Ads by Google X

رواية عشق الوحوش (كاملة جميع الفصول) بقلم جودي عرفه






رواية عشق الوحوش الفصل الأول 


فى مقر وزارة الدفاع 

فى مكتب اللواء محمود العمرى يوجد به المقدم جاسر الالفى 

اللواء فهمت ياجاسر هتعمل ايه انت وفرقتك 

جاسر تمام يافندم وادى التحيه العسكربه وخرج ودخل مكتبه ورن الجرس وطلب العسكرى وقاله بلغ الفريق ان انا عايزهم 

العسكرى تمام يافندم وخرج وبلغ الفريق ان المقدم جاسر عايزهم وبعد قليل دخلوا واحد واحد الى ان اكتمل الفريق

رعد خير ياجاسر فى مهمه جديده

جاسر ايوه

رعد ايه هى 

جاسر قالهم ان مطلوب منهم ان يدربوا اوائل طب جامعات الحكوميه لتعينهم فى مستشفيات القوات المسلحه

حمزه واحمد ط ازاى يعنى مش فاهم

جاسر ببرود ايه اللى انتوا مش فاهمينه 

حمزه هندربهم على ايه 

جاسر هندربهم كأن بندرب طلبه جديده واللواء ادانى ورق كل الاوائل وخدوا شوفوا الورق

حمزه واحمد شافوا الورق واتفاجاوا ان معظم الاوائل بنات 😯😯بس اتبسطوا😂

حمزه ياحلاوه ياولاد ده هيبقى تدريب عنب

جاسر😕اخرس ياحيوان

حمزه خرسنا😊

جاسر انت رأيك ايه يارعد

رعد انا مش موافق مش على اخر الزمن هندرب بنات دووول اخرهم يقعدوا فى البيت يقشروا بصل

احمد وحمزه ليه كده ده البنات احلى حاجه فى الكون😀

رعد بص ليهم بصه خرستهم الاتنين واتكلم تانى هو ماينفعش نعتذر عن الموضوع ده

جاسر لااسف لا لان القرار جاى من المجلس الاعلى للقوات المسلحه وبعدين كمل الكلام وقال لحمزه واحمد قالهم الجوابات دى توصل للكل الطلبه والمفروض يبقوا الاسبوع الجاى فى المعسكر

حمزه واحمد تمام يافندم وخرجوا يجهزوا الورق والجوابات لارسالهم للطلبه فى بيوتهم

جاسر رعد المفروض نهدى كده ونجهز نفسنا هنعمل ايه فى التدريب ونتعامل معاهم كانهم طلبه بعيد عن جنس اللى قدامك

رعد جاسر انت عارف دوووول اكتر حاجه على فى الكون بكرهم

جاسر عارف بس ده شغل وملوش دعوه باى ميول شخصيه

رعد تمام الاسبوع الجاى ميعاد التدريب صح

جاسر صح يالا على مكتبك وياريت تتابع مع احمد وحمزه وتشوفهم هيبعتوا الجوابات للطلبه علشان انت عارفهم

رعد تمام وخرج راح على مكتبه

جاسر ربنا يهديك يارعد ويعدى فترة التدريب دى على خير

فى مكان تانى فى بيوت الطلبه

فى بيت ايه واسراء 

جرس الباب رن وفتحت مامتهم واتفاجأت بعسكرى قدامها 

مامة ايه واسراء فيه ايه يابنى 

العسكرى ده منزل الانسه ايه والانسه اسراء

مامة ايه واسراء ايوه يابنى خير عاملوا ايه وعايزهم فى ايه 

العسكرى انا ماعرفش اتفضلى امضى هنا واستلمى الجوابات وحضرتك هتعرفى ام ايه واسراء مضت واستلمت الجوابات استوب مامة ايه واسراء(رحمه ام طيبه وحنونه بتعشق بناتها وابنها وبتعشق زوجها)

رحمه يامحمود الحقنى يامحمود

(محمود الشاذلى بابا ايه واسراء مدرس لغه عربيه بيحب اولاده جدا ومربيهم تربيه سليمه )

