رواية غيرة حب الفصل الثالث بقلم احمد صابر
وخرجت انا وهيا وبعدها دخلنا المطبخ عملنا عصير منجا وطلعنة بعد اكتر من 10 دقايق مخرجش من الاوضة ف رحت اشوف مالوا
دخلت لقيتو قاعد ف البلكونة وضامم يديه
انا: مالك في ايه
محمد: مالي انا كويس اهو
انا: طب قاعد لوحدك ليه.. انت قلت انك هتخرج تقعد معنا
محمد: لا مليش مزاج دلوقتي
انا: لا قوم اقعد معانا القعدة مش حلوه من غيرك بصراحة
بصلي وابتسم
انا: انا عملت عصير يلا قوم عشان نشرب سوا وتدوق العك بتاعي يلا بقى
محمد: لا مش مستغني عن معدتي بصراحة
انا: هعديهالك تمام... يلا بقى
قعد اشدو من ايدو لحد ما اقتنع وقام
وطلعنا قعدنا معاهم برة
ميكي صحبة ملك رنت عليها
ملك: نزلالك اهو
والدت محمد: بصو احنا هنروح عند خالتك عشان مجتش شكلها تعبانة تمام متتخنقوش مع بعض
محمد: انا مالي قوليلها هيا.. هيا الي بتتخانق معيا
والدت محمد: ايمان هادية انت الي بتتعصب بسرعة
انا: وربنا كداب هو الي بيستفزني
والدتي: هو الي بيستفزك ولا انتي الي هتجلطية ب غباءك
محمد: خلاص احنا هنقعد هديين ومش هستفزك ومش هتعصب حلو كدا
والدت محمد: طيب يلا سلام
ونزلو
وبعد دقائق جت ملك
ملك: اي الهدوء دا... فين خالتي وامي
محمد: عند خالتك
ملك:طب انا رايحة
ونزلت
محمد: بقلك اي.. البسي الاسدال هنخرج نتمشى زهقت من القعدة
انا: إسدال ايه هنزل كدا
محمد: قلت كلمة ومش هعيدها تاني يلا
انا:اهو انت الي بتتعصب ولا انا
محمد: انا بكلمك عادي اهو يلا
انا: مش هلبسو ومش نازلا
محمد: انا نازل 5 دقايق وجاي لو جيت وملقتكيش لبسة الاسدال هيبقى لينا كلام تاني...
انا: انت هتسبني لوحدي مفيش حد ف البيت
محمد: متخافيش مش هطول
نزل وانا كنت قعدة متعصبة وكنت لوحدي
وبعدها قمت لبست الاسدال قعدت ف البلكونة لحد ماجه
ودخل لقاني قاعدة ف البلكونة وحسيت انو زعلان
انا: حظابط
محمد: نعم
انا: لو نفترض ان امك طويلة... دا حجمها
محمد بضحك: هو واسع شوية
انا: واسع اي يا حبيبي انا تايهة فيه
محمد اتنهد ب ابتسامة
انا: طب يلا مش كنا نزلين
محمد: يلا
نزلنا نتمشى وكنت مبتسمة عادي وكان في ولد معدي وكان بيبص دا زنبي راح با صص ل الولد الولد لفت الجه الأخرى ومبصش تاني
محمد بعصبية: مالك مبتسمة للحياه كدا ليه
انا: اعيط يعني
محمد: ولا تعيطي ولا تضحكي امشي عادي... عاجبك وهو ماشي بيبصلك كدا
انا:هو مين
محمد: الولد دا
انا: انا اصلا مبصتش ليه وبعدين هبصلوا ليه انا كنت مبتسمة عادي... وع فكرة انت بقيت صعب جداً غيرتك زادت أوي ومش لدرجادي انا ماشيا
محمد: راحة فين
ومسك ايدي
انا: محمد سيب ايدي انا عيزة اروح
محمد: ايمان اهدي احنا ف الشارع
انا: معدش يهمني انا ماشيا وسيب ايدي من فضلك... انا زهقت مش ب الطريقة دي
محمد: طب انا اسف
انا: قلت الي عندي وعيزة اروح مش هتكلم تاني عيزة اروح اوعي
محمد: طب هنروح اهدي
انا: لا هروح لوحدي
محمد: ايمان متستعبطيش يلا
وبعدها وصلنا للبيت وكان الكل موجود دخلت أوضة ملك وكانت ف الاوضة وقفلت الباب
ملك: مالك
انا: مفيش
وقعدت ف البلكونة المقابلة للبلكونة بتاعتوا
ملك: يابنتي مالك...محمد زعلك
وحكيت ليها الي حصل
........................................
