 |
رواية ساطرق بابك الفصل السادس 6 بقلم سماح دسوقيحوته :موافق نور:موافقة ابوي:اايووووا يعني انتوا شكلكم مستعدين مقررين من قبل م اقرر!!! نور ابتسمت وحوته بدا يعاين ليها ويبتسم ابوي:خلاص يا نور انتي تمشي لاهلك و تكلميهم ونحن ح نجي في الوقت البتحددوا بإذن الله نور:حاضر يا عمو مرتضى🙈 الخجل والفرح مالي وشوشهم الغتيتين شكلهم لقوها فرصة والله ما هينين الله يهنيهم ..في وقت اخر في الكافي شغالة براي بدون نور وحوته نور عند اهلها وحوته في الجامعة وانا قاعدة اراجع في الفواتير الصرفناها من يوم الافتتاح....... اشوف عربية مازن وقفت جنب المحل.. ونزل منها مازن وولد وبت.. انا شفتهم جاين جريت شلت ورقي ودخلت مكتبي .. بعد ٥ دقائق جاني مازن عندي دقى الباب ودخل مازن كان لابس جلابية بيضاء وحالق حلاقة دمار بس شكلو عريس بس اليوم دا مازن:اووووو المديرة نشوى:مازن شخصيا دا شنو المفاجأت دي سلمت عليهو نشوى:الليلة دي شنو الزيارة المفاجأة دي مازن:طبعا انا جيت ومعاي ناس مهمين يعنى هو في اتفاق حق بيع مفروض يتم بينا فانا اقترحت نجي هنا..يتعرفو عليك ومنو اكون قدمت ليهم عزومة ليها المقام نشوى:والله تنورنا طوالي..ممكن اطلع اسلم عليهم!! مازن:هسي داير اقولك كدا جيت طالعة و مريت بجنب طربيزة المكتب وفستاني شبك في الطربيزة جيت افكو الفستان اتشرط...اااخخخخخ بس مازن:يا ساتر ان شاءالله م يكون جرحك نشوى:لا لكن الفستان اتشرط اطلع كيف هسي بفستاني دا مازن:لا دي حاجة صغيرة شديد وما ظاهرة خالص نشوى:طيب انت كدي اطلع قدامي وانا بوصي على المشاريب وبجي لاحقاك مشيت اشوف لو واحدة من البنات معا ابره وخيط اااخخخ للاسف ح اطر اخيطو بيدي بس اعدي اليوم دا. .. لقيت بت عسل كدا عندها وخيطتو لي كمان..وشلت الطلبات لي مازن اوديها بنفسي ومنها اتعرف على معارفو.. اول ما وصلت جنبهم قلت ليهم نشوى:السلام عليكم وبديت اخت الصينية كدا علبة المناديل وقعت من الطربيزة في البت القاعده البت في لحظة سمعت صوتها طلع بصورة عجيبة قالت: ي غبيييييييييية معقول ديل ناس يشغلوهم هنا مازن:الفاظك يا استاذة!! البت:نعم انت معاي انا نشوى:دي كلها علبة مناديل وقعت فيك يعنى م وقعت حيطة البت:علبة مناديل دبوس منديل ورق كلو مفترض تنبهي ليهو في شغلك يا حلوة! وانا زبون وانا عارفة بقول في شنو نشوى:حتى لو زبون وليك حق ..مفترض تكون طريقة كلامك بأسلوب اكتر من كدا مازن: يا جماعة كفاية كدا البت:انا بصرف معاك في الكلام ليه انا كلامي مع مديرك يوريك احترام الزبون بيكون عامل كيف تمام قعدت اضحك من جوا قلبي لمن قالت كدا اتذكرت كم مرة انا اتظلمت فيها واتعرضت لاساءة وانا كنت مفتكرة العيب فيني وتراها طلع العيب في بعض الناس. . نشوى:ايوة نعم معاك صاحبة المحل وعاينت ليها بكل فخر كدا. البت اتبكمت ومازن قال: نشوى اقعدي حصل خير الولد المعهو قال لي الولد:استاذة نشوى!!! مازن مخصوص جابنا هنا لانو مكانك ونتعرف بيك واعفي لينا عليك الله من الحصل من ثرية دي نشوى:لا عادي المكان مكانكم مشيت خليتهم واول مرة اعصب كدا ودخلت مكان التحضير برتب في الحاجات القدامي عايزة بس افش غضبي فيهم. جا مازن مسك يدي مازن:اقيفي نشوى:مازن عايز شي !! مازن:عايز انك تهدي .