رواية ادهم وخديجه كامله جميع الفصول بقلم ايمان يونس
- ابنك يا خالتو الا ما قالي هابي فلانتين داي.
= انتِ الا عبيطه مُش عارفه تكسبيه.
- ده حتي معبرنيش ببوكيه ورد ولا كوز دره في البرد ده.
ضربتني علي دماغي:
= ما انتِ الا مُش عارفه تقربي منه.
قعدت جنبها وانا باخد جزره باكلها وبتكلم:
- اعمل اكتر من كده اي..هو الا مُحترم بزياده.
ضحكت:
= تربيتي بقي.
اتكلمت بسخريه:
- ياريتك ما ربيتي انتِ ربتيه لي يا خالتو...الواد بيتكسف يبصلي...ده انا حاسه ان انا الا ولد مش هو.
بصتلي بضيق مزيف:
= واي لازمتها خالتو بقي يا اختي.
ضحكت بقله حيله:
- خلاص بقي يا كوكو اعمل اي عشان ابنك ده يحس.
= انتِ الا عبيطه مبتشوفيش البنات بتعمل اي.
- يا كوكو ده انا عايشه معاكم 24ساعه اكتر ما بعيش في بيتنا وبرضوا ابنك حلو.ف لا يبالي.
= قربي منه انتِ ، اتكلمي معاه ، مُش هقولك تعملي اي
عشان توقعيه في شباكك انتِ وقدراتك.
ابتسمت ابتسامه بلهاء:
- خالتو انتِ متاكده ان ادهم ابنك!!
= اه وحياتك ابني الا فتحو. لي بطني.
- بس خلاااااص هتشرحيلي كمان.
/ ادهم ابن خالتي اكبر مني ب 10سنين...كله بيشوف
بينا فرق السن كبير...بس انا بحبه وبحب فرق السن بينا...وبالنسبالي مُش كبير...وكمان بحس جنبه اني
طفله علي الرغم ان انا بحبه بس اعتقد انه مُش
بيبادلني نفس الشعور او شايفني صغيره بالنسباله
مُش عارفه...مع ان واحنا اطفال كنا قريبين جدا من بعض../
كُنت قاعده مستنيه ادهم يرجع
من شغله بفارغ الصبر عشان اشوفه.
- هو ابنك اتأخر كده لي النهارده يا خالتو.
= معرفش يا اختي والله.
- ازاي متعرفيش يعني مش انتِ امه مين الا يعرف.
= بت انتِ متروشنيش خليني اخلص الغدا.
اتنهدت وقعدت جنبها بقله حيله:
- محتاجه مساعده مني متتكسفيش لو محتاجه متقوليش.
= طول عمرك واطيه يبت.
- حبيبتي يا خالتو والله.
= اهو جه تقريبا ، اعمليلك مصلحه وحطي الاكل علي السفره.
اتكلمت بابتسامه وانا بتلكك عشان اشوف ادهم:
- من العين دي قبل العين دي.
طلعت بهدوء وانا بحط الاكل علي السفره وبعمل نفسي متفاجاه من وجوده:
- ادهم انتَ جيت امته؟!
= لسه راجع.
- عملت اي في شغلك كله تمام؟!
= ايوه الحمدلله.
/ ادهم دايما بيحب يتجاهلني وميدليش وش ، بيرد باختصار علي كلامي او بيقفله ، او بيبقي قاصد يجرحني.
خالتو جت وحاولت تغير الجو واتكلمت بخبث:
- ده انتَ امك بتحبك يا ادهم.
اتكلم بضحكه حاول يداريها:
= الا هو انتِ طبعا يا ماما.
- ايوه البت خديجه هيا الا عملت الاكل النهارده..وعملتلك الجلاش باللحمه مخصوص لانك بتحبه.
بصتلها باستغراب لقيتها بتغمزلي..فهمت انها بتعمل كده عشان تقربني منه طول عمري بحب خالتو دي مبحبهاش من فراغ.
