رواية ليلة النعمانى الفصل الخامس عشر15بقلم ميفو سلطان

وكان هو مشتعلا بما فيه الكفايه من عفويتها وحماسها وسعادتها في تجمع عشيقين الروايه.. .. قال لها ايه ايه حركات ايه ...

ارتبكت ووضعت يدها علي فمها وقالت لا انا عايزه انام ومش قادره تصبح علي خير...

نده فؤاد مره اخري... ليله..

فقالت له اممممم..

ليهتف.. انت مش تعبانه من الكنبه ماتيجي يا بنتي السرير كبير والله هنام مؤدب..

قالتله نام يا فؤاد ماتعصبنيش...

ليهتف طب اخر حاجه هو الواد لما غتت عالبت مازهقتش..

فاندفعت قائله زهقت ايه يا عم البنات بتحب الراجل اللي يغتت عليهم دول مابيصدقو يلاقو واحد حبيب يلزق كده اصلك مش عارف كتر الزن بيجيب اسمع مني ..

صمت فؤاد ثم قرر ان يسمع منها فعلا و قال لها طب شكرا... نظرت اليه باستغراب.. علي ايه انا ماحكيتش القصه كلها..

قال لها.. بكره تعرفي تصبحي علي خير يا قلبي اللي تاعبني وتنهد وهو يتوعد لها ان يريها من العشق الوان فهيا بطيبتها وضحت له ما يبدو ما في قلبها دون ان تحس..ميفوميفو. نام فؤاد متمنيا مافي قلبه داعيا الله ان ترق له وتسامحه فهو اصبح لا يحتمل... فقربها منه يشعله ويشعل فؤاده وهيا لا تحس بشئ.( قلنا بومه بس يلا معلش 😅😅) .. ميفو ميفو

استيقظ صباحا وذهب الي العمل لانه لم يذهب لفتره ولبس في هدوء حتي لا يزعجها وقبلها ونزل الي عمله.. كانت قد اصبحت الحاديه عشر حتي وجدت اولادها يتنططون حوليها.. قومي يا ماما عشان نفطر وننزل نلعب عالبسين..

قامت واخذت شاور ولبست فستانا جميلا يبرز ملامحها الجميله الفاتنه وذهبت اليهم كانو يفطرون ويتضاحكون وكانت الست حميده تعد لهم اصنافا طيبه وقد اصبحت مقربه من ليله وطلبت ليله منها ان تناديها بابنتي وليس بالهانم.. كانو يفطرون في المطبخ وسط مداعبه حميده وعم محمد ثم اخذتهم امنيه ليلعبو في الخارج.. بعد فتره ذهبت اليهم ليله لتستمتع بالجو الجميل

واذا بعم محمد ياتي مهرولا ويخبرها ان هناك سيده دخلت الي الفيلا وتنتظرها (ان ان ااااااان) قامت ليله لتصعق وتندهش اكيد عرفتو مين اللي جه كبس كده من غير لا استئذان هيكون مين الا الحربايه.. قامت وتصنعت التعب الحمدالله عالسلامه يا حبيبتي وتصنعت البكاء قلبي كان بيتقطع علي فؤاد( بيتقطع اوي عارفين😏😏😏😏😏) ولما عرفت منهم لله اللي كانو السبب كانت ليله صامته..

فقالت لها اهلا يا عمتي اتفضلي..

جلست فيروز والعيال فين ليكون جميله فيها حاجه (ان؛ شاءالله انت يا بعيده جايه تقر عالبت)

هتفت ليله لا كويسه الحمد لله بيلعبو بره عالبسين...

فردت فيروز اه طبعا ماهو العز حلو والا ايه يا مرات ابني..

قالت ليله بجديه العز لما يكون بحب واحترام هوا اللي حلو يا عمتي..

لوت فيروز فمها وقالت اه طبعا طبعا.. طب انا عملت مفجأه لفؤاد وهقوم اريح شويه لحد الغدا دا بعد اذنك طبعا وهمشي بالليل قلت اقضي الوقت مع ولاد ابني..

قالت لها لا طبعا تنوري يا عمتي وهنا نادت ليله لحميده وطلبت منها ان تصطحبها لحجره الضيوف..

دخلت فيروز ورمت شنطتها وصرخت مقعدها فين يابن النعماني الجربوعه دي تقعد في مكان يشرح كده واتجهت للنافذه تنظر للاولاد بحقد يا رب تغرقو.. انا هتصرف ازاي ماينفعش اوقع بينهم بس ينفع اسهوك واعيش معاهم وساعتها انغص عليهم عيشتهم.. كانت غارت اه يا ناري (الوليه هتولع وربنا) انا هعاملها قدامه حلو وبيني وبينها هطلع روحها وروح العيلين.. ايوه كده لحد ماشوف هخلص منهم ازاي.ميفوميفو.