محمود خير يارحمه فى ايه مالك بتصرخى ليه

رحمه الجرس رن ولقيت عسكرى وسلملى جوابات تخص ايه واسراء بس معرفش فى ايه انا خايفه على البنات

محمود ط اهدى كده وهاتى الجوابات ونادى على البنات وانا هشوف فيهم ايه

رحمه ط خد الجوابات وانا ادخل اصحيهم اصل همامن ساعة ماخلصوا الامتحانات وهما عالطول نايمين تعبوا اووووى ربنا يجعل تعبهم بفايده 

محمود يارب رحمه دخلت على البنات تصحيهم وقالتلهم على الجوابات قاموا وخرجوا معاها وباباهم فتح الجوابات وعرف ان هما مطلوب تعينهم فى مستشفيات القوات المسلحه لانهم من اوائل طلبة طب 

ايه واسراء فرحوا اووووى ومامتهم زغرطت وباباهم باركلهم وقالهم ان هما قبل التعيين لازم يرحوا معسكر تدريب شهر والميعاد بعد وفى اللحظه دى دخل عليهم اخوهم مصطفى (مصطفى محمود الشاذلى اخو ايه واسراء الصغير طالب هندسه عمره 19سنه )

خير فى ايه متجمعين عند النبى ان شاء الله

كلهم عليه افضل الصلاة واذكى السلام

ايه باركلنا يادرش انا واسراء طلعنا من الاوائل وجاى لينا جواب تعين فى مستشفيات القوات المسلحه

مصطفى مبرووووك ياحبايب قلبى والف مبرووووك على النجاح 

ايه واسراء حضنوا اخوهم وقالولوا عقبالك لماتتخرج وتبقى اكبر مهندس 

رحمة ومحمود ربنا يخليكوا لبعض 

ايه واسراء ومصطفى اللهم امين 

مصطفى عايزين نحتفل يارحومه

رحمه ياسلام دانت تؤمر ياقلبى انزل هات لينا شوية حلويات وانا اعملكم تورتايه وشويه عصاير فريش

مصطفى اشطا يارحومه ياعسليه

محمود ولد عيب محدش يقولها عسليه غيرى😂

رحمه😊😊

ايه واسراء ياحلاوتك ياحوده ياسكره الحب ولع فى الدره ونسيبهم يحتفلوا ونروح مكان تانى فى بيت طالبه تانيه

شروق القاضى

جرس الباب رن باباها فتح وشاف قدامه العسكرى واستلم الجواب وقفل الباب 

..استوب(محمد القاضى ابوشروق رجل طيب بيحب بنته اووووى وهو مديرفى مأمورية الضرائب وذو سمعه طيبه ) فتح الجواب وعرف ان بنته نجحت وطلعت من الاوائل وفرح جدا ونادى عليها ياشوشو تعالى ياقلب ابوكى

شروق خير يابابا بنتادى عليا بعمل الاكل 

محمد تعالى ياشوشو وفتح دراعاته وخدها فى حضنه وقالها مبرووووك نجاحك ياحبية قلب ابوكى 

شروق ايه ده انا نجحت وطلعت من الاوائل كمان😯

محمد ايوه ياشروق وكمان طلبينك فى مستشفيات القوات المسلحه وهتروحى معسكر تدريب شهر قبل التعين

شروق وراي حضرتك رايك ايه

محمد فرصه كويسه بالتوفيق ياحبية قلبى ياريت ماما كانت موجوده كانت فرحت اووووى 

الله يرحمها 

شروق الله يرحمها وحشتنى اووووى

محمد الله يرحمها وحشتنى انا كمان بس هى فى مكان احسن من اللى احنا فيه اوكمل كلامه المفروض تستعدى لان السفر اخر الاسبوع نسيبهم ونروح لمكان اخر

فى منزل تقى الرفاعى

اخو تقى استلم الجواب من العسكرى وفتحه وعرف هو فى ايه وجاى لتقى ليه وبعدها نادى على تقى 

استوووووووب💏

(اخو تقى اسمه ادهم مهندس بترول شاب رياضى عمره27سنه بيحب اخته اووووى وبيعتبرها بنته مش اخته بس )ياتقى يادكتوره خرجت تقى على صوته نعم ياابيه 

