رواية احبنى شيطان الفصل الثامن بقلم محمود حمدى
سرى مفعول المادة المخدرة اللى اجبر حمادة..شيكو..على بلعها..انتفض و هو حاسس بتنميل بيجرى فى جسمة كله و انه خفيف خالص و الارض مش شيلاة..خرج للصاله و شاف البنات و الشباب بيرقصوا على الباند..و الهوا المعبق بالدخان و الموسيقى العالية خلت دماغة تتخيلهم مجموعه من العناكب العملاقة اللى بترقص قصاد عنية برجليها التمانية و كلهم جايين علية عوزين يقطعوة حتت..طلع يجرى زى المجنون و هو بيصرخ..طلع على الشارع..الليل و البرودة..العرق بينز من كل حته ف جلدة..حس ان الارض بتتشقق و بتقع من تحت رجلية..نط زى الضفدعه و هو بيحاول يهرب من العناكب العملاقة و يتفاد يقع فى باطن الارض
و.........
طااااااااااااخ
خبطتة عربية ملاكى معرفش صاحبها يفادى شيكو
و هناك فى الشباك بالدور العلوى من الكبارية
وقف حمادة يتفرج
و على وشة ابتسامة ساخرة
شامته
*************
عبير مش مصدقة:
-انا مش مصدقة و لا كلمة من الهرى اللى بتقولى علية يا مروة
رفعت مروة ايدها و هى بتقول:
-اللى حصل معاكى حصل مع امى و الله دة اللى حصل
تقف عبير و تدور فى اوضتها بقلق و توتر:
-طيب لية انا مش فاكرة كل اللى حصل زى ما انتى حكتية
مروة:
- و امى كمان عمرها ما هتفتكر اللى حصل معاها علشان كدة اختها على قد عقلها و توهيت الموضوع
تقرب عبير من مروة:
-و لية ميكونش مقلب و انتى عملاه فيا
تقف مروة و عنيها بتلمع بالدموع:
-و الله ما مقلب..انا خايفة اوى يا عبير..انتى صحبتى و لازم تصدقينى
-طيب لو فى دليل
و خطرت على قلب مروة فكرة:
-انا ممكن اثبتلك..بس مضمنش العواقب
-هتعملى اية
-بسيطة..اندهه عليه
-على الشيطان
-ايوة..اية رايك؟؟؟
و مجوبتش عبير على طول
فكرت شوية
(تتبع)
