رواية انا والدكتور والسبب زوجي الفصل السادس بقلم شخصية خيالية
تدخل هند غرفه الحارس (زوجها)وهي تغني
يانخلتين في العلالي يابلحهم دوا،
يانخلتين في العلالي وصفولي اهل الهوا.
وتغرد بصوتها الجميل أثناء دخولها عليه
صبري..ياسلام علي الروقان
هند...وانا ايه اللي يعكر مزاجي يعني
صبري..طيب فرحيني معاكي
هند..وبطريقة ماكره ...ولو انك ماتستاهلش بس احب ابلغك يابعلي أن قريب مرتبنا هايزيد عشان انا هكون الطباخه والمربيه وانا عملت حيله عشان اخلي الطباخ يمشي
وتبقي الفيلا تحت امري 🌹 وامرك
صبري..مبتسما ويصفق لها ويقول ايوه كده ياملكه الدراما
انتي كده هاتبقي الكل في الكل
يمكن بكره تبقي صاحبه الفيلا
هند...وماله هو انا ماستاهلش فيلا
انا اتدفنت بالحياه معاك ولازم اشوف الدنيا
صبري..تشوفيها لوحدك يعني
هند..لا طبعا انا وعيالي وجوزي..لكنها لم تقصد صبري
صبري ..طب تعالي اقولك كلمه في بوقك
هند...لا طبعا
احنا هنا في الشغل ومش هاعمل معاك اي حاجه هنا
صبري... ينفخ من شده غيظه..يادي القرف هو احنا بنسيب هنا ما احنا طول الوقت هنا اكل وشرب ونوم
حرام عليكي ولا اروح اتجوز يعني
هند ...غاضبه.. ياريت تتجوز بس تطلقني وانا ابريك من الحق والمستحق
صبري..حاضر عن قريب اجيبلك ضره
هند...خليك راجل وطلقني انا مش عوزاك
صبري ...ينزعج من كلمها ...ويقوم يشدها من شعرها
وصوته يعلي عليها
انا مش راجل يابت
وينزل علي وجهها وجسمها ضربا
لدرجه انتفاخ العين من الضرب
فتجري منه مسرعه وتهلل يارب تتقطع ايدك ياصبري بتستقوي علي وليه ياعديم الرجوله
اخس عليك وعلي عشرتك المقرفه
وحياه محمد ابني لازم اخد حقي منك ياصبري
وللعلم مفيش ولا جنيه هاتخده من مرتبي تاني ياصبري الكلب انته
يعني داخله اغني ومبسوطه طلعتني ابكي ومضروبه
الهي تموت ياصبري وامشي في جنازتك
صبري...انتي تستاهلي اكتر من الضرب
انتي بترفضي طاعتي وانا هاكسر دماغك ياهند وبكره تندمي
ويقوم ليضربها مره اخري
هند تجري مسرعه الي الفيلا وتدخل ثم تغلق الباب خايفه من بطش جوزها الذي لا زال يسبها من الخارج
تدخل هند وتنظر الي المرآه لتشاهد ما لحق بوجهها من إصابات
ثم تضع علي عينها بعض قطع الثلج
وتدخل الي غرفتها
الدكتور مازال نائما والطباخ في مطبخه يعد الغداء
ويحل السكون عليها وهي متاثره بالكدمات واللكمات
وتبدا في التفكير مجددا كيف تقتل هذا الزوج الذي أفسد حياتها ويضربها
كيف لها أن تعيش مطمئنه مع احمد حبيب القلب والروح
لا تستطيع الوصول إلي كيفيه قتل زوجها دون دليل عليها
هي تريد قتله وتريد برائتها من الجريمه أو الهروب منها
وان تفلت من العقاب الدنيوي
لم تعهد مهتمه بيوم الحساب في الاخره
المهم أن تعيش كما خططت لنفسها مع عشيقها في فيلته ومعها اولادها
تعود كل فتره للنظر في المرآه ومازال التفكير مستمرا في كيفيه قتله
ثم تبدأ التفكير بأن الطريقه الافضل لقتله يجب أن تكون خارج الفيلا وليس داخلها حتي لا تشك الشرطه بأحد من داخل الفيلا
وتاره اخري تفكر في أن تقتله بطريقه ما داخل غرفته بحيث انها تبدوا للشرطه بأنها كانت عمليه سرقه
وبدأ الشيطان يساعدها
ويلهمها بالكثير من الأفكار القاتله
هذا الشيطان الضعيف الذي لا سلطان له علي عباد الله الصالحين
لكن هند لم تكن منهم
بدأ الشيطان يمارس سلطته علي هند
لان هند كانت من الغاوين
وكانت بلا رحمه بنفسها تزني وتريد القتل تريد الدنيا كلها بكل بريقها الزائف وبكل معانيها الفارغه وبكل أوقاتها القصيره مهما طالت بها الحياه
غاب عنها كل هذا
وغابت عنها التوبه
وختم الله علي قلبها
هذه الشيطانه الجميله تحت تأثير ابليس
لن يهنأ لها بال الا بعد قتل صبري
وقد تساعدها الظروف وقد يرفق بها الله
لكنها لا تبحث في الاتجاه الصحيح
في البعد الاخر لم تنسي هند طرد الطباخ وقد بدأت بتنفيذ خطتها اليوم ...ولكنها مصابه لا تريد أن يراها حبيب القلب الا بعد التخلص من اثار لكمات زوجها
ولكن الشيطان ساعدها
وأرسل إليها فكره شيطانيه مثله
عم عبده الطباخ هو رجل في سن الخمسين ليس عجوزا وليس شابا وكان له زوجه قد توفت منذ عام تقريبا
وله ولدان
الأكبر محاسب والاصغر في نهائي كليه الهندسه
فكرت هند أن تضع السم في الاكل لزوجها من طبيخ عمي عبده الطباخ
ولابد من دافع لعم عبده عشان يقتل زوجها
قالت هند وهي مازالت تفكر هاقول لجوزي الاهبل أن عم عبده بيعاكسني واقول للدكتور كمان وعشان يبان أن الغرض من القتل انا
كده بجد انا لازم اخطط كويس
سرحت هند مع أفكارها
فقد اعجبتها هذه الفكره
وارادت فقط تنفيذها بمهاره وشطاره
وقالت لنفسها ايوه كده يابت ياهند برافو عليه...هههههه
تضحك هند وكأنها معجبه بعبقريتها
وقالت هند لازم اغري عم عبده والعب عليه هو كمان واثير غريزته حتي يتشجع ويتجرا عليه..وبعدها اعمل معاه مشكله
وبعدها اقول لجوزي وبعدها احط السم لجوزي ويبان أن عم عبده هوه القاتل ياسلام عليكي يابت ياهند
ايوه كده مايجيبها الا نسوانها
تتبعت هند خطوات الشيطان وبدأت تفكر كيف تشتري السم الزعاف ومن اين تشتريه
وقالت يارب انا عاوزاك تقف جنبي
ودي اخر غلطه مني
يارب انا مفيش قدامي غير كده يااموت صبري يااما اموت نفسي
لا اعرف أي رب خاطبت هند
إنه الله رب العالمين
ام أن لها ربا من الشياطين