خرجت ليله متضايقه ولكنها لم تعلم ماذا تفعل ومر بعض الوقت ففيروز لم تنزل لانها لاتطيق القعده مع ليله حتي حلت الخامسه وجاء فؤاد وقبل اولاده ونظر الي ليله وجمالها واتجه اليها وقبلها.. ايه الجمال ده ارتبكت فقال انا واقع جوع.. امرت ليله حميده ان تحضر الطعام واخبرت فؤاد ان عمته فوق فانبسطت اساريره( زي اساريرنا كده ماهي مبسوطه وكل اسرور واسرور اد كدهون 😏😏😏😏😏😏) وصعد اليها ليحضرها لتبدا مرحله التمثيل والسهتنه وتصنعت التعب في النزول وعندما جلست علي الطعام ظلت تهزر مع فؤاد والعيال ولكن مراد لم يستجيب لها فكانت ثقيله علي قلبه لم يرتاح لها فنظراتها خبيثه اما فؤاد كان سعيد.. انهو الطعام وظلت فوزيه تخرج بعض الادويه وتاخذها وكان فؤاد مهتم بها وايضا لم ينس ان يداعب اولاده او زوجته ولكن ليله لا تتحدث ومجبره علي الجلوس فهي ست كبيره ومريضه مر الوقت وامرت ليله امنيه ان تاخذ العيال للنوم وهنا استاذنت ليله لتصعد..

فنظرت فيروز لفؤاد بغضب انا همشي يبني بلا قله قيمه يلا ابعت معايا حد يلقحني في بيتي..

تنهد فؤاد ليه بس يا عمتي ماكنا حلوين ماحدش جرح مشاعرك ولا قالك حاجه وانا يا ستي بنفسي اللي هوصلك..

احست بالحسره وظلت تهري.. توصلني داحتي ماعزمش عليا اقعد. يا قهرك يا فيروز يايامك السوده بكره العقربه تاخدك مني وتنساني.. تصنعت التعب وسندت عليه واوصلها حتي بيتها وقبلها واصرت ان يبقي بعض الوقت ورضخ لها.. ثم استاذن منها ورحل وهيا الحسره تنهش قلبها. ميفوميفو.

كانت ليله غاضبه من تلك المرأه فهي تعلم انها لا تحبها ولكن لا تعلم لماذا ولكنها تخجل ان تقول لفؤاد اي شئ فهي لم تصرح بحاجه ودخلت واخذت شاور لعلها ترتاح وطلبت مشروبا باردا لعلها تهدا وهنا دخل فؤاد متعبا منهكا فنظرت اليه فرق قلبها له كانت تحس انه ليس بيده شئ فلم تتكلم بشأن عمته ولكنه اقترب منها ومسك يدها وقبلها وقال.. شكرا يا ليله انت بنت اصول ومتربيه وتركها ودخل ليغير ملابسه وياخذ حمامه وخرج ليجدها تقف في التراث ومعها مشروبها فابتسم وهو يري جمالها وهيا تقف.. شعرها يتطاير مع نسمه هواء لطيفه وهيا سرحانه في ملكوت اخر. جمالا منحوتا فينوس متربع علي عرش قلبه..

دخل بهدوء ليقف جنبها وظل صامتا ارتبكت هيا لوجوده فقال لها بالله عليكي ماتدخلي خليكي معايا شويه انهارده يوم صعب..

استدارت هيا ونظرت اليه ثم جلست علي الاريكه فاقترب منها وجلس بجوارها وقال انا عارف انك اضايقتي بس اعمل ايه ماقدرش اقلها حاجه هيا اه ساعات بتقول كلام بايخ بس طيبه...( امممم انت هتقلنا ماكلنا عارفين يا عاطف😁😁 .) ...تالم وبان عليه الالم وقال انهارده ماكنتش والله اعرف انها جايه و.كان سيبرر وعلي وجهه الاحراج خوفا علي مشاعرها..

هنا وضعت يدها علي شفتيه وقالت انا مش زعلانه انت ما ينفعش تتقسم بينا اهو يوم وهيعدي.

تجمد وانصعق من فعلتها حتي كاد قلبه ان يخرج من مكانه علي عفويتها وقلبها الذهبي.. مسك يدها وقبلها وقال انت كل ما الايام بيعدي بعرف اد ايه انك كنز لا استحقه كان يقبل يديها ثم وضعها علي قلبه وقال نفسي تحسي بده ماعدش مستحمل بعدك عنه.والله اتربيت لا اتربيت ايه دانا استويت وتحت امرك من ايدك دي لايدك دي ارضي عني الله لا يسيئك بقه يا شيخه دانا غلبان غلب السنين .

