هيرجع امتى
والدتي: لا تقريباً مقلش هو قال عندو مهمة المفروض انهارده
انا: اووف
والدتي: طب رني ع خالتك نسألها
مسكت الفون ورنيت عليها وردت
مني: الو
والدتي: الو ازيك يا حبيبتي عملة اي
مني: الحمدلله بخير وانتي اخبارك اي
انا: متنجزو انتو الاتنين اي الأوفر دا انتو كنتو عند بعض اول امبارح... مني محمد فين
مني بضحك: هو مقلكيش
انا: قالي بس مقلش هيرجع امتى
مني: اه صحيح مقلش
انا: احيييه... رنيت عليه اكتر من 12 مرة ومش بيرد
والدتي: هو ع طول بيقفل فونو انشاء الله خير
انا: ازاي يعني.. اول مرة ميقلش هيرجع امتى
مني: ونبي متقلقيني يا ايمان اكتر مانا قلقانة
انا: ازاي لازم تقلق يا جماعة احنا مش عرفين حتى مكانو
مني: طب افصلي دلوقتي انا هرن ع علاء يارب يرد
والدتي: ماشي وابقي طمنينا
مني: حاضر سلام
وانتهت المكالمة
حاولت ارن عليه لاكن الفون مغلق بردو
انا: احيه بقى
وفجأة الفون رن واديت لماما الفون
والدتي: الو
مني: محدش بيرد خالص
انا ومسكت شعري: يالهوي بقى
َ
والدتي: اهدو يا انشاء الله خير...
مني: يارب يارب
كنت ماسكة الفون وبشوف صورتو وبدعي يكون بخير
ميأستش للحظة ارن عليه يمكن يفتح فونو واعرف ع الاقل هيرجع امتى
وبعد وقت رحمة رنت عليا ولبست ومشيت ع الدرس ورجعت ع الساعة 6... غيرت هدومي ومسكت الفون اشوف لو بعت حاجة لقيتو مشفش المسجات ورنيت ومغلق برضوا
والدتي: احنا ممكن نروح بكرة عند خالتك
انا: مش هروح طول ما محمد مش هناك
والدتي: خالتك تعبانة ولازم نروح
انا: عليا درس اصلا
والدتي: هنقعد شوية نطمن بس عليها وهنيحي قبل الدرس
انا: طيب... مفيش اي خبر عنو
والدتي: لا ودا الي تعب خالتك
انا وعيطت: هو ممكن يجرالوا حاجة
والدتي: تفألو ب الخير تجدوه.. انشاء الله خير.. انشاء الله هيرجع ب السلامة
انا: يارب
طلعت وقفلت الباب وانا كنت مسكة الفون بشوف صورو كان وحشني لدرجة ان كان نفسي احضنو ف اللحظة دي... كلمت صحابي ع الواتس شوية وبعد كدا قمت اتعشى لان من الصبح وانا مش عيزة اكل.. اكلت حاجة بسيطة وقمت افتح الفون ع امل انو يبعت حاجة بس بلا فايدة وحتى مفتحش الفون... ف فكرت ارن ع ملك
انا: الو
ملك: الو يا إيمي ازيك
انا: الحمدلله.. مفيش اخبار عن حظابط
ملك: لا
انا: هو آخر مرة مكلمكم امتى
ملك: الساعة 2 كدا
انا: وانا برضوا وبعد كدا قفل
ملك: انشاء خير أنشاء الله.. هو ع طول بيقل فونو انشاء الله هيرجع ب السلامة
انا: ياااارب... خالتو عاملة اي
ملك: من امبارح مأكلتش
انا: ودا اكيد تعب بسبب قلة الاكل.. لازم تاكل مينفعش كدا حاولي معاها يا ملك وطمنيها هو اكيد هيرجع ب اذن الله هيبقى كويس
ملك: هحاول مع انها مش راضية
انا: حاولي بس
ملك: حاضر
انا: يلا باي
ملك: باي
وانتهت المكالمة
صليت المغرب ودعيت انو يكون بخير لان لو جرالو حاجة انا هتدمر ومش انا لوحدي كلنا... مسكت الفون شوية وفتحت الواتس لقيتو مفتحش من الساعة 2 الظهر كلمت صحابي *و..... يتبع🖇️*
بدل ماتدور وتبحث علي الروايات خليها علي تليفونك وحمل تطبيقنا
