رواية غيرة حب الفصل السابع والثلاثون بقلم احمد صابر
طلع وقفل الباب وانا كنت بغلي لحد ماسمعت صوت باب اوضتو بيتقفل الابتسامة اترسمت ع وشي لا ارادياً... وفضلنا ف الاوض لحد مامشيو وبعد مدا طلعنا ف وقت واحد من الاوض واحنا بصين لبعض بصيتلوا بنظرة باردة ورجعت بصيت ع امي وخالتي وقعدت معاهم وهو قعد جنبي
محمد وهو بيحط ايدو ع ايدي: انا اسف
شيلت ايدي من غير مابصلوا وقعدت بعيد لقيتو ضم ايدو بعصبية وبص للتلفزيون من غير ميتكلم كنت مسكة الفون لقيتو شد ايدي والتليفون وقع مني اع الأرض ودخلنا الاوضة
محمد: ماهو مش كل مايحصل مشكلة تبطلي تكلميني مش حل دا ع فكرة
بصيتلوا وبصيت ع الباب عشان اخرج وقفني تاني
محمد: اخر مرة يا إيمان هقلك لما اكون بكلمك متتحركيش من مكانك
انا: انت بتتعصب عليا ليه انا مش لعبة ف ايدك ع فكرة كل ماتحب تتعصب بتتعصب عليا انا زهقت بتغلط وبتيجي تعتزر وانا زي هبلة ب كلمتين برضي
محمد: طب انا لما بغلط بعتزر انتي لما قلتيلي ان انا مهمكيش كنتي اعتزرتي برغم ان انتي الي كنتي غلطانة مجتيش وكلمتيني وف كل مرة بتأسبتيلي انك مش عيزاني وانا الي كل مرة بجازف واجي اصالحك وانتي مبتحوليش ع الاقل انك تخاطري وتكلميني... اي قلت حاجة غلط او بتبلا عليكي مش دا الي حصل
انا: انا مش شيفة نفسي غلطانة و...
محمد بمقاطة: ماهي دي المشكلة انك بتشوفي نفسك دايماً صح ومش غلطانة... امال هتشوفي نفسك غلطانة امتى مش فاهم عيزة تقنعيني ان ف كل خناقة انا الي بكون غلطان وباجي عليكي
بدون رد
محمد: مش عرفة تردي طبعاً لانك مش لقياه حاجة تقوليها لان كلامي صح
انا: لا مش صح انا الي مش عيزة ارد
محمد: هتردي تقولي اي ان انا غلطان
انا: اه انت الي غلطان كل مرة بتنفعل عليا وبتخوفني وبتراضيني وانا بسكت
محمد: انا عارف ان ذوتها المرة دي وعشان كدا جيت اعتزرت بس انتي حتي مدتنيش فرصة اتكلم وقمتي
انا: مش عيزة اتكلم يا محمد
محمد: يعني افهم انك مش عيزة تكلميني
انا: دلوقتي اه
محمد: عرفتي بقى مين الي لعبة ف ايد التاني وقت ماتحبي تكلميني بتكلميني وقت ماتحبي تخاصميني بتخاصميني مش كدا
انا: انت بتتكلم من دماغك بتفهم الي انت عايز تفهمو وبس
محمد: طب متفهميني انتي
انا: مش عيزة افهم ولا أفهم حد وسيبني اطلع بقى
محمد: اطلعي
فتحت الباب وطلعت اخت تلفوني الي كان مرمي ع الارض
والدتي: في اي
انا: مفيش
قعدت ومسكت الفون بس كلامو لسا معلق معيا ( انا لما بغلط بعتزر انتي لما قلتيلي ان انا مهمكيش كنتي اعتزرتي برغم من انك انتي الي كنتي غلطانة مجتيش وكلمتيني وانا الي ف كل مرة بجازف واجي اصالحك) قمت ودخلت الاوضة كان ماسك كتاب بيقرأ فيه ولابس نظارة قرأة
انا: بتقرأ ف اي
محمد: بقرأ ف كتاب معنتش قادر افهمو
انا: والكتاب دا انا
محمد ورفع عينو من الكتاب وبصلي: بتفهمي اهو
كان شكلوا حلو اوي ب النظارة لدرجة ان فضلت بصالوا لفترة متكلمتش
محمد: في اي
انا ف نفسي: دانا نسيت كنت جايا ليه يخربيت عينيك
محمد: بجد والله
انا: احم... انت زعلان
محمد بضحك: اه
انا: اي الصراحة دي
محمد: اتعلمتها منك
انا: بطل رخامة بقى مانا جيت اصالحك اهو
محمد: مش ب السهولة دي
انا: عرفت انك رخم.. انا بتصالح بسرعة
محمد: انتي بت تصالحي ب سرعة!!!
انا: اه
محمد: طب اسكتي
انا: اسكت اي انا جايا اصالحك اهو
محمد: لا كتر خيرك بصراحة
انا: يلهوي بارد برود
ورجع بص ف الكتاب تاني
شيلت النظارة ولبستها واخت الكتاب منو لقيتو ربع ايدو وبصلي
انا وبقلدو: لا كتر خيرك بصراحة
ورجعت بصيت ف الكتاب
انا: اقوم الشد ف شعري يا ناس... طب ع فكرة بقى انت بارد بارد بارد
وقلعت النظارة واديتهالوا
انا: وامسك الكتاب مفهمتش منو حاجة فعلاً
ومسكت المخدة وضربتوا ب المخدة شعرو نزل ع وشو رح مرجعوا ع ورا وسبتو وطلعت البلكونة
كنت بصة قدامي ومردتش ابصلو قعد يبصلي ويقف قدامي غصب عني ضحكت
محمد بضحك: هبلة
انا: شكراً
محمد: يالهوي ع الاحترام
انا: شفت انا بسمع الكلام اصلا
محمد: اممم عارف
انا: هههه
لقيتو غمض عينو وبيحرك فيها
انا: في اي
محمد: حاجة دخلت ف عيني
وقفت ع الكرسي وقدمتو
انا: اوعي ايدك وفتح عينك
بيفتح عينو لقيتها حمره وفي رمش واقع فيها
انا: استنى اجيب منديل
جبت منديل من ع الكمود ورجعت وقفت ع الكرسي وحاولت اطلع الرمش من عينو ب المنديل براحة
انا: هيييي طلعتوا
محمد بضحك: انا مستغرب انتي ازاي مقلعتيش عيني
انا: لا عينك لا هو انا هبلة
محمد بضحك: واشمعني عيني
انا: أصلها حلوه... بس بقى أنفع اخش تمريض مش كدا
محمد بضحك: اومال واي حد عينيه متعجبكيش اقلعيها
انا: بظبط كدا
محمد بضحك: صلاة العيد
انا: هو العيد جه... مش المفروض رمضان الأول
محمد: انتي مشيا ورا الي ماشي
انا: بصدقك ف كل حاجة مش عرفة ازاي