والدة محمد: زعلتها تاني برضوا
محمد: ماما انا مش رايق دلوقتي ونبي
ودخل الاوضة
والدتي: انا عرفة اكيد ايمان هيا الي عملت مشكلة
دايماً ظلماني الولية دي 🙂
ملك: هو غلطان وانتي غلطانة
انا: دا الي هو ازاي
ملك: هو غلط انو فهم غلط وانتي غلطانة لانو هو كان غيران عليكي
انا: بس مش لدرجادي يا ملك بقى صعب اوي
وفجأة طلع ف البلكونة وشافني
محمد: عيزك ف كلمتين
انا: وانا مش عيزة اتكلم معاك
ملك: احم شوية ورجعالك...
وبعد ما خرجت
محمد: انا اسف
دخلت جوا ومردتيش اتكلم معاه
فجأة لقيت الباب بيتفتح فكرتها ملك
انا: انت اي إلى جابك هنا
محمد: جاي أصالحك ماهو مش معقول اسيبك زعلانة مني وضربة بوز كدا
انا: محمد مبهزرش
محمد: ولا انا بهزر
انا: طب بص انا سيابالك الاوضة وطلعة برة خالص
مسكني من ايدي
محمد: والله ما هسيبك الا لما تقولي انك مش زعلانة مني
انا: مش زعلانة واعي بقى
محمد: لا لسا زعلانة
انا: خلاص يا محمد مش زعلانة
محمد: ماهو ابدام قلتي محمد تبقى زعلانة
انا: ازاي مش فهمة
محمد: مش بتقوليلي حظابط ع طول
انا: ماشي يا حظابط حلو كدا
محمد: طب فكي بوزك دا عشان محدفكيش من البلكونة
انا بضحك: يعني ابتسم للحياه
محمد: لا تبتسمي ليا انا بس
احييييه اتكسفت 🙂
وخرجنا واحنا بنضحك
ملك: اي الانفصام ف الشخصية دا شوية مش طيقين نفسهم وشوية يضحكوا ربنا رزقني ب اتنين اهبل من بعض
محمد: اعقلي
والدة محمد: يخربيت هبلكم الي يشوفكم من شوية ميشفكوش دلوقتي كنتو ولا الي ضربين بعض هههه
والدتي:يخربيت الهبل هما كدا اتصالحوا
ملك: اه ملبوسين
انا: لا كدا كتير دول بيهزئونا واحنا وقفين يا حظابط
محمد: اكلبشهملك
انا: بيعجبني فيك تواضعك
محمد بضحك: وانا بيعجبني فيكي هبلك
الكل/ هههههه
وقعدنا
محمد: ع فكرة قلت لأمك انكوا هتباتو هنا ووافقت
انا: اكيد بتهزر انا عليا درس بكرة
محمد: مش انتي بتقولي الدرس الساعة 4 انا هبقي اوصلكم واوديكي الدرس
انا: يالهوي هلحق امتى اغير واذاكر بجد
محمد: انا اسف بس قلت اجازتي بكرة ونقدي اليوم سوا...وغير ان الكل جاي بكرة وكلهم هيتجمعوا وانتي عرفة ان مش بحب اللمة وانتي كمان عشان كدا بتقعدي معيا
انا: مين الي هيجو
محمد: كل قرايبنا
انا: أحمد هييجي
(أحمد اخو منة)
محمد: مش فاهم يعني اشمعنا أحمد
انا: هترجع تاني لشك دا انا بقول كدا عشان لو أحمد هييجي منة هتيجي
محمد: ايوا هيجو
انا: خلاص تمام هبات
محمد: اي الحب الي نزل عليكي فجأة لمنة دا
انا: حب مين والناس نايمين مانت عارف ان انا مش بطيقها... انا عرفت من ملك انها كانت لزقالك امبارح
محمد: وانتي عشان كدا هتفضلي
انا: امال اسيبها تلزقلك يعني
محمد: ياااااه اخيرا.... انتي بتحسي زينا يابت دا للحظة كنت فقد الأمل فيكي
انا: بعيداً عن اني مش فهمة حاجة...