ارتبكت وسحبت يديها وقامت مسرعه بس طبعا لازم تحدفلها دبشتين وتخرجنا بره المود هيبقي هيا والعقربه عليه.. بقلك ايه يا فؤاد مش معني اني بتعامل معاك كويس يبقي تتمادي فيها انت فاهم انت ابو اولادي وبس فاهم..(يا بت علينا برضه 😂 😂 😂)

ابتسم وظل يقترب منها. وهيا تتراجع حتي خبطت في الحائط ووضع يديه الاثنين حول راسها يحاوط جسمها مقتربا منها وهيا مشتعله عالاخر قائلا بالذمه انت مصدقه نفسك...

قطبت جبينها وزقته واستدارت وهيا تبرطم.. لا انت كده عقلك خف فيه وعد يا استاذ فاهم ورزعت الباب وهي تسمع ضحكته تصدح في المكان واتجهت للاريكه وهيا تشتعل وجسمها يرتعش مما فعله ونامت عالاريكه ونام هو عالسرير وظل كل منهم يفكر في الاخر كان هوا نائما مبتسما يشعر بالرضا لانه احس انها قريبا ستسامحه وستصبح له قريبا جدا فهي اعطته مفتاح الوصول غتت اكتر توصل اسرع.. اما هيا فكانت حالمه في حال غير الحال كانت تتلمس يديها التي قبلها وتبتسم من الحين والاخر وكانت حائره فعقلها ينهرها ايه نخيتي ضحك عليكي بكلمتين اما قلبها فكان مع فؤاد قلبا وقالبا يحثها ان تسامحه ولا تعذب نفسهاو تعذبه فكان له عذره من تلك التمثيليه الحقيره وظل قلبها وعقلها يتصارعان حتي نامت من التعب.ميفوميفو.. استيقظت لم تجد فؤاد فهو ذهب للعمل ونزلت لاولادها لتقضي الوقت معهم وهنا جائها تليفون من الست فيروز ماهو مش هنخلص.. ازيك يا مرات ابني كويسين معلش امبارح مشيت عشان تعبت بكره ابقي اجي واقعد براحتي عشان اشبع من الولاد احفادي..

ردت ليله اه طبعا يا عمتي وظلت الحربايه تتكلم وتثرثر وليله ترد باختصار ثم قفلت الخط.. وقفلت اليوم من اوله..

جاء مراد ايه يا ماما الست اللي اسمها فيروز دي زعلتك لما تيجي هشتمها...

لتهتف.. عيب يا مراد حد يشتم الكبير وكمان عمه بابا..

قال دي ست عنيها شكل عنين سكار عارفاه بتاع ليون كينج.. عينها شريره اوي وبتبص لينا وحش وجميله هبله ومش حاسه بحاجه( طالعه لامها يا حبيبي معلش) ..

ردت عليه وقالت عيب يا مراد مالكش دعوه بيها..

اقترب منها ومسكها من يدها وقربها وقال فكره االي كان بيزعلك زمان كنت بعمل فيه ايه..

ضحكت قالت له اياك بقولك اهوه هتغرقها ميه هزعل منك.. يلا روح العب..

اتصلت بالست فوزيه وتكلمت معها وحكت لها فقالت لها حرصي من الوليه دي دي ست شر دي مريضه يا ليله وممكن تكون خطيره خلي بالك تعلقها بفؤاد مش طبيعي ومش بعيد تكون سبب في اللي حصلكو احست ليله بالذعر ولكنها اكملت المكالمه واذا بفوزيه تكمل بعفويه وانت يا بت اتلحلحي كده وماتقرفيش الراجل اهو ندم ورجع علي بوزه متقرفهوش يا ليله الا يزهق والنسوان تخطفه منك حرصي انت طيبه وتمنت لها الخير...

لتسرح... وظلت تفكر هو ممكن...يزهق وعنيه تزوغ لا لا لا فؤاد مش هيعمل كده.. وهنا تذكرت كلام فوزيه عن عمته وقالت ايه ده لا لا لا كده ان بعض الظن اثم.. حرام ماعيش دليل كده اثم عليا (الا وانت صادقه دا هيا الاثم كله وطالع لها راس😬😬) ظل يتردد في عقلها كلام فوزيه فشعرت بالخوف منها وعلي اولادها وعلي فؤاد َيمكن تعمل فيه حاجه لو بعد عنها.. بس يا ليله اعقلي اعوذبالله من الشيطان الرجيم. ميفوميفو

كان فؤاد يجلس في مكتبه حتي اتي تليفون من خادمه عمته وقالت الحقنا يافؤاد بيه الست فيروز قاطعه النفس.. قام فؤاد مزعورا وما ان وصل حتي وجد طبيبا عند عمته وقال له اهلا فؤاد بيه الست بس ضغطها عالي ويا ريت تعمل تحاليل دي وماتتسابش لوحدها..... (ان ان اااااااان) مع موسيقي رعب في الخلفيه...... وانصرف الطبيب واضطر فؤاد ان يبيت مع عمته لانها متعبه وخرج ليكلم ليله ويخبرها عما حدث كان صوته متعبا...

فاحست بوجع قلبها عليه فقالت له طب انت كويس حاساك تعبان..