محمد بضحك: انزلي من ع الكرسي بس عشان راسي وجعتني
انا وحطيت ايدي الاثنين ع كتفوا: نزلني
محمد بضحك وهو باصصلي: هشيلك
انا: لا انا بعرف انزل لوحدي ع فكرة ابعد بس كدا
وانا نزلا الكرسي مال ع جنب كنت هقع من البلكونة مسكني ع اخر لخطة
انا: هار اسود كنت هموت وربنا كنت هقع من البلكونة
محمد بضحك: ماقلتلك اشيلك
انا: انت مسكني كدا ليه اوعي كدا
محمد: انا استاهل ضرب الشبشب كنت سبتك تقعي وخلصت منك
انا وبمثل البرائة: اهون عليك
محمد بضحك: مع انك بتمثلي بس حركتي مشاعري مش عارف ازاي
انا وبشوح ب ايدي: قدرات يبني قدرات
محمد بضحك: طب انزلي يامو قدرات وحاسبي لتوقعي تاني
ونا نزلا مثلت ان هقع لقيتو اتخض ومسك ايدي
انا: ههههه
محمد: مستفزة
مسكت ف رقبتو وهو لف ايدو حوليا ونزلت
انا: تيجي نلعب كورة
محمد: لا
انا: طب تيجي اقتلك
محمد: لا
انا: طب تيجي اقتلني
محمد: يلا
انا وشديتو من شعرو: معدش عندك دم خلاص
محمد بضحك: شعري يابنتي
انا: احسن يارب يقع كلوا وتبقى أقرع
محمد بضحك: زي مرضى السرطان كدا
انا: اي إلى انت بتقولو دا انت اتجننت... انت ازاي تقول كدا وربنا انت معنتش بتفهم ولا بقى عندك دم اتفو عليك
ودا كلوا وهو واقف مصدوم عمال يسكت فيا وبيبص ب الصدفة لقة بنتين وقفين ف البيت الي قصادنا بيضحكوا
محمد: فضحتيني يا إيمان كفاية
انا وعيط: انت بجد معنتش بتحس ابو شكلك
محمد: طب خلاص طيب
انا بمسح دموعي: تخيلت الموقف
محمد بضحك: وتخيلتيه ازاي دا
انا: معرفش
محمد بضحك: وربنا كنت بهزر مكنتش كلمة قلتها انا اسف
انا: هما العيال دي بتضحك ع اي
محمد: هيكونو بيضحكو ع مين عليا طبعاً شيفين ظابط بيتهزق قدامهم من حقهم يضحكو
انا: هما مالهم اصلا
محمد: مالهم ازاي الطوم يلا يا إيمان ندخل
انا: يالهوي الدرس
شديتو ورحت جبت الكتاب
انا:ماما انا مشيا ع الدرس
والدتي: ماشي اول ماتخلصي رني ع محمد عشان هيبقى الجو ليل
انا: هاجي مع انجي
والدتي: هتيجي هنا مع انجي
انا بضحك: قصدي هروح معها يعني
والدتي: مانتي هترني عليه عشان يجيبك هنا
انا: ماشي
نزلنا وركبنا ووصلني ع الدرس ومشي حضرت الحصة وكنت مروحة مع انجي كانت الساعة 6 بعد المغرب
انجي: انا هروح هنا ثانيه وجايا استنيني
انا: استناكي اي ف الطريق كدا قدام الناس انا هروح
انجي: يا ايمان دا ف ثانيه هنا وجايا
انا: غوري يا انجي غوري
مشيت مع رحمة لحد اخر الشارع وبعد كدا كملت طريقي للبيت ونسيت ارن عليه لحد ماوصلت البيت لأن بيتي بعيد عن الدرس شوية كانت الكهرباء قطعة بلفت الشارع عشان ادخل شارعنا خبط ف حد كنت هصوت
محمد: اهدي انا محمد
مسكت ف ايديه بخوف
محمد: انا رنيت عليكي مردتيش ليه
انا: الفون سايلنت مانا كنت ف درس يعني
محمد: ومرنتيش ليه اول ما طلعتي
انا: نسيت
محمد: انا كنت جايلك
انا: انا جيت لوحدي
محمد: نعم وفين الزفتة صحبتك الي بتمشي معها
انا: داهية تخدها قالت راحة مشوار
محمد: طب اركبي
ركبت وساق العربية ومشينا
انا: هو دا ريحة برفان مين
محمد: مش فاهم
انا: دي عملة زي ريحة برفاني الي كنت بحطو قبل كدا
محمد: قصدك اي مش فاهم برضوا
انا: دا معناه ان دي ريحة برفان حريمي يعني كان فيه بنت ف العربية
محمد: اه
انا: اه!!! اه ازاي يعني مش فهمة برضوا.. لا وبتقولها ف وشي كدا
محمد: اقول اي ف وشك انا مش فاهم...انتي بتقولي اي
انا: لا متجننيش كان في وحدا معاك ف العربية وبتقولييي مش فاهم انا بقول اي انت عبيط ولا بتستعبط
محمد: افهمييي... وانا جاي اجيبك قبلت حنين ف الطريق ف وديتها الدرس ف طريقي
انا: حنين!! صدقتك انا كدا
محمد: واقسم بالله حنين... فكرة لما قابلناها ف الوقت دا لما كنا نزلين نتمشى قالت إنها راحة الدرس ولو مش مصدقة اسأليها لما نروح
انا: هسألها
محمد: اسأليها
انا: اسكت بقى ومسمعش صوتك لحد مانوصل عشان وربنا هتبقى ليلة طين ع دماغك اليلة دي لو مطلعتش حنين
محمد: وربنا لما نروح وتعرفي انها حنين لديكي قلم ع قفاكي مختيش زيوو..هركب مين ف العربية انا مش فاهم
انا: وحدا زبالة زيك عادي
محمد: يابت اتلمي بدل مقلبك ب العربية انتي حره
انا: يااا زعلان عشنها اوي كدا
محمد: هيا مييييين
انا: السنيورة الي كان معاك ف العربية
محمد: اه يا إيمان انا كان معيا وحدا ف العربية انا كنت بخونك ارتحتي كدا
انا: كنت متأكدة وتقلي حنين انت طلعت زبالة نزلني
محمد اعقلي يابابا الله يهديكي
انا نزلني بقلك
محمد: انزلي فين يابت انتي هبلة
انا: احترم نفسك انت الي اهبل مش انا وكلمة كمان هصوت ولم عليك الناس نزلنييي
محمد: واقسم بالله الي كانت معيا دي حنين وربنا
انا: انت انسان كداب ومنافق انت لسا قايل انها وحدا تانيه
محمد: باخدك ع قد عقلك لحد مانروح وتسأليها بس طلعتي غبية
انا: اتلم انا مش غبية انت الي غبي
محمد: انا الي غبي كويس كدا