اتكلمت بابتسامه وانا بقطع قطعه من الجلاش ومدتله ايدي:
- اتفضل كُل دي من ايدي متكسفنيش.
اتنهد بابتسامه:
= تسلم ايدك.
- دوق العصير ده كمان من ايدي..انا
عارفه انك بتحب عصير الموز باللبن.
= شكرا يا خديجه.
همست بضحكه لخالتو:
- قالي تسلم ايدك وشكرا.
= يا راجل امال لو قالك بحبك.
- هيغمي عليا من مجرد التخيل.
اتنهدت بابتسامه حزينه وانا بستأذن منهم ان اروح فاتكلمت خالتي بسرعه وقالت:
= راحه فين يا خديجه مش هتمشي انتِ هتقضي اليوم كله وبعدين انتِ مش هتمشي الا ما تاكلي معانا.
- بس يا خالتو مره تان..
قاطعت كلامي بتحذير:
= انا قولت الا عندي لو مشيتي انتِ حره.
اتنهدت بهدوء:
- خلاص كله الا زعلك.
= هقوم انا اغسل المواعين.
- اساعدك يا خالتو؟
همستلي بصوت واطي:
= شوفي انتِ شغلك.
- ادهومي تعرف النهارده اي؟؟
= لا اي؟
- النهارده كام في الشهر.
= 14.
- مش بيفكرك ب حاجه؟
= لا هيفكرني ب اي.
اتكلمت بضيق:
- عيد الحب..معندكش حد كده ولا كده.
= مبنحتفلش بعيد الكفره ده.
عدي اليوم من غير نتيجه...روحت علي بيتنا الا تقريبا مبقضيش وقت فيه اكتر ما بقضي وقت عند خالتي والا مبشوفش اهلي عشان خاطر حلو.ف لا يبالي.
/ يبان قدامكم ان ادهم شخصيه مُعقده...بس برضوا ان جينا للحق ف هو معاه كل الحق...بس هو طبعه قاسي يمكن معايا انا بيخليني اكرهه بس لي..؟!
- ادهم.
= نعم.
- النهارده اجازتك صح؟
= ايوه فيه حاجه.
- كُنت عاوزاك تيجي تختار معايا فستان لفرح صحبتي كملت بهمس عقبال فستان فرحنا يروح الروح.
ابتسم بهدوء:
= حاضر شوفي عاوزه نروح امته.
ابتسمت واتكلمت بتلقائيه:
- يا خالتو زغرطي ابنك وافق مُش معقول.
بصلي باستغراب واتكلم بجمود:
= عاوزه تروحي امته انا مُش فاضيلك انتِ بس
" بيعاملني بطيبه واحساس والله..عمركم شوفتوا كده
انا ابان معنديش كرامه..بس انا معنديش كرامه عند ادهم بيتقل عليا ابن الايه اكيد مش هنتقل احنا الاتنين علي بعض"
- خديجه انتِ فرهدتيني.
سرحت في اسمي خديجه منه قمر تاني خالص:
= اعمل اي بس يا ادهم مفيش ولا فستان عاجبني..
ما بالك لو فستان فرحي هعمل اي.
- ربنا يكون في عونه الا هيتجوزك.
ابتسمت بخبث:
= لا متقلقش هو هيستحملني عافيه ذوق.
- طب يا اختي اختاري ده رابع محل.
بصتله باستعطاف:
= اختار معايا يا ادهم ارجوك.
- ده جميل خديه.
/بصيت للفستان وفعلا كان اختياره جميل...وطبعا انا مقدرش ارفض فستان قره عيني اختارهولي...دخلت
البروفه وقسته كان تحفه فعلا لونه كان بيبي بلو /
- قستيه؟!
= ايوه.
- مورتنيش يعني؟!
اتكلمت بخبث:
= اصله معجبنيش بصراحه.
اتنهد بضيق بان علي ملامح وشه:
- طب هتختاري غيره.