قال لها طالما انت بخير انا هبقي كويس بس هتوحشيني من هنا لبكره

قالت له بهمس وصوتها يرتعش وبعدين معاك كلامك ده مايصحش...

فرد عليها والله اللي مايصحش هتشوفيه لو مابطلتيش صوتك الناعم ده.. قلبي يا ليله ارحميه بقه والنبي انا خلاص هبقي حسحس وهمشي في الشارع واقول ليله ليله..

انفحرت ضاحكه من قلبها فابتسم سعيدا ورد قائلا صلاه النبي احسن احلي ضحكه سمعتها في حياتي...

غيرت الحديث بسرعه... بت فصيله... وتسالت عمتك عامله ايه..

تنهد وقال هيا بس محتاجه شويه رعايه..

فقالت له لو عايز تجبها لحد ماترتاح هاتها يا فؤاد انت تعبان وقلبك عليها هاتها وانا مش هزعل..

قال لها تسلميلي يا حته من قلبي.. لا حته ايه يا قلبي كله بس يا خساره مش معايا خالص روحي كده عند المرايا فنظرت ليله للمراءه باستغراب (عشان هيا الحمد لله غبيه يبقي واحده غبيه والتانيه حربوئه) شايفه ايه

قالت له.. انا والقوضه طب بصي لنفسك كده اهوه ده قلبي اللي انا عايزه وهموت عليه هموت وربنا عليه

وهنا قفلت السكه في وشه وقلبها سيخرج من مكانه وقالت يا نهار اسود دا قليل الادب كده ليه.. قلبي هيقف..وصمتت بعض الوقت ثم ابتسمت حالمه (ماهو الستات كده عيني فيه واقول اخيه)

عندما قفلت الخط ظل فؤاد يضحك ويقول هانت يا قلبي الا انا اغتت واحد في الكون.يا ولاد بحب مزه اه ياني علي المرار اللي مشربهولي بس تعمل مابدالها اقطم يا فؤاد واصبر . يا رب حنن قلبها كمان وكمان ..

اتجه الي عمته ليجدها نائمه وذهب هو ايضا للنوم وظل يفكر في معشوقته المجنونه ليلته الجميله ليلة النعماني.. حتي نام وغط في نوم عميق

في الصباح استعد هو وعمته للرجوع للفيلا واخذت معها حيزبونه زيها بالضبط بس صغيره مشروع حربوءه اسمها ورده خادمتها. ميفوميفو. واتجهو الي الفيلا وقابلتهم ليلي( الموكوسه) ببشاشه وادخلتها الي المنزل وكانت اولي مراحل الهم في البيت فالبيت به شياطين نستعيذ منها ونقدر ان نصرفها اما شياطين الانس فماذا نفعل. لا شئ فقط ننتظر عدل ربك في الارض..وندعو الله ان لا نراهم في حياتنا

..قلم ميفو السلطان

#ليلة_النعماني

#حكايات_mevo

قلم ميفو السلطان

البارت الخامس عشر

دخلت فيروز بقدمها البيت اخيرا وانتفخ صدرها اخيرا حطت قدمها وبدات تقلل من مشاحناتها مع ليله لتطمئن لها وسرحت الحربايه الصغيره ورده تجبلها الاخبار... بت يا ورده عينك تفتحيها دبه النمله اعرفها وخلي بالك من الوليه اللي اسمها حميده وليه ممحونه كده وعقربه (وهنا ضحك المشاهدون جميعا😀😀😀)

كان فؤاد سعيدا ولكنه حذر من زعل ليله ونوبات الغضب التي تاتي اليها حين تفتعل عمته اي حوار فتقدم بهدوء من عمته وقال عمتي عايزك تعمليلي خاطر عشان خاطري ولو زعلتي من حاجه تقليلي مالكيش دعوه بليله..

مصمصت عمته وقالت هيا السنيوره لحقت تشتكيلك مني هو انا لحقت اقعد داهما يومين يا عيني عليكي يا فيروز اهئ اهئ ( انا علي اخر القصه هنجلط😠)

قبل يدها وقال لها لا والله مابتفتح بقها بس عشان خاطري..

قالت له.. طيب يا نن عين عمتك انا ليا الا رحتك (حقه هيا ليها الا رحتك 😏😏😏😏😏وليه سو )

المهم ذهب فؤاد للعمل وترك المسكينه مع العقربه تستفرد بيها( ودا عيب الرجال مابيعرفوش في محن الستات وخدااعهم خلقتهم كده لازم تجيبهاله دوغري تخبطيه في وشه عشان يفهم نبتدي من الاول زرع.. هيفهم علي طول انما لف وسهتنه لا.😏😏😏) . وصل الي شركته ولاحظ الموظفين تغيره وابتسامته التي لم يروها (ماكنوش بيعرفو سنانه شكلها ايه الغلبان😀😀) ودخل عليه كريم وقال له ايه يا عم النور ده وشك منور..