انا: ااااه فهمت انا مين الي كانت معاك ف العربية
محمد: حنين
انا: أخرس كداب.... الي انت كنت قايلي عليها قبل كدا وانها كانت معاك ف الجامعة مش كدا
محمد: انتي بتقولي اي لا طبعاً مش هيا وبطلي هبل وشغل عيال صغيرة بقى
انا: لا نزلني.. نزلني مش مقدرة اتنفس نزلني
فرمل ب العربية وفتح الباب ونزل ونزلني
محمد: انتي كويسة
انا وحطة ايدي ع قلبي: اوعي ايدك دي
محمد: يابنتي انتي هبلة واقسم بالله حنين ارن عليها
انا: ماتبطل كدب بقى
محمد: كدب!!! انا كداب يا إيمان؟
كنا وقفين قدام بيت خالي بظبط وخالي مركب كاميرات مراقبة يقدر يشوفها وهو ف إيطاليا
وفجأة فونو رن
محمد: الو
خالي محمد: اي يابني وقفين ف نص الطريق لوحدكم كدا ليه
محمد: لا مفيش دانا كنت جاي اخد إيمان بس نفسها ضاق شوية زي مانت عارف ف نزلت تشم هوا
خالي محمد: ادهالي كدا
محمد: امسكي
انا: الو
خالي محمد: ايوا يابابا ازيك
انا: الحمدلله يا خالو تمام
خالي محمد: انتي كويسة ف حد مدايقك
انا: لا انا كويسة مفيش حاجة
خالي محمد: امال نفسك داق ليه ماهو اكيد في سبب
انا: لا والله مفيش حاجة بس اتخنقت شوية ف نزلت من العربية
خالي محمد: طب يلا عشان وقفتكم قدام الناس ف الطريق كدا عيب
انا: حاضر
خالي محمد: يلا عيزة حاجة ابقى سلملي ع مامتك
انا: الله يسلمك
خالي محمد: يلا سلام
انا: سلام
وانتهت المكالمة
اديتو الفون وانا ببصلوا بقرف وركبت من غير متكلم وهو ركب وساق العربية وكان لسا هيتكلم
انا: متتكلمش عشان مصدقت هديت صوتك بينرفزني
محمد: لتاني مرة بتسدي ودانك عن الحقيقة وبترفضي تسمعيني انتي ظلماني لدرجادي ثقتك فيا معدومة ب الشكل دا
قعدت اخد نفسي و انا ببص من الشباك ومش فهمة انا ادايقت للموضوع ليه مع ان لسا معرفش ازا كنت بحبو او لا
روحنا ع بيت خالتي وندينا ع حنين
هند: تعالوا وقفين برا ليه
محمد: فين حنين يا خالتو
هند: ف الدرس ساعة كدا وجايا في حاجة ولا اي
محمد: لا مفيش حاجة متقلقيش إيمان كانت عيزاها ف موضوع مهم
هند: قلقتني... كلوا تمام
محمد: اه متقلقيش كلوا تمام
هند: طب ادخلو على ماتيجي
انا: انا هبقي ارن عليها وخلاص
هند: انا كدا كدا جايا كمان شوية وراكم لو قبلتها هبقي اقلها
انا: ماشي يلا باي
هند: باي
ركبنا العربية وساق وبعد دقائق وصلنا ع البيت
مني: يلا ياولاد كويس انكم جيتو عشان العشا.... مالكم ضربين بوز كدا ليه
انا: مافيش حاجة
ودخلت الاوضة حطيت كتبي ولبست دريس ازرق لحد الركبة وطرحة لونها ازرق ع ابيض وقعدت اذاكر
محمد: حنين برا
اول ماسمعت اسمها قمت بسرعة وتوجت للباب كانو كلهم قعدين برا
حنين: في اي ماما بتقول انك عيزاني
انا: هو انتي كنتي ف الدرس
حنين: اه
انا فين الدرس دا.. انتي بتروحي لوحدك
حنين: الدرس مش بعيد اوي هو الشارع الي ورانا بس وبروح لوحدي اه بس ليه
انا: اه افتكرت محمد وصلك وهو جاي يجيبني صح
حنين: ايوا كنت متأخرة اوي بجد اول مرة تحصل... بس برضوا كنتي عيزاني ف اي ماهو اكيد مش هو دا السبب
انا: فكره البرفان بتاعي الي كنت بحطو قبل كدا
حنين بضحك: اه... قولي قلودة بقى
انا: ليه
حنين: اصل انا غيرت نوع البرفان بتاعي وعنت بحط من نفس النوع
انا: اه فعلاً اصل شميتها ف العربية ف استغربت بس
حنين: استغربتي ولا شكيتي فيه
وهزيت راسي ب اه
حنين بضحك: والله كنت متأكدة بس ذكية ع فكرة
انا: الله يجبر ب خاطرك بس ليه
حنين بضحك: لانك مجبتيهاش ليا خبط لزق كدا وجبتيها من نحيه تانيه
محمد: شاطرة بس تفرج علينا الناس
انا: متتكلمش وتتغر ف نفسك لسا حسابك معيا مخلصش
محمد: حتى برضوا لما اتأكدتي انها حنين
انا: مش عشان كدا... هقلك بعدين انا عشان اي
حنين: طب انا هروح بقى عشان عليا مذاكرة كتير... يلا باي
انا: باي
نزلت وقفلت الباب ودخلنا الاوضة
محمد: ليه بقى قولي
انا: مش انت قلتلي انك بتحب وحدا كانت معاك ف الجامعة
محمد: انا مقلتش بحبها انا قلت شفتها ب الصدفة
انا: وقعدت معها
محمد: محصلش
انا: انت قلت كدا
محمد: قلت بس دا محصلش انا مستحيل اقعد مع وحدا ودا غير ان مكنش ليا كلام مع بنات دفعتي نهائي
انا: طب وانت كذبت عليا ليه
محمد: كنت عايز ولو سبب يخلي عندي امل ولو 1% انك حسة ب حاجة من نحيتي
اتوترت مكنتش عرفة ليه بس قلت يمكن عشان فعلاً مش حسه ب بحاجة من نحيتوا
محمد: إيمان انا...
عرفت هو هيقول اي فطلعت بسرعة
كنت قعدة افكر ان ازاي في حد بيحب كدا صلا عشان كدا بخاف احب ويطلع دا مش حب اصلا انا الي هتدمر ف الاخر انا مبعرفش احب ولا هعرف احب حبو ليا مخلياني مفكرة ان بعد ماتعلق بيه هيسبني ويمشي معنتش قدرة أوثق ف حد لأن وثقت ف ناس كتير وخزلوني خيفة هو كمان يخزلني زيهم لان الحلو مبيكملش انا بزات مينفعش افرح مش بأفور لان ف اخر فرحتي بمتكملش مش عرفة ليه
حسيت رجلي سقعت ضميت رجلي وانا قعدة ع الانتريه..