ادهم تعالى ياتوتا وقالها مبرووووك ياتوتا نجحتى وجالك جواب ان انتى هتعينى فى مستشفيات القوات المسلحه 

تقى ايه اده انا نجحت وقعدت تنطط وباباها ومامتها خرجوا على صوتها 

مامتها فى ايه يااخرة صبرى

تقى نجحت ياماما نجحت اخيرا اتخرجت ياجدوعان وقعدت تعمل حركات بجسمها

ابوها وامها واخوهاميتين من الضحك بسبب حركتها

امها يابت اعقلى انتى بقيتى دكتوره بطلى حركات العيال وفردت درعاتها وخدتها بالحضن وبسيتها وقالتلها مبرووووك ياقلبى

تقى الله يبارك فيكى يانونا

امها نونا فى عينك يابت انا امك

تقى يانونا انتى لسه موزه وبحب ادلعك😂😂

ابوها مبرووووك ياحبية قلب ابوكى 💓💓

تقى حبيبى ياخالود ياعسل انت 😘😘

خالد 😂😂وربنا ماهتكبرى ابدا

تقى ياحبيبى انا الصغننه بتاعتكم😂😂

ادهم طبعا ياتوتا حبيبة قلبى وباس دماغها وقالها لازم نحتفل بيكى قبل ماتسفرى

تقى 👀👀سفر ايه وقبل ماتكمل باباها ومامتها استغربوا وادهم حكالهم على الجواب وعرفوا

خالد بابا تقى ط ازاى دوووول مش بيخدوا اى حد 

ادهم مش بيخدوا غير الاوائل وبكده عرفنا ان تقى طلعت من الاوائل

ناهد مامتها ط هتسافر ليه

ادهم لازم فترة تدريب شهر

امها لا طبعا بنتى متغبش عن حضنى لا لا شهر كتييير

خالد لااسف ياناهد الجواب جاى من القياده العليا للقوات المسلحه ومينفعش نعترض

امها😭😭

تقى علشان تطلع مامتها من اللى هى فيه وحاولت تهزر ايه يانونا دانتى طلعتى بتحبينى اومال ابورده اللى شغال عالطول ولا كل متنادى عليا تقوليلى تعالى يااخرة صبرى😂😂لا بجد دانتى طلعتى حونينه وانا بحسبك قاسيه😂😂

خالد وادهم😂😂هتموتى انهارده

ناهد 😯انا ياجذمه ط تعالى

تقى😂😂😂اجرى يا مجدى🏃🏃🏃كلهم قضوا الوقت فى الضحك😂😂😂

(خالد الرفاعى مدير فى احدى البنوك رجل طيب بيحب ابنائها وبيخاف عليهم جدا )

ناهد مامة تقى مدرسه لغه انحليزى ام زى ام مصريه بتحب اولادها وطيبه اووووى ودمها خفيف طول الوقت هى وتقى ناقر ونقير بس بتحب بنتها اووووى بتعبرها اختها ) نسيبهم ونروح بيت البطله الاخيره

نور احمد الجندى جرس الباب رن ونور هى اللى فتحت لقت العسكرى قدامها

نور نعم 

العسكرى ده بقيت الانسه نور احمد الجندى

نور 👀ايوه بيتها خير انا عملت ايه

العسكرى معرفش اتفضلى امضى واستلمى الجواب وانتى تعرفى نور استلمت ومضت وقفلت باب شقتها وفتحت الجواب وعرفت اللى فيه وبعدها صرخت بصوت عالى ابوها ومامتها واختها خرحوا على صويتها

ابوها فى ايه يامجنونه بتصرخى ليه

نور هروح الجيش😭😭

امها الله اكبر هنترتاح منهاوزغرطت😂😂

اختها ايوه بقى اخيرا هنام لوحدى على السرير

ابوها 😂😂مبرووك هتروحى امتى😂ر


نور👀👀👀ايه الناس دى وانا مش بنتكم ولاايه ولانا لقيطه ولاايه يابشر دوووول هيخدونى الجيش وانتوا فرحانين😭😭😭