عارفك بتكوني زعلتي من البت دي وربطي كل الاحداث مع بعض في ثواني اخدت نفس نشوى:اها مازن:ممكن اعمل ليك قهوة تعدل مزاجك قهوتي عارفها ظابطة كيف نشوى: لالالالا انت ارجع لي ناسك مازن:ناسي مشيتهم ما تهتمي ليهم. مازن: اهااا وين البن مازن عمل لي القهوة وبوش كمان 😂😂 وقعدنا في نفس الطربيزة ديك وقعدنا نتكلم مع بعض مازن:عايز استشيرك في شي بما انك خبيرة في العلاقات نشوى:ايوة خبيرة شديد اخر مرة خطبت من خطيب صحبتي بالغلط هههههههه 😂 مازن:ههه😂😂ه😂 مازن:لا انا قصدي معنى أعمق من كدا المهم. في واحدة كدا يا نشووو مجناني خلتني احلام بيها و انا صاحي نشوى:واحدة تجننك انت ..ياخي انت كبيرك واحدة تتخلطها يومين وخلاص مازن:بس شفتي عشان كدا..ما حكاية اخلطها يومين دي انا شايف في عيونها اولادي مازن:دي فيها كل مواصفاتي الخاتيها. شكل ولون وشخصية وجمال وكل شيء. نشوى:اها اها وتاني مازن:عارفه انها احن زول علي حنيتها بتخليني ما قادر اعتبريها كصديقة زي ما هي معتبراني نشوى:يعنى هي صحبتك!! دي سهى ولا واحدة من بتاعين شغلك 😳 مازن: لا سهى ولا واحدة من زميلاتي. دي واحدة قريبة لي شديد حتى انا لمن كنت بصيح طول الوقت عايز اعرس عايز اعرس هي كانت بتفتش لي على عروس نشوى:بتفتش ليك يعنى عايزة مصلحتك. دي حنونة جد مازن:حنونة شدددددديددددد نشوى:دقيقة نشوى:اتذكرت شي انا كنت بفتش ليك عن عروس وقت كنت بتقول عايز تعرس نشوى:انت قصدك مازن جاهو تلفون ردا مازن:الو وعليكم السلام مازن:تمام تمام انا قريب ليك ..قفل الخط وقال لي مازن:نشوى انا ح امشي لزول هنا عامل مشكلة في السوق الجنبا دا معليش نكمل كلامنا وقت تاني نشوى:طيب م مشكله اتصل بس بعدين فهمني الحصل معاك قعدت افكر ...تاني ح افهم غلط المرة دي ما ح افهم من راسي نهائي رجعت اشتغلت شغلي وقبل ما اطلع..لقيت واحد بتاع توصيل جاي علي بتاع التوصيل: لو سمحتي عاوز نشوى مرتضى نشوى:انا نشوى مرتضى بتاع التوصيل:ممكن بطاقة شخصية تثبت نشوى:جدآ اتفضل وريتو بطاقتي بتاع التوصيل:طيب اتفضلي دي هدية واصلة باسمك نشوى: شكرآ اخدتها وبعد ما كنت طالعة رجعت المكتب..هدية ليا انا من فترة ما جاتني هديه 😍 فتحتها لقيتها فستان ولونو اسود كمان وفي كرت مكتوب فيه((الاسود يليق بك وحدك ..اسف للحصل ببسبي من مازن)) مازن😍🙈 جاب لي هدية يالله من مازن انسان طيب شديد في وقت اخر ..بعد يومين كان السبت وطلعنا مشينا مزرعة انا وسهى ومازن واحمد وقعدنا هناك فاتحين سماعات ومشغلين اغاني وجايبن معانا اكل وبارد ومازن واحمد عملو ليهم برنامج اقاشي ووعايزين يسووا ..والجو كان مقيم انا تقريبآ اتصورت ١٠٠ صورة بالاسناب 🙊 المزرعة من جوا فيها شجرر كتير وزي كولار كدا في بداية الطريق وفي النص في عريشة كدا والحتة كلها نجيلة وشجر ليمون وبلح ويوسيفي . .. والاجواء حلوة شديد بعد ما خلصو من الاقاشي قعدنا كلنا سوا سهى:انا بحب الاقاشي بس بدون بصل وبدون شطة وبدون بدرة احمد:ما فاضل الا تقولي بدون عيش ههه مازن:وبدون اقاشي زاتو ههههه سهى:متنمرين انتو شديد ..