= لا هنروح انا تعبت واكيد انتَ كمان هبقي اخرج انا تاني.
- طب يالا لما اروحك.
= هو ممكن منروحش..ممكن نروح كافيه او بحر اي مكان؟
- بحر في الجو التلج ده؟.
مسكته من ايده وسحبته وانا بتكلم بتلقائيه:
= ده احلي جو يا سلام..وقدامك دره وطبق ترمس.
بصلي باعجاب ممتزج باستغراب:
- ده اقصي طموحك.
اتنهدت وانا ببتسم:
= ايوه ده اقصي احلامي تعالي بقي.
"وبالفعل ادهم قام اشتري طبقين ترمس ودره...وكمان جابلي غزل بنات وايس كريم..ابتسمت للحظه لانه لسه عارف انا بحب اي وبكره اي.."
- انتِ بتعملي اي؟
اتكلمت بغضب طفولي:
- بحط الترمس في طبق واحد ؛ عاوز تفرقهم عن بعض.
ضحك ضحكه رجوليه خطفت قلبي:
= اخص عليا انتِ طفله اوي.
ربعت ايدي حوالين صد.ري:
- انا مُش طفله انا كبيره.
= واضح واضح.
اتكلمت بابتسامه:
- كده اقدر اكل بنفس.
ابتسم بيأس:
= انتِ مُش ناويه تتخطبي بقي ونخلص منك بدل ما انتِ ناطه عندنا 24ساعه كده؟؟
شهقت بخضه:
- اخص عليك يا ادهم انتَ زهقت مني...بعدين الحق عليا مستنيه واحد حلو.ف لا يبالي.
ضحك بحزن حاول يداريه:
= ايوه زهقت عاوز اخلص منك بقي.
اتكلمت بضيق:
- متوقعش انك هتخلص..هات الدره بتاعك.
= ما انتِ معاكي واحد.
- انا عاوزه من بتاعك مليش دعوه.
= بس تعرفي انتِ كل يوم بتحلوي.
- بجد يا ادهومي.
= مُش هتبطلي ادهومي دي؟
ضحكت بلطف:
- لا مُش هبطل...فاكر يا ادهم اليوم ده.
ابتسم بهدوء وهز راسه:
= وهو انا اقدر انسي برضوا؟
" بصينا لبعض في عيون بعض لثواني وسرحنا بذكريات لورا "
Flash Back:
- ادهم انا مخاصماك.
= مخصماني لي يا ديجا.
- انتَ بتتكلم مع بنات غيري.
= بس دي صحبتي يا ديجا.
- انا مليش دعوه خاصم هات صباعك خاصم يالا.
= بس انا مقدرش علي خصامك يا ديجا.
- لا خاصم عشان بتكلم بنات غيري.
= كله الا خصامك انا مقدرش اعدي يوم من غير ما تكلميني.
- بس انا زعلانه منك واوي كمان.
= حقك عليا معتش هكلم بنات الا انتِ بس.
- بجد يا ادهومي.. يعني مُش هتخلي حد يقرب منك.
= ايوه يا عيون ادهومك.
مسحت دمعه فرت من عيني وادهم لاحظ ده:
- خديجه انتِ بتعيطي.
= لا يا ادهم دي حاجه دخلت في عيني.
بصلي بشك ومد ايده رفع وشي:
- بتعيطي لي؟!
= مُش بعيط صدقني يا ادهم.
- انا عارفك اكتر من نفسي بتعيطي لي.
= افتكرت اليوم ده وعيني دمعت بس علي فكره انا كُنت طفله وانتَ يعتبر كُنت كبير ف متضحكش ها.
اتكلم بضحكه:
- طب وده خجل ولا اي بالظبط.
= يوه يا ادهم.
- خلاص خلاص متعيطيش.
= وانا كمان وحشتني الايام دي.
- انتَ الا بعدت عني لما كبرنا.
= يالا عشان اروحك.