امها وباباها واختها ميتين على نفسهم من الضحك وبيكلموا هتجهزى شنطتك امتى😂😂😂

نور لا انا كده عرفت ان انتم مش اهلى😭😭🏃🏃وراحت على المطبخ تاكل ماهى نور من الشخصيات اللى تفرح تاكل تزعل تاكل😂😂

(احمد الجندى ابو نور صاحب سوبر ماركت كبيير دمه خفيف وبيحب الهزار

مريم مامة نور بتعشق بناتها وبردوا دمها خفيف وبتحب الهزار

ملك اخت نور طالبه فى الثانويه العامه محجبه زى اختها طيبه وبتعشق اختها وعايزه تبقى دكنوره زى اختها)البنات كلهم عرفوا ان هما الخمسه مع بعض فى التدريب والمستشفى وفرحوا ان هما كمان مش هيفترقوا فى شغلهم وهيبقوا مع بعض فى التدريب

البنات بعد ماعرفوا ان كلهم جالهم جوابات وعرفوا كمان ان هما هيسفروا اخر الاسبوع اتفقوا ان هما يخرجوا يروحوا الجامعه ويطمنوا على النتيجه وبعدها يخرجوا يتفسحوا وكل واحد تجيب اللى هى عايزاها ويستمتعوا بالاجازه قبل فترة التدريب اللى هتفضل شهر

فى اليوم التانى صحيت ايه واسراء وقاموا من نومهم اتوضوا وصلوا وخرجوا بيدوروا على مامتهم وبيبنادوا عليها

مامتهم من المطبخ انا هنا يابنات 

ايه واسراء صباح الفل ياماما 

رحمه مامتهم صباح الجمال ياحبايب ماما صحيتوا بدرى يعنى

ايه ياماما انتى عارفه ان انا واسراء والبنات هنروح الجامعه وبعدها هنخرج نتفسح قبل نفخة التدريب

رحمه مامتها ماشى ياحبيتى بس استئاذنتوا من من بابا

ايه واسراء اه ياماما طبعا 

رحمه ط يالا انا جهزت الفطار جهزوا السفره وانا ادخل اصحى باباكم واخوكم

ايه واسراء اوك ياماما وخرجوا يجهزوا السفره ويخرجوا الاطباق من المطبخ ومامتهم خرجت تصحى زوجها وابنها 

جهزوا الاكل وقعدوا اكلوا وبعدها البنات شالت الاكل واخوهم ساعدهم وغسلوا الاطباق واستأذنوا من باباهم ومامتهم ان هما هيدخلوا يلبسوا ويتصلوا بصحابتهم علشان مايتاخروش عن الجامعه باباهم وافق واتصلوا بالبنات وقالهم ان هما فى انتظارهم لبسوا ونزلوا واتقابلوا 

ايه واسراء صباح الفل يامزز

شروق صباح العسل ياقشطات

تقى صباح العسل ياتوينزى💋

نور صباح المهلبيه

ايه واسراء وشروق وتقى 😂😂هو انتى يابنتى كل حياتك اكل حتى وانتى بتصبحى 

نور 😋😋هو فى احلى من الاكل اه بقولكم ايه انا عايزه اكل كتيييير واخزن اكل ماانتوا متعرفوش احنا هناكل هناك ولالا انا لازم اعمل حسابى😝

البنات انتى فظيعه يالا يااختى هنتاخر🏃🏃🏃ومشيوا وراحوا الجامعه وعرفوا ترتيبهم 

ايه واسراء الاولى والاولى مكرر

شروق التانيه وتقى التالته ونور الرابعه وفرحوا اوووووووى ان هما محافظين على ترتبيهم ان هما من الخمسه الاوائل طول السبع سنوات 

(يارب اشوف بناتى وبنات اخواتى فى اعلى المراكز) اللهم امين


وبعد خروجهم من الجامعه ركبوا تاكسى وراحوا مول ودخلوا سينما واشتروا شوية حاجات هيحتجوها فى السفر للتدريب وبعد دخلوا مطعم وكلوا وكل واحده فيهم روحت بيتها واتفقوا ان كلهم يستعدوا للسفر فى الميعاد المحدد

