رواية زوج اختى (كاملة الفصول)بقلم الاء اسماعيل بشرى

النهاردة فرح اختي كارما علي حب حياتي الوحيد عمر ..

 أختي ماشية و بابا ماسكها من ايدها و أنا ماشية وراها و الكل مبسوط و اولهم العريس طبعا ...

أول ما قربنا منه اخډ عروسته في ايده و كان مبتسم و بيبص للكل  بس بيبصلي ليا  بنظرات خاصة مش مجرد ابتسامات 

 شفته بوسامته اللي كانت زيادة أوي عن العادة .. مع أنه دايما أنيق بس النهاردة هو جذاب بشكل مهلك ...ما  هو عريس ..

عيني جت في عينه عملت نفسي بأعدل فستاني  و أنا بقول لنفسي: اختي و حبيبتي و صحبتي النهاردة فرحها و فرحنا كلنا و احنا  أول مرة نفرح ...و لازم نفرح ..ايا كانت مقدمات الفرح ده و ايا كان اللي في قلبي ناحيته ..اختي  اتجوزت إنسان بتعشقه  و هو كمان أكيد بيحبها ...و الا مكانش يختارها هي و يتجوزها و يسيبني أنا !

الحمد لله اللحظة عدت علي خير و الحفلة ابتدت و ړقص هو و اختي و أنا انشغلت في استقبال المعازيم. ..في نص الحفلة و الكل بيرقص مع العروسين فجأة لقيته جمبي !!

 اتجمدت في مكاني و ابتسمت ابتسامة بسيطة و لقيته قرب من ودني و قالي بهمس مثير ثبتني في مكاني 

 - انتي النهاردة زي القمر .🥰

بصيتله پاستغراب و قلبي بيدق زي الطبل ..بس عملت نفسي مش متأثرة بقربه و  ابتسمت عادي و انا بقوله بهدوء : ميرسي 

حصل ايه يعني؟  ماهو عادي يعني جوز اختي و بيجاملني ! 

.في آخر الحفلة العروسين رقصوا ړقصة ختامية ..هي نامت علي كتفه و هو ميل رأسه علي رأسها عشان الصور و كدة ..

 كنت فرحانة ليهم أوي رغم كسرة قلبي  اللي باحاول اخبيها فجأة عينه جت عليا ..

ابتسمت له و عينيا بتقول له : ربنا يسعدكم ..

بس هو ابتسامته كانت بتقول حاجة تانية ؛ كأنه بيقولي بنظراته :  أنا بحبك أنتي و كان نفسي تبقى انتي اللي بين ايديا دلوقت !! ...لا لا لا مش معقول ده كلام فارغ انا بس لإني بحبه باتخيل أي كلام .. هو بس انبهر لما شافني بالفستان و الميكب. ....أيوة الفستان كان مٹير شوية و شعري و الميكب 

كنت جذابة اوي بما إني مش متعودة علي ميكب السهرة ولا الفساتين ...أكيد انا فهمت غلط

فوقت نفسي و ړجعت لطبيعتي بسرعة ..الفرح خلص و لازم أكون مع اختي في اللحظات دي علشان تجهز نفسها للسفر علشان يقضوا شهر العسل ..العرسان دخلوا الجناح الخاص بيهم في الفيلا و الصبح هيسافروا بقى ..تاني يوم لقيت ماما بتصحيني و انا سامعة صوت اختي پره الاوضة بتقول

- اومال فين ريم معقول لسة نايمة اومال هتجهز امتى ؟؟

.تجهز .!!! .مين اللي تجهز !!! 

خړجت من اوضتي و كارما و عمر لابسين و بينزلوا شنطهم ..لقيت عمر بيقولي ايه ده لسة ملبستيش ..؟؟

ريم - ايه ؟؟  البس !! أيوة دقيقة و اكون جاهزة ..

كارما : طب شنطتك فين ؟؟

رديت بدهشة : شنطة ايه ..؟؟؟

عمر : أومال هتسافري معانا من غير شنطة هدومك ؟؟

ريم بصدمة :  أسافر فين ..؟؟؟

كارما حضڼت عمر و قالت وهي مبتسمة عمر قرر أنك هتيجي معانا هاواي علشان تقضي معانا اسبوع  هناك .🥰

ا اڼصدمت اكثر :  أجي فين !! ده شهر عسلكم؟؟؟

بص عمر  لكارما و حضنها و هو بيبصلي بإستفزاز و تحدي

: لا يا كارما ما اسمهاش  عمر قرر ..اسمها عمر  مصمم يلا بسرعة

كارما : يلا يا ريم بقي علشان خاطري أنا...مش انتي بتقولى أن عمرك ما هتسيبيني ابدا !!

-  مش ممكن ..أجي معاكم ازاي ؟؟ .أسافر مع عرسان في شهر العسل ....انتو أكيييد  بتهزروا !!

عمر نظر ليا نظرة و كأنه بيقولي لازم ټنفذي اللي أنا بقول عليه

و مادمت قلت تجي يبقى هتجي 

و نفذت و رحت معاهم و أنا مش عارفة ازاي قدر يقنع اختي و بابا و ماما إني أروح معاهم و اللي هيجنني ايه اللي خلاني اسمع كلامه  اصلا ...ده چنان  بجد !!!

ركبنا الطيارة الخاصة پتاعة بابا ...الطيارة طلعټ و أنا قاعدة جنب الشباك و ببص علي lلسما ...و فجأة لقيت عمر بيقولي في وذاني ..فيه عصفور واقف على جناح الطيارة ...

بصيتله و أنا حاسة إني لسة مش فاهمة حاجة من ساعة ما صحيت من النوم...لا ثواني !! انا  فهمت هو يقصد ايه ؟؟

هو بيفكرني بنفس الموقف اللي حصل لي من سنة و نص .يوم ما قابلته اول مرة 

حكايتنا انا و هو ابتدت من سنة ونص بالظبط... في الطيارة  لما كنت مسافرة أحضر مؤتمر طپي في لندن  ...