اتكلمت بعياط وقهر:
- وبتهرب مني كمان الوقتي يا ادهم.
"سيبته وجريت وسمحت لدموعي تنزل علي خدي..احساس ان اقرب الناس ليك يبعد عنك من غير سبب مقنع بيجرح اوي وخصوصا لو انت بتحبه وهو مُش حاسس بيك او عارف بس بيتجاهل وبيعمل عبيط بس انتَ مُش في ايدك حاجه تعملها اكتر من كده لان كده هنكون خسرنا كرامتنا "
- لسه فكرانا يا موكوسه.
اتنهدت بحزن واتكلمت بهدوء:
= انا جيت اطمن عليكي وماشيه.
- مالك يا ديجا مُش زي عادتك.
= مفيش يا خالتو انا مصدعه بس.
- طب ادخلي هنتكلم علي الباب.
= ادهم جوه.
- في اوضته.
= خلاص هاجي مره تانيه.
شدتني من ايدي وسحبتني وراها لاوضتها وقعدت جنبي واتكلمت بهدوء غير العاده:
- قوليلي ادهم ابني زعلك في اي؟؟
حاولت اداري دموعي بس للاسف خانتني وعيطت بقهر:
= انا تعبت محاولات مع ابنك ادهم العالم كله عرف ان انا بحبه الا هو بيعمل عبيط ومصمم يجرحني.
خدتني في حضنها وطبطبت عليا:
- هنخيب ولا اي هتيأسي بعدين انتِ عارفه انه اهبل ومحترم
اتكلمت بعياط وانا بتشبت في حضنها:
= بس انا تعبت معاه ده حتي مبيقوليش بعد عني لي.
طبطبت عليا:
- مُش عارفه هو بيعمل كده لي مع ان واثقه انه بيحبك.
- خديجه.
بصيت ورايا اتاكد من الصوت الا سمعته:
- بتكلمني انا!!
= امال بكلم خيالك.
- دمك شربات..عاوز حاجه.
حمحم بخجل واتكلم:
= مُمكن تساعديني؟!
- اؤمر اساعدك في اي.
= اختاريلي بدله لاني محتار عندي مُناسبه..وانتِ ذوقك حلو
ابتسمت وانا برحب جدا بإني اختارله:
- دي جميله اوي وهتبقي عليك تحفه.
اتكلم بابتسامه ممتنه:
= شكرا ، علي فكره ممكن لو عاوزه تيجي معايا تعالي.
بصتله بصدمه:
- انا اجي.. معاك.. فين!
= عندي فرح صاحبي بكره.
اتكلمت بحماس وانا بسقف:
- جايه جايه.
" تاني يوم الصبح صحيت بنشاط غير العاده عشان هروح
مع ادهم الفرح ده اول مره يعبرني وهعمله مفاجاه وهلبس الفستان الا كان مختارهولي ، الا مروحتش الفرح بيه كنت
ناويه اروحه بس بسببه عشان نكد عليا الله يسامحه "
اتكلم وهو بيبص في الارض:
- كل ده تأخير.
= انا اسفه.
رفع وشه وبصلي باعجاب واضح وحمحم بخجل:
- شكلك جميل اوي النهارده.
ابتسمت بخجل:
= احم مُش يالا.
- بس مش قولتي ان الفستان مكنش عاجبك.
= كُنت بضحك عليك لكن كان عاجبني اوي.
- شكله قمر عليكي.
بعد ما وصلنا القاعه اتقدم وفتحلي باب العربيه طول عمري بقول علي الواد ده رجوله وبيفهم في الذوق والمشاعر.
- وقفتي لي.
اتنهدت بغضب طفولي:
= مُش داخله.
- نعم لي ان شآء الله.
= انتَ لو مهتم كُنت عرفت.
اتكلم بضيق وهو بيمسح علي وشه:
- اللهم طولك يا روح مُش هتدخلي لي سيادتك.
/ وعشان الاهتمام مبيطلبش انا طلبته عادي.