محمد: مالك
انا: مفيش
اخد الريموت وقفل التكييف
انا: يالهوي
محمد: في اي
انا: مش عرفة حسيت ان عيزة أقول كدا معرفش
محمد: اه تخلف بقى
انا: نتلم هااا
محمد: عيزة تدفي
انا بضحك: ادخل النار مش كدا ظريف
محمد: تؤ تؤ تدخلي ف حضني
انا وحدفتو ب المخدة: اتلم عشان وربنا اعلقك
محمد بضحك: محدش بيتعلق غيرك هنا
انا بضحك: انت بتقول اي كلام ولا بتعلقني ولا نيلة
محمد: لو حد جه نحيتك هتلمي علينا الناس وتفضحينا
كنت عيزة اعطس ومش قدرة وعيني احمرت
انا: عارف انا عيزة اعطس من أمتي ومش عيزة تطلع
محمد بضحك من أمتي
انا بضحك: من شهر 9
محمد: ههههه
انا بضحك: والله
محمد بضحك: دا لو برد كان زمانو مشي
انا بضحك: طب تصدق انا مجاش ليا برد من أمتي
محمد بضحك: من أمتي
انا: من الشتاء الي فات تقريباً
محمد بضحك: احسدي نفسك بقى احمدي ربنا دانتي لما بيجيلك برد بتهلوسي وتفضلي تهلفطي ب الكلام ولا الي عيزة تنامي بتفضحي الكل ف الكام يوم الي بيبقى عندك برد فيهم
انا بضحك: عشان كدا بيخافوا يقالولي ع حاجة قبل مانام ولما بيبقى عندي برد
محمد بضحك: حصل
انا: اي الصوت دا
محمد: في حد طالع ع السلم صح
انا: اه
محمد: ثانيه
وراح فتح الباب *و.....*روايـة:غـيـرة الـحـب🪷*
*الـبـارت:الـثـامـن والـثـلاثـون🪷*
وراح فتح الباب كانت حنين ومنة
حنين: محمد فين ماما
محمد: جوا في اي مالك
حنين: خالوا رن عليا وبيقول تيتا تعبانة
منة: وهيا عيزة تشوفهم كلهم دلوقتي
محمد: هيا تعبانة لدرجادي
منة: عندها مشكلة ف القلب
محمد: طب ادخلوا
دخلوا وكانت خلاتي وماما ف الاوضة دخلوا قلولهم
مني: محمد تعالي ودينا بسرعة
محمد: يلا... انتو خليكم هنا
فضلت انا ومنة وملك وحنين
محمد: ملمحش وحدا تحت فهمين
الكل/ فهمين
نزلو كلهم واحنا فضلنا قعدين ملتزمين الصمت وكل واحد ماسك فونو
ملك: إيمان تعالي كدا
انا: اي
ملك: هاتي ايدك نفسي اجرب الحركة دي
حنين جالها فون ودخلت ومنة كذالك وفضلنا انا وملك
وبعد وقت دخل علينا لقانا بندوخ بعض
محمد: بتعملوا اي
ملك بضحك: بنرقص
انا: اوعي بقى هاتي ايدك عشان الفك
لقيتو شدني ومسك ايديا ودوخني
محمد: هحقق المشهد دا انشاء الله
انا: يا سلام ب مزاجك هو
محمد بضحك: اومال بمزاج مين
ملك: احم احم وربنا انا وقفة
انا/محمد: اقعدي
طلعت حنين ومنة من الاوضة سبت ايدو بسرعة
حنين: نتأسف لو جينا ف وقت غير مناسب ممكن ندخل ع فكرة
محمد: بقيتي ظريفة اوي مشاء الله هيا عدوه
حنين بضحك: اممم إيمان عدتني
ضرب كف ب كف هو و هيا وقعدو يضحكوا
انا: والله
محمد: احم... حنين عيب مينفعش كدا ايمان مش كدا خالص
حنين: لا والله
انا: احسن عشان تبقى تستظرفي انتي وهو كويس اهو قلبها عليكي اهو
حنين: ملوش امان زي مابيقولو
الكل/هههههه
محمد: فين نسرين
انا بضحك : نفسي افهم معلق مع البت دي كدا ليه
محمد وهو بيبصلي: اصل بحبها اووي
انا: لا والله
وبعد دقائق دخلوا كلهم الاوضة ملك نامت وكانت منة وحنين قعدين مع بعض وانا كنت قعدة بسمع التلفزيون انا وهو وفجأة فونو رن
علاء: لسا ف مصر
محمد: وبعدين
علاء: عرف انك انت الي قطعت ايد اخو يسطاا
محمد: ميعرف اعملوا اي
علاء: ماهي دي المشكلة ان احنا لحد الان مش عرفين مكانو لو عرف مكانك يسطاا...
محمد: يبقى جه ل قضاه ب رجليه انا مستنيه اصلا بحبو حب...وبعدين انت عبيط هو هيقتل شخص عادي دا هيتقل ظابط يعني لو اتختشت ختش بسيط الدنيا هتتقلب عليه انت فاهم انت بتقول اي
علاء: يابني انا فاهم وعارف انو ميقدرش يقربلك ومتأكد من دا بس ليك نقاط ضعف وانت عرفهم كويس اختك ولاد خالتك وإيمان بيطلعوا عشان دروسهم اكيد
لقيتو بصلي وبعدين بص ف لا شيء
انا: احيه هموت ولا اي
محمد وباسني من خدي: محدش يقدر يقربلك
رحت ضرباه ب المخدة وعضاه من ايديه
محمد: اااه يابنت العضاضة
انا: احسن عشان تتلم
علاء: شوية كدا وارن عليك عندي حاجة كدا هعملها
محمد: تمام ماشي
وانتهت المكالمة
انا: انت قطعت ايد الراجل
محمد: والله مكنت اقصد ان اقطع ايديه انا كان قصدي اقطع راسو بس حظو حلو ابن الايه
انا: حظو حلو!!
خفت رحت بعدا عنو لقيتو جه قعد جني عشان يخوفني ف طلعت اجري
محمد بضحك: هبلة
وانا بجري ببص ورايا
محمد: حاسبي حاسبي
خبط ف العمود الي ف الصالة
انا: الحقني يا محمد جالي ارتجاج ف المخ
محمد: وريني كدا يخربيت غبائك في حد بيمشي يبص وراه
انا: وقت محضارة ب زمتك دا وقت محاضر
لقيت راسي بتتنفض مسكت ف السويتشرت بتاعو ودخلت ف حضنو وانا متكية ع راسي من الوجع
محمد: بتوجعك
انا: اوي بتوجع اوي مش قدرة
محمد: هار اسود لايكون ارتجاج ف المخ بجد بس الخبطة باين عليها قريبة...قومي تعالي
انا وقمت: كل مدوس ع رجلي راسيييي بتتنفض
محمد: استنى هشيلك
انا: استنى هقعد هنا قريبة شوية
قعدت ع الانترية وهو دخل جاب مرهم علبتو زرقاء ف ابيض
محمد: لو مخفتش ع كدا يبقى فيها حاجة
انا وعيط: يعني اي
محمد: انا هتجنن دا كلوا من الخبطة دي.... انشاء الله مفيش حاجة الخبطة قريبة.. مبتخديش بالك ليه يا إيمان عجبك كدا
انا: هو انا كدا راسي مكسورة
محمد: لا انشاء الله مفيهاش حاجه
حطلي المرهم ع راسي وحسيت بوجع اكتر
انا: راسي مش قدرة
محمد: بتوجع
انا: اوي
محمد: طب الحمدلله
انا: انت اهبل يالا فرحان فيا
محمد: فرحان فيكي اي بس ابدام وجع يبقى جاب مفعول وراسك مفيهاش حاجة دا تأثير الخبطة بس
انا: البتاع دا خلاني عيزة انام
محمد: تعالي
حضني وقعد يبطب عليا لحد مانمت
انا: صداااع يخربيت كدا
مسح ع راسي وباسها
انا: انا لو طفلة مش هتعاملني كدا
محمد بضحك: اب وبنتو عادي يعني
انا: ننننن ظريف
مسكت حبل السويتشرت وقعدت الفو ع ايدي
محمد: انتي هتنامي ولا هتلعبي
انا: لتنين ف بعض عندك اعتراض
محمد بضحك: لا بصراحة
فضلت مسكة حبل السويتشرت وادوقو واوسعو
محمد: انتي كدا بتشنقيني
انا: مش دا حبل الزعبوط
محمد: حاجة زي كدا
قعدت الفو ع صوابعي
محمد: انتي مش عرفة تنامي
انا: اممم
محمد وبسني من اورتي: يلا نامي
سبت الحبل وحسيت ان عيني بتغمض تدريجاً وبعد كدا محستش بحاجة ونمت
وبعد مدة
انا بنوم: الساعة كام
محمد: 9
انا: يالهوي اليل بقى طويل اويييييي
محمد بضحك: نامي واقعدي ساكتة
انا: انا قاعدة ع فكرة
محمد: بقيتي ظريفة اوي
انا: انت منمتش
محمد: لا
انا: طب هما لسا مجوش
محمد: لا
انا: والباقيين
محمد: جوا
انا: هيجو امتى يعني
محمد: مش عارف
انا: هدخلهم
محمد: منة جوا
انا: اي المشكلة
محمد: متأكدة
انا: اه هخاف منها ليه
وانا داخلة الجرس رن ف رحت افتح الباب وكان علاء
علاء: فين محمد
انا: جوا تعالي مش هكلك يا اخويا
محمد يضحك: لا أخاف برضوا انا اهلي محتاجني
انا: ع اي دانت يرموك ويكسرو وراك اولة
علاء: اولة!!!