قال له.. ايه يا فقر هتقر عليا دانا مدعوك لا وعمتي ماسبتنيش في حالي مش عارف استفرد بالبت هموت حاسس اني هنجلط.....

ايشاكسه كريم.. وانت عايز تستفرد بالبت ليه يا قلب كريم..

فحدجه فؤاد بنظره مميته هقوم اشقك يا كريم.الا انا عاي اخري .

رد كريم.. مسرعا خلاص خلاص بنهزر يا رمضان دانت واقع.. عشنا وشفنا فؤاد النعماني بجلاله قدره واقع لشوشته...

مسك فؤاد الوراقه وقال . انا عارف انك مش هتقطم...

فقفز كريم طب يا وحش اهدي...... . طب وعمتك اول ماتخف رجعها البيت عمتك مش سهله يا فؤاد وانت مسلم ليها اوي وغلبت اقلك وانت ولا هنا (شفت اهو الواد اشتكي والناس والمجره والمجرات المجاوره الا انت يا عاطف😏)

قال له.. اعمل ايه اخرتها ارميها يعني دي هيا اللي ربتني..

ليهتف كريم.. ايوه ربتك عملت ايه يعني عيل دخل مدرسته وبفلوسه وعايشه في عزك وعز ابوك انت اهبل يا فؤاد محسسني انها كانت بتسرح عليك في الشوارع امال ليله يتقال عليها ايه..

ركن فؤاد راسه مبتسما.. ليله يتقال عليها الحلو اللي في الدنيا ليله دي الدنيا اللي مش عارف اعيشها نفسي اعيشها ياكريم...

ابتسم كريم وقال.. وايه كمان يا قيس افندي

كشر فؤاد ورد عليه.. تصدق انك عيل فصيل.. نعم عايز ايه انجز وقوم غور .ميفونيفو.. مفيش الشركه السويديه هنمضي معاها العقود بكره والاجتماع الساعه اربعه ماتنساش.. هز راسه.وخرج كريم ثم تذكر المحقق واتصل به ليعرف اخر الاخبار وهنا كانت مفاجأه اذ قال له ان هناك من دفع للطبيب لكي يفعل ذلك وان هناك شخص وراء المكيده وقريبا سيعثر علي الطبيب اذ انه اختفي ولم يترك وراءه اثر ولكن المحقق يتتبعه وقريبا سيكون عند فؤاد... انهي فؤاد المكالمه عاقدا جبينه والله لو فين هجيبك واقتلك بايدي مش هيشفي غليلي الا كده ويا تري مين اللي دفعلك دا بقه اللي هيتمني الموت ولا يطولوش (امين ياخويا نشوفها متفرتكه عالاسفلت😔😔)..ميفو ميفو

اما في الفيلا فكانت ليله تتجنب فيروز وتشغل وقتها بالاولاد وكان هناك شخص واحد واقف لفيروز وهو مراد كان يكرهها بشده ويراقبها رغم صغر سنه كان يعشق امه ويتضايق عندما تفعل اي شئ لوالدته..

جلست فيروز وقالت ليله وايه رايك بقه مش عيشه العز احسن من حته القوضه اللي كنتي فيها يا حبيبتي

همت ليله ان ترد ولكن مراد قاطعها وضحك عيشه حلوه اوي.. ماهي فلوسنا يا حاجه (نظرت فيروز وبرقت حاجه😳😳)واكمل عارفه يا حاجه بابا بيقلي لما اكبر هيقعد ويسيبني اقعد علي كل حاجه ماهو انا ابنه وحضرتك لو فضلتي عايشه هبقي اسيبك برضه في حتتك كل واحد في حتته ماحنا عندنا حتت كتير وبابا قعد يعدلي ...

هنا تجمدت فيروز وليله من كلماته وقامت ورده وقالت له ماتلم لسانك يا واد انت..

هنا ليله تدخلت وقالت بحده ورده مالك فيه ايه دا عيل...

هنا مراد قام غاضبا واتجه الي ورده واشار باصبعه انا مش واد انا مراد بيه قولي ورايا مش انت بتاخدي فلوس من بابا مش كده... اسمي ايه بقه انت كده مش عارفه اسمي وقطب جبينه وقال وانا هقول لبابا انك بتقولي عليا واد وعايز لساني يتلم...

ذعرت ورده وقالت والله ماقصد..

قال لها طب اسمي ايييه..

قالت له مراد بيه... ايه ماسمعتش علي صوتك.. قالت مراد بييييه..

قالها شطره يا ورده... وحضرتك يا حاجه لازم تاخدي بالك من الخدامين عشان ماينفعش يطولو لسانهم. تقوم مطوله لسانها عليكي ونزعل عليكي..

كانت ليله مصعوقه من ابنها احست انه رجل. ليس طفل فقالت مراد روح شوف اختك..