وجه اليوم المحدد للسفر والبنات استعدوا وكل واحده فيهم ودعت اهلها وصلوهم للاتوبيس اللى هيسافروا بيه لمكان التدريب وبعد مده وصلوا للمعسكر وهنا هتبدأ الحكايه

فى المعسكر 

نور ايه ده المكان صحرا انا عايزه اروح😭

اسراء يابت تروحى فين يامجنونه احنا خلاص دخلنا واستعدى للنفخ😂😂تقى 😂يانور اتهدى بقى وشروق وايه ميتين على شكل نور وصدمتها فى معسكر التدريب😂😂 وبعد فتره كل الطلبه اتجمعوا واتعرفوا على بعض وكان من ضمن الطلبه بنت اسمها حبيبه بنت جميله اووووى ومن ضمن الاوائل بس مش محجبه وطلبه ولاد سيد ويوسف وعمر ومحمد دووول بردوا من الطلبه الاوائل وهيبقوا مع فى التدريب اتعرفوا على بعض وكانوا بيتكلموا فجأه جه صوت من وراهم وكان المقدم جاسر الالفى ايه خلصتوا تعارف ولالسه وصوته مرعب

ايه يالهووووي مين ده وماله كده انا حاسه ان هياكلنا😯 











اسراء بس يابت ليسمعك بس الواد حليوه ومز كده فى نفسه ايه اللى انا بقوله ده استغفرالله العظيم وتقى اهدوا يابنات ليسمعكوا ونور انا عايزه اروح 😭شروق تروحى فين يااختى اتهدى واسكتى وفى اثناء الكلام جه المقدم رعد الحديدى بصوت اعلى واقوى احنا هنا هنقعد شهر مش عايزين دلع هنبدا يومنا الساعه 5الصبح ال هيتاخر ل5وخمس دقايق هيتعلق على باب المعسكر وفى الوقت صوت حد وقع وكان الطالب محمد

نور ده الواد وقع من صوته اومال لما يدربنا هيعمل ايه فينا روحونى 😭انا عايزه اروح لاحمد ومريم 😭😭ط هاتولى اكل😭😭كل ده تحت نظرات حمزه وهيموت من الضحك على كلامها انا الرائد حمزه الالفى ممكن نتعرف عليكم واحد واحد

ايه محمود الشاذلى الاولى جامعة عين شمس

اسراء محمود الشاذلى الاولى مكرر جامعة عين شمس

شروق محمد القاضى التانيه جامعة عين شمس

تقى خالد الرفاعى التالنه جامعة عين شمس

نور احمد الجندى الرابعه جامعة عين شمي

حبيبه زين السيوفى السابعه مكرر جامعة القاهره

سيد فريد شوقى الاول جامعة اسكندريه

يوسف خالد محمود التالت مكرر جامعة اسيوط

محمد فاروق الفيشاوى الرابع جامعة القاهره

عمر محمد صبحى جامعة القاهره وكان فى غيرهم حوالى 10كمان 

وبعد ماتعرفوا على الطلبه 

جاسر هتصحوا الساعه خمسه الصبح والفطار5.30ص والتدريب هيبداالساعه 6.30 وياريت كل الاوامر تتنفذ ومش عايز اى دلع علشان اللى عيدلع مالوش اجازه وهزود فترة التدريب انا بحظركم كلكم وصوته زى الرعد تمام

الطلبه تمام يافندم

ورعد كمل الكلام وقال فى تقيييم لكل طالب وده على اساسه هنختاركم بيه وياريت كل واحد يركز فى تدريباته ومحاضراته 

نور 👀معلش ياكابتن ممكن سؤال

رعد👀👀 كابتن اتفضلى

اسراء الله يرحمك يانور كنتى طيبه جايه تسألى كبيير مصاصى الدماء يالا تستاهلى

نور😯 معلش يعنى تدريب ايه اللى حضرتك بتقول عليه معلش😯حمزه لحقها قبل رعد وجاسر يفترسوها وقالها محاضرات نظريه فى ازاى ندافع على نفسنا وده هنطبقه عملى😕