محمد بضحك: تعالي يالا
سبتهم وفتحت الباب ودخلت لقيتهم قعدين ع السرير كلهم
انا: ازيكو
الكل/ الله يسلمك
قعدت ع السرير وربعت
انا: ها اي إلى حصل
حنين: هتعمل عملية ف القلب
انا: اي دا لدرجادي
منة: بيقولو ضغطها عالي وعندها السكر
انا: اي دا في اي لسا مجلهاش
منة: عندك حق والله
ملك: طب يا جماعة احنا مش هنروح
حنين: انا ممكن اروح مع ماما المرة الجاية ابقى تعالي معنا
ملك: هتيجي يا إيمان
انا: هقول ل محمد وافق وافق موافقش بقى مش هعرف اجي
حنين: معتقدش هيوافق
انا: دانتي بوزك فقر
ضحكنا كلنا بصوت عالي
محمد بصوت عالي: الصووووت
انا بصوت واطي: في اي منضحكش
محمد من برا: بس مش بصوت عالي يا هانم
انا: احيه دا سمعني
ملك بضحك: هو بيسمعك انتي بذات حتى لو بتتكلمي ف سرك
انا: مخاوي
منة: ازاي بيسمعها وهيا بتتكلم ف سرها مش فهمة
ملك بضحك: انه الحب يا ساده
انا: هتستظرفي وتستخفي ف دمك هطلع
ملك بضحك: خلاص ياستي
حنين: هو مين الي برا
انا بخبث: هو
حنين بضحك: هو مين
انا بضحك: هو يا حنين هو
حنين: بت باردة بجد هو مين
انا بخبث: علاء
حنين: صاحب زوجك المستقبلي
انا: حنين اتلمي
حنين بضحك: انتي الي بدأتي انا مليش دعوة
ملك بضحك: كل وحدا مسكة زلة ع التانية
انا: بس يابت انتي كمان
وفجأة الباب خبط
انا: ادخل
محمد وفتح الباب: انا نازل لو جيت ولمحت وحدا تحت متلومش غير نفسها
انا: طب انت رايح فين طيب
محمد: مشوار مع علاء وجاي
وقفل الباب وطلع طلعت وفتحت الباب ورحت وراه
انا: محمد استنى
علاء: هنزل انا استناك تحت
محمد: ماشي
بعد مانزل
انا: انت رايح فين
محمد: مشكلة ف الشغل وجاي ع طول متقلقيش
انا: طب خلي بالك من نفسك.. وتيجي ع طول
محمد: حاضر... متنزليش تحت ونبي يا إيمان ولا تخلي حد ينزل
انا: حاضر...
باسني راسي وقفل الباب من برة
انا طب بتقفل ليه طيب
محمد: مش واثق فيكي بصراحة لو حد خبط متفتحيش مهما كان مين
ونزل وانا خفت لان كنت لوحدي ف الصالة ف دخلت بسرعة
حنين بضحك: مالك بتجري كدا ليه
انا بضحك: خفت
ملك: هو محمد نزل
طلعت اجري ع البلكونة كان لسا بيفتح باب العربية
انا: محمد
محمد بضحك: نعم يابنت قلبي
انا: اي يا محمد الي انت بتقولو دا الناس عيب
محمد بضحك: طب كنتي عيزة اي
انا: هات معاك شوكلاتة ماما مش هنا بقى... وشببسي كتير عشان البنات مممم اي تاني ولب وبيبسي وانا هاتلى كولا
محمد: مع انها مضرة بس ماشي
انا: متحبكهاش بقى
محمد بضحك: حاضر حاجة تاني
انا: لا...خد بوسة بقى
محمد بضحك: احنا دلوقتي مش قدام الناس صح
انا: صح نسيت
محمد: لما اجي بس مش عايزها ع الهوا تمام
علاء ونزل شباك العربية بتعتو وبص: يلا يا عمنا مش وقتو الكلام دا وربنا... فانيليا خشي جوا الله يرضى عنك عطلتينا
انا: اتفو عليك غور يالا... مهزء
محمد: احسن انت الي جبتو لنفسك
علاء: انا عايز حقي انا اتف عليا ياسطا
محمد: هنشوف موضوع الحق دا بعدين يلا
انا: باااااي
محمد بضحك: بااي
ركب العربية ومشي وانا دخلت جوا
حنين بضحك: الله يفضحكو قدام الناس كدا اهو
انا: بت بت اقعدي سكتة
سمعت صوت حد بيعيط
انا: احيه اي دا
حنين بضحك: صحيتي البت من صوتك
انا: سكتيهااااا جالي صدااااع
قعدت تطبطب عليها لحد مانامت
ملك: تعالوا نلعب
انا: يلا
جابت الكوتشينة وقعدنا نلعب لحد الساعة 11
انا: محمد لسا مجاش
وفجأة سمعت صوت عربيتو
انا بضحك: ياريتني اتكلمت من بدري
حنين/ ملك: ههههه
سمعت صوت باب البيت بيفتح وخبط ع الباب وقمت فتحتلوا
محمد بضحك: لو مش ليكي طلب مكنتيش عبرتيني وجيتي بنفسك فتحتيلي
انا: طبعاً امال قمت افتح عشان سواد عيونك لا سوري عينك زرقاء مش سودا.... عشان زرق عيونك
محمد: دانتي تسدي نفس الواحد عن الحياه غوري يا ايمان
انا: ليه بس كدا دانت حبيبي
محمد: عارف
انا وبخبط ع كتفوا: متتغريش اوي كدا... هات كدا يلا روح شوف انت رايح فين
محمد: اي دا
انا: ولا اقلك حرام هتقعد لوحدك تعالي تعالي
محمد: لا مليش ف قعدة البنات و الجو دا انا داخل انام
طلعت وقفلت الباب
محمد: في اي
انا: وطي
محمد: اهو
انا وبستو من خدو: يلا تصبح على خير.. مش خسارة فيك
محمد بضحك: انا مش جايلي نوم.. طار
انا: وحيات امك... خش يا محمد نام بدل مجيب ريا وسكينة
محمد: لا وع اي انا فعلاً حاسس ان عايز انام يلا تصبحي ع خير
وباسني من خدي وطلع يجري ع الاوضة
انا: مهزء وجبان كمان
ضحكت وفتحت الباب ودخلت لقيت حنين وملك وقفين ورا الباب