قال اختي الهبله بتلعب بالعرايس مابتعملش حاجه تانيه في حياتها

فنظرت اليه فيروز بغل قالتله متروح تلعب بالعرايس انت كمان والا انت مش زي العيال..

فاقترب منها وصعد علي.رجلها وقال لها...تاني... لا يا حاجه اصل انت مش عارفه ماما بتقلي انت مش عيل ولساني متبري مني وبتحاول تسكتني بس انا بيني وبينك مابعرفش وكان اللي يقرب من ماما كنت ببهدله... عينيكي حلوه اوي يا حاجه..

نظرت اليه فيروز باستغراب قالتله تسلم يابن ابني..

قالها لا انا مراد بس..

فقالت له ماشي شكرا...

فهتف بمكر.. عارفه يا حاجه (اديلها يا واد حاجات خليها تنجلط😀😀) عنيكي شكل سكار بالضبط مسحوبه كده ومرسومه..

لوت فمها وقالت اسكار مين دا راخر

هنا تدخلت ليله بتوتر مراد اطلع شوف اختك بطل رغي... معلش يا طنط هو كده عيل غريب راجل صغير سبحان الله..

لتهتف فيررز بسخريه.. اه يا حبيبتي واضح بت يا ورده طلعيني اوضتي... وصعدت والنار في بطنها من الواد اللي حرق دمها (يعيش ويحرق مراد بيه.. بيه ايه باشا )ميفوميفو. صعدت حجرتها تاكل في نفسها انا حاجه علي اخر الزمن ويقلي هقعدك في حتتك هيصرف عليا ابن فؤاد وبيبشر عليا.. انا جايه اعمل ايه هنا بالضبط. يا حسرتي ياني الواد عقربه صغيره وبلسانين دا ملبوس دانا باخاف منه دا مابيسبنيش اقول كلمتين مربيني بقيت اخاف اكلم.. لا وعينه جامده منك لله يا ليله مخلفالانا شيطان.. طيب اصبرو عليا اه يا ناااري. ميفوميفو...

دخلت ليله المطبخ فاقتربت منها حميده وقالت انت يا ست ليله طيبه والحاجه معلش صعبه بس خلي بالك من البت ورده بشفها واقفه بتتصنت وبزعقلها..

تفاجأت ليله ثم اكملت حميده حرسي يا بنتي انت طيبه وقلبك ابيض لازم تاخدي بالك وخدي بالك من جوزك ماتبقيش ناشفه معاه الا واحده تلهفه اساليني فيه ستات حاطه ابيض واحمر ويتسهوكو لحد ماياخدو الراجل وانت طيبه مالكيش في السهوكه وفؤاد بيه الله اكبر عيني عليه بارده حاجه تشرح القلب دا لو جوز بنتي كنت خليتها تبقي قتب ليه تركب علي ضهرو..

كانت ليله مسهمه هو ممكن فؤاد يحب حد تاني.. اه ليه لا مش راجل وعايز ست و انت بومه بتعضي فيه.. ثم قطبت وقالت لنفسها انت اتجننتي بتفكري في ايه مايتخطف والا يتنيل انا مالي (يا بت علينا برضه 😂😂) نظرت لحميده وقالت طب يا خالتي خلي بالك منها والنبي واي حاجه بلغيني.. قالتلها عيوني.ميفوميفو.

صعدت ليله حجرتها ولبست فستانا رائعا ذو حمالات عريضه وتركت شعرها منسدلا ووضعت بجانب شعرها فراشه الماظ ترفع شعرها قليلا من الجنب ووضعت ملمع وردي لشفتها كانت ساحره.. ونزلت وهيا في طريقها لحجره الليفنج اتي مراد ونظر لها.. ايه يا ماما انت حلوه ليه كده..

قطبت جبينها وقالت هو انا كنت وحشه..

رد عليها ابدا بس بتلمعي كده بتنوري يا ماما

قالتله بطل غلبه اختك فين...

ليتزمر.. يادي اختي قلتلك اختي دي في دنيا لوحدها كيوت اوي ماعرفش جايه كده ازاي دانا بخاف عليها لما اكلمها..

قالت له عشان كده عايزاك طول عمرك تحطها في عنيك واللي يقربلها تاكله.. جميله برنسيسه كده بسكوتايه وانت سندها في الدنيا..

انتفخ صدره وقال ماتقلقيش دانا هعجبك اوي لما اكبر..

قالتله دانتي عجبني اوي دلوقتي امال لما تكبر هيبقي شكلك ايه ربنا يحميك يابني.

وهنا جائت فيروز ونظرت ليليه من فوق وتحت وضحكت ايه اللي حطاه في وشك ده يا مرات ابني.. احمرت ليله من الغضب

وهنا اقترب مراد من امه وقال.. ايه يا حاجه الحاجات دي بيحطوها البنات عشان الولاد يحبوهم انت كبرتي وعجزتي واكيد ماتعرفيش ماما اصلا بتلمع كده لوحدها وبسمع بابا بيقلها كلام حلو اوي مش كده يا ماما سمعته كذا مره بيقلك يا قمر..