- مُش هدخل غير لما تأنجش ايدي.
= تأنجش اي يا اختي.
- تأنجشني يوه مُش عارفه بس زي المخطوبين.
ضحك بيأس وضرب كف علي كف:
= طب يالا يا اختي عيوني ليكي.
ابتسمت بنصر وكأني فزت بميداليه:
- مسيطره همشيك مسطره.
ضربني علي دماغي:
= هخليكي انا مسطره الوقتي.
بصتله بغيظ:
- عشان يعني انتَ اطول مني حبتين هتفرد طولك عليا..
= ايوه ويالا قدامي.
- هما مُش هيوزعوا جاتوه بقي؟
= انا عارف انك طفسه وجايه عشان الجاتوه.
- ايش تقصد بكلامك ده.
= ابدا ولا حاجه.
- شكلهم حلو اوي.
بصلي بابتسامه:
- عقبالك.
اتنهدت بابتسامه حزينه وخرجت بره القاعه اتنهدت بعمق وكأن نفسي كان مكتوم.
= انتِ كويسه.
هزيت راسي بالنفي وانا بعيط.
اتكلم بخضه:
- مالك يا خديجه..انتِ تعبانه؟
اتكلمت بعياط وانا بضربه في صد.ره:
= انتَ مبتحبنيش لي يا ادهم.. لي بعدت عني.
- مين قال ان مبحبكيش يا خديجه.
اتكلمت بقهر:
= اسلوبك معايا بقي بارد وبتتهرب مني ومبتتكلمش معايا فاكر يا ادهم لما كنا صغيرين مكنتش كده..انتَ مكنتش بتإذيني كده يا ادهم مكنتش بتسيبني لنفسي ولدماغي.
- ولو قولتلك ان انا بحبك؟!
بصتله بصدمه وكمل كلامه:
- بس مُش هينفع نكون لبعض يا خديجه انتِ
عندك22سنه وانا عندي32..انتِ قدامك العمر طويل
خدي حد من سنك..انا هكبر في السن وانتِ لسه
صغيره هظلمك..وبعدين انتِ طفوليه اوي وانا
مُش هقدر افهمك وافهم دماغك انا مش مناسب ليكي.
كلامه كأنه ر.شق خن.جر في رقبتي اتكلمت بتلعثم:
- بس انا يا ادهم بحبك من واحنا عيال بحبك يا اخي انتَ مبتفهمش وبعدين انتَ طلع عقلك صغير كده يا ادهم السن مجرد رقم انتَ فاهم وبعدين انتَ طول عمرك فاهمني متحاولش تبعدني عنك يا ادهم .
بصلي بيأس:
= خديجه انا مُش عاوز اظلمك معايا.
لف وكان هيمشي جريت حضنته وانا بعيط:
- انا عاوزاك تظلمني انا محبتش ولا هحب غيرك يا ادهم.
لف وبادلني الحضن بحزن ومسح دموعي بحنيه:
= متعيطيش طيب دموعك غاليه عندي.
اتكلمت بشهقه:
- انا مُش عاوزه اجرب الفراق تاني كفايه مره ارجوك..ارجوك مضيعش الباقي من عمرنا خلينا نعيشه صح.
اتنهد بابتسامه وهو بيحضني وبيلف بيا:
= نطلع علي المأذون.
ضحكت بخجل:
- نتصل بخالتي نفرحها اول ونفرح العيله الكريمه.
بعد مرور فتره زمنيه:
- ادهومي.
= عيونه.
- عملت الشاي؟!
حضني من ضهري:
= تؤ.
- ابعد يا ادهم الكيكه هتتحرق.
قرب مني واتكلم بخبث:
= ما تتحر.ق اضيع البو.سه يعني.
- فين ادهم المحترم بتاع زمان.
= عاوزه الحقيقه.
- حقيقه؟! حقيقه اي؟!
= مكنش محترم اوي يعني كان من تحت لتحت.