ملك: انا سمعت كل حاجة ان افهم كلمة مفهمتش حاجة خالص
انا: الحمدلله
حنين بغمزة: كنتو بتقولو اي هاا انتي طلعتي مش سهلة ع فكرة
انا: انتي عبيطة يابت انا كنت عيزاه يرن ع ماما
حنين: استغفر الله ان بعد الظن إثم
كنت بحاول اكتم الضحك
انا: امسكو اي دا نسي يجيب اللب... لا لقيتو اهو... كانت هتبقى ليلة نكد وكنت هنزلوا تاني
حنين: وربنا انتي مفترية الله يكون ف عونك يا محمد يابن خالتي
انا: بس يا خفيفة
قعدنا وكنا بنتكلم واحنا بنتسلا ف الحجات الي هو جبها فجأة سمعت صوت باب بلكونة اضوتو اتفتح اخت كيس الشيبسي واللب ورحتلوا كان قاعد وماسك راسو
انا: اي يا معلم سهران ليه في مز ولا اي
محمد: لا هو الحقيقة الموز خلص في عنب وبرتقال.. يا ظريفة
انا: اي ياعم في اي ابو شكلك مكنتش كلمة قلتها الله... مالك يا جعفر
محمد: عندي صداع... اي دا قلتي اي
انا بضحك: جعفر
لقيتو قام مسكني من التيشيرت وانا كان ف بوقي اللب
انا وتفيت القشر ف وشو: في اي يا غبي انت
محمد وشال القشر من ع وشو: اه يا زبالة
انا: انا زبالة امال انت اي
محمد: اتلمي بدل مرميكي من البلكونة
انا: اوعي بس كدا... ايدك جنبك لوتحشك يا حضرة الظابط
محمد: تصدقي خفت
انا وباكل الشيبسي: طبعاً لازم تخاف
محمد: دانتي بارده برود
انا: عرفة
محمد: خلاص بطلي برود بقى مش رايق
انا: مالك يا خويا متعصب عليا كدا ليه
محمد: اخويا!!! اي اخويا دي... روحي روحي يا ايمان اتخمدي
انا بغمزة: مش بنام الليل والله
محمد بضحك: اوبا داحنا اتطورنا خالص.. ومبتناميش الليل ليه يابنت قلبي
انا: لا اصل مبعرفش انام الا جنب امي
لقيتو بصلي بصدمة ومتكلمش وبص الجه الأخرى وضحك
محمد بضحك: ربنا ياخدني من وشك يا شيخة
انا وباكل الشيبسي : ليه بس كدا هو انا ليا غيرك
محمد بضحك: يالهوي هقع من طولي
انا: دمك تقيل مشاء الله
محمد: بطلي اكل بقى وركزي معيا
انا: هاااا
محمد: دلوقتي انا بحب وحدا
انا: وبعدين
محمد: هيا معندهاش دم
انا: اممم اتبرعلها
محمد بضحك: لا حلوه
انا وتفيت القشر ف وشو: عرفة
محمد شال القشر من ع وشو ورماه: مش مهم... المهم بقى دلوقتي زي ماقلتلك كدا معندهاش دم
انا: اممممم
محمد: وزي ماقلتلك بحبها واعترفتلها بس مش متأكد ازا كانت بتبادلني نفس الشعور ولا لا بس فيها شوية تصرفات بتخلي عندي امل ف الحياه
انا: اممم انا اعمل اي بقى ياسطا وانت خليتني دكتورة حب كدا
محمد: بطلي اكل وركزي معيا....
انا: اهو يا محمد بص امسك كدا اهو مش واكلة
قعد ياكل منو وهو بيتكلم
انا: انت الي معندكش دم اهو
محمد بضحك: ليه هو انا عملت حاجة
انا: بتاكل ومش مركز معيا
محمد بضحك: مش كنتي بتعملي كدا عرفتي بقى بتدايق ازاي
انا: وحيات مني انت عسل بس كئيب
محمد بضحك: انا اي
انا: مش لازم مش لازم
محمد بضحك: لا بقي لازم قولي كنتي بتقولي اي
انا: هات كيس الشيبسي دا كدا خد اللب.... ثانيه بس اروح اجيب الكولا ابلع كلامك الماسخ دا
رحت جبتها وجيت
محمد بضحك: انتي بتعملي اي
انا: مش عرفة افتحها... امسك
اخدها مني وشدها بس انفتحت
انا: عادي كنت هفتحها انت الي اصريت
محمد بضحك: لا والله
كنت لسا بشرب رحت تفها ف وشو من كتر الضحك
انا بضحك: اسفه بجد انت الي ضحكتني معلش
محمد: في اي تاني متفتيهوش عليا يا إيمان
انا بضحك: لا والله مش قصدي اسفة بجد غصب عني والله
مسحت وشو ب ايدي وانا بضحك
محمد: بتمسحي اي...انا محتاج استحمي... هدومي بقت عملة ازاي
انا: غور
محمد: برضوا.. برضو مش هتبطلي طولة لسان... طب احترامي فرق السن الي بيني وبينك لاكن مفيش دم
انا: اتبرعلي
محمد بغمزة: دمى كلوا مش خسارة فيكي
انا: يا محنووو
محمد بضحك: يادبش
اخد هدومو وراح ع الحمام وانا وقفت شوية ودخلت
حنين: خلصتوا
ملك: دانتو ملزقين
اما منة كانت بتبربش ب عنيها ب ملل للجه الأخرى
انا: هشششش فكك مني انا مش فايقالكم
حنين: لاكن فيقالوا هو عادي
خطرتلي فكرة اغيظ بيها منة
انا: لا يختلف يا ماما
حنين /ملك: اوووبا
ملك بضحك:فينك يا محمد يا خويا تسمع الي انا بسمعوا دا
انا: بطلي أوفر بقى
ملك: اوفر!!! خدي ياختي يأمو أوفر انتي قال اوفر
انا: احيه عيزة انام
حنين: هتهلوس دلوقتي
ملك: لا ونبي مش نقصين فضايح... نامي يا إيمان
محمد من البلكونة: إيمان
حنين بخبث: كلمي يا إيمان
ضربتها ع ايديها وانا قايما ف حبيت ادايق منة
انا: ايوا يا حبيبي جايا اهو
حنين/ ملك: حبيبك!!