احمرت ليله خجل واحمرت العقربه غضبا وكتمت نفسها

وقالت انا همشي عشان هنجلط وتركتهم ثم ذهب مراد .. تركته وخرجت الحديقه في جزء خاص لهم لتريح اعصابها لتقرا فهي شغوفه بالروايات الرومانسيه واندمجت ولم تحس بذلك الذي اتي من خلفها متسحبا ليضع وجهه عند شعرها وجزء من عنقها ويغمض عينيه ويشتم رائحه عبيرها الساحر.. فجأه احست باطرافها تتجمد اذ احست بانفاس علي عنقها فاستدارت وصرخت فغمض عينيه واستغفر ربه فقطبت جبينها وقالت حد يخض حد كده..

رفع حاجبيه وقال انا برضه اللي صرخت في وشك صح

فقامت ووضعت يدها في وسطها وقالت لا انا الللي اتسحبت وخضيتك صح..

كان هو بقي في حته تاتيه وظلت عيناه تجول وجهها وجمالها وفستانها كانت في حته تاتيه جمال بيبرق فعلا تصنم امامها وهو سارح بها حاول ان يتحرك ولكنه مذهول دي ليله.. فاقترب منها وهيا مرتبكه وقال هو القمر بيطلع الصبح لا قمر ايه انت مين كان فيه واحده هنا بتزعق علي طول هو انا دخلت الجنه وحورتي جاتلي والا ايه ..

نظرت اليه مرتبكه وقالت فيه ايه مالي يعني والا ماشبهش الستات اللي بيجولك في الشغل وحاطين احمر واخضر هنا

ابتسم واتسعت ابتسامته فمعشوقته تغير عليه وقال ستات مين قصدك سيدات الاعمال. اسكتي يا ليله دا قارفني بيجو ولازقه وتقولش الواحده راحه تعمل موديل..

كانت كلماته تلهب فؤادها فنظرت غاضبه مشتعله وجهها احمر اه وانت مابتصدق تلزق في الموديلات ال ايه عمري ماكان ليا في الشمال وانت كلك شمال روح ارجع للموديلات بتوعك وخد ذنوب يا اخويا وتركته غاضبه

الا انه لم يتركها فاقترب منها واخذها في احضانه وهيا تقاومه.وهو يضحك ومش قادر يبطل ضحك طب والله قمر ولا فيه حد يملي عيني وقلبي غيرك انت يابيض انت... بس انت حلوه اوي انهارده ليه كده انت عايزه تموتيني بحسرتي عايزاني افرفر براحه علي قلبي الا ماعدش قادر كانت قد استكانت بين يديه متخدره من كلامه.واقترب بوجهه منها وهيا مسهمه ليهتف بحب.. حبيبي قمر انهارده وقلبي شايط.. ليلتي كان محتضنا اياها ويتلمسها بحنان وهيا سرحت في عينيه بحب وقلبها سيخرج من مكانه ليشدها اكثر ويبدا في ملامسه وجهها بشفتيه.. قلبي هيموت والله وينفلق تصين انت حلوه ليه كده.. ليله حبيبتي انت رحتي فين يا عمري.. اخدها واطلع بيها فوق دلوقتي لينحني ويتلمس شفاهها بهدوء.. الي ان سمع فجاه احدا من خلفه فتجمد وكز علي اسنانه... حمدالله عالسلامه يا قلب عمتك (عارفين عزرائيل اهو الوليه دي اخته قلبي وقف منك لله😠😠)

هنا استجمع نفسه وشد ليله اليه اكثر واستدار والغيظ ينهش قلبه اروح فين اطفش يا رب ارحمني.... الله يسلمك يا عمتي..

ردت عليه بخبث طب ماتخشو واقفين كده ليه يلا جعنا(انت مالك ماتروحي تطفحي انت مالك يا مرارنا الطافح)

هنا شد مراد ليله التي تلون وجهها بالاحمر وكانت مسيره فذهبوا جميعا للداخل وجلسو في الليفنج وفؤاد مكلبش في ليله في حضنه وعمته نازله مصمصه والغيظ هياكلها وليله في حته تانيه (لسه في الجونينه مارجعتش😂😂😂)

طلبت فيروز من ورده ان تخبر حميده وتنادي الاولاد وقامو جميعا واخذ مراد ليله من يدها واجلسها بجواره وقبلها من رقبتها وجلس.