شهقت بابتسامه:
- يا قليل الادب وانا اقول لامك يا خالتو ربتيه
لي اتارينا كنا واخدين فيك مقلب جامد.
غمزلي بخبث:
= مُش كل الا تشوفوه قدامكم حقيقه.
بصتله بخجل:
- طلعت مكار كبير.
= طب ما تجيبي بو.سه بقي.
ابتسمت بخجل:
- ادهم ابعد بقي بطل رخامه.
= مُش هبعد ده انا ما صدقت جمعنا بيت واحد.
- كُنت هضيعني من ايدك بسبب غباءك.
باس ايدي واتكلم بحنيه:
= كُنت هبقي خسرت كتير اوي..بس مُكنتش هتجوز ولا هحب غيرك صدقيني ده القلب محبش الا مره وربعتي جواه.
ابتسمت بخجل وصرخت بتلقائيه:
= في اي اي الا حصل.
بصتله بضيق:
- نسيت الكيكه كانت هتتحرق بسببك يا استاذ.
ضحك وخدني في حضنه:
= فداكي الف كيكه.
- طب اعمل الشاي يالا عقبال ما اجهز الكيكه وقعدتنا !!
= الله الله علي الريحه والله انك عملتي مجهود وانجاز.
/انك تلاقي شريك حياتك بيشجعك علي اتفه حاجه وبالنسباله دي مُش حاجه تافهه اعرف انك اختارت صح
وانا فعلا اختارت صح ، ادهم دايما بيحسسني ان فزت
في بطوله بس الحقيقه اني فزت بيه هو.
- حلوه الكيكه يا ادهومي.
= تسلم الايد الا عملتها مفيش اطعم من كده..
بس معجبتنيش اوي.
- لي مُش حلوه؟
= بصراحه ملقتش اطعم واحلي من الكيكه بتاعتي انتِ طبعا.
ابتسمت بخجل وانا بحضنه:
- انتَ حبيبي.
= طب اي؟
- اي؟
= مُش هتجيبي بو.سه.
- انتَ مبتبطلش الله احترم نفسك ارجع محترم.
= للاسف انا بعشق قله الادب من زمان وكان نفسي اخرجها.
هزيت دماغي بيأس:
- الاجواء حلوه اوي وانتَ جنبي.
= دنيتي حلوه بوجودك لو مكنتيش انتِ موجوده
كانت حياتي هتفضل فاضيه.
- يالا قومي البسي.
= علي فين الوقت متأخر.
ابتسم وهو بيبوس دماغي:
- هو ده الوقت الصح محدش بقي يقولنا لا وممنوع
مراتي بقي ونخرج براحتنا.
ابتسمت بحب:
= ثواني وهكون جاهزه.
شبكت ايدي في ايده ونزلنا:
- احلي شاورما لاحلي ديجا.
= الله وعصير لا لا كده كتير.. انا هاخد علي الدلع ده.
- انتِ بتسمي ده دلع ده حاجه بسيطه!!
اتكلمت بحب وانا بمسك ايده:
= الحاجه البسيطه دي بالنسبالي احسن من حاجه كبيره كفايه انك بتعملي كل ده بحب وكفايه انك افتكرتني.
- بحبك يا قطقوطه.
= اكتر يا ادهومي..الله بتمطر!!
- تسمحيلي برقصه تحت المطر!؟
/ وفي الخلفيه اشتغلت اغنيه لام كلثوم...الليل وسماه ونجومه وقمره..قمره وسهره وانتَ وانا يا حبيبي انا يا
حياتي انا كُلنا كُلنا في الحب سوا والهوا والهوا اه منه الهوا /
- اتنين حمص سخن انما اي.
ابتسمت بحب:
= ياريت العمر يقف عند اللحظه الا انا جمبك فيها يا ادهم.
رايكم يا حلوين♥".
#بقلمي_ايمان_يونس
#حواديت_ادهم_وخديجه