محمد: ولا هاتفهمي
انا: لاحظ انك بتهزقني
محمد: مقصتش والله
انا: بص انا لو فيقالك كنت هزقتك بس انا عيزة انام باي
محمد: لسا بدري وبكرة الجمعة خليكي شوية
انا: لا بس انا عيزة انام تصبح على خير
محمد: وانتي من اهلوا
ورحت ع غرفت ملك والكل كان جهزوا لنوم
سبحان الله اول ماحطيت راسي ع المخدة معرفتش انام اتقلب يمين وشمال لحد مازهقت وطلعت وقعدت ف البلكونة وكان محمد ف البلكونة بتاعت اوضتو انا زي ميكون لقيت كنز
انا: حظابط انت صاحي
محمد وهو باصص قدامو: احم... اه انتي مش كنتي هتنامي سهرانة لحد دلوقتي ليه
انا: اول ماحطيت راسي ع المخدة معرفتش انام.. هههه حظابط انت مش باصصلي وانا بكلمك كدا ليه
محمد: مش يمكن عشان وقفة بشعرك
انا: اه... ثانية هلبس الاسدال
محمد: ههه.. اي دا استنى يابت انتي اي إلى مطلعك ف البلكونة اصلا بشعرك انتي هطلة
انا: نسيت والله وبعدين الجو ليل محدش شايف حاجة خلاص بقى
محمد: طب خشي البسي الزفت عشان متعصبش
انا: دا كلوا ومش متعصب
محمد: دا انا كدا هادي.. روحيييي البسي الاسدااال
انا: حااااضر
لبست الاسدال وطلعت
انا: استغفر الله... كويس كدا
محمد: اه حلو كدا
انا حطيت ايدي ع البلكونة وسنددت راسي عليها: سهران لحد دلوقتي ليه
محمد سند ايدو ع البلكونة وسند راسو: مش جايلي نوم
انا: زيي يعني
محمد: اه.... بقلك
انا: نعم
محمد: لما اصريت عليكي تلبسي الاسدال سألتيني سؤال صح
انا: سؤال اي مش فكرة
محمد: قلتيلي انا مش فهمة بتعمل فيا كدا ليه ع اني بخليكي تلبسي هدوم واسعة وطويلة كدا صح
انا: اممم
محمد: هقلك
دخل جاب فونو
محمد: بتحبي عصام صاصا مش كدا
انا: اه
محمد: طب اسمعي الأغنية دي وانتي ممكن تفهمي وقوليلي فهمتي ايه
انا: ماشي
جاب الفون وحطلي السماعة
*الأغنية*
وانا محتاج وحده تاخد عقلي لو تتزوق تتزوقلي مش جدينا ومشوي ومقلي لما تعوز حب اصبلها
محمد: هاا فهمتي ايه
انا: اعدمك لو فهمت حاجة
محمد: كنت عارف انك هتقولي كدا... روحي نامي يا ايمان
انا: بس الأغنية حلوة اوي عصام صاصا دا فناااان
محمد: استغفرك ربي واتوب اليك
انا: محمد انت بتشرب ايه اي دا
محمد: قهوة
انا: وانت كدا عايز تنام
محمد: مش عارف اتعودت اني اشربها كل يوم كدا
انا: ع فكرة دي مضرة لصحتك جداً وبزات بليل.. ياريت متشرباش تاني
محمد: حاضر
انا: يلا انا هروح انام بجد المرادي... تصبح على خير
