روايه غيرة حب الفصل الخامس بقلم احمد صابر
وكان نازل هو وباباه
انا: رايح فين
والد محمد بضحك: مش هخطفو هنصلي وهرجعهولك تاني
ونزلو كان الفطار جهز وهما جم
محمد: راحة فين مش هتفطري
انا: زهقت مش عيزة اكل الاكل دا
محمد بضحك: عيزة تاكلي ايه
انا: مش انت بتعرف تطبخ
محمد بضحك: اه
انا: طب يلا دوقني عكك بقى
محمد: دلوقتي
انا: اه دلوقتي
محمد: طب تعالي هتساعدني طيب
انا: هحاول
محمد: ها هتاكلي ايه
انا: اممم... مش عرفة
محمد: هعملك حاجة جديدة كدا ع زوقي
انا: ربنا يستر
وبدأ انو يطبخ
محمد بضحك: بتعملي ايه
انا: بتفرج عليك
محمد بضحك: هتتجوزي ازاي انتي وانتي مبتعرفيش تسلقي بيضة
انا: هبقي اجيلك تعلمني
محمد: واعلمك ليه ماطبخلك انا وخلاص
انا: يا سلام اجي اجيبك مخصوص تطبخلي
محمد: تجبيني منين مانا هبقي معاكي
انا: معيا فين
محمد: متخديش ف بالك... اصل انا بحب وحدا مبتعرفش تطبخ برضوا
انا: ههههه زيي
محمد بضحك: اخيرا
انا بضحك: أخيراً ايه... هيا مين ياسطا قول متتكسفش
محمد: وحدا هبلة كدا
انا: هبلة... بتقول ع حبيبتك هبلة تصدق انا لو شفت البنت دي لقولها
محمد بضحك: يا فتانا
انا: ميرسي.. كمل.. كمل
محمد: استوعبها بطيء كدا مبتفهمنيش خالص