بس والله بحبهم كدا احمد:وانتي بتحبي كيف يا نشوى نشوى:بحبو بكل شي بصل وشطة وبدرة مازن قال بصوت واطي مازن:وانا بحبك انتي نشوى:قلت حاجة؟؟ احمد:القالو دا بنعرفو انا وهو هههههه ما شتغلت بالموضوع كتير بس شكله مازن وأحمد ديل قاعدين يتفقو من ورانا على حاجات بيعرفوا هم. فطرنا وبعدين قعدنا نلعب كتشينا.. وخلصنا منها لعبنا ليدو..وخلصنا منه لبعبنا صراحة وجراءة ونحن بنلعب سهى سالتني سوأل سهى:نشوى السوال عندك؟؟انا ح أسألك نشوى:اسالي سهى:انتي لسة بتحبي احمد!!! احمد:دا شنو السوال دا سهى:مجرد سوال عايزة اعرف اجابته نشوى:ما عندي رد على سوالك للاسف فح احوال لي طلب جراءة سهى:تمام قومي ادي مازن كف 😂😂🙊 مازن:لا مستحيل قمت جادة عايزة اديهو كف😂😂 وهو قام جاري مني😂😂😂 واحمد وسهى ماتو من الضحك وانا ساكهو اديهو كف 😂 ومصره 😂 اول ما قربت اقبضو. عايزة امسكو مسكني هو وشالني عايز يرميني 🥺😂😂😂😂 وانا متت ضحك وفعلا رماني وبرضو ما اديتو كف فالاخر سهى عفتني منه🥺 قعدنا كدا نتم اللعبة ووقع احمد مع مازن احمد:والله وقعت في يدي ي دفعة قالها بخباثة كدا احمد: يا مازن . ..سهى ونشوي بنسبة ليك شنو مازن:سهى دي اختي وزولة طيبة واصلية ومواقفها كتتيرة معاي مازن: عارفك سأل السوال دا ليه احمد:اهااا نسمعك مدام عارفني مازن:نشوى دي... دي البت العايزها تكون ام اولادي انا اتصدمت وسهى بدت تضحك سهى:ووووواي مازن انت جادي مازن:البخليني ما جادي شنو انا بس ساكتة ما قادره استوعب اصلا احمد: مازن من زمان دايراك بالمناسبة نشوى:انتو جادين لانو شايفكم بتهظرو مازن:ماف شي يخليني اهظر في موضوع زي دا سهى:مازن قوم قوم اطلب يدها زي بتاعين المسلسلات هههه😂😂 نشوى:سهى اسكتي 😒 سهى:هاك خاتمي دا كمان 😂😂 مازن شال الخاتم جادي وقال لي تقبلي بي يا نشوى قعدت اضحك وقلت ليهو موافقة 😂 وقعدنا نضحك كلنا سواا اليوم دا كان ظريف وضحكنا كتتير ومازن رجعنا كلنا بعربيتو ووصل احمد اول وزول لانو بيتهم قريب وبعدين مفروض يوصلني انا لانو بيتنا اقرب من سهى بس اصر يوصل سهى اول ومشينا لحدي بيت ناس سهى وجينا راجعين تاني. .. ونحن راجعين مازن:نشوى نشوى:ايوة مازن:يا نشوى مازن:يا زول ولله سامعك ايوة انا نشوى مازن:وانا والله بحبك يا نشوى نشوى:طيب اااا مازن:لالا م تقولي شي اخدي فترة فكري زي ما عايزة وعلى راحتك انا ما مستعجل ع ردك في وقت اخر وصلت البيت ولقيت نور عندنا سلمت عليها شديد لانها واحشني نور:ما شاء الله الليلة وشك منور شكله عندك حاجة خلاك مبسوطه نشوى:اي اي بس شوفتك ي نور خلتني مبسوطه😁 نشوى:احكي لي اهلك قالو شنو نور:ماما ووووووووافقت بعدين اخدت نفس وقالت نور:ماما م صدقت من زمان عايزة ترتاح مني نشوى: كتيرين الرمو بنتاهم وراتاحو منهم شوفي انا امي من يوم ما اطلقت من ابوي وهي ما بتسال مني نور:ليكي كم شهر ما شفتيها؟؟ نشوى:شهر ..؟؟ قولي سنة قولي اتنين من ما غيرت ولايتها ورحلت ولاية تانية وانا ما شفتها نزلت مني دموع من غير ما احس نور:ما تبكي لانو ح ابكي معاك..