جاء الاولاد مهللين وقبلهم جميعا كانت فيروز ستتجه الي راس المائده الاخري فاسرع مراد وجلس مغيظا اياها ونظر بكره اليها وخاطب ابيه سريعا بابا مش انا كبرت وبقيت راجل

قال له اه طبعا يا حبيبي

قاله خلاص انت هتبقي الكبير بتاع العيله وانا الكبير الصغير بتاع العيله مش كده

ضحك فؤاد وقال له والله يابني انت ابن ابوك تالت ومتلت وفي تلك اللحظه كتمت فيروز غيظها وجلست وسط المائده وجلست جميله كانت طفله حالمه جايه من كرتون ديزني ظلو يتسامرون وليله صامته والخجل ياكلها ولا تعرف كيف ستواجه فؤاد بعد ما حدث.ميفوميفو.ووبخت نفسها لازم تجمد هيا مالها بقت سهله كده..

انهو الطعام وقام الجميع لحجره الليفنج وبدا الاولاد يلعبون ويمرحون وفيروز عنيها باظه عليهم قاعده هتطير من النار اللي قايده فيها (صاروخ والع تحتها بخت يرشقها في السقف) وليله لا تجرؤ علي رفع عينيها لفؤاد و فتحو احد الافلام وظلو يشاهدون وبعد فتره قام الاولاد لكي ينامو وظلت فيروز وليله وفؤاد وهو واضعا يديه عليها وهيا بين احضانه مستكينه وظل يمسد كتفيها حتي تراخت و نامت بين يديه

وهنا اغتاظت فيروز (مابتعرفش تبطل حربئه ثانيه الا الحربوء هليف علي رقبتها يموتها) قالت فيروز بصوت عالي نسبيا ليله..

لم تسمعها ليله ولكن فؤاد اشار لعمته محذرا ان لا توفظها

فقامت فيروز لانها لم تعد تطيق القاعده (الغل والدود بيشتغلو عالفولت العالي مش قادره خلاص الست هرمونات الحربئه علت عليها) وقالت تصبح علي خير فهمس لها وانت من اهله وغادرت فيروز مقهوره الحمد لله وقلوبنا هترتاح شويه. ميفوميفو.

وهنا ضم فؤاد ليله اليه ووضع راسه علي راسهاوقال في سره الله يسامحك يا عمتي كنا ماشين كويس بره وكان فيه امل بس ازاي عيل فقر وخلاص هتصحي متحوله وترجع بعد مالانت بين ايديا.. قام بهدوء وحملها بين يديه ثم صعد بهدوء (بيتسحب يا قلب امه عشان البومه ماتصحاش😔😔) دخل حجرته واتجه الي السرير ووضعها بهدوء وظل ينظر لها فتره شعرها منسدل عالوساده وووجهها مرتاح ومرتخي في جمال براق.. ثم تنهد وغطاها وذهب لياخذ شاور عل الماء تزيل سخونه جسمه خرج ووجدها مازالت نائمه وجلس عالاريكه ينظر اليها.. ظل الحب ينهش في قلبه طب مش حرام انا هنام ازاي دلوقتي وهيا قمر كده قدامي.. ظل ينظر اليها وقلبه ياكله من فرط الانفعال ثم هب من مكانه انا هنام جنبها مش قادر خلاص بس هبقي مؤدب والله ثم اتجه بهدوء الي السرير ثم تسلل بجوارها واخذها في احضانه وشعرها يلتف علي وجهها كان كأن عقله سيذهب.ظل يتلمس شعرها ويقبل راسها.. طب ايه هنام ازاي كده قلبي هيقف.. كان يشدد عليها وظل ينظر اليها بحب.. دا ايه المرار اللي طافح عليا ده.. قلبي بين ايديا ومش قادر.. احس ان قلبه سينشق من فرط رغبته فيها لينزل بهدوء ليقبل جانب شفتيها بحب.. وابتعد وتنهد بعمق وظل ينظر اليها ولم يستطع ان يصمد لينزل علي شفتيها بهدوء ليظل فتره ليسمعها تتاأوه ليبتعد وقلبه سيخرج منه وظل يمس علي جسدها لتنام في هدوء ليهتف بخب.. خلاص انا كده جبت جاز وولعت ثم نهر نفسه احترم نفسك ونام الا هيا ممكن تقوم وتصحي متحوله وشقاك نصين بس انام ازاي وهيا جنبي يا رب انا عملت ايه في دنيتي عشان العذاب ده.وضع يده علي راسها وظل يتمتم بعض الادعيه ثم انهي اللهم ردها اليا ردا جميلا وقبل راسها.. يلا يا فؤاد اتنفس اه هيا في حضنك اشكر ربنا ونام اتخمد.. ظل قلبه وعقله يأكلانه وهو دافن وجهه في عنقها قائلا يا رب ايه الغلب ده ثم استغفر ربه ونام اخير الغلبان.... والله غلبان..ميفوميفو.

. استيقظت ليله من نومها وظلت تحاول التحرك واحست باحدا مكلبش فيها فقطبت جبينها وفتحت عينيها لتتسع عينيها وكان قلبها سينفجر من فرط الانفعال ثم.صرخت .....

قلم ميفو السلطان..