نور معلش بردوا مش فاهمه سيادتك 

حمزه بهدوء مرعب دى غبيه ولاايه هتموت من جاسر ورعد بس لازم ارد ياانسه حضرتك هتدربى ملاكمه وسباحه وجرى وشوية رياضه للدفاع النفس وازاى نعمل اسعافات اوليه فى وقت الحروب

نور بكل تلقائيه يالهوووي روحونى لاامى 😭😭😭

كل المعسكر ضحكوا عليها ماعدا رعد وجاسر وحمزه يخربيتك هتموتى هنا انا شكلى وقعت فى واحده مجنونه والايه وفى الوقت ده جه الرائد احمد الالفى وقالهم ان الرائد محمود الجارحى هياخدكم مكان للمبيت علشان تستريحوا وان شاء الله هنبدا من بكره وهتعرفوا بكره هتبقوا تحت قيادة مين فينا تمام 

الطلبه تمام يافندم وجه الرائد محمود واخدهم لمكان المبيت وكان مكان بعض الشئ جيد وكل طالب وطالبه عرفوا مكانهم وسرايرهم وكان الخمس بنات مع بعض ومعاهم حبيبة اللى تعرفوا عليها وقت مادخلوا المعسكر

ايه يالا يابنات نصلى العشا وبعدين ننام هنصحى بدرى انتوا شوفتوا اصواتهم هياكلونا😂

شروق اه والله انا حاسه ان انا هتخفى فى الشهر ده 😂

تقى فككم من الكلام ده ويلا نقوم نتوضى ونصلى 

اسراء انا هدخل الحمام واخد اسدالى معايا واتوضا واخرج عالطول 

نور 😭😭انا جعانه وعايزه اكل ماليش فيه هو مفيش اكل فى ام الليله دى😭😭

البنات👀👀👀يابنتى ط مااحنا لسه واكلين فى الاتوبيس 

نور ماليش فيه انا جعانه واكلونى يابشر 

ايه بكل هدوء ط نصلى الاول وبعدين نشوف موضوع الاكل ده ماشى 

نور ماشى

ايه حبيبة تصلى معانا 

حبيبة اه انا جايبه اسدال معايا 

ايه خلاص نتوضى ونصلى جماعه

شروق ممكن اسألك سؤال يابيبه 

حبيبة اتفضلى انتى ليه مش محجبه

حبيبة نفسى اخد الخطوه بس مش عارفه بالرغم ان انا بصلى وبحفظ قرأن وبعمل كل فرائض دينى بس خايفه اخد الخطوه

تقى بصى يابيبه الحجاب ستره ليكى وهيكمل واجباتك نحو دينك وهيزود ثقتك فى نفسك خدى الخطوه واحنا معاكى انتى بقيتى معانا احنا كنا فى شكل خماسى علشان خاطرك هنبقى سداسى

حبيبة وده شئ يشرفنى وهاخد الخطوه دى اه اتا لبس الحمدلله كل طويل وواسع بس للااسف مش معايا طرح

اسراء وهى خارجه من الحمام معانا احنا بس تكونى واخده الخطوه على اقتناع ومتشغليش نفسك بموضوع الطرح دى هنظبطوكى ياشابه بصوت ريا وسكينه 😂😂 البنات ضحكوا عليها ونور كملت وبجديه حبيبة القرار ده هيبقى من افضل قراراتك وربنا يثبتك يارب

حبيبة يارب بجد انتوا بنات جدعه وانا اتشرفت بمعرفتكم 

البنات الشرف لينا ياقمر انتى

ايه يالا يابنات اقفى يااسراء امام واحنا وراكى نصلى ونلحق ننام قبل الميعاد علشان نصلى الفجر