انا ابوي اتوفى ليهو سنتين بس من قبل السنتين وانا ماما ما حاسبه لي وجود حتى الدراسة ما كانت مهتميه لمستواي ..المهم انه خاشة مدرسه خاصة والمهم انه بأكل وبشرب وكل شي عندي نشوى:بس الحمد الله ربنا ح يعوضك بحوته..محمد طيب شديد وقلبو ابيض نور:ح يعوضني بيكم كلكم 😍 .... في وقت اخر اليوم التاني كان عندي مشوار للسوق واتصلت على حوته يوصلني قال انو بعيد اضطريت اتصل على مازن ومازن م رفض خالص ورحب وجا عشان يوصلني بس اول ما ركبت العربية بدا يتكلم معاي بطريقة تانية وهو زعلان مازن:انتي م كنتي شايفة نفسك لابسة شنو قبل طلعي !!دا لبس تطلعي بيهو !!! نشوى: م شايفة شيء غلط يا مازن عباية عادية مازن:عباية عادية..وتخلي جسمك مفصل كدا..ما منتبها لي كمية الاولاد البعاينو ليك وانتي طالعة من الكافي مازن: عبايتك دي كعبه ي نشوى واول مره اشوفك لابسة كدا نشوى:ما كنت متخيلة انو ممكن يجي يوم وتتكلم معاي بأسلوب زي دا مازن: يعنى كنتي متوقعة اني اكون ماشي جنبك وانتي باللبس دا واسكت نشوى:طيب نزلني هنا.. وقف العربية وانا اتصدمت انو وقفها جادي ح ينزلني ..جيت افتح الباب لقيتو مومن مازن: دا اسمو شنو نزلني هنا..يعنى رايي ما عاجبك ولا ما عايزة تتناقشي معاي انا سكت وما عايزة ارد مازن:نشوى ردي نشوى:ممكن افهم الصفة البتخليك تتدخل في حاجة م بتخصك زي دي؟؟ مازن: اي صفة انتي عايزها حبيبببببك صحببببك راجلك اي صفة او بدون صفة كدا بس حاسه انه الوضع بينا بقى متوتر شديد .. نشوى: رجعني مكان ما اخدتني ي مازن وخلاص م عايزة كلام تاني مازن: طيب اسف!! مازن:حبيبك وبيغير عليك 🥺 نشوى: لسة بدري انا ما اديتك رايي مازن: في كل الأحوال دا ما بغير اني ما كيس جوافة عشان اقبل بي كدا ولا برضى اشوفك متاحة في يوم انتي غالية شديد مازن : افهمي لو مرة نشوى: المرة دي همشيها..تمام ...ممكن نمشي هسي واقفين ساعة في الشارع... مشينا السوق ويااااريت لو ما مشا كل شي هو بيختارو لي بمزاجو..دا حتى اختار لي طرح نص توب... وفساتين تلبس عشرة معاي ..وانا بس شغالة اقول لا وهو بيختار ويشتري ويدفع ولا شغال بكلمة لا.. رجعت البيت واطبحت في سريري..وقعدت اتزكر عباطت مازن في السوق لمن اجي اقيس الفستان ويحمي الراجل م يشوفو طلع فيني كيف 😂😂 يقول ليهو بس اذا مناسب بنشتري قبل وشك.. بفكر كدا وجات رسالة من مازن كاتب فيها. . . ((حبيبتي دلوعتي دعيني اغازلك مثل كاظم وأخيركي ما بين الموت على صدري أو فوق دفاتر اشعاري دعيني أجعلكي الوردة .والسلطانة..والياقوتة بين جميع الملكات وحين أغار عليكي اقول لكي انتي الأولى وما تبقي من نساء الارض ذرات رمال وحين تغضبي مني انا اقول لكي دلوعتي خاصمتها صالحتها ❤❤ أريد حباً وحناناً وحين تغاري أقول لكي هل عندكي شك انكي احلي واغلي امرأة في الدنيا وحين تتصرفي بجنون أغني لكي دلع النساء وحين تراني متضايق أغني لكي ها حبيبي وأهنيكي بالعيد وأقول كل عام وانتي حبيبتي وأعترف لكي بحبي باغنية احبك )) #يتبع #سماح_دسوقي #ساطرق_بابك .. الفصل السابع من هنا |
تعليقات