ملك بضحك: وربنا انتي ماسهلة
حنين بضحك: فهمينك ع فكرة
ضحكت ع انهم عرفين ان انا قاصدة اضايقها وطلعت البلكونة
انا: نعم
محمد: انتي قلتي اي وانتي جوا
انا: قلت اي
محمد: سؤال بس والله... بصي انا مش عايزك تعديها لو مش عيزة بس انتي قلتيها؟
هزيت راسي ب اه
محمد: احلى حبيبي سمعتها والله
انا: ياسلااااام واد منافق
محمد: وربنا ابدا
انا: طيب
محمد: بتعملي كدا عشان تدايقي منة صح
انا: اي في اي ياولاه فجأة كدا كلكم فهمتوني
محمد: انا فاهمك من زمان
انا: حبيت العب معها بس
محمد: بس!!!
انا: شفت بس انا رحيمة
محمد: رحيمة برضوا
انا: اممم شفت
محمد بضحك: يخربيت بوز البطة دا يا شيخة
انا: بص ياجعفر
محمد: جعفر!!
انا: انت بتتنك انت طول تبقى زي جعفر العمدة
محمد: مش عايز اطويل ياستي بلا جعفر بلا بتاع...انا محمد
انا: زي مانت عايز بس بصراحة انا بحب الناس الي زي جعفر
محمد: بلا محمد بلا بتاع انا جعفر
انا: ههههه
محمد بضحك: بس خلي ف بالك جعفر كان متجوز 4 وانا ممكن اقلدو
انا: يكفي انو طلقهم كلهم واتفضل الاؤلة
محمد: ومين قالك اصلا ان هتجوز أربعة... انا هتجوز وحدا ب الأربعة دول
انا: يا سلام هيا تخينة اوي كدا
محمد: تؤ تؤ هيا ماليا عليا حياتي بس
انا: يخربيت كلامك انت ظابط ازاي انت...انت ظاااابط ازاي
محمد بضحك: انا لو حد شافني او سمعني وانا بقول الكلام دا ممكن يكذب ودانو وعينيه كمان
انا: ههههه
محمد بضحك: اه والله
انا بضحك: مانت اكيد مصدرلهم الوش الخشب
محمد: لا بس مفيش هزار ف الشغل احنا ريحين نلعب ونهزر ولا نهتم ب شغلنا مش فاهم
انا: اقنعتني.... منك لله
محمد: هار اسود هو انا عملت حاجة
انا: طيرت النوم من عيني
محمد بغمزة: عارف
انا: بطل غرور متفهمش غلط... الهو فوقني شوية عادي يعني
محمد: طب اكدبي عليا وسيريني
انا: هسايرك حاضر
فجأة لقيناهم طلعوا كلهم ف البلكونة
محمد: اي إلى جابهم دول
انا بضحك: في اي
ملك: بقالنا ساعة وقفين عشان نسمع حاجة ومش عرفين قلنا نيجي ونسمع بدل تلميع الاوقر دا
الكل/ ههههه
محمد بضحك: بت متربتش
ملك: الله يخليك
منة: مش ملاحظين ان الوقت اتأخر
محمد: نعمل اي يعني
انا: مش مليا عينك انا هوا انا شفاف انت مش شايفني
محمد: لا طبعاً العفو يا اميرتي الصغيره
انا: واحنا نعمل اي يعني
محمد: هههههه
منة: في اي يابنتي انا قصدي يرن نطمن عليهم
انا بملل: رن يا استاز اطمن عليهم
طلع الفون وهو بيضحك ورن عليهم
محمد: ايوا يا ماما اي الأخبار..... امتى..... طيب ماشي.... سلام
وانتهت المكالمة
قفل الفون وحطو ف جيبو وكان لسا هيتكلم وبيوجه كلامو للكل
انا: كان ممكن تعلي لسبيكر ع فكرة مش لازم تشوق الي جبونا
بعد ماكان هيوجه كلامو للكل بصلي وضحك ف الجه الأخرى
محمد بضحك: مانا هقلك اهو
انا: هاااا
محمد: هيباتو هناك وهيجو بكره
انا: احيه عليا درس
محمد: عادي انا هودكي اي المشكلة
بصيت ف لا شيئ وسكت
لقيتو باصصلي ومبتسم ف بصيتلوا وضحكت
ملك: جماعة انا عيزة ارتبط وحيات ابوكو
محمد: مفيش حاجة اسمها ارتباط الي هاييجي هيتجوزك ع طول معنديش انا الماياعة دي بصي واي واحد معدي هجوزهولك
ملك: احيه!؟
محمد وبيحاول يكتم الضحكة: ايوا امال انتي مفكرة اي ماعنديش انا السيبان دا ودا انا الي هختارو مش انتي طبعاً وانتي فكرك هديكي لواحد غني تؤ تؤ اي واحد غني هيجي هرفضوا وش انا هديكي لواحد فقير عشان يطلع عينك ويصبحك ب علقة ويمسيكي بعلقة ويموتك من الجوع ويقعدك ف اوضة ضلمة و....
ملك بمقاطعة: بسسسس خلاص كرهتني ف الرجالة كلهم مش عيزة اتجوز ولا ارتبط ولا اتنيل اسكت
الكل/ ههههه
منة بضحك: جبتلها عقدة نفسية
ملك: اه واقسم بالله انت اخ انت
محمد بضحك: لا
ضربت كف ب كف انا وهو وقعدنا نضحك
ملك: بقيتو بردين اوي... وانت اخ انانييييي
محمد بضحك: انا
ملك: اه.... انت تتجوز عن حب وانا اتجوز غصب
لقيتو بصلي وبيبتسم
انا: اي بتبصلي كدا ليه
محمد بضحك: وانتي يا ايمان هتتجوزي عن حب
انا: والله حسب اخلاقو
وبشاور ب ايدي يعني فلوس
الكل/ هههههه
محمد: الله اكبر
انا: اي الفجر ادن
محمد: مش بقلك انتي مشيا ورا الي ماشي
انا: ههههه
سكتنا شوية وببص ليه ب الصدفة لقيتو بيغمزلي رفعتلوا حاجبي وبصيت الجه الأخرى وضحكت
ملك: هو احنا هنقعد نبص لبعض من البلكونات ماتيجو نتلم ف بلكونة وحدا بدل ماحنا متبعترين كدا.... انا راحة عند محمد
حنين: خديني معاكي
فضلت انا ومنة لقيتها بتبصلي وخايفة تروح
انا: يلا
لقيتها بصتلي ب صدمة وقامت ورحنا سوا دخلنا لقيت ملك وحنين وقفين جنبو
انا: تعالي كدا يابت
حنين: اهو يا ختي مش هاكلو
انا: كليه واشربي وراه مياه انا بقلك اوعي عشان هقعد هنا اهو
وطلعت ع حيطة البلكونة وقعدت عليها
محمد: ولما تقعي
انا: مش هقع
محمد: بجد والله تصدقي اقنعتيني
انا ومغمضة عيني وبهز راسي: اممممم
لقيتو مسك ايديا ورجعني لورا اكنو هيوقعني لحقت مسكت ف رقبتو
انا: انت عبيط يالا كنت هقع
محمد: ماقلتلك انزلي
انا: انت الي كنت عايز توقعني مش من نفسي
كان محاصرني ب ايدو الاثنين وحاططهم ع البلكونة وانا كنت مسكة فيه
