رواية قسوة فرحتى الفصل التاسع بقلم صفاء محمد
طاهر: وجودي هنا ملوش علاقه بكهان
فيرا: لو ليه علاقه كنت قولتلي مخبتش عليا صح.... لان مستهلش تخبي عليا صح
طاهر: مفيش اي حاجه تخوف من ناحيه كهان
فيرا: مكنش قصدي اضغط عليك بس لما الموضوع يخص كهان بقلق جدا..... بالمناسبه انا عارفه علاقتك بياسمين البنت حلوه وكل حاجه بس معقول بتحبك لدرجه تاذي نفسها
طاهر: مش انا مبفكرش بأسلوب ده
فيرا: ياريت لو تفكر.... انت بقا عندك كام سنه ياطاهر دلوقتي لو كان في واحده بتحبك واطفال بتجري حواليك ويندهولك طول الوقت يابابا لو عندك بيت وعيله كنت هتبقا مبسوط... لا متفهمنيش غلط احنا عيلتك برضو بس لما يكون الواحد معاه حد من لحمو ودمو شعوره هيبقا مختلف وحلو
طاهر: يعني زي خالي
فيرا: لا خالك كان غلط
طاهر: ايه هي العيله اننا نكون تحت سقف واحد لما كنت مع خالي كنت مستنيكي تيجي مش عشان كنتي بتجبيلي هديه وكده لا عشان كنتي بتتكلمي معايا لانك اهتميتي بيا برغم كان عندك عيال كتير محتاجينك مفهمتش ليه اخترتيني انا بس الحمدلله... انتي كنتي العيله بالنسبالي.... ولسه لحد دلوقتي
كهان: مساء الخير
فيرا: مساء النور.... تعالي اقعد معانا نتكلم مع بعض شويه
كهان بتوتر: لا انا هطلع اوضتي تعبان شويه عن اذنكم وبيطلع الاوضه
طاهر: طيب عن اذنك انا
فيرا بحنيه: ماشي... ربنا معاك يا طاهر
كهان بيطلع اوضتو وبيحط الشنط اللي في ايدو علي الارض وبيطلع الفون وبيبعت رساله لجونول
جونول بتجيب القهوه: اتفضل
محمد: شكرا
امين: تسلم ايدك يا حبيبتي القهوه حلوه
جونول بابتسامه: صحه وهنا
امين: كريم هيخرج الصبح
فرح بتوتر: اه
جونول: مفيش حاجه تخوف كريم بسم الله ماشاء الله بقا كويس جدا
محمد: ممكن يكون تعب بعد اللي حصل امبارح
فرح بتوتر شديد: اه م انا بعد كده هخلي بالي كويس
جونول: هو اصلا مش بيخرج كتير تخيل يابابا بيقعد يتفرج علي الولاد وهما بيلعبو كوره من الشباك
امين: هو بيحب الكوره
جونول: اه
امين: خلاص نبقا ناخدو ونروح الملعب عندي اي رايك يا فرح
فرح بتوتر: تمام ماشي
جونول بتشوف الرساله بتاعت كهان وبتبتسم بعد كده بتقفل الفون: احم أن شاء الله هيرجع يلعب ويجري وبعدين خلاص مبقاش في مشكله في الفلوس هو حاليا بيتعلاج في احسن مستشفى
الكل بيتصدم
محمد بيبص لفرح: حليتي ازاي مشكله الفلوس
فرح بتوتر شديد: ف ف في ناس ساعدونا
محمد: مين الناس دول
امين: يهمك في ايه يعني
فرح بتوتر: انا لازم امشي عشان كريم عن اذنكم
جونول: استني هروح معاكي
فرح: لا مفيش داعي احنا كده كده هنخرج بكره
محمد بخبث: مش هتلاقي تاكسي تعالي اوصلك
فرح بتوتر: لا لا لسه بدري اكيد في تاكسي
محمد بخبث: تعالي اوصلك بس يلا
فرح بخوف: تمام تصبحو علي خير
امين وجونول: وانتي من اهلو
فرح بتنزل جري
محمد بينزل وراها: استني لما برن عليكي مبترديش ليه يعني عايزاني افضل اجري وراكي بالطريقه دي
فرح: انا ابني في المستشفى بين الحيه والموت عارف يعني ايه
محمد: مش عارف ليه يا فرح حاسس انك بتكدبي دايما كانك بتخبي عليا حاجه.... ازاي بتعلاجي ابنك في مستشفى غاليه وانتي مش معاكي جنيه
فرح بتيجي تمشي محمد بيمسكها
فرح: عايز ايه مني
محمد: عايز اعرف مين الناس اللي ساعدوكي
فرح بقوه مزيفه: اللي ساعدني طاهر واللي الراجل اللي طاهر بيشتغل عندو انا معرفش الناس دي ولا اعرف بيشتغلو ايه في واحد منهم انا اللي انقذتو وحابو يساعدوني في علاج كريم انا ميهمنيش بيعملو ايه اللي يهمني اللي بيعملو عشان ابني ايوه صح انا بهرب منك عشان مش عايزه اخسر مساعدتهم وسيبني في حالي بقا وبتمشي
امين وجونول بيخرجو من الشقه بيقبلو محمد
امين: عملت ايه وصلتها
محمد: ايوه
جونول: انا هطلع انا وبابا علي السطح
محمد باستغراب: علي السطح ليه
امين: هنطلع نعمل حاجه فوق بصي يا جونول انا هروح انا ومحمد نجيب حاجه من المحل وبعدين اخدك ونطلع انا وانتي
محمد: في الوقت ده انا لازم اروح القسم بدري
امين: اعمل اللي بقولك عليه وبعدين روح نام
جونول: بابا هنطلع نعمل ايه فوق
امين: عمل خير متكلوش هم
و.......يتبع
تفتكرو امين هيعمل ايه علي السطح وهل محمد هيبعد عن فرح ولا هيفضل وراها🤔