البنات تمام وقفوا وصلوا وكل واحده طلعت على سريرها الانور فردت الاكل واقعدت تاكل وبعد فتره طويله خلصت ونامت وجه ميعاد الصحيان البنات صحيت طبعا الاالاخت اللى اكلت اكل المعسكر كله والبنات حاولوا يصحوها مفيش وقت وكانوا هيتاخروا جت فكره لتقى جابت ازازة ميه ودلقتها فوق نور ..نور قامت مخضوضه وعماله تقول فى ايه انا بغرق ولااايه والبنات فطسنين على نفسهم من الضحك 😂😂😂ونور انتبهت وعرفت ان تقى دلقت عليها الميه بقى كده ياحيوانه بتغرقينى بالميه 

تقى يااختى اتنيلى قومى البس واجهزى هنتاخر على التدريب 

نور تدريب ايه دانا كنت ناسيه انا بحسب لسه فى بيتا وقامت جرى 🏃🏃🏃على الحمام ولبست وجهزت وخرجوا السته كلهم ولقوا بقيت الطلبه واقفين كلهم 

نور بهمس لتقى بت ياتوتا هو مفيش اكل ولاايه 










تقى اخرسى الله يخربيتك مش شايفه التنين الواقف وبيبص علينا اكل ايه فى ام الليله السوده دى وطبعا كان رعد بيقرا لغة الشايف وعرف ان تقى قالت عليه ايه وجز على سنانه وكور ايده وكان نفسه يروح يديها بالبوكس بس مسك نفسه وفى الناحيه التانيه حمزه مركز مع نور وعاجبه اووووى خفة دمها 

احمد بهمس لحمزه مالك ياض مركز مع البت ليه

حمزه وانت مالك ياحشرى خليك فى حالك وانتبهوا لصوت رعد وهو بيقول اسامى الطلبه والطالبات والست بنات عرفوا ان هما هيبقوا مع فرقة الوحوش

البنات👀👀😭 يالهووي هنتفخ هنتنفخ يعنى


نور اه ياشبابك اللى ضاع يانوراه مش هتبقى نواره هنكونى اتحرقتى😭

تقى اه ياانا ياما الوحوش هينفخونا 

شروق ضاع شبابك ياشوشه 😭

حبيبة هما هيعملوا فينا ايه

اسراء هنتنفخ يااخت حبيبة😭

ايه بكل هدوء مالكم يابنات اهدوا كده ولازم نثبتلهم ان احنا قدها وقدود

نور بس ياماما مين اللى قدها انا مالى ومال التدريب مالها قعدت البيت والاكل انا ايه اللى خلانى ادخل كلية الطب وكمان طلع من الاوائل مالها يااختى كليات الشعب كنت اتخرجت وقعدت فى البيت استنيت عدلى وبتعيط عياط مصطنع😭

تقى اخرسى يازفته بدل ماتلاقى واحد من مصاصين الدماء دوووول قدامنا ويمصوا دمنا😂

شروق اه والا الااسمه احمد ده شكله كيوت بس تحسيه كده مصاص دماء مفترس😂😂

نور لا واللى اسمه حمزه ده كمان مز بس بردوا مصاص دماء فى نفسه كده😂

اسراء اه يااختى ولاااسمه رعد ده تحسى ان هو كبيير مصاصى الدماء ده دوووول ميتسموش فرقة الوحوش دووول يتسموا فرقة مصاصى الدماء

ايه... مالكم يابنات فى ايه ده شغلهم ولازم يبقوا كده واخلصوا بقى علشان هنبدا التدريبات مش عايزين نسمع كلام من حد وخلوا الشهر يعدى على خير

نور بت ياايه بطلى برودك ده انتى مش حاسه ان احنا مش هنكمل الشهر وكلنا هيتعملنا عزا فى الحمديه الشاذليه بسبب فرقة مصاصى الدماء دووول

البنات كلهم ماعدا ايه اه والله يانور عندك حق يالا ربنا يعدى الشهر ده عالخير

ايه 👇👇

هيعدى وهتروحوا لبيوتكم بس يالا بطلوا رغى

البنات يارب على بردوك ده

ايه ده مش برود دى ثقه فى ربنا

البنات ونعم بالله كل الكلام تحت انظار الفرقه كلها منهم المبسوط ومنهم اللى عايز يولع فيهم طبعا كلنا عارفين مين اللى هيولع فيهم ومين مبسوط 

               الفصل الثاني من هنا 

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-