محمد: وانا كمان هنام... وانتي من اهلوا
*تاني يوم*
صحيت وكلي نشاط مكنش حد صحي لسا استغربت دخلت اخدت دوش ولبست الاسدال واديت فرضي
ومكنتش عرفة اقعد ف دخلت ل حظابط
انا: حظابط حظابط انت نايم
محمد: لا صاحي وبستظرف في اي يا ايمان يا حبيبتي اي السؤال دا اكيد نايم يعني
انا: قوم اقعد معيا
محمد: لا نامي انا عايز انام
انا: يووووه قوم يا محمد
محمد: حاضر حاضر هقوم اهو
ورجع نام تاني عيل بارد
انا: انت نمت تاني
وقربت من ودنو: حظاااابطط
محمد: فكرك هقوم كدا يعني والله لو اتنططي زي القرد ماهقوم
انا: يعني مش هتقوم
محمد: لا مش هقوم.. ونامي بقى يا ايمان نامي صحية بدري كدا ليه...
انا: بدري اي يا محمد الساعة 8
محمد: لا يا شيخة... ماهو لسا بدري اهووو
انا: انت كسول أوي هو انت ظابط ازاي انت
محمد: كرهت ام الشغلانة بسببك يا ايمان... هعيط والله سيبيني انام ونبي
صعب عليا بصراحة لأنو شغلوا صعب اوي ف سبتو وقعدت ف البلكونة وجبت بلونات مياه صغيرة وقعدت استنا الناس الي بتعدي ارمي عليها البلونات
انا: اي دا مفيش مخلوق خلقو ربنا معدي
محمد: عشان محدش صاحي الا انتي
انا: نام لجيلك
محمد: لا انا نمت اهو وبحلم كمان
انا: بارد اوي يعني
محمد: شكراً... انا هنام متعمليش دوشة وملكيش دعوة بحد ومتعمليش مشاكل
انا: انت بتقعد مع امي كتير ولا اي ياسطاا
محمد: تصبحي ع خير يا قمر
انا: نام يا مهزء
محمد: نمت اهو
انا: وبعدين أصبح ع خير ازاي مااحنا الصبح اهو
محمد بضحك: والله الوقت دا بنسبالي المغرب لسا نأذنش
انا: نام يا محمد نام..........اووف اي الملل دا اصحى ملك طيب
رحت اصحيها
انا: ملك ملك بت
ملك: مين في اي
انا: قومي اقعدي معيا
ملك: شوية كدا وهقوم
انا: قومي بقى يابارده
ملك: حاضر قمت اهو
قامت واخدت دوش وطلعت
ملك: متوقعتش تقومي بدري كدا
انا: اتعودت ان اصحى بدري عشان الدروس..
ملك: اممم انا دروسي العصر كدا
انا: يابختك دا انا هو درسين بس الي العصر
ملك: كنتي صحيتي محمد بدل ما صحتيني انا حرام عليكي
انا: رحت اصحيه مرداش يصحى عيل بارد
ملك بضحك: يابت عيب اخويا برضوا مينفعش كدا
انا: طب يلا ياختي قومي... شفتي البلونات الصغيرة الي كانت هنا امبارح
ملك: اه
انا: مليتهم مياه وهندلقهم ع الناس ههه تعالي
ملك بضحك: يخربيتك... يلا يلا
بدل ماتدور وتبحث علي الروايات خليها علي تليفونك وحمل تطبيقنا