محمد: مانتي ممكن يختل توازنك وتقعي
انا: بعد الشر عني انشاء الله انتا
ملك: اخويا يابت
انا: نيلة عليكي وع اخوكي
لقيتو زقني مسكت ف رقبتو اكتر
انا ومغمضة عيني: ونبيييي... محمد... ولا انت اهبل... افرض وقعت بجد بص المنظر مرعب من هنا ازاي
محمد: تبقى تنزلي
انا: انا مش عارفة انت اهبل ولا اي حكايتك
كان ساند ضهري ب ايديه وواقف جمبي وانا كنت مسكة فيه ب ايد وبتكلم ب الايد التانيه
حنين: يخربيت المحن الي انتو فيه
لسا هتكلم لقيتني بتهز مسكت فيه واتكلمت
انا: بت انتي اخر وحدا تتكلمي ع المحن
ملك: يلا كل وحدا مسكة زلة ع التانيه هطلعها
محمد بضحك: زلة اي
انا: ملكش دعوة انت خلي بالك مني عشان بتزحلق بس
جه وقف قدامي وحاوطني ب ايدو الاثنين ونزلني
انا: انا قلتلك تنزلني
محمد: مانتي بتتزحلقي خايف مخدش بالي
انا: انت مستهتر يعني
محمد: بس يابابا
منة: اه وبعدين ف الملل الي احنا فيه دا
رحت جبت الشيبسي و الشوكلاته والب
انا: انا برجح الاكل ف المواقف دي
الكل/ هههههه
فجأة سمعنا صوت نسرين
ملك: هروح اجيبها
راحت جبتها وجت كانت نايمة ع كتفها بس مفتحة عينها
محمد بضحك: لو حد كلمها دلوقتي مهتصدق وتعيط
حنين بضحك: لما بتبقى لسا صحيه بتبقى كدا
انا بضحك: صحابي حبوها اوي
حنين بضحك: وهما صحابك يعرفوها منين
انا: وريتهم صورتها طبعاً
حنين بضحك: يادي الفضيحة... الله يكسفك
انا: تؤ دا حبوها اوي... وريتهم صورة ملك كمان
ملك: يا حزني
انا: وحظابط
محمد بضحك: شوفي ونبي الفضيحة
انا:ههههه
ملك: ورتيهم انهي صورة يالي ابتلاكي بهبل
انا بضحك: لما كنا ف خطوبة مني بنت خالتك
ملك: يفضحك داحنا كنا عملين ولا ولاد الشوارع
انا: تؤ تؤ كنا عسلات والله
ملك بضحك: جاتك نيلة
حنين بضحك: الواحد يخاف يتصور ع فونها
انا: في اي ياختي انتي وهي وهو صحابي هيكلوكم ولا اي ولا يكونش هيحسدوكم دول عسلات يا حبيبتي
الكل/ يا شيخة اتنيلي
انا: لااااا No my frind
محمد: مالك
انا: معرفش بس هو كدا
محمد: هيا كدا بدأت تهلوس... عيزة تنامي يابابا
انا: اه خدني ف حضنك
محمد: انا اتأكدت انها بتهلوس... تعالي يابابا تعالي الله يهديكي... امسكي يا حنين نسرين
منة: انت بتعمل اي
محمد: بعمل اي مش فاهم
منة: انت هتخدها ف حضنك بجد
محمد: اه اي المشكلة مش فاهم
ودا كلوا وانا وقفة وعيني بتغمض وهموت وانام رحت قعدة ع الكرسي وضمة رجليا ونمت
والله لو كنت فيقالك يا وجه النسناس انتي كنت حضنتو قدامك🦦
حسيت بيه وهو بيشيلني يدخلني الاوضة وغطاني وقفل النور وطلع...وبعد دقائق دخلت حنين وملك ومنة انا وحنين نمنا ع سرير وملك ومنة ع سرير ونسرين مع ملك ومنة وبعد مدا محستش ب حد ونمت
*تاني يوم*
صحيت ع صوت المنبه لقيت والدتي وخالتي جم اخدت دوش وصليت ولبست لبس الدرس
مني: إيمان صحي محمد عشان الفطار جهز
انا: حاضر... بس انا بقلك اهو لو مصحيش هصحيه بطريقتي
مني بضحك: ابني وانا عرفاه مش هيصحي ب سهولة ف يستحسن تستخدمي طريقتك
انا: تؤ تؤ لا يا منى عيب نمشي ب الأصول الأول
وبعد دقائق
انا: حظااااابط اصحاااااا
محمد: اي في اي مين مات
انا: انت انشاء الله
محمد: يارب...ع الاقل اخلص من هبلك
انا: طب يلا يا خفيف الفطار جهز ويلا عشان عليا درس
محمد: الجملة مش مظبوطة ع الصوت
انا: مش فهمة
محمد: في وحدا تيجي تصحى زوجها المستقبلي ب الطريقة دي تقلوا الفطار جهز ف حاجة اسمها الفطار جهز يا حبيبي
انا: الفطار جهز يا روح امك
وكنت طالعة اجري مسكني من التيشيرت
محمد: في وحدا محترمة تقول يا روح امك
انا: اه انا
محمد: نفسي اقتلك
انا: يا عم اجري
محمد: هاجري حاضر
اخد هدومو وراح اخد دوش وصلي وقعدنا نفطر
انا: يلا بقى
محمد: انتي يابت ولا بتاكلي ولا بتسيبي حد ياكل
الكل/ ههههه
انا: طب يلا يا خفيف هتأخر
محمد: هوا ولا نوم ولا فطار يلا
والدتي: اقعد كمل اكلك وانتي لسا بدري
انا: الطريق
والدتي: الطريق مبيخدش حاجة اقعد كمل اكلك بقلك
محمد: في اي يا خالتو وربنا انا خفت
والدتي بصوت عالي: كمل أكلك
لقيتو اتفزع وقعد مكانو
محمد وهو وبيشدني من دواعي وهمس ف ودني: هيا مالها انهارده
انا: وانا اعرف.. تقريباً كدا تعب امها مأثر فيها كمل أكلك عشان ابتدت تاخد بالها
محمد: هيا بتبصلنا كدا ليه طيب...انا خايف
انا بضحك: هموت.... دوق من الي كنت بدوقهولي
محمد: حقك عليا انا اسف والله
انا: ههههه
والدتي: الضحك ع الاكل كمان
انا: انا عارفة اي دا... ماتبطل ضحك يا محمد
محمد: وحيات امك
انا: تؤ تؤ عيب تسمعك
ودا كلوا وكل الي قعدين فطسانين ضحك
منة بضحك: لا مش قدرة
وقامت وهيا بتضحك
وكلهم قعدو يضحكو
انا بضحك: عجبك كدا ضحكتهم عليك
محمد: اعمل اي هيا الي خوفتني
انا بضحك: في ظابط يخاف طب ازاي
محمد: بطلي استظراف... يلا عشان الدرس
انا: بضحك يلا
نزلت وانا بضحك ع منظرو وهو عامل شكل الطفل ووصلني ع الدرس ... بعد الدروس روحت ع البيت لقيت امي موجودة دخلت غيرت هدومي وقعدت اذاكر.. *و... يتبع🖇️
بدل ماتدور وتبحث علي الروايات خليها علي تليفونك وحمل تطبيقنا
